ҚЎЛЛАШ БЎЙИЧА ЙЎРИҚНОМА
КЛОДИФЕН
CLODIFEN
Препаратнинг савдо номи: Клодифен
Таъсир этувчи модда (ХПН): диклофенак
Дори шакли: инъекция учун эритма
Таркиби
1 мл препарат қуйидагиларни сақлайди:
фаол модда: диклофенак натрий – 25 мг;
ёрдамчи моддалар: пропиленгликоль, натрий метабисульфити, бензил спирти, маннит, натрий гидроксиди, инъекция учун сув.
Таърифи: тиниқ, рангсиз ёки оч сариқ рангли эритма.
Фармакотерапевтик гуруҳи: Ностероид яллиғланишга қарши ва ревматизмга қарши воситалар. Сирка кислотасини ҳосилалари.
АТХ коди: М01АВ05
Фармакологик ҳусусиятлари
Фармакодинамикаси
Клодифен таркибида яққол яллиғланишга қарши, оғриқ қолдирувчи ва иситмани туширувчи таъсирларга эга бўлган ностероид структурали модда – диклофенак натрий сақлайди. Асосий таъсир механизми простагландинлар биосинтезини тормозлаши билан ифодаланади. Простагландинлар яллиғланиш, оғриқ ва иситмани генезида муҳим роль ўйнайди.
Ревматик касалликларда Клодифен препаратининг яллиғланишга қарши ва оғриқ қолдирувчи ҳусусиятлари тинч ҳолатда ва ҳаракатдаги оғриқ, эрталабки танглик, бўғимларни шиши, шунингдек бўғимлар фаолиятини яхшиланиши каби симптомлар ва шикоятларнинг яқоллигини аҳамиятли даражада камайиши билан характерланадиган клиник самарасини таъминлайди.
In vitro шароитларида диклофенак натрий пациентларни даволашда эришиладиган концентрацияларга эквивалент концентрацияларда тоғай тўқимасидаги протеогликанлар биосинтезини сусайтирмайди. Жароҳатдан кейинги ва операциядан кейинги яллиғланиш ҳолатларида Клодифен оғриқ (ҳам спонтан, ҳам ҳаракатда кузатиладиган оғриқ) ни тез енгиллаштиради ва яллиғланиш оқибатидаги шишни камайтиради.
Ўтказилган клиник тадқиқотлар норевматик генезли ўртача ва яққол ифодаланган оғриқ синдромида препаратнинг аҳамиятли даражадаги оғриқ қолдирувчи самарасини аниқлаш имконини берди. Шунингдек клиник тадқиқотлар, Клодифен бирламчи дисменореяда оғриқ ҳисларини бартараф қилиш ва қон йўқотиш даражасини пасайтиришга қодир эканлигини аниқлаш имконини берди.
Фармакокинетикаси
Мушак ичига юборилганида қон плазмасида максимал концентрациясига эришиш вақти – 20 минут. Плазмада фаол модданинг концентрацияси юборилган дозанинг катталигига пропорционал бўлади.
Препарат мушак ичига ёки вена ичига юборилганидан сўнг AUC перорал ёки ректал юборилгандагига нисбатан тахминан икки марта катта бўлади, чунки юқоридаги юбориш йўллари жигар орқали биринчи марта ўтиш метаболизмидан сақланиш имконини беради.
99,7% диклофенак плазма оқсиллари билан, асосан альбуминлар (99,4%) билан боғланади.
Диклофенак синовиал суюқликка ўтади, у ерда максимал концентрацияси қон плазмасида чўққи қийматга эришилганидан сўнг 2-4 соатдан кейин аниқланади. Синовиал суюқликдан кутилган ярим чиқарилиш даври 3-6 соатни ташкил этади. Плазмада чўққи концентрациясига эришилганидан сўнг икки соатдан кейин синовиал суюқликдаги фаол модданинг даражаси плазмадагига нисбатан юқори бўлади, ва 12 соатгача шундай қолади.
Диклофенакнинг биотрансформацияси дастлабки молекулани глюкурон кислотаси билан қисман боғланиши орқали, аммо асосан гидроксил гуруҳи билан боғланиши ва метоксил гуруҳи билан боғланиши ҳисобига амалга ошади, бу бир қанча фенол метаболитлари (3¢-гидрокси-4¢-гидрокси-,5¢-гидрокси-,4¢5-дигидрокси- ва 3¢-гидрокси-4¢-метокси-диклофенак) ни ҳосил бўлишига олиб келади, уларнинг кўпчилиги глюкуронид конъюгатларига айланадилар. Ушбу фенол метаболитларининг иккитаси диклофенакка нисбатан камроқ даражада биологик фаол.
Диклофенакнинг қон плазмасидан умумий тизимли клиренси минутига 263±56 мл ни ташкил этади. Қон плазмасидан якуний ярим чиқарилиш даври 1-2 соатни ташкил этади. Тўртта метаболити, шу жумладан иккита фаол метаболити ҳам плазмадан қисқа ярим чиқарилиш даврига эга. Препаратнинг юборилган дозасини тахминан 60% сийдик билан дастлабки молекуланинг глюкуронид конъюгатлари ва метаболитлар ҳолида чиқарилади, уларнинг кўпчилиги ҳам глюкуронид конъюгатларига айланадилар. 1% дан камроқ қисми ўзгармаган бирикмалар ҳолида, қолган қисми сафро билан метаболитлар ҳолида чиқарилади.
Сурункали гепатит ёки декомпенсацияланмаган жигар циррози бўлган пациентларда диклофенакнинг кинетикаси ва метаболизми жигар касалликлари бўлмаган пациентлардаги билан бир хил бўлади.
Қўлланилиши
Препарат мушак ичига юборилганида қуйидагиларни даволаш учун мўлжалланган:
- ревматик касалликларнинг яллиғланиш ва дегенератив шакллари (ревматоид артрит, анкилозланувчи спондилит, остеоартроз, спондилоартритлар), вертебрал оғриқ синдроми, бўғимдан ташқари ревматизм;
- ўткир подагра ҳуружлари;
- буйрак ва жигар санчиқлари;
- жироҳатдан кейин ва операциядан кейин яллиғланиш ҳамда шиш билан кечадиган оғриқ синдроми, масалан, стоматологик ва ортопедик жарроҳлик аралашувларидан кейин;
- оғир даражадаги мигрен ҳуружлари.
Препарат вена ичига инфузия кўринишида юборилганида операциядан кейинги оғриқни даволаш ва олдини олиш учун мўлжалланган.
Қўллаш усули ва дозалари
Клодифен инъекция учун эритма препаратини 2 кундан ортиқ қўллаш мумкин эмас; зарурат бўлганида даволашни препаратнинг перорал шакллари билан давом эттириш мумкин.
Ҳар бир ампула фақат бир марта қўллаш учун мўлжалланган. Эритма ампула очилгандан сўнг дарҳол ишлатилиши керак. Ҳар қандай ишлатилмаган ампуланинг ичидагиси утилизация қилиниши керак.
Мушак ичига инъекция қилиш
Одатдаги суткалик доза суткада 75 мг (1 ампула) ни ташкил этади, думба мушагининг ташқи юқори квадрантига чуқур инъекция қилинади. Оғир ҳолатларда (масалан, санчиқлар) суткалик дозани 75 мг дан 2 инъекциягача ошириш мумкин, бунда улар орасидаги бир неча соатлик интервалга риоя қилиш керак (1 инъекциядан ҳар бир думдага).
Альтернатива сифатида 75 мг ли 1 ампулани умумий максимал суткалик доза 150 мг бўлгунигача препаратнинг бошқа дори шакллари (масалан, таблеткалар, суппозиторийлар) билан мажмуада қўллаш мумкин. Мигрень ҳуружида клиник тажриба препаратнинг 75 мг (1 ампула) дозасини бошланғич қўллаш ҳолатлари билан чекланган. Зарурат бўлганида препаратнинг дозаси суппозиторийлар 100 мг дан қўлланганидан сўнг дарҳол юборилади. Умумий суткалик доза 1-кунида 175 мг дан ошмаслиги керак.
Вена ичига инфузия қилиш
Клодифен инъекция учун эритмани вена ичига болюс инъекция ҳолида юбориш мумкин эмас.
Вена ичига инфузия қилишни бевосита бошлашдан олдин, қўллаш керак бўлган давомийлигига қараб, Клодифен препаратининг бир ампуласини 100-500 мл ҳажмдаги 0,9% ли натрий хлорид эритмаси ёки 5% декстроза эритмасида суюлтириш керак. Ҳар иккала эритма инъекция учун натрий бикарбонати эритмаси (0,5 мл 8,4% ли эритма ёки 1 мл 4,2% ли эритма) билан буферланган бўлиши керак. Фақат тиниқ эритмаларни қўллаш мумкин. Агар эритмада кристаллар ёки чўкма бўлса, у ҳолда уни инфузия учун қўллаш мумкин эмас.
Клодифен инъекция учун эритма препаратини иккита муқобил дозалаш тартиби тавсия этилади. Операциядан кейинги ўртача ва оғир даражадаги оғриқни даволаш учун 75 мг дозани узлуксиз равишда 30 минутдан 2 соатгача вақт давомида юбориш керак. Зарурат бўлганида даволашни бир неча соатдан кейин такрорлаш мумкин, аммо доза 24 соатнинг исталган вақти давомида 150 мг дан ошмаслиги керак.
Операциядан кейинги оғриқни олдини олиш учун жарроҳлик аралашувидан кейин 15 минут – 1 соатдан кейин 25-50 мг юклама дозасини юбориш керак, шундан сўнг максимал суткалик доза 150 мг бўлгунигача соатига тахминан 5 мг тезликда узлуксиз равишда инфузия қилиш керак.
Ножўя таъсирлари
Ножўя самараларни ривожланиш тезлигини қуйида келтирилган кўрсаткичлари қуйидаги тарзда аниқланган: тез-тез (≥ 1/100 дан < 1/10 гача), тез-тез эмас (≥ 1/1000 дан < 1/100 гача), кам ҳолларда (≥ 1/10000 дан < 1/1000 гача), жуда кам ҳолларда (< 1/10000).
Қуйидаги ножўя реакциялар Клодифен инъекция учун эритма препарати ва/ёки диклофенакнинг бошқа дори шакллари қисқа муддат ва узоқ муддат қўлланганида, уларни қўллаш билан боғлиқ бўлган кўринишларни ўз ичига олади.
Инфекциялар ва инвазиялар: жуда кам ҳолларда – инъекция қилинган жойда абсцесс.
Қон яратиш тизими томонидан кузатиладиган бузилишлар: жуда кам ҳолларда – тромбоцитопения, лейкопения, анемия (шу жумладан гемолитик ва апластик анемия), агранулоцитоз.
Иммун тизими томонидан кузатиладиган бузилишлар: кам ҳолларда – ўта юқори сезувчанлик, анафилактик ва сохта анафилактик реакциялар (шу жумладан гипотензия ва шок); жуда кам ҳолларда – ангионевротик шиш (шу жумладан, юзни шиши).
Руҳий бузилишлар: жуда кам ҳолларда – дезориентация, депрессия, уйқусизлик, тунги қўрқувлар, таъсирчанлик, руҳий бузилишлар.
Нерв тизими томонидан кузатиладиган бузилишлар: тез-тез – бош оғриғи, бош айланиши; кам ҳолларда – уйқучанлик; жуда кам ҳолларда – парестезия, хотирани бузилиши, тиришишлар, хавотирлик, тремор, асептик менингит, таъм билиш ҳиссини бузилиши, бош мияда қон айланишини бузилиши.
Кўриш аъзолари томонидан кузатиладиган бузилишлар: жуда кам ҳолларда – кўришни бузилиши, кўришни хиралашиши, диплопия.
Эшитиш ва лабиринт аъзолари томонидан кузатиладиган бузилишлар: тез-тез – вертиго; жуда кам ҳолларда – қулоқларни шанғиллаши, эшитишни бузилиши.
Юрак томонидан кузатиладиган бузилишлар: жуда кам ҳолларда – юрак уришини ҳис этиш, кўкракда оғриқ, юрак етишмовчилиги, миокард инфаркти.
Қон-томирлар тизими томонидан кузатиладиган бузилишлар: жуда кам ҳолларда – артериал гипертензия, васкулит.
Респиратор, торакал ва медиастинал бузилишлар: кам ҳолларда – астма (жумладан диспноэ), бронхоспазм; жуда кам ҳолларда – пневмонит.
Овқат ҳазм қилиш тизими томонидан кузатиладиган бузилишлар: тез-тез – кўнгил айниши, қусиш, диарея, диспепсия, абдоминал оғриқ, метеоризм, иштаҳани пасайиши; кам ҳолларда – гастрит, гастроинтестинал қон кетишлар, қон аралаш қусиш, геморрагик диарея, мелена, меъда ёки ичак яраси (қон кетиши ёки перфорация билан бирга ёки уларсиз); жуда кам ҳолларда – колит (шу жумладан геморрагик колит ва ярали колитни зўрайиши ёки Крон касаллиги), қабзият, стоматит, глоссит, эзофагеал бузилишлар, ичакни диафграгмасимон стриктураси, панкреатит.
Гепатобилиар бузилишлар: тез-тез – трансаминазаларнинг даражасини ошиши; кам ҳолларда – гепатит, сариқлик, жигар фаолиятини бузилиши; жуда кам ҳолларда – яшин тезлигида кечувчи гепатит, гепатонекроз, жигар етишмовчилиги.
Тери ва тери ости тўқималари томонидан кузатиладиган бузилишлар: тез-тез – тошмалар; кам ҳолларда – эшакеми; жуда кам ҳолларда – буллёз дерматит, экзема, турли эритемалар, Стивенс-Джонсон синдроми, токсик эпидермал некролиз (Лайелл синдроми), эксфолиатив дерматит, алопеция, ёруғликка сезувчанлик реакциялари, пурпура, Шейлен-Геноха пурпураси, қичишиш.
Буйрак ва сийдик чиқариш йўллари томонидан кузатиладиган бузилишлар: жуда кам ҳолларда – ўткир буйрак етишмовчилиги, гематурия, протеинурия, нефротик синдром, тубулоинтерстициал нефрит, буйрак папилляр некрози.
Умумий бузилишлар ва препарат юборилган жойдаги бузилишлар: тез-тез – инъекция қилинган жойдаги реакциялар, оғриқ, қаттиқлашиши; кам ҳолларда – шиш, инъекция қилинган жойда некроз бўлиши мумкин.
Қўллаш мумкин бўлмаган ҳолатлар
- таъсир этувчи моддага, натрий метабисульфитига ёки препаратнинг ҳар қандай бошқа компонентларига маълум ўта юқори сезувчанлик;
- анамнезида меъда-ичак йўллари (МИЙ) дан, илгари ностероид яллиғланишга қарши препаратлар (НЯҚП) ни қўллаш билан боғлиқ бўлган, қон кетиши ёки перфорацияси;
- анамнезида яра касаллигини фаол шакли / қон кетиши ёки қайталанувчи яра касаллиги / қон кетиши (аниқланган меъда-ичак яраси ёки қон кетишини иккита ёки ундан ортиқ эпизодлари);
- бошқа НЯҚП каби, диклофенакни ҳам ибупрофен, ацетилсалицил кислотаси ёки бошқа НЯҚП ни қўллаш бронхиал астма ҳуружлари, ангионевротик шиш, эшакеми ёки ўткир ринитни қўзғатадиган пациентларга қўллаш мумкин эмас;
- ичакни яллиғланиш касалликлари (Крон касаллиги, носпецифик ярали колит);
- оғир даражадаги жигар етишмовчилиги;
- оғир даражадаги юрак етишмовчилиги;
- ўртача ва оғир даражадаги буйрак етишмовчилиги (креатинин клиренси < 30 мл/мин);
- операциядан кейинги қон кетишлар, қонни гипокоагуляцияси, гемостазни бузилиши, гемопоэтик бузилишлар ёки цереброваскуляр қон кетишлар ривожланишини юқори ҳавфи;
- аортокоронар шунт қўйилгандан сўнг операциядан кейинги оғриқларни даволаш;
- ҳомиладорликнинг III уч ойлиги;
- болалар ва 18 ёшгача бўлган ўсмирларга қўллаш мумкин эмас.
Дориларнинг ўзаро таъсири
Қуйида Клодифен инъекция учун эритма препарати ва/ёки диклофенакнинг бошқа дори шакллари қўлланганида кузатилган ўзаро таъсирлар келтирилган.
CYP2C9 нинг кучли ингибиторлари: диклофенакни CYP2C9 нинг кучли ингибиторлари (вориконазол каби) билан бирга буюрилганида эҳтиёткорликка риоя қилиш керак, улар диклофенакнинг метаболизмини ингибиция қилиши ҳисобига қон плазмасида диклофенакнинг чўққи концентрациясини аҳамиятли даражада ошишига ва экспозициясига олиб келиши мумкин.
Литий: бир вақтда қўлланганида диклофенак қон плазмасида литийнинг концентрациясини ошириши мумкин. Плазмадаги литийнинг даражасини мониторинг ўтказиш тавсия этилади.
Дигоксин: бир вақтда қўлланганида диклофенак қон зардобида дигоксиннинг концентрациясини ошириши мумкин. Зардобдаги дигоксиннинг даражасини мониторинги тавсия этилади.
Диуретиклар ва антигипертензив воситалар: диклофенакни диуретиклар ёки антигипертензив воситалар (масалан, бета-блокаторлар, ангиотензинга айлантирувчи фермент (ААФ) ингибиторлари) билан бирга қўллаш уларнинг антигипертензив таъсирини пасайишига олиб келиши мумкин. Шундай қилиб, бундай мажмуа эҳтиёткорлик билан қўлланади, пацентлар эса, айниқса кекса ёшдаги шахслар артериал босимга нисбатан синчков кузатув остида бўлишлари керак. Пациентлар етарли миқдорда суюқлик қабул қилишлари керак, шунингдек айниқса диуретиклар ва ААФ ингибиторлари қўлланганида, нефротоксикликни ривожланиш ҳавфи ошиши оқибатида мажмуавий даволаш бошлангандан сўнг ва тугагандан сўнг мунтазам равишда буйрак фаолиятини мониторинги тавсия этилади.
Гиперкалиемияни чақирадиган препаратлар: калийни тежовчи диуретиклар, циклоспорин, такролимус ёки триметопримни бир вақтда қўллаш қон зардобида калийнинг даражасини ошишига олиб келиши мумкин (ушбу кўрсаткични мунтазам равишда назорат қилиш керак).
Бошқа НЯҚП ва кортикостероидлар: диклофенак ва бошқа тизимли НЯҚП ёки кортикостероидларни бирга қўллаш МИЙ томонидан кузатиладиган ножўя самараларнинг ривожланиш тезлигини ошириши мумкин.
Антикоагулянтлар ва антитромботик воситалар: олдини олиш чораларни кўриш тавсия этилади, чунки ушбу дори воситаларни диклофенак бирга қўллаш қон кетиш ҳавфини ошириши мумкин. Гарчи клиник тадқиқотлар диклофенакни антикоагулянтларнинг фаоллигига таъсир қилишидан далолат бермаса-да, диклофенак ва антикоагулянтларни бир вақтда олаётган пациентларда қон кетиши ҳавфини ошиши юзасидан айрим маълумотлар мавжуд. Шунинг учун бундай пациентларни синчков мониторинг ўтказиш тавсия этилади.
Серотонинни қайта қамраб олинишини селектив ингибиторлари (СҚОСИ): тизимли НЯҚП ва СҚОСИ ни бирга буюриш МИЙ дан қон кетиш ҳавфини ошириши мумкин.
Антидиабетик препаратлар: клиник тадқиқотлар, диклофенак перорал антидиабетик воситалар билан бирга, уларнинг клиник самарасига таъсир қилмасдан, қўллаш мумкинлигини кўрсатди. Бироқ, ҳам гипогликемия, ҳам гипергликемияни ривожланишини айрим ҳолатлари маълум бўлиб, бунда диклофенак билан даволаниш вақтида антидиабетик воситаларнинг дозасига тузатиш киритиш талаб этилиши мумкин. Бундай ҳолатларда қондаги глюкозанинг даражасини мониторингини ўтказиш талаб этилади, бу ёндош даволаниш вақтида олдини олувчи чора ҳисобланади.
Фенитоин: фенитоин диклофенак билан бирга қўлланганида фенитоинни экспозицияси ошиши мумкинлиги туфайли, фенитоиннинг қон плазмасидаги концентрациясини мониторинги тавсия этилади.
Метотрексат: метотрексат билан даволанишдан камида 24 соат олдин ёки даволангандан сўнг камида 24 соатдан кейин НЯҚП юборилганида эҳтиёткорликка риоя қилиш тавсия этилади, чунки қонда метотрексатнинг концентрацияси ошиши ва унинг токсиклиги кучайиши мумкин.
Циклоспорин ва такролимус: бошқа НЯҚП каби, диклофенак циклоспоринни буйраклардаги простагландинларга таъсир қилиши оқибатида унинг нефротоксиклигини ошириши мумкин. бундай ҳавф такролимус билан даволанганда ҳам ривожланади. Шу сабабли, диклофенакни циклоспорин қабул қилмайдиган беморларга нисбатан кичикроқ дозаларда қўллаш керак.
Хинолон антибиотиклари: хинолонлар ва НЯҚПни ёндош қўллашни натижаси бўлиши мумкин бўлган тиришишларга нисбатан айрим маълумотлар мавжуд.
Махсус кўрсатмалар
Барча НЯҚП, шу жумладан диклофенак қўлланганида меъда-ичак йўлларидан қон кетиши (қон аралаш қусиш, мелена), меъда-ичак яралари ёки перфорация ҳоллари қайд этилган, улар ўлимга олиб келиши ва даволаниш жараёнида исталган вақт кузатилиши, олдиндан хабар берувчи симптомлар билан, ёки уларсиз намоён бўлиши, шунингдек анамнезида МИЙ томонидан жиддий кўринишлар бўлганида кузатилиши мумкин. Бу кўринишлар одатда кекса ёшдаги пациентларда жиддий оқибатларга олиб келади. Агар диклофенак олаётган беморда, меъда-ичак йўлларидан қон кетишлар ёки яраларни ҳосил бўлиши аниқланса, препаратни қўллашни тўхтатиш керак.
Жуда кам ҳолларда тери томонидан НЯҚП ни қўллаш билан боғлиқ бўлган жиддий реакциялар, шу жумладан эксфолиатив дерматит, Стивенс-Джонсон синдроми ва токсик эпидермал некролиз кузатилган. Пациентларда бундай реакцияларни энг кўп ривожланиш ҳавфи даволаш курсини бошида бўлади; кўпчилик ҳолларда бундай реакцияларни пайдо бўлиши даволашнинг биринчи ойи давомида кузатилади. Терида тошмалар биринчи марта пайдо бўлганида, шиллиқ қаватлар биринчи марта шикастланганида ёки ўта юқори сезувчанликни ҳар қандай бошқа белгилари пайдо бўлганида Клодифен препаратини қўллашни тўхтатиш керак.
Бошқа НЯҚП қўлланганида бўлгани каби, кам ҳолларда диклофенакни олдиндан экспозициясисиз аллергик реакциялар, шу жумладан анафилактик / анафилактоид реакциялар ривожланиши мумкин. Инъекция учун эритмадаги натрий метабисульфити шунингдек алоҳида оғир даражадаги ўта юқори сезувчанлик реакцияларига ва бронхоспазмга олиб келиши мумкин.
НЯҚП ўлимга олиб келиши мумкин бўлган жиддий юрак қон-томир тромботик кўринишлар, миокард инфаркти ва инсультни ривожланиш ҳавфини ошириши мумкин, шу сабабли аортокоронар шунтлаш операцияси вақтида операциядан кейинги оғриқни даволаш учун Клодифен препаратини қўллаш тавсия этилмайди. НЯҚП қабул қилаётган пациентларда, айниқса юрак қон-томир тизимида ҳавф омиллари бўлган пациентларда ножўя кардиоваскуляр асоратларни потенциал ривожланиш ҳавфини минимал даражага етказиш учун, йўл қўйилган энг қисқа даволаш давомийлигида минимал самарали дозада қўллаш керак.
Бошқа НЯҚП каби Клодифен ўзининг фармакодинамик ҳусусиятлари туфайли инфекциянинг белгилари ва симптомларини яшириши мумкин.
Огоҳлантиришлар
Клодифен препаратини, бирон-бир синергик фойдани йўқлиги ҳамда қўшимча ножўя самаралар ривожланиши мумкинлиги туфайли, тизимли НЯҚП, шу жумладан циклооксигеназа-2 ни селектив ингибиторлари билан бирга қўллашдан сақланиш керак. Препарат кекса ёшдаги шахсларга буюрилганида эҳтиёткорликка риоя қилиш керак. Хусусан, соғлиғи ёмон бўлган кекса ёшдаги одамлар ва тана вазнини кўрсаткичлари паст бўлган пациентлар учун минимал самарали дозаларни қўллаш тавсия этилади.
Бронхиал астма, мавсумий аллергик ринит, буруннинг шиллиқ қаватини шиши (назал полиплар), ўпкани сурункали обструктив касалликлари ёки нафас йўлларининг сурункали инфекциялари (айниқса ринитга ўхшаш аллергик симптомлари билан боғлиқ) бўлган пациентларда бронхиал астмани зўрайиши (шунингдек анальгетикларни ўзлаштиролмаслик билан боғлиқ бўлиши мумкин бўлган – анальгетик астма), Квинке шиши ёки эшакеми каби НЯҚП га реакциялар бошқаларга нисбатан кўпроқ ривожланади. Шу сабабли, бундай беморларга махсус огоҳлантириш чоралари ўтказиш тавсия этилган. Бу шунингдек бошқа моддаларга аллергияси бўлган, тери реакциялар, қичишиш ёки эшакеми билан кечадиган пациентларга ҳам тааллуқли. Бронхиал астма бўлган пациентларга Клодифен препарати парентерал қўлланганида, айниқса эҳтиёткорликка риоя қилиш тавсия этилади, чунки астманинг симптомлари зўрайиши мумкин.
Бошқа НЯҚП қўлланганида бўлгани каби, Клодифен препарати меъда-ичак йўллари томонидан бузилишлар борлигидан далолат берувчи симптомлари бўлган пациентларга, ёки анамнезида меъда ёки ичак яраси, қон кетиши ёки перфорацияга кўрсатмалари бўлган пациентларга Клодифен препарати буюрилганида, тиббий кузатиш ва эҳтиёткорликка риоя қилиш шарт ҳисобланади. Меъда-ичак йўларидан қон кетишини ривожланиш ҳавфи препаратнинг дозаси кўпайганида ва анамнезида меъда-ичак яраси бўлган беморларда, айниқса қон кетиши ёки перфорация каби асоратлари бўлган беморларда, шунингдек кекса ёшдаги одамларда ошади.
Ацетилсалицил кислотаси ёки меъда-ичак йўлларига нохуш таъсир қилиш ҳавфини ошириши мумкин бўлган бошқа дори воситаларини кичик дозаларда сақловчи дори воситаларини ёндош равишда қўллаш зарур бўлган пациентлар учун ҳимоя воситалари (масалан, протон помпа ингибиторлари ёки мизопростол) ёрдамида мажмуавий даволаш хақидаги масалани кўриб чиқиш керак.
Анамнезида меъда-ичакни заҳарланиши бўлган пациентлар, айниқса кекса ёшдаги пациентлар одатда кузатилмайдиган ҳар қандай абдоминал симптомлар (айниқса, МИЙ дан қон кетишлари) юзасидан хабар беришлари керак. Эҳтиёткорликлар шунингдек меъда-ичак яраси ёки қон кетишини ривожланиш ҳавфини ошириши мумкин бўлган ёндош препаратлар (тизимли кортикостероидлар, антикоагулянтлар, антитромботик воситалар ёки серотонинни қайта қамраб олинишини селектив ингибиторлари каби препаратлар) ни олаётган беморлар учун зарурдир.
Клодифен препаратини Крон касаллиги ёки носпецифик ярали колитлар каби ичакнинг яллиғланиш касалликларига кўрсатмалари бўлган беморларга эҳтиёткорлик билан буюриш керак. Беморнинг аҳволи ёмонлашиши мумкинлиги сабабли, буюрилганида синчков тиббий кузатув тайинлаш ва олдини оладиган мувофиқ чораларга риоя қилиш керак.
Клодифен жигар фаолиятини бузилиши бўлган пациентларга буюрилганида синчков тиббий кузатув ўтказиш керак, чунки уларнинг аҳволи ёмонлашиши мумкин.
Бошқа НЯҚП қўлланганида бўлгани каби, бир ёки ундан ортиқ жигар энзимларининг даражаси ошиши мумкин. Диклофенак (таблеткалар ёки суппозиторийлар) билан узоқ муддат даволаниш вақтида олдини оладиган чора сифатида жигар фаолиятини мунтазам назорат қилиш буюрилади. Агар жигар фаолиятини бузилиши сақланиб турса ёки зўрайса, Клодифен препаратини қўллашни тўхтатиш керак.
Ҳомиладорлик ва лактация даврида қўлланиши
Ҳомиладорликнинг I ва II уч ойликларида Клодифен препаратини она учун кутилган фойда ҳомила учун потенциал ҳавфдан устун бўлган ҳолда, фақат минимал самарали дозада буюриш мумкин, даволашнинг давомийлиги қанчалик мумкин бўлса, шунчалик қисқа бўлиши керак. Бошқа НЯҚП каби, препаратни ҳомиладорликнинг охирги уч ойлигида қўллаш мумкин эмас (бачадоннинг қисқариш ҳусусияти сусайиши ва ҳомилада артериал қон оқими муддатидан олдин бекилиши мумкин).
Бошқа НЯҚП каби диклофенак катта бўлмаган миқдорда кўкрак сутига ўтади. Препарат билан даволаниш вақтида эмизишни тўхтатиш керак.
Педиатрияда қўлланиши
Препарат инъекция учун эритма дори шаклида болалар ва 18 ёшгача бўлган ўсмирларда қўллаш мумкин эмас.
Автотранспортни ҳайдаш ва механизмларни бошқариш қобилиятига таъсири
Клодифен препарати билан даволаниш вақтида кўришни бузилиши, бош айланиши, вертиго, уйқучанлик ёки марказий нерв тизими томонидан бошқа бузилишлар кузатиладиган пациентлар автотранспортни ҳайдаш ёки механизмларни бошқаришдан сақланишлари керак.
Препарат болалар ололмайдиган жойда сақлансин ва яроқлилик муддати тугаганидан сўнг ишлатилмасин.
Дозани ошириб юборилиши
Диклофенакнинг дозасини ошириб юборилишини типик клиник манзараси йўқ. Дозани ошириб юборилиши қусиш, гастроинтестинал қон кетиши, диарея, бош айланиши, қулоқларни шанғиллаши, ёки тиришишлар каби симптомларни чақириши мумкин. Оғир заҳарланишда ўткир буйрак етишмовчилиги ва жигарни шикастланиши бўлиши мумкин.
Даволаш: гипотензия, буйрак етишмовчилиги, тиришишлар, гастроинтестинал бузилишлар ва нафас фаолиятини сусайиши каби асоратларни бартараф қилишга қаратилган симптоматик даволаш ўтказилади.
Чиқарилиш шакли
Инъекция учун эритма 3 мл дан сариқ рангли шиша ампулаларда. 5 ампула контур уяли ўрамда. 1 контур уяли ўрам қўллаш бўйича йўриқномаси билан бирга картон қутига жойланган.
Сақлаш шароити
25оС дан юқори бўлмаган хароратда сақлансин.
Яроқлилик муддати
3 йил.
Дорихоналардан бериш тариби
Рецепт бўйича берилади.
