Skip to main content

Кальций с витамином Д3

Улашиш:
  Reading time 5 minutes

ҚЎЛЛАШ БЎЙИЧА ЙЎРИҚНОМА

КАЛЬЦИЙ С ВИТАМИНОМ Д3

 

Препаратнинг савдо номи: Кальций с витамином Д3

Таъсир этувчи моддалар (ХПН): кальций карбонати, Д3 витамини

Дори шакли: плёнка қобиқ билан қопланган таблеткалар

Таркиби:

1 таблетка қуйидагиларни сақлайди:

фаол моддалар: 500 мг кальцийга эквивалент бўлган кальций карбонати, Д3 витамини –    200 ХБ;

ёрдамчи моддалар: маккажўхори крахмали, поливинилпирролидон, магний стеарати;

Қобиғи: гидроксипропилметил целлюлозаси, титан диоксиди, тозаланган тальк, полиэтиленгликоль, темир (II, III) оксиди, карнауб муми.

Таърифи: Таъсири узайтирилган хира-пушти рангли таблеткалар. Синдирилгандаги кўриниши: бир хил оқ рангли масса.

Фармакотерапевтик гуруҳи: метаболик жараёнларни мувофиқлаштирувчи восита.

АТХ коди: А12АХ

 

6-yillik-qizil-jenshen

Фармакологик хусусиятлари

Организмда кальций ва фосфор алмашинувини бошқарувчи мажмуавий препарат. Кальций етишмовчилигини тўлдириб, суяк тўқимасининг резорбциясини (сўрилиб кетишини) пасайтиради ва зичлигини оширади. Д3 витамини тишларнинг минерализацияси учун керак. Кальций нерв ўтказувчанлигини, мушаклар қисқаришини бошқаради ва қоннинг ивиш тизимини компонентидир.

Фармакокинетикаси

Д3 витамини ингичка ичакда сўрилади. Кальций ингичка ичакни проксимал бўлимида ионлашган шаклда, фаол Д3 витаминига қарам транспорт механизми ёрдамида сўрилади.

 

Қўлланилиши

Сифатсиз овқатланиш ёки кальций ва Д3 витаминига юқори талаб билан боғлиқ бўлган организмдаги кальций ва Д3 витаминининг танқислиги ҳолатларида даволовчи – олдини олувчи восита сифатида қуйидагиларда қўлланади:

  • Ҳомиладорлик ва эмизиш даври
  • Постменопаузал ва қарилик остеопорозни, остеомаляцияни (мажмуавий даволаш таркибида) олдини олиш ва даволаш.

 

Қўллаш усули ва дозалари

Қўллаш олдидан шифокор билан маслаҳатлашинг.

Ичга буюрилади. Олдини олиш воситаси сифатида катталарга кунига 1-2 таблеткадан буюрилади. Кальций сўрилишини ошириш учун таблеткани нордон ичимлик (апельсин ёки лимон шарбати) билан ичиш яхшироқ.

Остеопорозни курсли олдини олиш учун кунига 2 таблеткадан, биттаси эрталаб ва биттаси кечқурун, асосан овқатланиш вақтида қабул қилинади.

Остеопорозни даволаш учун курс ва дозалаш шифокор тавсиясига мос равишда.

 

 

 

Ножўя таъсирлари

Препарат компонентларига аллергик реакциялар бўлиши мумкин. Меъда-ичак йўлларининг дисфункцияси (қабзиятлар, диарея, метеоризм, кўнгил айнаши, қорин оғриғи) кузатилиши мумкин.

Узоқ қабул қилиш ҳолида қонда ва сийдикда кальций миқдорини ошиши мумкин.

 

Қўллаш мумкин бўлмаган холатлар

  • Препарат компонентларига бўлган юқори сезувчанлик.
  • Буйрак фаолиятини яққол бузилиши.
  • Гиперкальциемия (қондаги кальций концентрациясини ошиқлиги – қалқонсимон бези олди безларининг фаолияти кучайган шахсларда).
  • Гиперкальциурия (сийдикда кальций концентрациясини юқорилиги).
  • Сийдик тош касаллиги (кальций тошларини ҳосил бўлиши).
  • Декальцийловчи ўсмалар (меланома, суяк метастазлари, саркоидоз).
  • Иммобилизация билан боғлиқ бўлган остеопороз.
  • Ўпка туберкулёзи (фаол шакли).
  • Болаларда қўллаш мумкин эмас.

 

Дориларнинг ўзаро таъсири

  • Д3 витаминининг фаоллиги уни бир вақтда фенитоин ёки барбитуратлар билан қабул қилганда пасайиши мумкин.
  • Юрак гликозидлари билан бир вақтда даволанишда ЭКГ ва клиник ҳолатни назорат қилиш керак, чунки кальций препаратлари юрак гликозидлари таъсирини кучайтиради.
  • Препарат тетрациклин гуруҳи антибиотиклари, ацетилсалицил кислотаси ва бошқа салицилатлар, сульфаниламидлар, бета-адреноблокаторлар ва билвосита антикоагулянтларни меъда-ичак йўлларидан сўрилишини секинлаштиради. Шу боисдан препаратни бошқа дори воситаларини қабулидан 2 соат олдин ёки 2 соат кейин қабул қилиш тавсия этилади.
  • Колестирамин, минерал ёки ўсимлик мойи асосидаги сурги воситалари Д3 витаминининг сўрилишини пасайтириши мумкин.
  • Тиазидлар гуруҳи диуретикларни бир вақтда қўллаш гиперкальциемия пайдо бўлиши хавфини оширади.

 

Махсус кўрсатмалар

  • Буйрак етишмовчилиги бўлган шахсларда эҳтиёткорлик билан қўлланади;
  • Даволаш даврида доимо сийдик билан кальций чиқарилишини ва плазмада кальций ва креатинин концентрациясини назорат қилиш керак (суткада 7,5 ммоль (суткада 300 мг) ошиқ кальциурия пайдо бўлган ҳолда, дозани камайтириш ёки қабул қилишни тўхтатиш керак);
  • Дозани ошиб кетишидан сақланиш учун бошқа манбалардан қўшимча Д3 витамини тушишини ҳисобга олиш керак. Кальций ва Д3 витамини сақловчи витамин комплекслари билан бир вақтда қўллаш мумкин эмас.
  • Кекса одамларда кальцийга бўлган талаб суткада 1,5 г, Д3 витаминига суткада 500-1000 ХБ ни ташкил қилади.

Ҳомиладорлик ва эмизиш даврида қўллаш

Кальций ва Д3 витаминига бўлган талаб ҳомиладорликда ва лактация даврида ошади. Препарат қабул қилишда организмга кальций ва Д3 витаминини бошқа манбалардан қўшимча тушишини ҳисобга олиш ва доимий тиббий назоратни амалга ошириш керак.

Ҳомилага заҳарли таъсиридан сақланиш учун суткада 1500 мг дан ортиқ калий ва 600 ХБ дан ортиқ Д3 витамини қабул қилиш тавсия этилмайди. Кальций ва Д3 витамини кўкрак сутига ўтади.

Препарат болалар ололмайдиган жойда сақлансин ва яроқлилик муддати ўтгач қўлланилмасин.

 

Дозани ошириб юборилиши

Гиперкальциемия, ва/ёки гиперкальциурия, анорексия, кўнгил айнаши, қусиш, бош айланиши, ҳолсизлик, бош оғриғи, ўткир ва сурункали доза ошириб юборилишининг симптомларидир. Бундай ҳолларда препарат қабул қилишни тўхтатиш тавсия этилади. Организмга катта миқдорда суюқлик киритиш ва кальцийнинг миқдори чекланган парҳезга риоя қилиш керак. Дозани ошириб юбориш симптомлари пайдо бўлганида шифокорга мурожаат қилиш керак. Ҳомиладорлик даврида дозани ошириб юбориш болани руҳий ва жисмоний ривожланишини бузилишига олиб келиши мумкин. Са2+ ва Д3 витамини кўкрак сутига ўтади.

 

Чиқарилиш шакли

20 ёки 50 таблеткадан пластик флаконларда.

1 пластик флакон тиббиётда қўллаш бўйича йўриқномаси билан картон қутида.

 

Яроқлилик муддати

3 йил.

 

Сақлаш шароити

15ºС дан 30ºС гача ҳароратда сақлансин.

Дорихоналардан бериш тартиби

Рецептсиз.

Улашиш: