ҚЎЛЛАШ БЎЙИЧА ЙЎРИҚНОМА
КАЛЬЦИЯ ГЛЮКОНАТ-ДАРНИЦА (СТАБИЛИЗИРОВАННЫЙ)
CALCIUM GLUCONATE–DARNITSA (STABILIZED)
Препаратнинг савдо номи: Кальция глюконат-Дарница (стабилизированный)
Таъсир қилувчи модда (ХПН): кальций глюконати (calcium gluconate)
Дори шакли: инъекция учун эритма
Таркиби:
1 мл эритма сақлайди:
Фаол модда: 85 мг кальций глюконати; 10 мг кальций левулинати;
Ёрдамчи моддалар: кальций сахарати, суюлтирилган хлорид кислотаси, инъекция учун сув.
1 мл препарат 9,706 мг йиғинди кальций (Са2+) сақлайди, бу кальций глюконатининг назарий миқдорига қайта ҳисобланганда 100 мг/мл эквивалент.
Таърифи: тиниқ, рангсиз суюқлик
Фармакотерапевтик гуруҳи: минерал препаратлар (кальций препаратлари)
АТХ коди: А12АА03.
Фармакологик хусусиятлари
Кальций глюконати (стабилизацияланган) метаболик жараёнларни мувофиқлаштирувчи воситадир, организмда кальций танқислиги тўлдиради, гемостатик, аллергияга қарши таъсир кўрсатади, капиллярлар ўтказувчанлигини камайтиради.
Кальций ионлари нерв импульсларини ўтказилишида, силлиқ ва скелет мушакларини қисқаришида, миокарднинг фаолиятида, қонни ивишида иштирок этади; улар суяк тўқимасини шаклланиши, бошқа тизимлар ва аъзоларни фаолият кўрсатиши учун зарур. Кўпгина патологик жараёнларда қондаги кальций ионларининг концентрацияси камаяди, яққол гипокальциемия эса тетаниянинг пайдо бўлишига олиб келади. Кальций глюконати гипокальциемияни бартараф қилади, томирларнинг ўтказувчанлигини камайтиради, аллергияга қарши, яллиғланишга қарши, қонни тўхтатувчи таъсир кўрсатади.
Фармакокинетикаси
Парентерал юборилганидан кейин препарат қон оқими билан барча аъзо ва тўқималарда бир текис тақсимланади. Қон плазмасида кальций ионланган шаклда бўлади. Йўлдош тўсиғи орқали ўтади, она сутига тушади. Организмдан асосан буйраклар орқали чиқарилади.
Қўлланилиши
Қалқонсимон бези олди безларининг фаолиятини етишмовчилиги; кальцийни организмдан кучли чиқарилишида (хусусан узоқ муддатли сувсизланишда), аллергик касалликларда (зардоб касаллиги, эшакеми, ангионевротик шиш) ва дори билан даволашнинг аллергик асоратларида қўшимча восита сифатида, турли генезли патологик жараёнларда (яллиғланиш жараёнининг экссудатив босқичи, геморрагик васкулит, нур касаллиги) томирларнинг ўтказувчанлигини камайтириш учун; паренхиматоз гепатит; жигарни токсик шикастланиши; нефрит; эклампсия; гиперкалиемия; пароксизмал миоплегиянинг гиперкалиемик шаклида, тери касалликлари (терини қичишиши, экзема, псориаз), қонни тўхтатувчи восита сифатида, шунингдек магний тузлари, шовул кислотаси ёки унинг эрувчан тузлари, фтор кислотасининг эрувчан тузлари билан заҳарланишда антидот сифатида қўлланади.
Қўллаш усули ва дозалари
Вена ичига ёки мушак ичига қўлланади.
Эритмали ампулани юборишдан олдин тана ҳароратигача иситилади. Эритмани 2-3 минут давомида секин юборилади
Катталарга ва 14 ёшдан катта болаларга касаллик характери ва беморнинг ҳолатига боғлиқ ҳолда 5-10 мл дан “Кальция глюконат-Дарница (стабилизиванный)” эритмаси ҳар куни ёки 1-2 суткадан кейин юборилади.
Болаларга ёшига боғлиқ ҳолда, кальций глюконатининг 10% эритмаси фақат вена ичига қуйидаги дозаларда юборилади: 6 ойликкача – 0,1-1 мл, 6-12 ойликда – 1-1,5 мл, 1-3 ёш – 1,5-2 мл, 4-6 ёш – 2-,25 мл, 7-14 ёш – 3-5 мл.
Эритмани 1 мл дан кам миқдорда юбориш учун, эритмани бир марталик дозасини натрий хлориднинг 0,9% изотоник эритмасида ёки глюкозанинг 5% эритмасида эритиш йўли билан мувофиқ ҳажмга (шприц ҳажмига) келтирилади.
Ножўя таъсирлари
Тез юборишда кўнгил айниши, қусиш, терлаш, бошда оғирлик ҳисси, синкопал холатлар, умумий ҳолсизлик, артериал гипотензия, вазомотор коллапс бўлиши мумкин. Баъзида диарея, брадикардия, оғиз бўшлиғида, сўнгра эса бутун тана бўйлаб иссиқлик ҳисси, улар ўз-ўзидан ўтиб кетади; кальций эритмасини экстравазацияси натижасида юмшоқ тўқималарни кальцификацияси бўлиши мумкин. Кальций тузларини мушак ичига инъекцияси маҳаллий таъсирланишни чақириши мумкин.
Жуда кам ҳолларда аллергик ва ҳатто анафилактик шоккача анафилактик реакциялар бўлиши мумкин.
Қўллаш мумкин бўлмаган ҳолатлар
Препаратнинг компонентларига ўта юқори сезувчанлик; тромбозларга мойиллик; гиперкальциемия; оғир даражали гиперкальциурия, яққол атеросклероз, қоннинг юқори ивувчанлиги; оғир даражали буйрак етишмовчилиги; саркоидоз; гликозидлар, цефтриаксон билан бирга қўллаш мумкин эмас.
Дориларнинг ўзаро таъсири
Этил спиртини кальций глюконати билан ўзаро таъсири натижасида кальций глюконати чўкмага тушади.
Бошқа кальций препаратлари билан бирга буюриш тавсия этилмайди.
Верапамилни қабул қилишдан олдин ва қабул қилгандан кейин кальций глюконатни вена ичига юбориш унинг гипотензив самарасини камайтиради, лекин унинг антиаритмик самарасига таъсир қилмайди.
Тиазидли диуретиклар билан мажмуаси гиперкальциемия ривожланишини чақириши мумкин.
Хинидин билан бир вақтда қўлланганида қоринчалар ички ўтказувчанлигини секинлаштириши ва хинидиннинг токсиклигини ошишига олиб келиши мумкин.
Юрак гликозидлари билан даволаш вақтида, юрак гликозидларининг кардиотоксик самаралари кучаяди.
Кальций глюконати аминогликозидлар қаторига мансуб антибиотикларни қўлланиши оқибатидаги нерв-мушак ўтказувчанлигини сусайишини бартараф этади.
Фенигидин билан бир вақтда қўлланганда кальций препаратлари унинг самарадорлигини камайтиради.
Номутаносиблиги. Этил спирти, карбонатлар, салицилатлар, сульфатлар, тартратлар билан фармацевтик номутаносибдир.
Махсус кўрсатмалар
Буйрак фаолиятини бузилиши, юрак касалликлари бўлган пациентларга кальций тузлари эҳтиёткорлик билан қўллаш керак.
Юрак гликозидлари ва/ёки диуретикларни қабул қилаётган пациентларда қўллашда, шунингдек узоқ муддатли даволашда (айниса болаларда) қонда кальций ва креатинин концентрациясини назорат қилиш керак. Уларнинг концентрацияси ошиши ҳолларида препаратнинг дозасини камайтириш ёки юборишни вақтинча тўхтатиш керак.
Суткада 300 мг (суткада 7,5 ммоль) дан юқори ўртача даражали гиперкальциурия, яққол бўлмаган буйрак фаолиятини бузилиши, анамнезида сийдик тош касаллиги бўлган пациентларда эҳтиёткорлик билан ва сийдик билан чиқарилаётган кальций миқдорини мунтазам назорати остида пациентларга буюрилади. Сийдик чиқариш йўлларида конкрементларни пайдо бўлишига мойиллиги бўлган беморларда даволаш вақтида истеъмол қилинаётган суюқлик миқдорини ошириш керак.
Шприцни кальций глюканат эритмаси билан тўлдиришдан аввал, унда этил спиртининг қолдиқлари йўқлигига ишонч ҳосил қилиш керак, чунки уларнинг ўзаро таъсири оқибатида кальций глюконати чўкмага тушади.
Ҳомиладорлик ёки эмизиш даврида қўлланиши. Аёл учун фойда/ҳомила (бола) учун хавф нисбатини инобатга олиб препаратни ҳомиладорлик ва эмизиш даврида қўллаш мумкин.
Болалар. Некроз ривожланишининг эҳтимоли бўлганлиги сабабли 14 ёшгача бўлган болаларга препаратни мушак ичига юбориш тавсия этилмайди.
Автотранспортни бошқариш ёки бошқа механизмлар билан ишлашда реакция тезлигига таъсир қилиш қобилияти. Автотранспортни бошқариш ёки бошқа механизмлар билан ишлашда реакция тезлигига Кальций глюконат-Дарницанинг салбий таъсири ҳақида маълумотлар йўқ.
Препарат болалар олаолмайдиган жойда сақлансин ва яроқлилик муддати ўтгач қўлланилмасин.
Дозани ошириб юборилиши
Симптомлари: гиперкальциемия ривожланиши мумкин. гиперкальциемия симптомлари анорексия, кўнгил айниши, қусиш, қабзият, қоринда оғриқ, мушак кучсизлиги, полидипсия, полиурия, руҳий бузилишлар, нефрокальциноз, нефролитиаз; оғир даражали ҳолларда – юрак аритмиялари ва комани ўз ичига олади.
Даволаш: аҳамиятсиз даражадаги дозани ошириб юборилишида (қон зардобида кальцийнинг концентрацияси – 2,6-2,9 ммоль/л) юбориш тўхталади ва кальций сақловчи бошқа дори воситалари бекор қилинади. Оғир даражали дозани ошириб юборишда (қон зардобида кальцийнинг концентрацияси – 2,9 ммоль/л дан юқори) кальцитонин парентерал суткада ҳар 1 кг тана вазнига 5-10 ТБ ҳисобидан юборилади (препарат 500 мл натрий хлоридининг 0,9% ли эритмасида суюлтирилади) 6 соат давомида томчилаб юборилади. Суткада 2-4 марта секин оқим билан вена ичига юбориш мумкин. Тиазид бўлмаган диуретиклар қўлланади, зардобда калий ва магний концентрацияси назорат қилинади, зарурати бўлганида – калий ва магний препаратлари юборилади; юрак-томир тизими назорат қилинади, аритмияларни олдини олиш учун бета-адреноблокаторлар юборилади. Зарурати бўлган ҳолларда гемодиализ амалга оширилади.
Чиқарилиш шакли
5 мл дан ампулаларда, 10 ампуладан қутида; 5 ампуладан контур уяли ўрамда, 2 контур уяли ўрамдан қутида; 5 ампуладан контур уяли ўрамда; 1 ёки 2 контур уяли ўрамдан қутида.
Сақлаш шароити
Оригинал ўрамида, 25оС дан юқори бўлмаган ҳароратда сақлансин. Музлатилмасин.
Яроқлилик муддати
3 йил.
Дорихоналардан бериш тартиби
Рецепт бўйича.
