Skip to main content

L-ЦИНАТ (L- SINAT) Дориси ҳақида маълумот

Улашиш:
  Reading time 9 minutes

 

 

 

 

ТИББИЁТДА ҚЎЛЛАНИЛИШИГА ДОИР ЙЎРИҚНОМА

L-ЦИНАТ

 

Препаратнинг савдо номи: L-Цинат

Таъсир этувчи модда (ХПН): натрий эсцинати

Дори шакли: инъекция учун эритма тайёрлаш учун кукун

Таркиби:

Ҳар бир флакон қуйидагиларни сақлайди:

фаол модда: натрий эсцинати – 5,0 мг ёки 10,0 мг;

Таърифи: оқ рангли сочилувчан кубчалар ёки кукун.

Фармакотерапевтик гуруҳи: Вазопротекторлар. Капилляр қон томирларни барқарорлаштирувчи воситалар.

АТХ коди: C05CX

 

Фармакологик ҳусусиятлари

Фармакодинамикаси

Препарат плазмада АКТГ ва кортизоннинг концентрациясини ошишини рағбатлантиради ва қон-томир деворида PGF2α секрециясига ёрдам беради, организмдаги эркин радикалларни бартараф қилади ва шу туфайли яллиғланишга қарши, антиэкссудатив (шишга қарши) самараларга эга, шунингдек қон-томирларнинг тонусини оширади, веноз қон оқимини тезлаштиради, қон айланиши ва микроциркуляцияни яхшилайди ва қон-томир деворини ҳимоя қилади.

Фармакокинетикаси

Натрий эсцинатини ярим парчаланиш даври 1,5 соатни ташкил этади, аммо у АКТГ ва простагландин F2a секрециясини кучайиши рағбатлантириши мумкин, шунинг учун препаратнинг таъсири узоқ вақт давом этиши мумкин; вена ичига юборилганидан сўнг 16 соатдан кейин организмда қонни тўхтатувчи ва шишга қарши самараси намоён бўлади. Вена ичига юборилганида биотрансформацияси деярли йўқ. Инъекциядан сўнг 1 соат ўтгач, дозасининг учдан бир қисми организмдан чиқарилади, шунда унинг учдан икки қисми ичак орқали сафро билан ва учдан бир қисми сийдик билан чиқарилади. Натрий эсцинатини плазма оқсиллари билан боғланиши 90% дан кўпроқ фоизни ташкил этади.

 

Қўлланилиши

Мия шишида ва бош мияни у билан боғлиқ бўлган дисфункциясида, жароҳатларда, суякларни синишларида, юмшоқ тўқималарни шикастланишларида, ўсмаларда ва жарроҳлик аралашувлари оқибатида юзага келган гематомада, бўйин спондилёзи, умуртқа поғонаси бўйин қисми чурраси, юрак етишмовчилиги, куйишларда ва сурункали веноз дисфункция билан боғлиқ бўлган касалликларда қўлланади.

 

Қўллаш усули ва дозалари

Вена ичига инъекция ва вена ичига инфузия кўринишида юборилади.

Дозаси тана вазнига қараб аниқланади. Катталар учун дозаси кунига 0,1-0,4 мг/кг ни ташкил этади. Вена ичига инфузия қилиш учун 5-10 мг препарат 250 мл 10% ли глюкоза ёки
0,9% ли натрий хлориди эритмасида эритилади. Вена ичига инъекция қилиш учун 5-10 мг препарат 10-20 мл 10% ли глюкоза эритмасида ёки 0,9% ли натрий хлориди эритмасида эритилади. Аҳволи оғир пациентлар учун препаратни кунига бир неча марта қўллаш мумкин, бунда умумий суткалик дозаси 20 мг дан ошмаслиги лозим. Даволаш курси
7-10 кунни ташкил этади.

 

Ножўя таъсирлари

Исталган дори препарати сингари, L-Цинат ҳам ножўя реакцияларни чақириши мумкин, лекин улар ҳаммада ҳам намоён бўлавермайди.

Айрим беморларда натрий эсцинатга индивидуал юқори сезувчанлик бўлганида, қуйидагилар кузатилиши мумкин:

Аллергик реакциялар: тери тошмаси (папулёз, петехиал, эритематоз), қичишиш, юз терисини қизариши, иситма, эшакеми, якка ҳолатларда – Квинке шиши, анафилактик шок.

Марказий ва периферик нерв тизимлари томонидан: бош оғриғи, бош айланиши, тремор, парестезиялар, якка ҳолатларда – чайқалиб қадам ташлаш, мувозанатни бузилиши, қисқа муддатли хушни йўқолиши.

Жигар ва билиар тизими томонидан: трансаминазалар ва билирубиннинг миқдорини ортиши.

Меъда-ичак йўллари томонидан: кўнгил айниши, якка ҳолатларда – қусиш, диарея, қоринда оғриқ.

Юрак қон-томир тизими томонидан: артериал гипотензия, артериал гипертензия, тахикардия, тўш суяги орқасида оғриқ.

Нафас аъзолари томонидан: якка ҳолатларда – ҳаво етишмовчилиги ҳисси, ҳансираш, бронхообструкция, қуруқ йўтал.

Махаллий реакциялар: препарат юборилганида веналар бўйлаб ачишиш ҳисси, флебит, юборилган жойда оғриқ ва шиш.

Бошқалар: умумий ҳолсизлик, этни увишиши, қизиб кетиши хисси, белда оғриқ, терлаш.

 

Қўллаш мумкин бўлмаган ҳолатлар

Препаратни қуйидаги ҳолатларда қўллаш мумкин эмас:

  • натрий эсцинатга ва/ёки препаратнинг бошқа компонентларига ўта юқори сезувчанлик;
  • буйрак функциясини оғир даражадаги бузилишлари, (СБЕ) сурункали буйрак етишмовчилиги;
  • жигар функциясини оғир даражадаги бузилишлари;
  • қон кетиши;
  • ҳомиладорлик даври;
  • 3 ёшгача бўлган болаларда қўллаш мумкин эмас;

Эҳтиёткорлик билан:

Тромбозларга мойиллик, бевосита антикоагулянтлар билан бир вақтда қўллаш, жигар ва буйрак функциясини бузилишлари, эмизиш даврида эҳтиёткорлик билан қўллаш лозим.

 

Дориларнинг ўзаро таъсири

Ҳомиладорликка қарши гормонал воситаларни қабул қилаётган аёлларга эсцинат вена ичига юборилганида, эритувчининг дозасини икки баробар ошириш керак.

Цефалоспоринлар билан бирга қўлланганида, плазма оқсиллари билан боғланган жойдан эсцинатни сиқиб чиқаради, бу эса қонда эркин эсцинатнинг миқдорини ошириб, унинг ножўя реакциялари ривожланиши хавфини туғдириши мумкин.

Бирга қўлланганида, эсцинат бевосита антикоагулянтлар ва антитромботик таъсирга эга бошқа дори препаратларнинг таъсирини кучайтиради; дори препаратларининг ушбу мажмуасини қўллаш тавсия этилмайди; бирга қўлланганида, протромбин индексини назорат қилган ҳолда, антикоагулянтларнинг дозасига тузатиш киритиш керак.

Эсцинат ва аминогликозидлар гуруҳига мансуб антибиотиклари бирга қўлланганида, охиргисининг нефротоксик таъсири кучайиши мумкин; дори препаратларнинг ушбу мажмуасини қўллаш тавсия этилмайди.

Эсцинат ва махаллий қўллаш учун мўлжалланган бошқа дори препаратларини терининг айнан бир соҳасига бирга қўллаш тавсия этилмайди.

Қуйидаги препаратлар билан бирга эҳтиёткорлик билан қўлланади:

  • зардоб оқсиллари билан боғланиш даражаси юқори бўлган препаратлар;
  • буйрак функциясини издан чиқариши мумкин бўлган препаратлар;
  • кортикостероид препаратлар;
  • асосий гуруҳларни сақловчи препаратлар (бирга қўлланганида чўкма ҳосил бўлиши мумкин).

 

Махсус кўрсатмалар

Тавсия этилган максимал суткалик дозаси вена ичига юборилганида 20 мг ни ташкил этади; дозаси ошириб юборилганида ўткир буйрак етишмовчилиги, масалан, буйракни заҳарлаш ҳусусиятига эга бўлган бошқа препаратлар билан бирга қўлланганида ривожланиши мумкин. Кардиожарроҳлик муолажасини ўтказган пациентларда натрий эсцинатни катта дозаларда вена ичига инъекция қилиш ўткир буйрак етишмовчилигига олиб келиши мумкинлиги аниқланган: 70 нафар пациентда буйрак етишмовчилиги кузатилмаган, бунда натрий эсцинатнинг максимал ўртача суткалик дозаси 340 мкг/кг ни ташкил этган, вена ичига юборилган; енгил буйрак дисфнкцияси 16 нафар пациентда натрий эсцинат
360 мкг/кг максимал суткалик дозада юборилганида кузатилган; ўткир буйрак етишмовчилиги 40 нафар пациентда натрий эсцинат 510 мкг/кг максимал дозада вена ичига юборилганида кузатилган. Препарат кундалик қўлланилиши бўйича қатъий чекланган бўлиши керак. Буйрак функцияси бузилганида препаратни қўллашни зудлик билан тўхтатиш ва буйрак функциясининг комплекс таҳлилини ўтказиш лозим. Текширув натижалари бўйича даволаш ўзгариш даражасига қараб ўтказилиши керак.

Препаратни фақат вена ичига инъекция ва инфузия кўринишида қўллаш мумкин, артерия ичига ёки тери остига юборишга йўл қўйилмайди.

Инъекцияни йирикроқ веналарга юбориш лозим, қизариш ёки шиш ривожланганида
0,25% ли прокаин эритмаси ёки компресс қўллаш лозим.

Даволашни бошлашдан аввал ва кейин буйрак функциясини текшириш лозим.

Жигар функциясини бузилишларида қўлланиши

Жигар функциясини оғир бузилишларида препаратни қўллаш мумкин эмас. Жигар касалликларида эҳтиёткорлик билан буюриш лозим.

Препарат гепатохолецистит билан хасталанган айрим беморларга буюрилганида трансаминазалар ва билирубин (боғланмаган фракцияси) нинг фаоллиги қисқа муддатга ошиши мумкин, бу ҳолат беморлар учун хавф туғдирмайди ва препаратни бекор қилишни талаб этмайди.

Буйрак функциясини бузилишларида қўлланиши

Буйрак функциясини оғир бузилишларида, сурункали буйрак етишмовчилиги (СБЕ) да препаратни қўллаш мумкин эмас. Буйрак касалликларида эҳтиёткорлик билан буюриш лозим.

Препаратни қўллашдан аввал ва кейин буйраклар функциясини текшириш лозим.

Максимал суткалик доза 20 мг дан ортиши мумкин эмас, чунки юқори дозалар буйрак етишмовчилигига олиб келиши мумкин.

Даволаниш вақтида буйрак функциясини вақти-вақти билан назорат қилиш керак.

Юракда операция ўтказган, натрий эсцинат препаратини юқори дозаларда вена ичига юборилган пациентларда ўткир буйрак етишмовчилиги ривожланиши мумкин. Шунинг учун ушбу препаратнинг суткалик дозаси қатъий чекланган бўлиши шарт.

Буйраклар томонидан бузилишлар пайдо бўлганида, препаратни юборишни зудлик билан тўхтатиш лозим.

Ҳомиладорлик ва эмизиш даврида қўлланилиши

Ҳомиладорлик вақтида препаратни қўллаш мумкин эмас.

Эмизиш даврида препаратни фақат шифокор кўрсатмасига биноан, хавф/фойда нисбати синчиклаб баҳолангандан сўнггина қўллаш мумкин.

Гериатрияда қўлланилиши

Препаратни кекса ёшдаги одамларда қўллаш тавсия этилмайди. Препаратни фақат шифокор кўрсатмасига биноан, хавф/фойда нисбати синчиклаб баҳолангандан сўнггина қўллаш мумкин.

Педиатрияда қўлланилиши

Препаратни 3 ёшгача бўлган болаларда қўллаш мумкин эмас.

Препарат болаларда юракда ўтказилган операциядан кейинги шишларни даволаш учун қўлланиши мумкин эмас.

Механизмлар ва автомобилни бошқариш қобилиятига таъсири

Препаратни қўллаш транспорт воситалари ва механизмларни бошқариш қобилиятига таъсир қилиши мумкин, лекин қўллаш кўрсатилган жароҳатларларнинг оғирлиги туфайли, ушбу омил одатда аҳамиятга эга эмас.

 

Дозани ошириб юборилиши

Эсцинатнинг дозаси ошириб юборилганида, тахикардия, эпигастрийда оғриқ, жиғилдон қайнаши, кўнгил айниши, қизиб кетиш ривожланиши мумкин.

Даволаш: эсцинатнинг дозаси ошириб юборилганида, препаратни қўллашни тўхтатиш, шифокорга мурожаат қилиш, симптоматик даволаш ўтказиш керак.

 

Чиқарилиш шакли

Инъекция учун эритма тайёрлаш учун кукун шиша флаконларда. 10 флакондан тиббиётда қўлланилишига доир йўриқномаси билан бирга картон қутига жойланган.

 

Сақлаш шароити

20°C дан юқори бўлмаган хароратда сақлансин.

Болалар ололмайдиган жойда сақлансин.

 

Яроқлилик муддати

2 йил.

Яроқлилик муддати ўтгач қўлланилмасин.

 

Дорихоналардан бериш тартиби

Рецепт бўйича.

 

Ишлаб чиқарувчи

Heilongjiang Dilong Pharmaceutical Co., Ltd.

Манзили: Anda City, Heilongjiang Province, the Fourth Street (North Fourth Road), PRC/ХХР

 

Ўзбекистон Республикаси ҳудудида дори воситаларининг сифати бўйича эътирозлар (таклифлар) ни қабул қилувчи ташкилот номи ва манзили

«Origin Solution» МЧЖ,

100090, Тошкент ш., А. Каххор кўч., 150А.

Тел.: +99890 953 83 82

 

Улашиш: