ҚЎЛЛАШ БЎЙИЧА ЙЎРИҚНОМА
ПЕРТУССИН-Д
PERTUSSINUM-D
Препаратнинг савдо номи: Пертуссин-Д
Таъсир этувчи моддалар (ХПН): майда гулли тоғрайхон суюк экстракти, калий бромиди.
Дори шакли: сироп
Таркиби:
майда гулли тограйхон суюк экстракти – 120 г;
калий бромиди – 10 г;
шакар сиропи- 820 г;
этил спирти 80%- 50 г.
Таърифи: қўнғир рангли, ўзига хос хушбўй хидли ва аччиқ таъмли суюқлик.
Фармакотерапевтик гуруҳи: Балғам кўчирувчи восита.
Фармакологик хусусиятлари
Тоғрайҳоннинг препаратлари яққол балғам кўчирувчи таъсир кўрсатади, юқори нафас йўлларининг шиллиқ қаватларидан ажралиб чиқадиган секрет миқдорини оширади, балғамни суюқлашишига ва уни чиқариб ташланишини тезлашишига ёрдам беради. Калий бромиди марказий нерв тизимини қўзғалувчанлигини пасайтиради.
Қўлланилиши
Препарат ўткир респиратор касалликларда, трахеит, бронхит, ҳамда болаларда кўкйўталда буюрилади.
Қўллаш усули ва дозалари
Катталарга 1 ош қошиқдан кунига 3 марта ичга; болаларга ёшига қараб, 1/2 чой қошиқдан то 1 десерт қошиққача кунига 3 марта буюрилади.
Ножўя таъсирлари
Аллергик реакциялар, жиғилдон қайнаши, кўнгил айниши, қусиш бўлиши мумкин.
Қўллаш мумкин бўлмаган ҳолатлар
- препарат компонентларига юқори сезувчанлик;
- ҳомиладорлик, лактация даври.
- юрак фаолияти декомпенсацияси.
Дориларнинг ўзаро таъсири
Ҳозирги вақтгача бошқа дори воситалари билан ўзаро таъсири хақида маълумотлар йўқ.
Махсус кўрсатмалар
Препарат болалар ололмайдиган жойда сақлансин ва яроқлилик муддати ўтгач қўлланилмасин.
Дозани ошириб юборилиши
Препаратни дозасини ошириб юбориш ҳолларида – кўнгил айниши.
Чиқарилиш шакли
Сироп 50, 90, 100 ва 120 мл дан флаконларда.
Сақлаш шароити
Ёруғликдан ҳимояланган жойда, 25оС дан юқори бўлмаган ҳароратда сақлансин.
Яроқлилик муддати
2 йил.
Дорихоналардан бериш тартиби
Рецептсиз.
