ҚЎЛЛАШ БЎЙИЧА ЙЎРИҚНОМА
НООЦИД
NOOCID
Препаратнинг савдо номи: Нооцид
Таъсир этувчи модда (ХПН): цитиколин натрий
Дори шакли: инъекция учун эритма 1000 мг/4 мл
Таркиби:
Ҳар бир ампула қуйидагиларни сақлайди:
фаол модда: цитиколин – 1000 мг;
ёрдамчи моддалар: метил парабен, пропил парабен, динатрия ЭДТА, натрия метабисульфит, инъекция учун сув.
Таърифи: тиниқ, рангсиз эритма
Фармакотерапевтик гуруҳи: ноотроп восита.
АТХ коди: N06BX06
Фармакологик хусусиятлари
Цитиколин нейронларнинг мембранасида структур фосфолипидларни биосинтезини рағбатлантиради, бу мембраналарнинг фаолиятини, шунингдек ионлар алмашинуви насослари ва нейрорецепторларнинг фаолиятини яхшиланишига ёрдам беради. Мембранага барқарорлаштирувчи таъсир қилиши туфайли, цитиколин шишга қарши ҳусусиятларга эга ва мия шишини олдини олади. Цитиколин бош мия жароҳатлари ва бош мияда қон айланишини ўткир бузилиши каби патологик жараёнлардан кейинги церебрал дисфункция билан боғлиқ бўлган симптомларнинг яққоллигини сусайтиради. Цитиколин амнезиянинг даражасини камайтиради, когнитив, сенситив ва мотор бузилишларида бош миянинг ҳолатини яхшилайди. Цитиколин гипоксияда ва бош мия ишемиясида кузатиладиган симптомлар, жумладан хотирани ёмонлашуви, эмоционал лабиллик, кундалик ишларни бажариш ва ўзига хизмат кўрсатишда кузатиладиган қийинчиликларни яхшилайди.
Фармакокинетикаси
Гарчи цитиколин организмда мавжуд бўлган табиий бирикма ҳисобланар экан, экзоген ва эндоген цитиколиннинг миқдорий жиҳатдан аниқлаш қийинлиги туфайли, классик фармакокинетик текширишларни бажариш имкони йўқдир. Препаратнинг биокираолишлигини текшириш, препарат перорал қабул қилинганида ёки парентерал йўл билан юборилганида унинг биокираолишлиги деярли бир хил эканлигини кўрсатди. Фармакокинетик текширишда цитиколинни деярли тўлиқ сўрилиши кузатилган. Организмдан чиқарилиши жуда секин, асосан нафас йўллари орқали ва сийдик билан чиқарилади. 5 кун давомида юборилганидан сўнг дозанинг тахминан 16% аниқланган, бу дозанинг қолган қисми метаболизмга учраганлигидан далолат беради.
Қўлланилиши
- Ишемик инсультни ўткир даврида;
- Ишемик ва геморрагик инсультларни тикланиш даврида;
- Бош мия жароҳатлари – ўткир ва тикланиш даврида;
- Бош мияни дегенератив ва томирли касалликларида когнитив бузилишларни даволаш учун қўлланади.
Қўллаш усули ва дозалари
Препарат вена ичига ёки мушак ичига юборилади.
Препарат вена ичига инъекция ҳолида секин (буюрилган дозага қараб 3-5 минут давомида) ёки вена ичига томчилаб (минутига 40-60 томчидан) юборилади.
Вена ичига юбориш йўли мушак ичига юбориш йўлига нисбатан афзалдир. Мушак ичига юборилганида препаратни айнан бир жойга юборишдан сақланиш керак.
Ишемик инсультни ўткир даври ва бош мия жароҳатлари (БМЖ): ташхис қўйилганидан сўнг биринчи суткадан бошлаб, 1000 мг дан ҳар 12 соатда юборилади, даволаш давомийлиги камида 6 ҳафтани ташкил этади.
Ишемик ва геморрагик инсультларнинг тикланиш даври, БМЖ ни тикланиш даври, бош мияни дегенератив ва қон томир касалликларидаги когнитив ва ҳулқ-атвор бузилишлари: кунига 500-2000 мг ни ташкил этади. Препаратнинг дозаси ва даволаш давомийлиги касалликнинг симптомларини оғирлигига боғлиқ.
Онгни давомли бузилишларида касалликни биринчи босқичларидан бошлаб препаратни узлуксиз равишда қўллаш мумкин.
Кекса ёшдаги пациентларга Нооцид препарати вена ичига ёки мушак ичига юборилганида, унинг дозасига тузатиш киритиш талаб этилмайди.
Ампуланинг ичидаги вена ичига ва мушак ичига юбориш учун эритма бир марта юбориш учун мўлжалланган. Ампула очилганидан сўнг эритмани зудлик билан ишлатиш керак. Препарат вена ичига юбориладиган барча изотоник эритмалар ва декстроза эритмалари билан мутаносибдир.
Ножўя таъсирлари
Жуда кам ҳолларда (< 1/10000) (шу жумладан индивидуал ҳолатлар): аллергик реакциялар (тери тошмалари, терини қичишиши, анафилактик шок), бош оғриғи, бош айланиши, қизиб кетиш ҳисси, тремор, кўнгил айниши, қусиш, диарея, галлюцинациялар, шишлар, ҳансираш, уйқусизлик, қўзғалувчанлик, иштаҳани пасайиши, фалаж бўлган қўл-оёқларни увишиши, жигар ферментлари фаоллигини ўзгариши бўлиши мумкин. Айрим ҳолларда парасимпатик нерв тизимини рағбатлантириши, шунингдек артериал босимни қисқа вақт ўзгартириши мумкин.
Қўллаш мумкин бўлмаган ҳолатлар
Препаратни яққол ваготонияси (вегетатив нерв тизимининг парасимпатик қисми тонусини устун бўлиши) бўлган беморларга ва препаратнинг ҳар қандай компонентига юқори сезувчанликда буюриш мумкин эмас. Ҳомиладорлик ва лактация. Клиник маълумотлар етарли бўлмаганлиги сабабли, 18 ёшгача бўлган болаларга қўллаш тавсия этилмайди.
Дориларнинг ўзаро таъсири
Цитиколин леводопанинг самарасини кучайтиради. Меклофенопат сақловчи дори воситалари билан бир вақтда қўллаш мумкин эмас.
Цитиколин препаратини қон кетишини тўхтатувчи воситалар, бош мия ички босимига қарши антигипертензив воситалар ва одатдаги перфузион суюқликлар билан бир вақтда қўллаш мумкин.
Махсус кўрсатмалар
Бош мия жароҳатларида бош мия ички босимини пасайтириш учун маннитол ва картикостероид воситалар каби дори препаратларини буюриш керак.
Бош мияга қон қуйилганида цитиколиннинг бир марта юбориладиган дозасини 500 мг дан ошириш мумкин эмас, бундай ҳолатда дозаларини бўлиб бўлиб (100-200 мг суткада 2-3 марта) юбориш мумкин.
Ҳомиладорлик ва лактацияда қўлланиши
Ҳомиладорликда она учун кутилган фойда ҳомила учун потенциал ҳавфдан устун бўлган ҳоллардагина препаратни қўллаш мумкин.
Лактация даврида препаратни қўллаш зарурати бўлганида эмизишни тўхтатиш масаласини ҳал қилиш керак.
Педиатрияда қўлланиши
Болалар ва 18 ёшгача бўлган ўсмирларда препаратни қўллаш самарадорлиги ва ҳавфсизлиги аниқланмаган.
Автотранспортни ҳайдаш ва механизмларни бошқариш қобилиятига таъсири
Даволаниш вақтида пациентлар автомобилни бошқариш ва психомотор реакциялар тезлигини талаб этувчи инларни бажаришда эҳтиёткорликка риоя қилиш керак.
Препарат болалар ололмайдиган жойда сақлансин ўрамида кўрсатилган яроқлилик муддати тугаганидан сўнг ишлатилмасин.
Дозани ошириб юборилиши
Препаратнинг токсиклиги кам бўлганлиги сабабли дозани ошириб юборилиш ҳоллари таърифланмаган.
Чиқарилиш шакли
4 мл дан препарат шиша ампулада. 5 ампуладан ПВХ плёнкали блистерда қўллаш бўйича йўриқномаси билан бирга картон қутида.
Сақлаш шароити
Қуруқ, қуёш нурларидан ҳимояланган жойда ва 25оС дан юқори бўлмаган ҳароратда сақлансин.
Яроқлилик муддати
3 йил.
Дорихоналардан бериш тартиби
Рецепт бўйича.
