Нейрокобал

ҚЎЛЛАШ БЎЙИЧА ЙЎРИҚНОМА

НЕЙРОКОБАЛ^®

NEUROCOBAL^®

Препаратнинг савдо номи: Нейрокобал^®

Таъсир этувчи модда (ХПН): метилкобаламин

Дори шакли: плёнка қобиқ билан қопланган таблеткалар

Таркиби:

Ҳар бир плёнка қобиқ билан қопланган таблетка қуйидагиларни сақлайди:

фаол модда: 500 мкг метилкобаламин;

ёрдамчи моддалар: микрокристалл целлюлоза (Ph 101, 102), ўта желатинланган крахмал, поливинилпирролидон К-30, изопропил спирти, коллоид кремний диоксиди, тозаланган тальк, стеарин кислотаси, этил целлюлоза 7 CPS, титан диоксиди, полиэтиленгликоль, дихлорметан, жигарранг опадрай 03F565012.

Таърифи: жигарранг, стандарт думалоқ, икки томони қавариқ, плёнка қобиқ билан қопланган таблеткалар.

Фармакотерапевтик гуруҳи: цианокобаламин ва унинг ҳосилалари

АТХ коди: В03ВА05

Фармакологик хусусиятлари

Фармакодинамикаси

Метилкобаламин – шунингдек В₁₂ витамини сифатида ҳам маълум бўлган ўрнини босолмайдиган сувда эрувчан В витаминидир. В₁₂ витамини оқсил ва миелин ядросининг синтези, ҳужайраларни кўпайиши, нормал ўсиши ва нормал эритропоэз учун муҳимдир. В₁₂ витамини В коферментига айланади, у метилмалонатни сукцинатга айланишида ва метионинни гомоцистеиндан синтезида жуда муҳим ҳисобланади. В₁₂ витамини ёғлар, углеводлар метаболизми ва оқсил синтезида иштирок этувчи ферментлар учун зарур сульфгидрил гуруҳларни тикланган шаклда тутиб турилишида иштирок этади. В₁₂ витамини фолат кислотасининг синтезида иштирок этади, шунинг учун метилкобаламин танқислиги унинг етишмовчилигига хам олиб келади. В₁₂ витамини гомоцистеинни метионинга метил гуруҳини йўқолишида муҳим роль ўйнайди. Гомоцистеиннинг юқори даражалари ҳар доим эндотелий ҳужайраларини шикастланиши, азот оксидини пасайиши ҳисобига эндотелий-вазодилатациясини бузилиши, оксидланишни ошиши ва паст зичликдаги липопротеинларни (ПЗЛП) артерияларда тўпланиши, тромбоцитлар адгезиясини ошиши ва қон ивиш каскадини фаоллашув ҳавфини ошишига олиб келади. Витамин ва фолат кислотасини бир вақтда қўллаганда, оч қоринга гомоцистеининг даражасини пасайишига нисбатан катта бўлмаган аддитив самара кузатилади, лекин бу фақат В₁₂ витаминининг танқислиги бўлган одамларда бўлиши мумкин. Гомоцистеиннинг концентрациясини ошиши бошқа сабаблар, масалан когнитив фаолиятни пасайиши, хотирани ёмонлашиши, Альцгеймер касаллиги ва қон томир деменцияси оқибатида ҳам юз бериши мумкин. В₁₂ витаминининг метилкобаламин шакли, шунингдек мелатониннинг даражасига ҳам таъсир қилиши мумкин. Эҳтимол мелатонинга таъсири туфайли, метилкобаламин диққатни яхшилаши ва уйқуси нормал бўлган одамларда уйқу вақтини қисқартириши мумкин.

Фармакокинетикаси

В₁₂ витамини ёнбош ичакнинг терминал бўлимига фаол ўтказилиши механизми орқали сўрилади. Бунинг учун меъдада ишлаб чиқарилувчи гликопротеин – ички омил зарурдир. Меъданинг нормал pH ида В₁₂ витамини озиқ-овқат оқсилларидан ажралади, сўнг у ички омил билан боғланади ва ёнбош ичакда сўрилади. Сўрилиши меъда pHни ошиши сабабли, масалан, атрофик гастритда, кислота муҳитни сусайтирувчи дори воситалари ишлатилганда ёки қисман гастрэктомияда секинлашиши мумкин. В₁₂ витамини 6 соатли ярим чиқарилиш даврига эга ва асосан сафро билан чиқарилади.

Қўлланилиши

• Периферик нейропатия,
• диабетик нейропатия,
• алкоголли нейропатия,
• медикаментоз нейропатия,
• деменцияда қўлланади.

Қўллаш усули ва дозалари

Перорал қўлланганда клиник самарага эришиш учун доза суткада 1500-6000 мкг ни ташкил қилади. Максимал дозадан ортиқ дозаларда аҳамиятга эга бўлган терапевтик афзаллиги аниқланмаган.

Метилкобаламин перорал, мушак ичига ва вена ичига қўлланиши мумкин.

Ножўя таъсирлари

Баъзи шахсларда В₁₂ витамини диареяни, қон қуюлишини, қичишишни, жиддий артериал реакцияларни ва бошқа ножўя самараларни чақириши мумкин. В₁₂ витамини псориазда терига қўллаш учун ҳавфсиз ҳисобланади.

Шунингдек, қуйидаги ножўя самаралар ҳам юзага келиши мумкин:

• қўзғалувчанлик
• уйқусизлик
• мушакларда оғриқ
• бўғимларда оғриқ
• хуснбузар
• тошма
• ваҳима
• юрак уришини тезлашиши
• кўнгил айниши
• бош оғриғи
• мигрень.

Қўллаш мумкин бўлмаган ҳолатлар

Таъсир этувчи модда ёки ҳар қандай ёрдамчи моддаларга юқори сезувчанликда кўллаш мумкин эмас.

Дориларнинг ўзаро таъсири

Хлорамфеникол

Бир неча клиник ҳолатларда хлорамфеникол В₁₂ витаминини қўшимча қабул қилаётган пациентларда ретикулоцитар жавоб реакциясини кечиктириши ёки тўхтатиши мумкинлиги кузатилган. Шунинг учун агар ушбу бирикмани қўллашдан сақланишнинг иложи бўлмаса, қон кўрсаткичларини синчковлик билан назорат қилиш керак.

Сўрилиши

Қуйида келтирилган препаратлар: аминосалицил кислотаси, антибиотиклар, колхицин, холестирамин, Н₂-блокаторлари, метформин, неомицин, азот оксиди, перорал контрацептивлар, фенитоин, фенобарбитал, примидон, протон насоси ингибиторлари, зидовудин – В₁₂ витаминини сўрилишини сусайтириши мумкин.

Махсус кўрсатмалар

Юрак-қон томир касалликлари бўлган пациентларда эҳтиёткорлик билан қўлланиши керак. Коронар стентидан сўнг фолат кислотасини, В₆ витаминини ва В₁₂ витаминини, кейинчалик ҳар кунлик перорал қўллашга ўтиш билан, вена ичига ортиқча юк берадиган дозада юбориш рестенозни (қон томирларини такроран торайиши) ҳавфини ошириши аниқланган. Шунинг учун, потенциал хавфи туфайли, бу мажмуани коронар стенти бўлган пациентларга тавсия қилиш мумкин эмас.

Артериал босими юқори бўлган пациентларда эҳтиёткорлик билан қўлланиши керак, чунки гидрокобаламин вена ичига юборилганидан кейин қон босими ошиши ҳақида хабар қилинган.

Ҳомиладорлик ва лактация даврида қўлланиши

Ҳомиладор ёки эмизикли аёллар учун тавсия қилинган дозаларда перорал қабул қилиш хавфсиз ҳисобланади. Катта микдорда қабул қилиш тавсия қилинмайди, чунки витаминни бундай қабул қилишнинг хавфсизлиги ҳали маълум эмас.

Транспорт воситаларини ҳайдаш ва механизмларни бошқариш қобилиятига таъсири

Таъсир қилмайди.

Дозани ошириб юборилиши

Даволаш симптоматик ва эришилган самарани бир маромда сақлаб турувчи бўлиши керак.

Чиқарилиш шакли

10 таблеткадан блистерда, 3 ёки 10 блистердан қўллаш бўйича йўриқномаси билан бирга картон қутига жойланган.

Сақлаш шароити

Оригинал ўрамда, 25°С дан юқори бўлмаган ҳароратда, ёруғлик ва намликдан ҳимояланган жойда сақлансин. Болалар ололмайдиган жойда сақлансин.

Яроқлилик муддати

2 йил. Препарат яроқлилик муддати ўтгач қўлланилмасин.

Дорихоналардан бериш тартиби

Рецептсиз.