Skip to main content

Уман Альбумин

Улашиш:
  Reading time 10 minutes

ҚЎЛЛАШ БЎЙИЧА ЙЎРИҚНОМА

УМАН АЛЬБУМИН

UMAN ALBUMIN

 

Препаратнинг савдо номи: Уман Альбумин

Таъсир этувчи модда (ХПН): одам альбумини

Дори шакли: инфузия учун эритма.

Таркиби:

Компонентнинг номиИнфузия учун эритма 1 л эритмадаги миқдори
20,00%25,00%
Фаол модда:

Одам альбумини

200 г 250 г
Ёрдамчи моддалар:

натрий хлориди

натрий каприлати

ацетилтриптофан

инъекция учун сув

4,52 г

2,660 г

6-yillik-qizil-jenshen

3,940 г

1 л гача

3,52 г

3,325 г

4,925 г

1 л гача

Таърифи: сариқ, қаҳрабо ёки яшил рангли, тиниқ ёки бироз товланувчи эритма.

Фармакотерапевтик гуруҳи: плазма ўрнини босувчи восита. 

АТХ коди: В05АА01

 

Фармакологик хусусиятлари

Уман Альбумин одам қон плазмасини фракциялаш йўли билан олинган, вирусли хавфсизликка текширилган, юқори даражада тозаланган ва вируслари фаолсизлантирилган одам альбуминининг инфузия учун эритмасидан иборат. Ушбу препарат плазма ўрнини босувси восита сифатида қўлланади, у қон плазмасидаги альбумин танқислигини тўлдиради, қоннинг коллоид-осмотик (онкотик) босимини тутиб туради, артериал босим ва айланиб юрувчи қон хажмини (АЮҚХ) тез оширади, суюқликни тўқимадан қон оқимига ўтишига ёрдам беради, дезинтоксикацион хусусиятларга эга.

Фармакодинамикаси

Одам альбумини одам қони оқсил фракциясининг ярмидан кўпроғини ва жигарда синтезланадиган оқсилнинг тахминан 10% ни ташкил этувчи табиий оқсилдан иборат.

Альбуминнинг энг муҳим физиологик функцияси бўлиб уни онкотик босимдаги улуши ва транспорт функцияси ҳисобланади. Альбумин айланиб юрувчи қон ҳажмини барқарорлаштиради ва гормонлар, ферментлар, дори препаратлари ва токсинларни ташувчи транспорт оқсили бўлиб ҳисобланади. 20% ли ва 25% ли альбумин эритмаси гиперонконик самара кўрсатади.

Фармакокинетикаси

Нормада альбуминнинг умумий алмашинувчи фракцияси тана вазнига 4-5 г/кг ни ташкил қилади; бу миқдордан 40-45% қон оқимида бўлади, 55-60% эса томирдан ташқари бўшлиқда бўлади. Оғир даражадаги куйишлар ёки септок шок каби патологик ҳолатларда альбуминни нормал тақсимланиши издан чиқади, бу капиллярларнинг ўтказувчанлигини аҳамиятли даражада ошиши билан боғлиқ.

Альбуминнинг ярим чиқарилиш даври ўртача 19 кунни ташкил қилади. Чиқарилиши лизосомал протеазалар иштирокида хужайра ичида амалга оширилади.

Соғлом кўнгиллиларда вена ичига юборилган альбуминнинг 10% дан камроғи қон оқимидан инфузиядан кейин биринчи 2 соат давомида чиқарилади. Лекин критик ҳолатдаги пациентлар альбуминни аҳамиятли даражада йўқотишлари мумкин, бунда уни қон оқимидан чиқарилиш тезлигини олдиндан билиб бўлмайди.

 

Қўлланилиши

Альбумин танқислигида ўринбосар даволаш. Айланиб юрувчи қон хажми етишмовчилигида уни тиклаш ва бир маромда ушлаб туриш ва коллоид сифатида қўллаш. Сунъий коллоид ўрнига альбуминни танлаш конкрет клиник ҳолат ва стандарт тавсияларга боғлиқ.

 

Қўллаш усули ва дозалари

Препарат дастлаб суюлтирмасдан ёки изотоник эритма билан суюлтиргандан (5% ли глюкоза эритмаси ёки 0,9% ли натрий хлориди эритмаси билан) кейин фақат вена ичига юбориш учун мўлжалланган. Альбумин препаратлари инъекция учун сув билан эритилиши мумкин эмас, чунки бу реципиентни гемолизага олиб келиши мумкин.

Препаратнинг катта миқдори юборилишидан олдин препарат хона ҳароратигача ёки тана ҳароратигача иситилиши керак. Эритманинг ташқи кўриниши таърифга мос келиши, эритма тиниқ бўлиши, механик киритмалардан холи ва ранги ўзгармаган бўлишига ишонч ҳосил қилиш керак. Агар эритма хира бўлса ёки чўкма сақласа, препаратни ишлатиш мумкин эмас. Флакон очилгандан кейин препарат дарҳол юборилади. Препаратнинг қолдиқларини йўқ қилиш керак.

Препаратни дозалаш тартиби ва юбориш тезлигини пациентнинг клиник ҳолати ва кўрсатмаларга қараб индивидуал равишда танлаш керак.

Одатда инфузия тезлиги минутига 5 мл (5% ли эритма учун) ва минутига 1-2 мл (20% ли ва 25% ли эритмалар учун) ни ташкил қилади. Максимал юбориш вақти – 3 соат. Плазмоферез вақтида инфузия тезлиги минутига 30 мл дан ошмаслиги керак.

Плазмоферезда препаратни юбориш тезлиги плазмани чиқариш тезлигига мос келиши керак.

Препаратнинг зарур дозаси тана вазни, жароҳатнинг оғирлик даражаси ёки касалликка ва суюқлик ва оқсилни йўқотиш давомийлигига боғлиқ. Зарур дозани аниқлаш учун плазмада альбуминнинг даражасидан ташқари айланиб юрувчи қон ҳажмини етарли эканлигини баҳолаш керак.

Препаратнинг граммлардаги зарур дозаси қуйидаги формула бўйича ҳисобланиши мумкин:

Доза (г) = [альбумин концентрациясини талаб этиладиган оширилиши (г/л)]* плазма хажми (л) * 2

Плазманинг физиологик хажми тана вазнига 40 мл/кг сифатида ҳисобланиши мумкин.

Альбумин препарати юборилганда қуйидаги гемодинамик кўрсаткичларнинг мониторингини олиб бориш керак:

  • артериал босим ва пульс тез-тезлиги;
  • марказий веноз босим;
  • ўпка артерияси окклюзиясида босим;
  • диурез;
  • қоннинг электролит мувозанати;
  • “гематокрит/гемоглобин даражаси” нисбати.

Агар препаратда альбуминнинг концентрацияси 200 мкг/л дан ошмаса, Уман Альбумин чала туғилган болаларни даволашда ва диализ учун ишлатилиши мумкин.

 

Ножўя таъсирлари

Одам альбуминини юборгандан кейин ножўя таъсирлар кам ҳолларда намоён бўлади. Қон оқиб келишлари, эшакеми, иситмали ҳолат ва кўнгил айниши каби ўртача реакциялар кузатилиши мумкин, улар препарат юборилиши тезлиги камайтирилганда ёки юбориш бекор қилинганда тез ўтиб кетади. Жуда кам ҳолларда препаратни юбориш шок чақириши мумкин. 

Барча ножўя самаралар ҳақида даволовчи шифокорга хабар беринг.

 

Қўллаш мумкин бўлмаган ҳолатлар

Препаратнинг компонентларидан биронтасига ўта юқори сезувчанлик. 

 

Дориларнинг ўзаро таъсири

Одам альбуминини бошқа препаратлар билан специфик ўзаро таъсири аниқланмаган. Уман Альбуминни препаратни суюлтириш учун ишлатиладиган изотоник эритмалардан ташқари бошқа дори воситалари, қон ёки эритроцитар масса билан аралаштириш мумкин эмас.

 

Махсус кўрсатмалар

Аллергик ёки анафилактик реакцияга гумон пайдо бўлганида препаратни юборишни дарҳол тўхтатиш керак. Шок ҳолатида шокка қарши стандарт чоралар кўрилиши керак.

Гиперволемия ва унинг оқибатлари ёки гемодилюция пациент учун хавфли бўлиши мумкин бўлган ҳолларда альбумин препарати эҳтиёткорлик билан қўлланади. Бундай ҳолатларга қуйидагилар киради:

  • декомпесацияланган юрак етишмовчилиги;
  • артериал босимни ошиши;
  • қизилўнгач веналарини веноз кенгайиши;
  • ўпка шиши;
  • геморрагик диатез;
  • ўткир анемия;
  • ренал ва постренал анурия.

Одам альбуминининг 20% ли 25% ли эритмаларнинг онкотик самараси қон плазмасига нисбатан тахминан тўрт марта юқори. Шундай қилиб, альбуминнинг концентрацияланган эритмаларини юборганда пациентнинг адекват гидратациясига эътиборни қаратиш керак. Препаратни юборганда циркулятор юклама ва гипергидратациядан сақланиш учун пациентнинг ҳолатини синчковлик билан мониторинг қилиш лозим.

200-250 г/л концентарцияли альбумин эритмасида (20-25% ли эритмаси) электролитларнинг миқдори 40-50 г/л концентрацияли альбумин эритмасига (4-5% ли эритма) нисбатан мувофиқ равишда кам. Шунинг учун альбумин эритмаси юборилганда беморнинг электролит статуси мониторингини олиб бориш ва электролит мувозанатни тиклаш ёки бир маромда ушлаб туриш учун тегишли чораларни кўриш керак.

Йирик ўринбосар даволаш ҳолатида коагуляция ва гематокритни назорат қилиш керак. Қоннинг бошқа компонентлари (коагуляция факторлари, электролитлар, тромбоцитлар ва эритроцитлар) ни адекват ўрнини босишга алоҳида эътибор қаратиш керак.

Гематокрит 30% дан пасайганда қон билан кислородни ташилишини бир маромда ушлаб туриш учун эритроцитар масса юбориш керак.

Препаратнинг дозаси ёки юбориш тезлиги пациентнинг циркулятор ҳолатига мос келмаганда гиперволемия ривожланиши мумкин. Юрак-қон томир тизимига юкламани ошишининг биринчи клиник белгилари (бош оғриғи, ҳансираш, бўйинтуруқ венани тиқилиши) пайдо бўлганда ёки қон босими ошганда, веноз босим ошганда ва ўпка шишида препаратни юборишни дарҳол тўхтатиш керак.

Вирус хавфсизлиги

Одам қон плазмасидан тайёрланган препаратларни ишлаб чиқариш инфекциялар ва вирусларни пациентнинг қонига тушишини олдини олувчи чораларни ўз ичига олади. Бундай чораларга соғлом донорларни синчковлик билан танлаб олиш, ҳар бир донорни унинг қонида вируслар ва инфекциялар мавжудлигига текшириш, шунингдек ишлаб чиқариш жараёнида вирусларни фаолсизлантириш ва вирусларни бартараф этиш киради.

Ушбу чораларга риоя қилишга қарамасдан, одам қонидан тайёрланган препаратларни қўллаш вирусли агентларни, шу жумладан номаълум вируслар ёки инфекцияларнинг бошқа типини юқиши эҳтимолини тўлиқ инкор этмайди. Лекин Европа Фармакопеяси талабларига мувофиқ ишлаб чиқарилган альбумин эритмасини юбориш оқибатида вирусларни юқиши ҳолатлари аниқланмаган.

Препаратни қўллаганда даволаш вақтида қўлланилган препаратнинг сериясини қайд этиш тавсия этилади.

Ҳомиладорлик ва эмизиш даврида қўлланиши

Ҳомиладорлик ва эмизиш даврида аёлларга Уман Альбумин препаратини эҳтиёткорлик билан буюриш керак, чунки ушбу гуруҳ учун препаратнинг назоратли клиник тадқиқотлари ўтказилмаган. Лекин альбумин препаратларини клиник амалиётда қўллашнинг тажрибаси ҳомиладорликни кечишига, ҳомилага ёки янги туғилган чақалоққа бирон-бир салбий таъсирни кутиш учун асос бўлмайди, чунки одам альбумини одам қон плазмасининг нормал компоненти бўлиб ҳисобланади.

Препаратни буюрганда ҳомиладор пациентда плазманинг алмашинаётган хажмини эътиборга олиш керак.

Педиатрияда қўлланиши

Болаларда препаратнинг дозаси уларнинг ёшига боғлиқлигини эътиборга олиш керак, чунки плазманинг физиологик хажми ёш ўтган сари ўзгаради.

Препаратнинг зарур дозаси “Қўллаш усули ва дозалари” бўлимида келтирилган умумий формула бўйича ҳисобланиши мумкин.

Транспорт воситалари ва механизмларни бошқариш қобилиятига таъсири

Транспорт воситалари, механизмларни бошқариш ва диққатни юқори жамлашни талаб этувчи бошқа фаолият турлари билан шуғулланиш қобилиятига таъсир кўрсатмайди.

Препарат болалар ололмайдиган жойда сақлансин ва яроқлилик муддати ўтгач қўлланилмасин.

 

Дозани ошириб юборилиши

Препаратнинг юқори дозаларини тез-тез юборганда гиперволемия ривожланиши мумкин. Юрак-қон томир тизимига юкламани ошишининг биринчи клиник белгилари (ҳансираш, бўйинтуруқ венани тиқилиши, бош оғриғи) пайдо бўлганда, қон босими ва/ёки веноз босим ошганда, ўпка шишида препаратни юборишни дарҳол тўхтатиш ва қон айланишининг кўрсаткичларини доимий назоратини ўтказиш керак.

Бундан ташқари, диурез ва юракдан отилиб чиқаётган қон хажми клиник манзаранинг оғирлик даражасига қараб ошиши керак.

 

Чиқарилиш шакли

20% ли инфузия учун эритма 50 мл ёки 100 мл дан галобутил тиқин биринчи очиш назоратли ҳимоя пластик қопқоқли алюмин қалпоқча билан беркитилган II гидролитик синф тиниқ нейтрал шиша флаконда, қўллаш бўйича йўриқномаси билан картон қутида.

 

Сақлаш шароити

Ёруғликдан ҳимояланган жойда, 30°С дан юқори бўлмаган ҳароратда сақлансин. Музлатилмасин.

 

Яроқлилик муддати

3 йил.

 

Дорихоналардан бериш тартиби

Рецепт бўйича берилади.

Улашиш: