Skip to main content

ВРАГГРИПП-П

Улашиш:
  Reading time 6 minutes

ҚЎЛЛАШ БЎЙИЧА ЙЎРИҚНОМА

ВРАГГРИПП–П

VRAGGRIP-P

 

Препаратнинг савдо номи: ВРАГГРИПП-П

Таъсир этувчи моддалар (ХПН): парацетамол, фенилэфрин, хлорфенирамин.

Дори шакли: сироп

Таркиби:

Ҳар 5 мл сироп қуйидагиларни сақлайди:

фаол моддалар:

парацетамол                                     Б.Ф.    125 мг,

фенилэфрин гидрохлориди                        Б.Ф.    5 мг,

хлорфенирамин малеати                 Б.Ф.    2 мг;

ёрдамчи моддалар: пропиленгликоль, 70% ли сорбитол эритмаси, натрий бензоати, натрий сахарини, цитрат кислотаси, глицерин, ментол, Supra эритрозин бўёвчиси, малина таъми тўлдирувчи, сахароза, тозаланган сув.

Таърифи: пушти рангли сироп.

6-yillik-qizil-jenshen

Фармакотерапевтик гуруҳи: ЎРК симптомларини бартараф этиш учун воситалар.

 

Фармакологик хусусиятлари

ВРАГГРИПП-П сиропи умумий шамоллаш, грипп, йўтал, иситма, шамоллаш билан боғлиқ катар ва юқори нафас йўлларининг бошқа инфекцион касалликлари билан ассоциацияланадиган симптомларини камайтириш учун тиббий ингредиентларнинг идеал мажмуаси бўлиб ҳисобланади.

Парацетамол анальгетик ва иситмани туширувчи хусусиятларга эга, шунингдек кучсиз яллиғланишга қарши таъсирга эга.

Аспириндан фарқли равишда парацетамол хужайралар аггрегациясига ва циклооксигеназанинг қайтувчи ингибициясига, простагландинларнинг синтезига энзимларни жалб қилинишига таъсир кўрсатмайди. Иситмани туширувчи таъсири эҳтимол простагландинларнинг синтезини ингибирлаши орқали гипоталамик терморегуляция марказларига эндоген пирогенларининг самарасини блоклашида намоён бўлади. Вазодилятация натижасида қизиш, периферик қон оқими ва терлашни ошиши кузатилади. Анальгетик самараси оғриқ сезувчанлигига бевосита таъсирининг натижаси бўлиши мумкин. Парацетамол периферик яллиғланишга қарши таъсир кўрсатмайди.

Парацетамолни сурункали қабул қилиш гепатотоксикликка ёки нефротоксикликка олиб келиши мумкин. Парацетамолнинг п-аминофенол метаболити буйрак найчаларининг гипертонусига олиб келади. П-аминофенолнинг оксидланган метаболитлари тўқималардаги сульфгидрил гуруҳлари билан боғланади ва ҳужайраларнинг некрозига олиб келади.

Фенилэфрин гидрохлориди: шамоллаш, аллергия, иситма ёки гриппда бурунни битишини вақтинча пасайтириш учун қўлланадиган деконгестант.

Хлорфенирамин антигистамин восита ҳисобланади. У организмда табиий гистаминни блоклайди. Хлорфенирамин қичишиш, кўз ёшини оқиши ва тумов, бошқа аллергик симптомларни олдини олади.

Фармакокинетикаси

ВРАГГРИПП-П препаратини қабул қилинганидан сўнг 2 соатдан кейин плазмадаги чўққи концентрацияли МИЙдан тез сўриладиган парацетамол сақлайди. Жигарда метаболизмга ва глукоронид ва сульфат конъюгатлари кўринишида сийдик билан чиқарилади. 5% дан камроғи ўзгармаган ҳолда сийдик билан чиқарилади. Яримпарчалиниш даври 1-4 соат. Плазмадаги боғланиши одатдаги терапевтик дозада салбий таъсир кўрсатмайди.

Жуда кам миқдорда ишлаб чиқариладиган катта бўлмаган гидроксилланган метаболитлари жигарда глютатион билан детоксикацияланади, жигар фаолияти бузилганида жигарда тўпланиши мумкин.

Фенилэфрин меъда-ичак йўлларида тўлиқ сўрилади. Турли тўқималар ва суюқликларда тақсимланади, жигарда секин метаболизмга учрайди. Ўзгармаган ҳолда сийдик билан чиқарилади. Фенилэфрин подагра ва жигар касалликларида номунтазам адсорбцияланиш ва моноаминооксидазагача жигарда биринчи ўтиш натижасида паст биоэквивалентликка эгадир.

Хлорфенирамин малеати меъда-ичак йўлларидан яхши сўрилади. Оғиз орқали қабул қилинганидан сўнг 1-4 соатдан кейин плазмадаги чўққи концентрацияга эришилади. Йўлдош тўсиғи орқали ўтади ва она сутига киради. Хлорфенирамин плазма оқсиллари билан юқори боғланади ва организмда метаболланади. Метаболитлари кўринишида асосан сийдик билан чиқарилади.

Қўлланилиши

Шамоллаш ва гриппда, аллергик ринит симптомларини камайтириш учун, бурун битишини, бош оғриғини, шунингдек ҳар қандай бошқа этиологияли оғриқни бартараф этиш учун қўлланади.

Қўллаш усули ва дозалари

Дозалаш:

12 ёшли болалар: 10-20 мл дан суткада 3-4 марта.

6-12 ёшли болалар: 5-10 мл дан кунига 3-4 марта.

2-6 ёшли болалар: 2,5 мл дан суткада 3-4 марта.

Қўллаш усули:

Фақат ичга қабул қилиш учун сироп.

Ножўя таъсирлари

Парацетамолнинг ножўя самаралари одатда кам ва кучсиз оғирликда бўлади, аммо гематологик реакциялар, хусусан тромбоцитопения, панцитопения, нейтропения ва агранулоцитоз кузатилиши мумкин. Терини қизариши, уйқусизлик ва ўта юқори сезувчанликнинг бошқа реакциялари.

Фенилэфриннинг мумкин бўлган ножўя реакциялари: асабийлик, уйқусизлик, безовталик, бош оғриғи, кўнгил айниши, меъдада ачишишни ўз ичига олади. Бу реакциялар кам учрайди ва ҳатто даволаш тўхтатилганидан кейин ҳам учраши мумкин. Простатанинг гипертрофияси бўлган пациентларда сийдикни тутилиши аниқланиши мумкин. Хлорфенираминнинг кўпроқ учрайдиган умумий ножўя реакцияси бу ҳолсизликдир. Меъдадаги ачишишни овқатни суюқлик ёки ичимликлар билан қабул қилиб бартараф қилиш мумкин.

Қўллаш мумкин бўлмаган ҳолатлар

Препаратнинг ҳар қандай компонентларига ўта юқори сезувчанлик, глаукома, МАО препаратларини қабул қилувчи ва жигар етишмовчилиги бўлган пациентлар.

Дориларнинг ўзаро таъсири

ВРАГГРИПП-П фенобарбитал, варфарин, фенотиазид, моноаминоксидаза ингибиторлари, трициклик антидепрессантлар, билвосита ёки аралаш симпатомиметик воситалар, хавотирлик ва уйқуни даволаш учун воситалар, хинолонлар, депрессияни даволаш учун воситаларнинг таъсирини кучайтиради.

Махсус кўрсатмалар

Парацетамолни буйраклар ва жигар фаолиятини етишмовчилиги бўлган пациентларга эҳтиёткорлик билан буюриш керак. Жигар фаолиятига таъсир қилувчи препаратларни қабул қилишда ҳам эҳтиёткорлик билан буюриш керак. Препарат антигистамин компонент хлорфенирамин малеатини сақлайди, уни седатив самара кўрсатувчи препаратлар ва алкоголь билан бирга қўллашда антигистамин компонентининг седатив самарасини ошириши мумкин. МНТ ни рағбатлантирувчи препаратлар билан қабул қилиш мумкин эмас, айниқса болаларда, демак тавсия қилинган дозани ошириш мумкин эмас. Бу ҳолсизлик, уйқучанликка олиб келиши мумкин. Препаратни қабул қилишда транспортни ҳайдаш ва бошқа машиналарни бошқаришдан сақланинг.

Ҳомиладорлик ва лактация даври

Ҳомиладор аёллар ва лактация давридаги оналарга, шифокор томонидан буюрилган ҳоллардан тавсия қилинмайди.

Препарат болалар ололмайдиган жойда сақлансин ва яроқлилик муддати ўтганидан сўнг ишлатилмасин.

Дозани ошириб юборилиши

Даволаш препаратларнинг дозасини ошириб юборилишини даволашга бўлган талабларига асосланган бўлиши керак. Агар препарат тахминан 1 соат олдин қабул қилинган бўлса фаоллаштирилган кўмирни буюриш керак. 4 соат ичида қон плазмасида парацетамолнинг миқдорини аниқлаш керак. Н-ацетилцистеин билан даволаш парацетамолнинг дозасини ошириб юборилишини 24 соат даврида кўзда тутилиши керак, шунга қарамасдан ҳимоя самараси парацетамол қабул қилинганидан сўнг 8 соат ўтгач аниқланади. Бу вақтдан кейин антидот даволашнинг самараси ўткирроқ намоён бўлади. Зарурати бўлганида пациентга Н-ацетилцистеин схема бўйича вена ичига буюрилади.

Чиқарилиш шакли

Сироп 100 мл дан флаконларда. 1 флакон қўллаш бўйича йўриқномаси билан бирга картон қутида.

Сақлаш шароити

25оС дан юқори бўлмаган ҳароратда, қоронғи жойда сақлансин.

Яроқлилик муддати

3 йил.

Дорихоналардан бериш тартиби

Рецептсиз.

Улашиш: