ЛЕРКАМЕН

 ТИББИЁТДА ҚЎЛЛАНИЛИШИГА ДОИР ЙЎРИҚНОМА

ЛЕРКАМЕН^® 20

Препаратнинг савдо номи: Леркамен^® 20

Таъсир этувчи модда (ХПН): лерканидипин гидрохлориди

Дори шакли: плёнка қобиқ билан қопланган таблеткалар.

Таркиби:

Плёнка қобиқ билан қопланган бир таблеткада қуйидагилар сақланади:

фаол модда:

20 мг лерканидипин гидрохлориди (18,8 мг лерканидипинга тўғри келади);

ёрдамчи моддалар:

таблетка ядроси: лактоза моногидрати, микрокристалл целлюлоза, крахмал гликолятининг натрийли тузи , К30 повидони, магний стеарати.

Плёнка қобиғи учун қоришма: гипромеллоза, тальк, титан диоксиди (E171), макрогол 6000, темир оксиди (E172).

Тавсифи: пушти, думалоқ, икки томони қавариқ, ўлчами 8,5 мм, бир томонида бўлиш учун ўйиқчаси бўлган таблеткалар.

Таблеткани тенг дозали икки қисмга бўлиш мумкин.

Фармакотерапевтик гуруҳи: дигидропиридин ҳосилалари асосан қон-томирларга таъсир кўрсатувчи кальций каналларининг селектив блокаторлари.

ATХ коди:  C08CA13.

Фармакологик хусусиятлари

Фармакодинамикаси

Таъсир механизми

Лерканидипин – бу дигидропиридин қатори га кирувчи кальций антагонисти бўлиб, у кальцийни юрак ва силлиқ мушак ҳужайраларига трансмембран оқимини  тўхтатади.  Антигипертензив таъсири томирларнинг силлиқ мушакларига кўрсатиладиган тўғридан-тўғри релаксацион таъсирга асосланган, бунинг натижасида умумий периферик қаршилик пасаяди.

Фармакодинамик самаралари

Унинг плазмадан қисқа фармакокинетик ярим чиқарилиш даврига қарамасдан, юқори мембран тақсимланиш коэффиценти натижасида лерканидипин узайтирилган антигипертензив таъсирга эга ва юқори томир селективлиги туфайли салбий инотроп таъсирдан холи.

Леркамен^® 20 препарати томонидан чақириладиган вазодилатация қўллашни бошлагандан сўнг аста-секин юзага келиши боис, артериал гипертензияси бўлган пациентларда рефлектор тахикардияли ўткир гипотензия камдан-кам ҳолларда кузатилади.

Бошқа асимметрик 1,4-дигидропиридинлар ҳолатидаги каби, лерканидипиннинг антигипертензив таъсири асосан унинг (S)-энантиомери билан боғлиқ.

Клиник самарадорлиги ва хавфсизлиги

Лерканидипинни 10 мг дан 20 мг гача дозада кунида бир марта қўлланилишининг клиник самарадорлиги ва хавфсизлиги икки томонлама кўр, плацебо-назорат қилинадиган клиник тадқиқотлар давомида (лерканидипин қабул қилган 1200 пациент ва плацебо қабул қилган 603 пациент иштирокида этган), ҳамда артериал гипертензиядан азият чекаётган ва лерканидипин қабул қилган 3676 пациент иштирок этган узоқ муддатли фаол-назорат қилинувчи ва назорат қилинмаган клиник тадқиқотлар давомида баҳоланган.

Кўпчилик клиник тадқиқотлар енгилдан то ўртача даражадаги оғирликдаги эссенциал артериал гипертензияси бўлган пациентлар (жумладан кекса ёшдаги пациентлар ва қандли диабети бўлган пациентлар) иштирокида ўтказилган бўлиб, бунда лерканидипин алоҳида ёки ААФ ингибиторлари, диуретиклар ёки бета-блокаторлар билан биргаликда қабул қилинган.

Даволаш кўрсаткичларини асослаб бериш мақсадида ўтказилган клиник тадқиқотларга қўшимча тариқасида, оғир артериал гипертензиядан (ўртача диастолик артериал босим + стандарт оғиш 114,5 + 3,7 мм сим.уст.ни ташкил қилади) азият чекаётган пациентлар орасида ўтказилган катта бўлмаган, назорат қилинмаган, аммо рандомизацияланган яна бир тадқиқот, суткада бир марта 20 мг ни ташкил қиладиган дозада Леркамен^® 20 препаратини қабул қилган 25 пациентдан 40% ида, ва суткада икки марта 10 мг дан қабул қилган 25 пациентдан 56% ида артериал босим меъёрлашганини кўрсатди. Алоҳида систолик артериал гипертензияси бўлган пациентлар орасида ўтказилган икки томонлама кўр, рандомизацияланган, плацебо билан назорат қилинувчи тадқиқотда, Леркамен^® 20 препаратини систолик артериал босимни 172,6 + 5,6 мм сим. бўлган дастлабки ўртача қийматлардан 140,2 + 8,7 мм сим.уст.гача пасайтириш самарадорлигини намойиш этди.

Педиатрик профилдаги пациентлар

Педиатрик профилдаги пациентлар иштирокида клиник тадқиқотлар ўтказилмаган.

Фармакокинетикаси

Сўрилиши

Леркамен^® 20 препаратини 10 – 20 мг ичга қабул қилингандан сўнг  тўлиқ сўрилади, мувофиқ тарзда 3,30 нг/мл ± 2,09 стандарт оғишни ва 7,66 нг/мл ± 5,90 стандарт оғишни ташқил қиладиган плазмадаги максимал концентрация кўрсаткичларига қабул қилингандан кейин, тахминан 1,5 – 3 соат ўтиб эришилади.

Лерканидипиннинг иккала энантиомери плазма концентрациясининг ўхшаш профилини намойиш этади: уларнинг плазмада максимал концентрацияга эришиш вақти бир хил, плазмада максимал концентрация ва AUC (S)-энантиомерда ўртача 1,2 марта юқорироқ, иккала энантиомернинг ярим чиқарилиш даври эса деярли бир хил. «in vivo» шароитда энантиомерларнинг бир бирига ўзаро айланиши кузатилмаган.

Жигар орқали биринчи ўтишда жадал метаболизм сабабли, овқатдан кейин пациентлар томонидан қабул қилинадиган Леркамен^® 20 препаратини мутлоқ биокиришаолишлиги, тахминан 10% ни ташкил қилади; бунда у соғлом кўнгиллилар томонидан оч қоринга қабул қилинганида, ушбу кўрсаткичнинг 1/3 гача пасаяди.

Леркамен^® 20 препаратини жуда ҳам ёғли таом қабул қилишдан кейин 2 соатгача перорал қабул қилинганда, биокиришаолишлик 4 мартага ошади. Шунинг учун Леркамен^® 20 препаратини овқатдан олдин қабул қилиш керак.

Тақсимланиши

Плазмадан тўқималарга ва аъзоларга тақсимланиши тез ва экстенсив амалга ошади.

Лерканидипиннинг зардоб оқсиллари билан боғланиш даражаси 98%дан ошади. Оғир даражадаги жигар ёки буйрак етишмовчилигида плазма оқсилларининг даражаси пасайганлиги сабабли, препаратнинг эркин фракцияси ошиши мумкин.

Биотрансформацияси

Леркамен^® 20 препаратини кўп миқдорда CYP3A4 ферменти таъсирида метаболизмга учрайди; дастлабки таъсир қилувчи модда сийдикда ҳам, ахлатда ҳам аниқланмайди. У асосан фаол бўлмаган  метаболитларга айланади, юборилган препаратнинг умумий миқдорининг тахминан 50% и сийдик билан чиқарилади.

Одам жигари микросомалари билан in vitro тажрибалари, лерканидипин 20 мг қабул қилингандан кейин эришиладиган плазмадаги максимал концентрациясига қараганда мос равишда 160 ва 40 марта юқори концентрацияларда CYP3A4 ва CYP2D6 ферментларини бирмунча ингибирлаш хусусиятини намойиш қилган.

Бундан ташқари, одамда ўзаро таъсир бўйича ўтказилган тадқиқот, лерканидипин CYP3A4 учун типик субстрат бўлган мидазоламнинг ёки CYP2D6 учун типик субстрат бўлган метопрололнинг плазмадаги концентрациясини ўзгартирмаслигини кўрсатди. Шунинг учун Леркамен^® 20 препаратини даволаш дозаларида CYP3A4 ва CYP2D6 томонидан метаболизмга учрайдиган дори воситаларининг биотрансформациясини ингибирланиши кутилмайди.

Чиқарилиши

Элиминация, асосан биотрансформация йўли билан амалга оширилади.

Ҳисоб-китоблар бўйича, ярим чиқарилишнинг ўртача терминал даври 8-10 соатни ташкил қилади, даволаш таъсири эса 24 соат давомида давом этади, бу препаратнинг липид мембраналар билан жадал боғланиши билан боғлиқ. Такроран қўлланилганда кумуляция кузатилмайди.

Тўғри пропорционаллик/тўғри бўлмаган пропорционаллик

Леркамен^® 20 препаратини перорал қабул қилишда, лерканидипиннинг плазмадаги концентрацияси дозага тўғри боғлиқликда бўлмайди (ночизиқли кинетика). Препарат 10 мг, 20 мг ёки 40 мгда юборилганидан кейин плазмадаги концентрациянинг максимал кузатиладиган қийматлари 1:3:8 нисбатда бўлади, плазмадаги концентрациянинг вақтга боғлиқлигининг эгри чизиқ остидаги майдони эса – 1:4:18 нисбатда бўлади, бу жигар орқали биринчи ўтишда метаболизмнинг ривожланиб борувчи тўйинишини тахмин қилишга имкон беради. Шундай қилиб, биокиришаолишлик дозани ошириш билан кўтарилади.

Препаратни алоҳида гуруҳларда қўллаш

Кекса ёшдаги пациентларда ва енгил ёки ўртача даража оғирликдаги буйраклар функцияси бузилиши бўлган пациентларда ёки енгил ёки ўртача даража оғирликдаги жигар функцияси бузилиши бўлган пациентларда лерканидипин фармакокинетикаси нинг умумий популяциядаги пациентлар фармакокинетикаси билан ўхшашлиги намойиш этилган. Буйраклар функциясини оғир бузилишидан азият чекаётган ёки диализга тобе бўлган пациентларда, препарат концентрацияси юқорироқ бўлган (тахминан 70%га). Ўртача ёки оғир даража оғирликдаги жигар етишмовчилиги бўлган пациентларда лерканидипиннинг тизимли биокиришаолишлиги, эҳтимол ошади, чунки у жигарда, одатда кенг ўлчамдаги метаболизмга учрайди.

Қўлланилиши

Леркамен^® 20 катталарда енгилдан то ўртача даражадаги оғирликгача бўлган эссенциал артериал гипертензияни даволаш учун кўрсатилган.

Қўллаш усули ва дозалари

Дозалаш

Ичга қабул қилишдаги тавсия этиладиган доза овқатдан камида 15 минут олдин кунига бир марта 10 мг ни ташкил қилади; пациентнинг индивидуал  таъсирчанлигига қараб, доза 20 мг гача оширилиши мумкин.

Дозани титрлашни аста-секин ўтказиш керак, чунки дорининг максимал антигипертензив таъсири, уни қабул қилишни бошланандан кейин тахминан икки ҳафта ўтиб намоён бўлиши мумкин.

Битта антигипертензив препаратни қўллашда артериал босимни адекват назорат қилиб бўлмайдиган баъзи пациентларда, Леркамен^® 20 қўлланилиши – агар уни бета-адренорецепторлар блокаторига (атенолол), диуретикга (гидрохлортиазид) ёки ангиотензин-айлантирувчи фермент ингибиторига (каптоприл ёки эналаприл) қўшимча буюрилса – яхши таъсир кўрсатади.

Чунки “Доза – жавоб реакцияси” нисбати эгри чизиғи тик бўлганлиги ва 20-30 мг дозани ташкил қиладиган дозаларда плато ҳосил бўлишлиги сабабли, доза оширилганда препарат самарадорлиги ошиши эҳтимоли кам, шу билан бир вақтда ножўя таъсирларнинг вужудга келиш хавфи эса ортиши мумкин.

Кекса ёшдаги пациентлар

Гарчи фармакокинетика маълумотлари ва клиник тажриба кунликлик дозани танлашда дозага ўзгартирув  киритиш талаб этилмаслиги ҳақида далолат берса ҳам, кекса ёшдаги инсонларни даволашни бошлашда алоҳида эҳтиёткорликка риоя қилиш керак.

Педиатрик профилдаги пациентлар

18 ёшгача бўлган болаларда Леркамен^® 20 препаратини хавфсизлиги ва самарадорлиги аниқланмаган.

Маълумотлар мавжуд эмас.

Буйрак ёки жигар етишмовчилиги бўлган пациентлар

Енгил ёки ўрта даража оғирликдаги буйрак ёки жигар етишмовчилиги бўлган пациентларни даволашда алоҳида эҳтиёткорликка риоя қилиш керак. Гарчи препарат одатий тавсия этиладиган дозада ушбу гуруҳ ости пациентлари томонидан яхши кўтара олинсада, суткада 20 мг гача дозани оширишга эҳтиёткорлик билан ёндашиш керак. Жигар етишмовчилиги бўлган пациентларда препаратнинг антигипертензив таъсири кучайиши мумкин, бинобарин, ушбу ҳолатларда дозага ўзгартирув  киритиш талаб этилиши мумкин.

Леркамен^® 20 препаратини оғир даражадаги жигар етишмовчилиги бўлган пациентларда ёки оғир буйрак етишмовчилиги бўлган пациентларда (КФТ < 30 мл/мин), жумладан гемодиализ усули билан даволанаётган  пациентларда қўллаш мумкин эмас (“Қўллаш мумкин бўлмаган ҳолатлар” ва “Махсус кўрсатмалар” бўлимларига қаранг).

Қўллаш усули

Ушбу дори препаратини қабул қилиш ёки у билан муомалада бўлишда зарурий эҳтиёткорлик чоралари:

• Дори воситасини эрталабки нонуштадан камида 15 минут олдин эрталаб қабул қилиш мақсадга мувофиқ бўлади.
• Ушбу препаратни грейпфрут шарбати билан биргаликда қабул қилиш мумкин эмас (“Қўллаш мумкин бўлмаган ҳолатлар” ва “Дориларнинг ўзаро таъсири” бўлимларига қаранг).

Агар Сиз Леркамен^® 20 препаратини қабул қилишни унутган бўлсангиз

Агар Сиз таблеткани қабул қилишни унутган бўлсангиз, ушбу қабул қилишни оддийгина ўтказиб юборинг, кейинги таблеткани эса одатий вақтда қабул қилинг.

Ёддан чиқарилган қабул қилишни компенсация қилиш учун препаратни иккиланган дозада қабул қилманг.

Агар Сиз Леркамен^® 20 препаратини қабул қилишни тўхтатган бўлсангиз

Агар сиз Леркамен^® 20 препаратини қабул қилишни тўхтатсангиз, Сизда артериал босим яна кўтарилиб кетиши мумкин. Препаратни қабул қилинишини тўхтатишдан аввал, илтимос, шифокор билан маслаҳатлашинг.

Ножўя таъсирлари

Хавфсизликнинг умумий профили

Лерканидипинни 10 мг дан 20 мг гача дозада кунига бир марта қўлланилишининг хавфсизлиги икки томонлама кўр, плацебо-назорат қилинадиган клиник тадқиқотлар давомида (лерканидипин қабул қилган 1200 пациент ва плацебо қабул қилган 603 пациент иштирок этган), ҳамда артериал гипертензиядан азият чекаётган ва лерканидипин қабул қилган 3676 пациент иштирок этган узоқ муддатли фаол-назорат қилинувчи ва назорат қилинмаган клиник тадқиқотлар давомида баҳоланган.

Клиник тадқиқотлар ва рўйҳатдан ўтгандан кейинги кузатувлар давомида олинган анча тез-тез учрайдиган ножўя реакциялар ҳақидаги олинган хабарлар қуйидагилар бўлган: периферик шишлар, бош оғриғи, юзга қон қуйилиши, тахикардия ва юрак уришини ҳис қилиш.

Ножўя реакциялар жадвали

Қуйида келтирилган жадвалда клиник тадқиқотлар ва бутун жаҳон бўйлаб рўйхатдан ўтгандан кейинги кузатишлар тажрибаси давомида ва препаратни қўллаш билан асосли сабаб-оқибат боғлиқлик мавжуд бўлган ножўя реакциялар келтирилган; улар MedDRA (меъёрий-ҳуқуқий фаолиятнинг тиббий луғати) органлар тизими таснифланишига ва юзага келиш тез-тезлигига мувофиқ гуруҳларга бўлинган: жуда тез-тез (≥ 1/10); тез-тез (≥ 1/100 – < 1/10); баъзида (≥ 1/1000 – < 1/100); кам ҳолларда (≥ 1/10000 – < 1/1000); жуда кам ҳолларда (< 1/10000); номаълум (мавжуд бўлган маълумотлар бўйича баҳолаш имконсиз). Ҳар бир гуруҳда ножўя реакциялар оғирлик даражасининг камайиб бориши тартибида тақдим этилган.

¹ бутун жаҳон бўйлаб рўйҳатдан ўтгандан кейинги кузатувлар давомида олинган беихтиёр хабарларга биноан ножўя реакциялар.

Алоҳида нохуш реакцияларнинг таърифи

Плацебо-назорат қилинадиган клиник тадқиқотлар давомида периферик шишларнинг юзага келиш тез-тезлиги 10 мг дан 20 мг гача дозада лерканидипинни қабул қилишда 0,9% ни ва плацебо қабул қилишда 0,83% ни ташкил қилган. Умумий тадқиқот қилинаётган популяцияда, жумладан узоқ муддатли клиник тажрибаларда, юзага келиш тез-тезлиги 2% га етган.

Лерканидипин, эҳтимол, қонда глюкозанинг ва зардобда липидларнинг даражасига ножўя таъсир кўрсатмайди.

Кам ҳолларда баъзи дигидропиридинлар прекардиал оғриқни ёки стенокардияни чақириши мумкин. Жуда кам ҳолларда стенокардиядан азият чекадиган пациентларда, ушбу ҳуружларнинг тез-тезлиги, давомийлиги ёки оғирлигининг зўрайиши кузатилиши мумкин. Алоҳида ҳолатларда миокард инфаркти кузатилиши мумкин.

Бўлиши мумкин бўлган ножўя реакциялар ҳақида хабарлар

Дори препаратини рўйҳатдан ўтказилгандан кейин бўлиши мумкин бўлган ножўя реакциялар ҳақидаги хабарлар муҳим роль ўйнайди. Бу ушбу дори воситасига нисбатан «фойда/хавф» нисбатини кузатиб боришни давом эттиришга имкон беради. Соғлиқни сақлаш тизими ходимлари бўлиши мумкин бўлган ҳар қандай ножўя реакциялар ҳақида қуйидаги  манзил бўйича Ўзбекистондаги “Берлин-Хеми АГ” Компаниясининг Ваколатхонасига хабар беришлари керак: Тошкент ш., 100031, Афросиёб кўчаси, 12а (бизнес-марказ).

Қўллаш мумкин бўлмаган ҳолатлар

• “Таркиби” бўлимида санаб ўтилган таъсир этувчи моддага ёки бирор бир ёрдамчи моддаларга юқори сезувчанлик.
• Чап қоринчанинг олиб чиқадиган йўли обструкцияси.
• Даволаш ўтказилмаган турғун юрак етишмовчилиги
• Ностабил стенокардия ёки яқинда (бир ой давомида) ўтказилган миокард инфаркти.
• Жигар функциясининг оғир даражадаги бузилиши.
• Буйраклар функциясининг оғир даражадаги бузилиши (КФТ < 30 мл/мин), жумладан диализда бўлган пациентларда.
• Биргаликда қўлланилиши:
  • CYP 3A4 нинг кучли ингибиторлари (“Дориларнинг ўзаро таъсирлари” бўлимига қаранг);
  • циклоспорин (“Дориларни ўзаро таъсирлари” бўлимига қаранг);
  • грейпфрут ёки грейпфрут шарбати (“Дориларнинг ўзаро таъсирлари” бўлимига қаранг).

Дориларнинг ўзаро таъсирлари

Биргаликда қўллаш мумкин бўлмаган ҳолатлар

CYP3A4 ингибиторлари

Маълумки, лерканидипин CYP3A4 ферментининг таъсири остида метаболизмга учрайди,  шунинг учун лерканидипин билан биргаликда қабул қилинадиган CYP3A4 ингибиторлари, унинг метаболизми ва чиқарилиш жараёнларига таъсир қилиши мумкин. CYP3A4 нинг кучли ингибитори кетоконазол билан ўзаро таъсири бўйича тадқиқот, ушбу ўзаро таъсир қилиш натижасида плазмада лерканидипин концентрацияси сезиларли ошишини (AUC (“концентрация-вақт” эгри чизиғи остидаги майдон) қийматининг 15-карра ва S-лерканидипин эутомери ҳолатида С_max қийматининг 8-карра ошишини) кўрсатди.

Лерканидипинни ва CYP3A4 ингибиторларини (масалан, кетоконазол, итраконазол, ритонавир, эритромицин, тролеандомицин, кларитромицинни) биргаликда қўлланилишидан сақланиш керак, “Қўллаш мумкин бўлмаган ҳолатлар” бўлимига қаранг.

Циклоспорин

Лерканидипинда ва циклоспориннинг биргаликдаги қўлланилиши натижасида иккаласининг ҳам концентрациясининг ошиши кузатилган. Ёш соғлом кўнгиллиларда ўтказилган тадқиқот, агар циклоспоринни қабул қилиниши лерканидипинни қабул қилинишидан 3 соат ўтиб амалга оширилганда, плазмада лерканидипин концентрацияси ўзгармаганлигини, шу билан бирга циклоспориннинг AUC қиймати эса 27% га ошганлигини кўрсатди. Бироқ, лерканидипинни циклоспорин билан биргаликда қабул қилиниши плазмада лерканидипин концентрациясини 3-карра ошишини ва циклоспориннинг AUC қийматини 21% га ошишини чақиради.

Циклоспорин ва лерканидипинни биргаликда қўллаш мумкин эмас (“Қўллаш мумкин бўлмаган ҳолатлар” бўлимига қаранг).

Грейпфрут ёки грейпфрут шарбати

Бошқа дигидропиридинлар каби, лерканидипин грейпфрут ёки грейпфрут шарбати томонидан метаболизмнинг ингибирланишига, бунинг натижасида унинг тизимли биокиришаолишлигини ошишига ва гипотензив таъсирининг кучайишига алоҳида сезувчанликни намойиш қилади. Лерканидипинни грейпфрут ёки грейпфрут шарбати билан биргаликда қабул қилиш керак бўлмайди ( “Қўллаш мумкин бўлмаган ҳолатлар” бўлимга қаранг).

Биргаликда қўллаш тавсия этилмайди

CYP3A4 индукторлари

Лерканидипинни тиришишларга қарши воситалар (масалан, фенитоин, фенобарбитал, карбамазепин) ва рифампицин каби CYP3A4 индукторлари билан бир вақтда буюрилишига эҳтиёткорлик билан ёндашиш керак, чунки антигипертензив таъсир сусайиши мумкин, ва бу ҳолда артериал босимни одатдагига қараганда тез-тез назорат қилиб туриш керак бўлади (“Махсус кўрсатмалар” бўлимига қаранг).

Алкогол

Алкоголни истеъмол қилишдан сақланиш керак, чунки у вазодилатация қиладиган антигипертензив воситаларининг таъсирини кучайтириши мумкин (“Махсус кўрсатмалар” бўлимига қаранг).

Эҳтиёткорлик чоралари, жумладан дозага тузатиш киритиш

CYP3A4 субстратлари

Лерканидипин терфенадин, астемизол ва амиодарон, хинидин, соталол каби III-синф антиаритмик воситалари каби CYP3A4 нинг бошқа субстратлари билан биргаликда буюрилган ҳолатларида эҳтиёткорликка риоя қилиш керак.

Мидазолам

Лерканидипинни 20 мг дозада кекса ёшдаги кўнгиллилар мидазолам билан биргаликда ичга буюрилганда, лерканидипиннинг сўрилиши ошган (тахминан 40% га), сўрилиш тезлиги эса пасайган (t_max пасайган ва 1,75 соат ўрнига 3 соатни ташкил қилган). Мидазоламнинг концентрацияси ўзгармаган.

Метопролол

Лерканидипин асосан жигар орқали чиқариладиган β-блокатор – метопролол билан биргаликда қабул қилинган вақтда, метопрололнинг биокиришаолишлиги ўзгармаган, лерканидипиннинг биокиришаолишлиги эса 50% га пасайган. Бу таъсир, эҳтимол, β-блокаторлар томонидан чақириладиган жигардан қон оқимининг камайиши натижасида юзага келади ва шунинг учун ушбу синфдаги бошқа дориларнинг қўлланилишида ҳам учраши мумкин. Бинобарин, лерканидипинни β-блокаторлар билан бирга қўрқмасдан тавсия этиш  мумкин, лекин бунда дозага ўзгартирув киритиш зарур бўлиши мумкин.

Дигоксин

20 мг лерканидипинни ß-метилдигоксинни доимо қабул қилаётган пациентларда биргаликда қўллашда, фармакокинетик ўзаро таъсирлар аниқланмаган. Бироқ, дигоксиннинг С_max ўртача 33% га ошганлиги, AUC ва буйрак клиренси қийматлари эса аҳамиятсиз ўзгарганлиги қайд этилган. Дигоксин билан даволашда ҳам бўлган пациентларни дигоксин билан интоксикация предметига синчковлик билан  назорат қилиш (тез-тез клиник назоратни ўтказиш) керак.

Бошқа дори препаратлари билан ўзаро таъсир

Флуоксетин

65 ± 7 ёшдаги (ўртача қийматлар ± стандарт оғиш) кўнгиллиларда ўтказилган флуоксетин билан ўзаро таъсир бўйича ўтказилган тадқиқот, лерканидипин фармакокинетикасининг клиник аҳамиятли ўзгаришлари мавжуд эмаслигини кўрсатди.

Циметидин

Суткада 800 мг циметидинни биргаликда тавсия этилиши плазмада лерканидипин концентрациясининг аҳамиятли ўзгаришини чақирмайди, аммо анча юқори дозаларда эҳтиёткорлик талаб этилади, чунки лерканидипиннинг биокиришаолишлигини ошиши ва гипотензив таъсирининг кучайиш эҳтимоли бор.

Симвастатин

20 мг дозада лерканидипинни 40 мг симвастатин билан биргаликда кўп марта қўлланилишида, лерканидипиннинг AUC қиймати озгина ўзгарган, шу вақтда симвастатиннинг AUC қиймати 56%, худди шу қиймат унинг фаол метаболити β-гидроксикислота учун 28% ошган. Ушбу ўзгаришлар клиник аҳамиятга эга эканлиги эҳтимолдан йироқ. Агар лерканидипинни эрталаб, симвастатинни эса – ушбу препаратни қўллаш учун кўрсатмаларга биноан кечки пайт қабул қилинса, ўзаро таъсирдан хавотирланмаса бўлади.

Диуретиклар ва ААФ ингибиторлари

Лерканидипин диуретиклар ва ангиотензин-айлантирувчи ферментнинг ингибиторлари билан биргаликда ҳавотирсиз буюрилган.

Артериал қон босимга таъсир қиладиган бошқа дори воситалари

Бошқа антигипертензив дори воситаларни қўллашдаги каби, лерканидипиннинг гипотензив таъсирининг кучайиши артериал босимга таъсир кўрсатадиган бошқа дори воситалари билан, масалан сийдик йўллари томонидан симптомларни сусайтириш учун қўлланиладиган альфа-блокаторлар, трициклик антидепрессантлар, нейролептиклар билан биргаликда қўлланганида кузатилиши мумкин. Бошқа томондан, гипотензив таъсирнинг кучсизланиши кортикостероидлар билан биргаликда қўллашда кузатилиши мумкин.

Махсус кўрсатмалар

Синус тугунининг кучсизлиги синдроми

Лерканидипинни синус тугунининг кучсизлиги синдроми бўлган пациентларга эҳтиёткорлик билан буюриш керак (агар кардиостимулятор мавжуд бўлмаса).

Чап қоринча дисфункцияси

Гарчи гемодинамикани назорат қилинадиган тадқиқотлари қоринча функциясини ёмонлашишини кўрсатмаган бўлсада, чап қоринча дисфункцияси бўлган пациентларга нисбатан эҳтиёткорлик талаб этилади.

Юрак ишемик касаллиги

Юрак ишемик касаллиги бўлган пациентларда баъзи қисқа таъсир қиладиган дигидропиридинларнинг қўлланилиши ва юрак-томир патологияси  хавфи ошиши орасида боғлиқлик мавжуд деб тахмин қилинади. Гарчи лерканидипин узоқ таъсирга эга бўлсада, ушбу гуруҳ пациентларини даволашда эҳтиёткорликка риоя этиш зарур. Кам ҳолларда баъзи дигидропиридинлар прекардиал оғриқни ёки стенокардияни чақириши мумкин. Жуда кам ҳолларда стенокардиядан азият чекадиган пациентларда, ушбу ҳуружларнинг тез-тезлиги, давомийлиги ёки оғирлигининг зўрайиши кузатилиши мумкин. Онда-сонда ҳолатларда миокард инфаркти кузатилиши мумкин (“Ножўя таъсирлари” бўлимига қаранг).

Буйрак ёки жигар етишмовчилигида қўлланилиши

Буйраклар функциясининг енгил ва ўртача даража оғирликдаги бузилиши бўлган пациентларда даволашни эҳтиёткорлик билан бошлаш керак. Препарат суткада 10 мг ни ташкил қиладиган одатий тавсия этиладиган дозада яхши кўтара олинишига қарамасдан, суткада 20 мг гача дозанинг оширилишини эҳтиёткорлик билан ўтказиш керак.

Жигар функцияси ўртача даражада бузилиши бўлган пациентларда препаратнинг антигипертензив таъсири кучайиши мумкин, бинобарин, ушбу ҳолатларда дозага ўзгартирув  киритиш талаб этилиши мумкин.

Лерканидипинни жигар ёки буйраклар функциясининг оғир даражадаги бузилиши (КФТ < 30 мл/мин) бўлган пациентларда, ҳамда гемодиализда бўлган пациентларда қўллаш мумкин эмас (“Қўллаш усули ва дозалари” ва “Қўллаш мумкин бўлмаган ҳолатлар” бўлимларига қаранг).

Перитонеал диализ

Лерканидипиннинг қўлланилиши перитонеал диализда бўлган пациентларда оқиб кетадиган диализатнинг хиралашишига олиб келиши мумкин. Хиралашиш оқиб кетадиган диализатда триглицеридларнинг юқори концентрацияси билан тушунтирилиши мумкин. Ушбу ҳодисанинг пайдо бўлиш механизми аниқланмаган бўлсада, лерканидипинни бекор қилинганда хиралашиш йўқолади. Ушбу ўзаро алоқани инобатга олиш зарур, чунки оқиб кетаётган диализатнинг хиралашиши инфекцион перитонит сифатида хато аниқланиши мумкин, ва бу керак бўлмаган госпитализацияга ва антибиотикларнинг эмпирик буюрилишига олиб келиши мумкин.

CYP3A4 индукторлари

Тиришишга қарши воситалар (масалан, фенитоин, карбамазепин) ва рифампицин каби CYP3A4 индукторлари, плазмада лерканидипин концентрациясини пасайтириши мумкин ва лекарнидипиннинг таъсир самарадорлиги кутилаётгандан пастроқ бўлиб қолиши мумкин (“Дориларнинг ўзаро таъсирлари” бўлимига қаранг).

Алкогол

Алкоголни истеъмол қилишдан сақланиш керак, чунки у вазодилатация чақирувчи антигипертензив воситаларнинг таъсирини кучайтириши мумкин (“Дориларнинг ўзаро таъсирлари” бўлимига қаранг).

Лактоза

Ушбу дори препаратида лактоза сақланади. Уни галактозани туғма кўтараолмаслик, лактозани яққол ифодаланган етишмовчилиги ёки глюкоза-галактозани сўрилиши етишмовчилиги каби – кам учрайдиган ирсий касалликлари бўлган пациентлар қабул қилмасликлари лозим.

Натрий

Ушбу дори препаратида бир таблеткага 1 ммольдан кам натрий (23 мг) сақланади, яъни ушбу дори препаратида натрий деярли сақланмайди деб ҳисоблаш мумкин.

Педиатрик профилдаги пациентлар

Болаларда лерканидипин хавфсизлиги ва самарадорлиги аниқланмаган.

Фертиллик, ҳомиладорлик ва лактация

Ҳомиладорлик

Лерканидипинни ҳомиладор аёлларда қўллаш бўйича маълумотлар мавжуд эмас. Ҳайвонларда лерканидипинни қўллаш тадқиқотларида тератоген самаралар аниқланмаган (“Хавфсизлик бўйича клиник қўллашгача бўлган маълумотлар” бўлимига қаранг), бироқ улар бошқа дигидропиридин бирикмаларининг таъсири остида кузатилган. Леркамен^® 20 препаратини ҳомиладорлик вақтида, ҳамда контрацепция воситаларини қўлламаётган, бола туғиш қобилиятига эга бўлган аёлларга қўллаш тавсия қилинмайди.

Эмизиш даври

Лерканидипин ёки унинг метаболитлари аёллар кўкрак сутига ўтиши номаълум. Шунинг учун, янги туғилган чақалоқлар ёки гўдаклар учун препаратнинг хавфини истисно қилиб бўлмайди. Леркамен^® 10 препаратини кўкрак билан озиқлантириш вақтида қабул қилмаслик лозим.

Фертиллик

Лерканидипинга нисбатан клиник маълумотлар мавжуд эмас. Баъзи пациентларда каналлар блокаторлари, сперматозоиднинг бошчасида уруғлантириш жараёнига салбий таъсир қилишга қодир бўлган ортга қайтувчи биокимёвий ўзгаришларни чақирган ҳолатлари ҳақида хабар берилган. Экстракорпорал уруғлантиришнинг такрорий муваффақиятсиз уринишларда, ҳамда бошқа тушунтиришлар мавжуд бўлмаганда, ушбу муваффақиятсизликларнинг сабаби бўлиб, кальций каналлари блокаторлари бўлиши мумкинлиги эҳтимолини инобатга олиш керак.

Транспорт воситаларини бошқариш ва механизмларга хизмат кўрсатиш қобилиятига таъсири

Леркамен^® 20 препарати транспорт воситаларини бошқариш ва механизмларга хизмат кўрсатиш қобилиятига аҳамиятсиз таъсир кўрсатиши мумкин. Бироқ эҳтиёткорликка риоя қилиш керак, чунки мувозанатнинг бузилиши, астения, чарчоқлилик ва кам ҳолларда уйқучанлик кузатилиши мумкин.

Дозани ошириб юборилиши

Ушбу препарат сотувга кирганидан сўнг  30-40 мг дан 800 мг гача дозаларда лерканидипинни қабул қилиш билан чақирилган дозадан ошириб юборишлар ҳақида бир нечта хабарлар, жумладан ўз-ўзини ўлдириш ҳақидаги хабарлар берилган.

Симптомлар

Бошқа дигидропиридинларни қўллаш ҳолатлари каби, лерканидипин билан дозани ошириб юборишда яққол ифодаланган артериал гипонтензия ва рефлектор тахикардия билан кечувчи кучли периферик вазодилатаци юзага келади. Бироқ препаратни жуда юқори дозаларда қўллашда периферик танлаб таъсир қилиш йўқолиши мумкин, бу эса брадикардия ва манфий инотроп таъсирни келтириб чиқаради. Дозадан ошириб юбориш билан чақирилган энг кўп учрайдиган ножўя дори реакциялари қуйидагилар ҳисобланади: артериал гипотензия, мувозанатнинг бузилиши, бош оғриғи ва юрак уришини ҳис қилиш.

Дозани ошириб юборилгандаги ҳаракатлар

Дозани ошириб юбориш оқибатида клиник аҳамиятли гипотензия вужудга келишида юрак ва ўпканинг функциясини тез-тез кузатиб борилишини ўз ичига оладиган юрак-қон томир тизимини фаол қўллаб туриш, оёқ-қўлларни кўтарилган ҳолати, айланадиган қон ҳажмини ва диурезни назорати талаб этилади. Лерканидипинни узоқ фармакологик таъсирини инобатга олиб, дозани ошириб юбориш ҳолатида пациентнинг юрак-қон томир тизими ҳолатини камида 24 соат давомида кузатиш зарур. Препаратнинг оқсиллар билан юқори даражада боғланиши натижасида, диализ самарасиз ҳисобланиши тахмин қилинади. Ўрта ёки оғир даражада заҳарланишга гумон қилинганда, пациентнинг ҳолати кузатувини жадал даволаш бўлимида ўтказиш керак.

Хавфсизлик бўйича клиник олди қўллашагча бўлган маълумотлар

Фармакологик хавфсизликнинг ноклиник стандарт тадқиқотлари, такрорий юборишда токсиклик, генотоксиклик, канцероген потенциал, ҳамда репродуктив аъзоларга нисбатан токсиклик тадқиқотлари давомида олинган маълумотлар, одам учун препаратнинг алоҳида хавфининг мавжуд эмаслигини кўрсатади.

Ҳайвонларда ўтказилган фармакологик хавфсизлик тадқиқотларида антигипертензив таъсирга эга бўлган дозаларда вегетатив нерв тизимига, марказий нерв тизимига ёки меъда-ичак йўли функциясига антигипертензив самарага эга бўлган дозаларда таъсирлар кузатилмаган.

Каламушларда ва кучукларда ўтказилган узоқ муддатли тадқиқотларда кузатилган аҳамиятли таъсирлар, юқори дозаларда кальций антагонистларига маълум бўлган таъсирлари билан бевосита ёки билвосита боғлиқ бўлган, яъни жуда юқори фармакодинамик фаоллик оқибатида юзага келган.

Лерканидипин генотоксикликка эга эмас, ва унинг канцероген таъсири аниқланмаган.

Лерканидипиннинг юборилиши каламушларда фертилликка ва репродуктив тизимнинг умумий фукнциясига таъсир кўрсатмаган.

Каламушларда ва қуёнларда тадқиқотлар давомида бирон бир тератоген таъсирнинг исботи аниқланмаган, бироқ каламушларга лерканидипинни юқори дозаларда юборилганда ҳомиланинг пре- ва постимплантацион  йўқотилиши, ҳамда ҳомиланинг ривожланишининг орқада қолиши кузатилган.

Туғиш вақтида юқори дозаларда (12 мг/кг/сут.) лерканидипин гидрохлоридини юборилиши дистоцияга олиб келган.

Ҳомиладор ҳайвонларнинг организмида лерканидипин ва/ёки унинг метаболитларининг тақсимланиш жараёни ва уларнинг кўкрак сутига ўтиши ўрганилмаган.

Токсиклик тадқиқотларида метаболитларни алоҳида баҳолаш ўтказилмаган.

Чиқарилиш шакли

Алюмин фольгадан ва шаффоф бўлмаган ПВХ-плёнкали блистерлар.

Қадоқда 28 ва 60 та плёнка қобиқ билан қопланган таблеткалар*.

*Сотувда барча ҳажмли ўрамлар бўлмаслиги мумкин.

Сақлаш шароитлари

30°С дан юқори бўлмаган ҳароратда сақлансин.

Асл нусхадаги қадоқда ёруғликдан химоялаш учун сақлансин.

Болалар ололмайдиган жойда сақлансин.

Яроқлилик муддати

3 йил.

“годен до” сўзларидан сўнг ёрлиқда, картон қутида ва блистерда кўрсатилган яроқлилик муддати тугагандан кейин ушбу препарат қўлланилмасин. Яроқлилик муддати кўрсатилган ойнинг охирги куни ҳисобланади.

Дори препаратларини канализацияга ёки маиший чиқиндилар билан ташлаб юборманг. Керак бўлмаган дори препаратини қандай утилизация қилиш бўйича дорихона ходими билан маслаҳатлашинг. Бу чоралар атроф-муҳит ҳимоясига ёрдам беради.

Дорихоналардан бериш тартиби

Рецепт бўйича.

Рўйхатдан ўтказилганлик гувоҳномасининг эгаси ва ишлаб чиқарувчи

Рўйхатдан ўтказилганлик гувоҳномасининг эгаси

Менарини Интернэшнл Оперейшнз Люксембург С.А.

1, Авеню де ла Гар

1611 Люксембург

Люксембург

Ишлаб чиқарувчи

БЕРЛИН-ХЕМИ АГ (МЕНАРИНИ ГРУПП)

Глиникер Вег 125

12489 Берлин,

Германия

Ваколатли вакил

БЕРЛИН-ХЕМИ АГ (МЕНАРИНИ ГРУПП)

Глиникер Вег 125

12489 Берлин

Германия

Ўзбекистон Республикаси ҳудудида дори воситаларининг сифати бўйича этирозлар (таклифларни) қабул қилувчи ташкилот номи ва манзили:

«Берлин-Хеми АГ» Компаниясининг Ўзбекистондаги Ваколатхонаси

Ўзбекистон 100031, Тошкент ш., Афросиёб кўч., 12а (бизнес-марказ).

Тел.: (+998 71) 252 25 57, 252 77 01.