ВИТАПРОСТ®
дори препаратини тиббиётда қўллаш бўйича
ЙЎРИҚНОМА
Препаратнинг савдо номи Витапрост®
Халқаро патентланмаган номи Простата экстракти
Дори шакли Ректал суппозиторийлар
Таркиби:
Бир суппозиторий сақлайди:
таъсир қилувчи модда: простата экстракти – 50 мг, сувда эрувчи пептидларга қайта ҳисоблаганда – 10 мг;
суппозиторийлар учун асос: қаттиқ ёғ (H 15, W 35 маркали Витепсол, NA 15, NAS 50 маркали Суппосир) – 1,25 г вазнли суппозиторий олиш учун етарли миқдорда.
Таърифи: оқдан то сарғиш ёки тўқ қўнғирроқ тусли оқ рангли, торпедасимон шаклли суппозиторийлар.
Фармакотерапевтик гуруҳи
Сурункали простатитларни даволаш учун восита
АТХ коди: G04BX
Фармакологик хусусиятлари
Витапрост® простата безига органотроп таъсирга эга. Простата безини шиши, лейкоцитар инфильтрацияни камайтиради, эпителиал хужайраларининг секретор фаоллигини нормаллаштиради, ацинуслар ширасидаги лецитин заррачалари сонини оширади, қовуқнинг мушак тонусини рағбатлантиради. Тромблар ҳосил бўлишини камайтириши, антиагрегант фаоллиги ҳисобига простата безида микроциркуляцияни яхшилайди, простата безида венулалар тромбозини ривожланишига тўсқинлик қилади.
Витапрост® простата бези ва эякулятнинг параметрларини меъёрлаштиради. Оғриқ ва дискомфортни камайтиради, дизурик кўринишларни йўқотади, копулятив фаолиятни яхшилайди.
Қўлланилиши
Сурункали простатит, простата безидаги жарроҳлик аралашувлардан олдинги ва кейинги ҳолатлар.
Қўллаш мумкин бўлмаган ҳолатлар
Препарат компонентларига юқори сезувчанлик.
Қўллаш усули ва дозалари
Ректал, ичак ўз-ўзидан бўшалганидан кейин ёки тозаловчи клизмадан сўнг 1 суппозиторийдан кунига бир марта қўлланади. Суппозиторий киритилганидан сўнг пациентни 30-40 минут давомида ўринда ётиши мақсадга мувофиқдир. Витапрост® препарати билан даволаш курсининг давомийлиги камида 10 кун.
Ножўя таъсири
Аллергик реакциялар.
Дозани ошириб юборилиши
Витапрост® препаратининг дозасини ошириб юбориш ҳоллари тўғрисида хабар берилмаган.
Махсус кўрсатмалар
Транспорт воситалари, механизмларни бошқариш қобилиятига таъсири
Препарат диққатни юқори жамланиши ва психомотор реакциялар тезлигини талаб этувчи потенциал хавфли фаолият турлари билан шуғулланиш (шу жумладан транспорт воситаларини бошқариш, ҳаракатланувчи механизмлар билан ишлаш) қобилиятига таъсир кўрсатмайди.
Чиқарилиш шакли
Ректал суппозиторийлар 10 мг. 5 суппозиторий поливинилхлорид плёнка ёки полиэтилен билан ламинирланган поливинилхлорид плёнка контур уяли ўрамда. Бир ёки икки контур уяли ўрам препаратни тиббиётда қўллаш бўйича йўриқномаси билан бирга картон қутида.
Яроқлилик муддати
2 йил. Яроқлилик муддати ўтганидан кейин препарат ишлатилмасин.
Сақлаш шароити
Болалар олаолмайдиган жойда, 20оС дан юқори бўлмаган ҳароратда.
Дорихоналардан бериш тартиби
Рецептсиз