Skip to main content

Цинепар® актив

Улашиш:
  Reading time 6 minutes

ҚЎЛЛАШ БЎЙИЧА ЙЎРИҚНОМА

ЦИНЕПАР® АКТИВ

CINEPAR® ACTIVE

Препаратнинг савдо номи: Цинепар® актив

Таъсир қилувчи моддалари: диклофенак диэтиламин, зиғир мойи, метилсалицилати, ментол.

Дори шакли: сиртга қўллаш учун гель.

Таркиби:

Ҳар бир туба қуйидагиларни сақлайди:

фаол моддалар:

диклофенак диэтиламин                            1,16% в/в

(1,0% диклофенак натрийга тўғри келади)

зиғир мойи                                                    3,00% в/в

метилсалицилати                                         10,00% в/в

ментол                                                           5,00% в/в

бензил алкоголи                                          1,00% в/в

6-yillik-qizil-jenshen

гелли асос                                                     q.s.

ёрдамчи моддалар: карбомер (Acrypol 974), гидрогенланган полиоксил канакунжут мойи (Acrysol К-140), изопропил спирти, пропиленгликоль, этаноламин, динатрий эдетати (динатрия ЭДТА), бутилланган гидрокситолуол (ВНТ), тозаланган сув.

Таърифи: ламинатланган тубага тўлдирилган оқ ёки деярли оқ рангли гель.

Фармакотерапевтик гуруҳи: маҳаллий таъсир қилувчи яллиғланишга қарши восита.

АТХ коди: М02АХ.

Фармакологик ҳусусиятлари

Сиртга қўллаш учун ностероид яллиғланишга қарши восита.

Диклофенак яққол яллиғланишга қарши ва оғриқ қолдирувчи таъсир кўрсатади. Таъсир механизми яллиғланиш ўчоғида ЦОГ-1 ва ЦОГ-2 ларни носелектив сусайтириш, арахидон кислотасининг метаболизмини бузилиши ва простагландинлар биосинтезини бостирилиши билан боғлиқ. Яллиғланиш жараёнида Цинепар® актив гелини қўллаш оғриқ синдроми ва тўқималарни шишини камайиши ёки бартараф бўлишига олиб келади.

Зиғир мойи – асосий компоненти альфа-линолен кислотаси (тўйинмаган ёғ кислотасини этил спирти) бўлиб, яллиғланишга қарши таъсирга эга.

Диклофенак ва метилсалицилат маҳаллий қўлланганида, улар тез сўрилади ва тери ости ёғ қавати, мушак тўқимаси, бўғим капсуласи ва бўғим бўшлиғига кириб, бўғимларда оғриқ ва яллиғланишни бартараф қилиб, эрталабки танглик ва бўғимлар шишини камайтириб, ҳаракатлар ҳажмини ошишига олиб келади.

Ментол – терига суртилганида қон-томирларни кенгайтириб, совуш ва оғриқни камайиши ҳиссини чақиради, шунингдек кучсиз антисептик ҳусусиятларга эга.

Фармакокинетикаси

Диклофенакнинг тери орқали сўриладиган миқдори у қўйилган майдонга пропорционал, шунингдек препаратнинг йиғинди дозаси ва терининг гидратацияси даражасига боғлиқ. Препарат сиртга қўлланганида 6% дан кўп бўлмаган диклофенак сўрилади.

Метаболизми асосан гидроксидланиш йўли орқали бир неча ҳосилаларининг ҳосил бўлиши билан амалга оширилади, улардан иккитаси фармакологик фаол, лекин диклофенакка қараганда аҳамиятли даражада кам. Диклофенак ва унинг метаболитлари асосан сийдик билан чиқарилади. Қон плазмасидаги диклофенакнинг умумий тизимли клиренси ўртача 263±56 мл/мин, ярим чиқарилишнинг якуний даври эса – 1-3 соатни ташкил қилади.

Қўлланилиши

Пайларни чўзилишидаги шиш ва оғриқни, бел, бўғимлар ва мушаклардаги оғриқни камайтиради.

Таянч-ҳаракат аппаратининг оғриқ ва яллиғланиш билан кечувчи қуйидаги касалликларида қўлланади:

  • юмшоқ тўқималар ва бўғимларнинг посттравматик яллиғланиши (чўзилишлар, зўриқишлар ва лат ейишлар оқибатидаги, спортдаги жароҳатлар);
  • юмшоқ тўқималарнинг ревматик касалликлари (тендовагинит, бурсит, периартикуляр тўқималарнинг шикастланиши ва бошқалар);
  • мушаклар ва бўғимларнинг касалликлари билан боғлиқ бўлган оғриқ синдроми ва шиш (ревматоид артрид, остеартроз, радикулитлар, люмбаго, ишиас ва бошқалар);
  • Дюплей синдроми умуртқалараро дискни кўчишида қўлланади.

Қўллаш усули ва дозалари

Цинепар® актив гель фақат сиртга қўллаш учун мўлжалланган. Терининг шикастланган соҳаларига кунига 3-4 марта суртилади ва гель йўқолгунича ишқаланади. Суртмани қўллаш майдонига қараб гелнинг оптимал миқдори олинади ва эҳтиёткорлик билан қўлланади.

Ножўя таъсирлари

Цинепар® актив камдан-кам ҳолларда ножўя реакциялар чақиради. Баъзида гель қўйилган соҳада қизариш, қичишиш ёки ачишиш ҳисси, папулалар, везикулалар, терини кўчиши пайдо бўлади. Алоҳида пациентларда фотосенсибилизация аниқланиши мумкин. Жуда камдан-кам ўта юқори сезувчанлик реакциялари аниқланади (тошма, эшакеми, бронхиал астма, ангионевротик шиш).

Қўллаш мумкин бўлмаган ҳолатлар

  • тери қопламаларининг бутунлигини бузилиши;
  • ҳомиладорликнинг III уч ойлиги;
  • лактация даври (эмизиш);
  • 12 ёшгача бўлган болалар;
  • препаратнинг компонентларига, ацетилсалицил кислотасига ёки бошқа НЯҚВ юқори сезувчанлик;
  • пациентларда аспирин қўзғатган астматик ҳолатларда қўллаш мумкин эмас.

Дориларнинг ўзаро таъсири

Ўзаро таъсирининг пайдо бўлиш эҳтимоли кам, чунки диклофенак сиртга қўлланганида тизимли сўрилиши жуда кам. Препаратни бошқа НЯҚВ билан бирга эҳтиёткорлик билан қўллаш керак. Цинепар® актив гели фотосенсибилизацияни чақирувчи препаратларнинг таъсирини кучайтириши мумкин. Цинепар® актив гелини маҳаллий косметик воситалар билан бирга қўллаш мумкин эмас.

Махсус кўрсатмалар

Цинепар® актив гелини очиқ жароҳатларга тушишидан сақланиб, фақат шикастланмаган терига суртиш керак. Қўйилганидан кейин окклюзион боғлов қўйиш мумкин эмас. Препаратни кўзга ва шиллиқ қаватларига тушишига йўл қўймаслик керак.

Цинепар® актив жигар порфириясида (зўрайиш босқичида), меъда-ичак йўллари (МИЙ) нинг эрозив–ярали шикастланишларида, жигар ва буйраклар фаолиятининг оғир бузилишларида, сурункали юрак етишмовчилигида, бронхиал астмада, кекса ёшдаги пациентларга эҳтиёткорлик билан буюрилади.

Автомобил ва бошқа механизмларни бошқариш қобилиятига таъсири

Цинепар® актив автомобилни бошқариш ва психомотор реакцияларнинг юқори тезлигини талаб қилувчи ишларни бажариш қобилиятига таъсир қилмайди.

Ҳомиладорлик ва эмизиш даврида қўлланиши

Цинепар® активни ҳомиладорликнинг III уч ойлигида қўллаш мумкин эмас. Ҳомиладорликнинг I ва II уч ойликларида қўллаш, фақат она учун фойда ҳомила учун потенциал хавфдан юқори бўлган ҳолда мумкин.

Диклофенак ва унинг метаболитлари кўкрак сутига ўтади, шунинг учун препаратни эмизиш даврида қўллаш тавсия этилмайди.

Педиатрияда қўлланиши

Препарат 12 ёшгача бўлган болаларда қўлланмайди.

Препарат болалар ололмайдиган жойда сақлансин ва яроқлилик муддати тугаганидан сўнг ишлатилмасин.

Дозани ошириб юборилиши

Дозани ошириб юборилишини эҳтимоли кам, чунки сиртга қўлланганида диклофенакнинг тизимли сўрилиши жуда кам. Препарат тасодифан ичга қабул қилинганида диклофенакнинг перорал шакллари учун характерли бўлган ножўя самараларни чақириши мумкин. Тизимли ножўя самаралари пайдо бўлган ҳолда меъдани ювиш ва адсорбентни қабул қилиш тавсия этилади. Даволаш симптоматик.

Чиқарилиш шакли:

Цинепар® актив гель:

50 та туба 5 г дан қўллаш бўйича йўриқномаси билан бирга икки қатламли картон қутиларда.

Гель 20 г ва 50 г дан тубаларда қўллаш бўйича йўриқномалари билан бирга икки қатламли картон қутиларда.

Сақлаш шароити

Қоринғи ва қуруқ жойда, +25ºС дан юқори бўлмаган ҳароратда сақлансин.

 

Яроқлилик муддати

3 йил.

Дорихоналардан бериш тартиби

Рецептсиз.

Улашиш: