ҚЎЛЛАШ БЎЙИЧА ЙЎРИҚНОМА
ЛИНКАС
LINKUS
Препаратнинг савдо номи: Линкас
Дори шакли: сироп.
Таркиби:
Ҳар 10 мл сироп қуйидаги экстрактларни сақлайди:
фаол моддалар:
| Компонент | Миқдори |
Томирли адхатода | 600 мг |
Қизил аччиқ қалампир | 100 мг |
Кенг баргли кордия | 100 мг |
Доривор гулхайри | 100 мг |
Ҳақиқий чилонжийда | 100 мг |
Гулёнбаргли оносма | 100 мг |
Яланғоч Чучукмия | 75 мг |
Доривор Иссоп | 50 мг |
Катта Калган | 50 мг |
Ҳушбўй гунафша | 25 мг |
ёрдамчи моддалар:
| Компонент | Миқдори |
Пропиленгликол | 1252 мг |
Натрий сахарин | 15 мг |
70% ли Сорбит эритмаси | 4000 мг |
Глицерин | 1000 мг |
Лимон кислотаси | 20 мг |
Метилпарабен | 10,928 мг |
Пропилпарабен | 2,168 мг |
Қалампир ялпиз мойи | 0,00275 мл |
Қалампирмунчоқ мойи | 0,00125 мл |
Ионсизлантирилган сув етарли миқдорда | 10 мл |
Таърифи: ўзига хос ҳидли, жигарранг рангли сироп
Фармакотерапевтик гуруҳи: ЎРК симптомларини бартараф этиш учун қўлланадиган восита.
АТХ коди: R05CA10
Фармакологик хусусиятлари
Доривор ўтлардан олинган мажмуавий препарат бўлиб, йўтал ва шамоллашнинг турли белгиларини енгиллаштиришга ёрдам беради.
ЛИНКАС яллиғланган тўқималарнинг юзасида юпқа ҳимоя пардасини ҳосил қилади. Шундай қилиб, у қуруқ ва таъсирловчи йўталда юмшатувчи ва тинчлантирувчи таъсир кўрсатади ва йўталга қарши маҳаллий восита сифатида таъсир кўрсатади.
ЛИНКАС ёпишқоқ қуюқ балғамни суюлтиради ва нафас йўлларидан балғамни ажралиб чиқишига ёрдам беради ҳамда бактерияларни ўсиши учун муҳитни бартараф қилиб, балғам кўчирувчи таъсир кўрсатади.
ЛИНКАС бурун йўлларининг шиллиқ қавати шишини камайтиради ва бронхларнинг спазмини камайтиради.
Шундай қилиб нафасни енгиллаштиради ва бронхоспазмолитик таъсир кўрсатади.
Препарат таркибидаги компонентларнинг характерли хусусиятлари
| Томирли адхатода | Балғам кўчирувчи, бронхолитик, спазмолитик, муколитик, иситмани туширувчи |
| Яланғоч чучукмия | Балғам кўчирувчи, юмшатувчи, спазмолитик, яллиғланишга қарши |
| Қизил аччиқ қалампир | Балғам кўчирувчи, йўталга қарши |
| Ҳушбўй гунафша | Антигистамин, балғам кўчирувчи, иситмани тушурувчи |
| Доривор Иссоп | Тер алмашишини кучайтирувчи, балғам кўчирувчи, спазмолитик |
| Катта калган | Балғам кўчирувчи, ел ҳайдовчи, бронхолитик |
| Кенгбаргли кордия | Антисептик, оғриқ қолдирувчи, спазмолитик |
| Доривор гулхайри | Бронхолитик, йўталга қарши, яллиғланишга қарши, иммунитетни рағбатлантирувчи, буруштирувчи |
| Ҳақиқий чилонжийда | Юмшатувчи, балғам кўчирувчи |
| Гулёнбаргли оносма | Спазмолитик, юмшатувчи, иситмани туширувчи, организмнинг тонусини оширувчи |
Қўлланилиши
- Йўтал ва шамоллаш.
- Қуруқ ва таъсирловчи йўтал.
- Астма ва бронхит (ўткир ва сурункали) билан боғлиқ бўлган йўтал.
- Фарингит, трахеит, ангинада қўлланади.
Қўллаш усули ва дозалари
Катталар: 2 чой қошиқ (10 мл) дан кунига 3-4 марта қабул қилинади.
Болалар: 1 чой қошиқ (5 мл) дан кунига 3-4 марта қабул қилинади.
Гўдаклар (6 ойлик – 1 ёш): 1/2 чой қошиқ (2,5 мл) дан кунига 3-4 марта ёки шифокорнинг кўрсатмаси бўйича қабул қилинади.
Ножўя таъсирлари
Овқат ҳазм қилиши томонидан: кўнгил айниши, диарея.
Препаратнинг компонентларига юқори сезувчанлик бўлган пациентларда аллергик реакциялар кузатилиши мумкин.
Қўллаш мумкин бўлмаган ҳолатлар
Препаратнинг компонентларини шахсий ўзлаштираолмасликда қўллаш мумкин эмас.
Дориларнинг ўзаро таъсири
Аниқланмаган.
Махсус кўрсатмалар
Сироп сахароза сақлайди, буни қандли диабет билан хасталанган ва шунингдек гипокалорияли парҳездаги беморлар ҳисобга олишлари лозим.
Автомобилни ва бошқа механик воситаларни бошқариш қобилиятига таъсири.
ЛИНКАС автомобилни ва бошқа механик воситаларни бошқариш қобилиятига таъсир кўрсатмайди.
Препарат болалар ололмайдиган жойда сақлансин ва яроқлилик муддати ўтгач қўлланилмасин.
Дозани ошириб юборилиши
Симптомлари: кўнгил айниши, қусиш ва диарея. Дозани ошириб юбориш эҳтимоли кам.
Даволаш: симптоматик.
Чиқарилиш шакли
Сироп 90/120 ва 150 мл сиғимли флаконда.
Сақлаш шароити
25оС дан юқори бўлмаган хона ҳароратида сақлансин.
Яроқлилик муддати
3 йил.
Дорихоналардан бериш тартиби
Рецептсиз.
