Skip to main content

IVF-M

Улашиш:
  Reading time 7 minutes

ҚЎЛЛАШ БЎЙИЧА ЙЎРИҚНОМА

IVF-M

 

Препаратнинг савдо номи: IVF-M

Таъсир этувчи модда (ХПН): менотропин (одамнинг менопауза гонадотропини)

Дори шакли: инъекция учун эритма

Таркиби:

Бир флакон қуйидагиларни сақлайди:

фаол модда: менотропин – 75 ёки 150 ХБ,

ёрдамчи моддалар: D-маннитол – 20 мг, икки асосли натрий фосфати, бир асосли натрий фосфати (рН ни мувофиқлаштириш учун);

эритувчи: натрий хлоридини стерил изотоник эритмаси – 1 мл.

Таърифи: оқ ёки деярли оқ рангли лиофилизация қилинган кукун.

Фармакотерапевтик гуруҳи: гипофиз, гипоталамус гормонлари ва уларнинг аналоги.

АТХ коди: G03GA05

 

6-yillik-qizil-jenshen

Фармакологик хусусиятлари

Менотропин менопаузадан кейинги даврда аёлларнинг сийдигидан олинган, менопауза гонадотропинининг табиий тозаланган лиофилизация қилинган кукундир. Ҳар бир IVF-M флакони фаоллик нисбати тахминан 1 га тенг бўлган, фолликулаларни стимуляция қилувчи гормон (ФСГ) ва лютеинловчи гормон (ЛГ) дан таркиб топган, оқ рангли стерил ва апироген кукун сақлайди.

 

Қўлланилиши

Аёллар: Бирламчи ёки иккиламчи аменорея, гипоменорея, ановулятор ҳайз кўриш цикли, туғруқдан кейинги аменорея, шу жумладан Киари-Фроммел ёки Шихан (туғруқдан кейинги гипофизар некроз) симптомлари, Аргонса дель Кастильо (аменореяли галакторея) синдромида қўлланади. Препарат фолликулаларни ўсиши ва етилишини рағбатлантиради, эстрогеннинг даражасини ошишини ва эндометрийни тез пролиферациясини чақиради, аменореяси ёки мунтазам ёки мунтазам бўлмаган ҳайз цикллари бўлган аёлларда овуляцияни рағбатлантириш учун, кейинчалик одам хорионик гонадотропинини (hCG, IVF-C) қўллаш билан бирга юборилади.

Эркаклар: Олигоспермия, азооспермия, гипогонадизм, евнухоидизмда қўлланади. IVF-М препарати эркакларда сперматогенезни рағбатлантиради, Сертоли ҳужайраларида андрогенни боғловчи оқсил синтезига таъсир қилади. IVF-М препарати IVF-C ни параллел қўллаш билан бирга гипогонадизм бўлган эркакларда сперматогенезни рағбатлантириш учун ишлатилади.

Қўллаш усули ва дозалари

Мушак ичига ва тери остига юбориш учун мўлжалланган.

A график:

Кунига 75 ХБ ёки 150 ХБ менотропин (IVF-М) мушак ичига ёки тери остига 10 кун давомида ёки фолликулани фаоллашиш синамасига мувофиқ Graafian фолликуласи қон кетиши бошланишидан олдин юборилади.

Қин ҳамда цервикал шиллиқ экспертизасини ҳар куни            ёки кунора ва даволаш тўхтатилганида ўтказиш керак, бунда қуйидаги кўрсаткичлар фолликулани тўлиқ етилганлигини кўрсатади.

  • Қин экспертизаси: эозонофил индекс
  • Цервикал шиллиқ экспертизаси: Ferntest & Shinnbarkeit синамалари

В график:

Кунига 75 ХБ менотропин (IVF-М) биринчи 4 кун давомида мушак ичига ёки тери остига юборилади. Қиннинг шиллиқ қавати ёки цервикал шиллиқни текшириш керак. Агар фолликуланинг фаоллиги даволашнинг 4-кунидан бошлаб ошса, даволашни максимал фолликуляр фаолликка эришилгунича (А графикка қаранг) ва сўнгра одам хорионик гонадотропини (IVF-C) ни юбориш керак. Агар кутилган клиник жавоб реакцияси кузатилмаса, биринчи 4 кун давомида IVF-М нинг дозасини кунига 150 ХБ гача ошириш керак. 2500 ХБ HCG (IVF-C) препаратини IVF-М нинг охирги дозаси юборилгандан сўнг 24∼48 соатдан кейин 3 кун давомида юбориш тавсия этилади. Агар пациент аёл ҳомиладор бўлишни ҳоҳласа, унга HCG (IVF-C) ни юбориш вақтида жинсий алоқа билан шуғулланиш тавсия этилади.

А графикни алоҳида пациентни гонадотропинга сезувчанлигини аниқлаш синамаси сифатида тавсия этиш керак.

В график иқтисодий жиҳатдан фойдали, аммо фолликулаларни жавобини синчиклаб текшириш керак.

Қўллаш бўйича кўрсатмалар

Юбориш (қўллаш) учун тайёрлаш: менотропиннинг 1 флаконини ўрамнинг тўпламига кирувчи натрий хлоридининг 0,4% ли стерил эритмасини 1 мл да эритиш ва дарҳол мушак ичига (м/и) ёки тери остига (т/о) юбориш керак. Тайёрланган эритма сақланганида ўзининг фаоллигини йўқотиши мумкин. Қолган эритмани ишлатиш мумкин эмас.

 

Ножўя таъсирлари

Аёлларда кам ҳолларда қуйидагилар кузатилиши мумкин: инъекцияда маҳаллий реакциялар, иситма, артралгия.

Эркакларда IVF-М ва IVF-C билан мажмуавий даволаш гинекомастияни чақириши мумкин.

Қон айланиш тизими: бош мия тромбози бўлиши мумкин.

 

Қўллаш мумкин бўлмаган ҳолатлар

  • Тухумдонларни бирламчи етишмовчилигини акс эттирувчи фолликулаларни стимуляция қилувчи гормон (ФСГ) нинг даражасини юқори бўлиши.
  • қалқонсимон без ва буйрак усти безларини назорат қилиб бўлмайдиган етишмовчилиги.
  • гипофиз ўсмаси каби бош мияни органик шикастланишлари.
  • ҳар қандай бепуштлик ҳоллари, кўрсатмаларда кўрсатилган ановуляциядан ташқари.
  • сабаби аниқланмаган, қиндан аномал қон кетиши.
  • тухумдон кистаси ёки тухумдонларни поликистоз бўлмаган синдромида катталашиши.
  • менотропинга бирламчи ўта юқори сезувчанликда қўллаш мумкин эмас.

 

Дориларнинг ўзаро таъсири

Агар IVF-М препарати тухумдонлар фаолиятини рағбатлантирувчи гормон билан мажмуада ёки ундан кейин овуляцияни чақириш учун буюрилса, тухумдонлар ўсмаси, шишган тухумдонни ёрилиши, асцит, гидроторакс билан кечувчи Meigs синдроми каби кучли реакция ривожланиши мумкин ва бундан ташқари, қонда гормоннинг концентрацияни ошиши ёки қон ивишини ошиши оқибатида тромбоз, мия инфаркти ривожланиши мумкин.

 

Махсус кўрсатмалар

Ҳомиладорлик

ЛГ ни юбориш ва болаларни туғма нуқсонлар билан туғилишини ўртасидаги боғлиқлик ҳозирги вақтгача аниқланмаган.

Эпидемиологик ҳисоботга мувофиқ, юракни ва оёқларни туғма нуқсонлари бўлган болаларни туққан аёллар ва назорат гуруҳи ўртасида, ҳомиладорликни эрта босқичида ЛГ/ФСГ ни қўллаш ва ЛГ частотасида аҳамиятли даражадаги фарқлар бўлган. Шунингдек янги туғилган қиз боланинг ташқи гениталийсини маскуляцияси ва янги туғилган ўғил болада гипоспадияни ривожланиши билан боғлиқ бўлган. Шунинг учун препарат фақат шифокорнинг назорати остида, даволашдан кутилган фойда ва хавф аниқлангандан сўнг, ҳомиладорликни биринчи 4 ҳафтаси давомида ишлатилиши керак.

Огоҳлантиришлар

IVF-M препаратини фақат шифокорнинг кўрсатмасига бўйича қўллаш керак.

Аёллар

IVF-M препаратини клиник жавоб реакцияси самарали бўлиши мумкин бўлмаган ҳолатларда, масалан: тухумдонлар дисгенезияси, бачадонни йўқлиги, муддатидан олдинги менопауза, бачадон найларини ёпилиб қолиши каби ҳолатларда қўллаш мумкин эмас.

Гипотиреоз, адренокортикал етишмовчилик, гиперпролактинемия ёки гипофиз ўсмаларини мувофиқ даволашни менотропин билан даволашни бошлашдан олдин ўтказиш керак. Спермани таҳлили IVF препарати билан даволаш бошланишидан олдин ўтказилиши керак. препарат тавсия этилган дозаларда юборилганида ва даволаш назорат қилинганида тухумдонлар гиперстимуляциясини минимал даражага етказиш мумкин.

Агар IVF-C (HCG) препарати овуляцияни рағбатлантириш мақсадида параллел равишда юборилса, IVF-М препаратига нисбатан ҳаддан ташқари жавоб реакцияси одатда аҳамиятли ножўя самараларни ривожланишига олиб келмайди.

IVF-М ва IVF-C ларга нисбатан эстроген жавоб реакцияси юқори бўлганида уларни юборишни тўхтатиш керак. IVF-М ва IVF-C билан даволангандан сўнг кўп ҳомилали ҳомиладорликни юз бериш даражаси 10% ва 40% ни ташкил этади. Бироқ, кўп ҳомилали ҳомиладорликнинг кўпчилиги эгизаклар бўлган.

Ҳомиладорликни аборт билан бартараф қилиш тезлиги нормал популяцияга нисбатан юқори бўлган, аммо фертилликни бошқа муаммолари бўлган аёллардаги кўрсаткичлар билан қиёслаб бўладиган даражада бўлган. Туғма силжишларни ривожланиш тезлиги IVF-М препарати билан даволанганда ошмаган.

Эркаклар

Эркакларда ФСГ нинг даражасини юқори бўлиши тестикуляр етишмовчиликни кўрсаткичи бўлганлиги туфайли, бундай пациентлар IVF-М ва IVF-C сезувчан бўлмайдилар.

Препарат болалар ололмайдиган жойда сақлансин ва яроқлилик муддати тугаганидан сўнг ишлатилмасин.

 

Чиқарилиш шакли

75 ХБ: 1, 2, 5, 10, 20 флаконда эритувчили флакон билан комплектда.

150 ХБ: 1, 2, 3, 5, 10, 20 флаконда эритувчили флакон билан комплектда.

Сақлаш шароити

Ёруғликдан ҳимояланган жойда, 30оС дан юқори бўлмаган ҳароратда сақлансин.

Яроқлилик муддати

3 йил.

Улашиш: