ҚЎЛЛАШ БЎЙИЧА ЙЎРИҚНОМА
МУКАЛТИН
MUCALTINUM
Препаратнинг савдо номи: Мукалтин
Дори шакли: Таблеткалар
Бир таблетканинг таркиби:
фаол модда: доривор гулхайри ўтининг экстракти (мукалтин) – 0,050 г;
ёрдамчи моддалар: кальций стеарати, натрий гидрокарбонати, вино кислотаси.
Фармакотерапевтик гуруҳи: Балғам кўчирувчи восита.
Фармакологик хусусиятлари
Мукалтин доривор гулхайри ўти полисахаридларининг аралашмаси бўлиб, балғам кўчирувчи хусусиятларга эга. Рефлектор рағбатлантирувчи таъсири туфайли, хилпилловчи эпителийнинг фаоллигини ва бронхиал безларнинг секрециясини кучайиши билан бирга нафас бронхиолаларининг перистальтикасини кучайтиради.
Қўлланилиши
Йўтал ва юқори қовушқоқ қийин ажралувчи балғамни ҳосил бўлиши билан кечувчи нафас йўлларининг ўткир ва сурункали касалликлари (шу жумладан трахеобронхит, обструктив бронхит, бронхоэктазлар, пневмония) – мажмуавий даволаш таркибида қўлланади.
Қўллаш усули ва дозалари
Катталар ва 12 ёшдан ошган болаларга ичга, овқатдан олдин 1-2 таблеткадан кунига 2-3 марта. Даволаш курси ўртача 7-14 кун. Болаларга беришда таблеткани 1/3 стакан илиқ сувда эритиш мумкин.
Ножўя таъсирлари
Аллергик реакциялар, диспепсик кўринишлар.
Қўллаш мумкин бўлмаган ҳолатлар
Препаратнинг компонентларига юқори сезувчанлик, меъда ва ўн икки бармоқ ичакнинг яра касаллиги.
Дориларнинг ўзаро таъсири
Мукалтинни бронх-ўпка касалликларини даволашда қўлланадиган бошқа препаратлар билан бир вақтда буюриш мумкин.
Мукалтинни кодеин сақловчи препаратлар ва бошқа йўталга қарши дори воситалари билан бир вақтда қўллаш мумкин эмас, чунки бу суюлган балғамни кўчишини қийинлаштиради.
Махсус кўрсатмалар
Препарат транспорт воситаларини бошқариш, шунингдек диққатни юқори жамлашни ва психик ва ҳаракат реакциялар тезлигини талаб қилувчи бошқа потенциал хавфли фаолият турлари билан шуғулланишга таъсир қилмайди.
Ҳомиладорлик ва эмизиш даврида қўлланиши
Ҳомиладорлик ва эмизиш даврида препаратни шифокорнинг тавсияси бўйича қўллаш мумкин.
Препарат болалар олаолмайдиган жойда сақлансин ва яроқлилик муддати ўтгач қўлланилмасин.
Дозани ошириб юборилиши
Ҳозирги вақтгача дозани ошириб юборилиш ҳоллари қайд қилинмаган.
Чиқарилиш шакли
Таблеткалар 0,050 г дан.
10 таблеткадан контур уяли ўрамда.
Сақлаш шароити
Қуруқ, ёруғликдан ҳимояланган жойда, 8°С дан 15ºС гача бўлган ҳароратда сақлансин.
Яроқлилик муддати
2 йил.
Дорихоналардан бериш тартиби
Рецептсиз.