Skip to main content

Риноксил Окси

Улашиш:
  Reading time 5 minutes

Қўллаш бўйича йўрикнома

Rinoksil OKsi

Rinoxil Oxy

Препаратнинг савдо номи: Риноксил Окси

Таъсир этувчи модда (ХПН): Оксиметазолин гидрохлориди.

Дори шакли: Бурун учун спрей.

Таркиби:

1 флакон спрей қуйидагиларни сақлайди

Фаол модда: Оксиметазолин гидрохлориди – 0,025 г (0,025% дозаси учун) ва 0,05 г (0,05% дозаси учун).

Ёрдамчи моддалар 0,025% учун: эвкалипт мойи, натрий дигидрофосфати, натрий эдетати, бензалконий хлорид эритмаси, пропиленгликоль, тозаланган сув.

Ёрдамчи моддалар 0,05% учун: левоментол, рацемик камфора, эвкалипт мойи, натрий дигидрофосфати, натрий эдетати, бензалконий хлорид эритмаси, пропиленгликоль, тозаланган сув.

Таърифи: Тиниқ, рангсиз ёки оч сариқ рангли суюқлик, ўзига хос ҳидли.

Фармакотерапевтик гуруҳи: ЛОР-аъзолари касалликларини даволаш учун восита.

АТХ коди: R01 AA05

Фармакологик ҳусусиятлари

6-yillik-qizil-jenshen

Оксиметазолин томирларни торайтирувчи ва антиконгестив таъсир кўрсатади. Альфа 1–адренорецепторларни рағбатлантиради ва апликация жойида томирларни торайтиради, юқори нафас йўлларининг шиллиқ қаватини шишини камайтиради, бурундан нафас олишни енгиллаштиради, қонни веноз синусларига қоннинг оқиб келишини камайтиради.

Фармакокинетикаси

Маҳаллий қўлланганида оксиметазолин аҳамиятсиз даражада тизимли сўрилишга учрайди, шунинг учун уни қон плазмасидаги концентрацияси кам. Таъсири 15 минутдан кейин намоён бўлади. Таъсирининг давомийлиги 10-12 соат. Асосан ўзгармаган ҳолда буйраклар ва ичак орқали чиқарилади. Ярим чиқарилиш даври 5-8 сутка.

Қўлланилиши

Бурун шиллиқ қаватини, бурун-халқум ва гайморов бўшлиқларидаги шишни камайтириш учун:

– шамоллаш касалликларида (ўткир ринит);

– бурун бўшлиқларининг яллиғланишида (ўткир синусит);

– евстахиитда;

– аллергик ринитда; (шу жумладан, пичан иситмасида);

– ўткир отитда (ёрдамчи даволаш воситаси сифатида, чунки евстахиев найининг тешигини атрофидаги шиллиқ қаватининг шишини камайтиради);

Шунингдек бурун бўшлиғининг қўришни енгиллаштириши учун ёки жарроҳлик муолажаларида ҳам қўлланади.

Қўллаш усули ва дозалари

Катталар ва 6 ёшдан ошган болаларда (0,05%), 1 дан 6 ёшгача бўлган болаларда (0,025%) – ҳар бир бурун йўлига бир мартадан сепилади, зарурати бўлганида муолажани қайтариш мумкин.

Даволанишнинг максимал мумкин бўлган давомийлиги – 5 кун.

Сепишни тўғри бажариш учун сепгични вертикал, учлик юқорига йуналтирилган ҳолда ушлаш керак. Сўнгра тиник ҳимояловчи қопқоқчани ечиш, учлик бурун йўлига киритиш, тез кескин бир марта сепгични босиш ва сепгични бўшатмасдан бурундан чиқариб олиш керак. Сепиш вактида бурундан бироз ҳаво олиш лозим, бу оксиметазолинни оптимал юборилишига ёрдам беради.

Ножўя таъсирлари

Оксиметазолин одатда яхши ўзлаштирилади. Препаратни тез-тез ва узоқ муддат қўлланганида: бурун йўлларининг шиллиқ қаватининг таъсирланиши, ачишиши ва торайиши, гиперсекреция, бош оғриғи, бош айланиши, уйқуни бузилиши, ҳавотирлик, қўзғалиш, юрак уриши, тахифилаксия, кўнгил айниши, артериал босимни (АБ) ни ошиши, бурун ва томоқда санчилиш ёки қуриши, аксириш, бурун шиллиқ қаватининг гиперемияси ва атрофияси кузатилиши мумкин.

Қўллаш мумкин бўлмаган ҳолатлар

Препаратга, шу жумладан бошқа интраназал қўллаш учун шишга қарши воситаларига ўта юқори сезувчанлик, атрофик ринит, артериал гипертензия, гипертиреоз, бурун йўлларининг секрет ажратиб чиқаришисиз бўлган яллигланиши, 1 дан 6 ёшгача бўлган болалар (0,05% спрей учун), ҳомиладорлик, лактация.

Эҳтиёткорлик билан: сурункали буйрак етишмовчилиги, аритмиялар, простата безининг клиник белгиларили гиперплазияси, ёпиқбурчакли глаукома, яққол атеросклероз, сурункали юрак етишмовчилиги, қандли диабет, артериал гипертензия.

Дориларнинг ўзаро таъсири

Препарат бошқа томирларни торайтирувчи воситалари билан буюрилганда (юбориш усулидан қатъий назар) ножўя самараларининг ўзаро кучайиши мумкин. Оксиметазолин маҳаллий оғриқсизлантирувчи воситаларининг сўрилишини секинлаштиради ва уларнинг самарасини узайтиради. МАО ингибиторлари (улар бекор қилингандан кейинги 14 кунлик даври давомида) ва трициклик антидепрессантлар билан бир вақтда буюрилганда – АБ ни ошиши.

 

Махсус кўрсатмалар

Буюрилган дозаларни оширмаслик керак. Юрак-томир тизимининг касалликлари, артериал гипертонияси бўлган пациентларга эҳтиёткорлик билан буюрилади. Одатда оксиметазолин ринит белгиларини йўқ қилиш учун тавсия қилинган дозаларда қўлланганида 3 кун етарли. Агарда бу даврда белгилар йўқолмаса даволовчи шифокор билан маслаҳатлашиш керак. Бир флаконни бир нечта шахсларда ишлатиш инфекциянинг тарқалишига олиб келиши мумкин. Препарат билан даволаниш вақтида эмизишни тўхтатиш тавсия қилинади. Интраназал юбориш учун мўлжалланган препаратни кўзга тушишидан сақланиш керак. Препарат кўришга таъсир қилади, реакция тезлигини пасайиши мумкин. Препарат тавсия қилинганидан ортиқ дозаларда узоқ муддат қўлланганида юрак-томир тизимига ва марказий нерв тизимини (МНТ) умумий таъсирини истисно қилиб бўлмайди. Бундай ҳолларда транспорт воситалари ёки қурилмаларни бошқариш қобилияти пасайиши мумкин.

Препаратни болалар олаолмайдиган жойда сақлаш ва уни яроқлилик муддати ўтгач ишлатиш мумкин эмас.

Дозани ошириб юборилиши

Симптомлари: тахикардия, артериал гипертензия, МНТ сусайиши.

Даволаш: симптоматик даволаш.

Чиқарилиш шакли

Бурун спрейи 0,025% ва 0,05% 10 мл дан, тўқ шиша флаконларида, йиғиб олувчи трубкадан, дозаловчи насосдан ва сепувчи учликдан ташкил топган мослама билан беркитилган. Сепувчи – учликка тиниқ қопқоқча ўрнатилади.

Сақлаш шароити

Ёруғликдан ҳимояланган жойда, 15°С дан 25ºС гача бўлган ҳароратда сақлансин.

 

Яроқлилик муддати

3 йил.

 

Дорихоналлардан бериш тартиби

Рецептсиз.

Улашиш: