Skip to main content

Инфен™-25

Улашиш:
  Reading time 10 minutes

ҚЎЛЛАШ БЎЙИЧА ЙЎРИҚНОМА

ИНФЕН-25

INFEN-25

 

Препаратнинг савдо номи: Инфен-25

Таъсир этувчи модда (ХПН): декскетопрофен

Дори шакли: плёнка қобиқ билан қопланган таблеткалар

Таркиби:

Ҳар бир таблетка қуйидагиларни сақлайди:

фаол модда: 25 мг декскетопрофенга эквивалент бўлган 36,91 мг декскетопрофен трометамол;

ёрдамчи моддалар: ўта желатинланган крахмал, микрокристалл целлюлоза (Авицел рН 101), маккажўхори крахмали, повидон (PVPK-30), натрий крахмал гликоляти, микрокристалл целлюлоза (Авицел рН 102), коллоид кремний диоксиди, магний стеарати, тозаланган сув*.

қобиғининг таркиби: Опадри II оқ 06G 28430, 2-пропанол, дихлорметан.

Таърифи: думалоқ, икки ёқлама қавариқ, бир томони рискали ва бошқа томони силлиқ, оқ рангли плёнка қобиқ билан қопланган таблеткалар.

Фармакотерапевтик гуруҳи: ностероид яллиғланишга қарши воситалар.

АТХ коди: М01АЕ17

6-yillik-qizil-jenshen

Фармакологик ҳусусиятлари

Декскетопрофен пропион кислотасининг ҳосиласи бўлиб, яллиғланишга қарши, оғриқ қолдирувчи ва иситмани туширувчи таъсир кўрсатади. Препаратнинг таъсир механизми циклооксигеназа-1 ва циклооксигеназа-2 ларни сусайтириши оқибатида, оғриқ ва яллиғланишнинг патогенезида асосий роль ўйнайдиган простагландинларнинг синтезини сусайишига асосланган. Оғриқ қолдирувчи таъсири препаратни қабул қилгандан сўнг 30 минутдан кейин кузатилади, унинг давомийлиги 4-6 соатни ташкил этади.

Фармакокинетикаси

Препарат ичга қабул қилинганидан сўнг плазмада декскетопрофеннинг максимал концентрациясига ўртача 30 минутдан кейин эришилади. Овқат билан бир вақтда қабул қилиш препаратни сўрилишини секинлаштиради.

Декскетопрофен учун плазма оқсиллари билан юқори боғланиш даражаси хосдир – 99%. Тақсимланиш ҳажми ўртача 0,25 л/кг ни ташкил этади.

Ярим чиқарилиш даври 1,65 соатни ташкил этади. Препаратнинг асосий қисми сийдик билан метаболитлар кўринишида (глюкурон кислотаси билан боғлангандан сўнг) чиқарилади. Кекса ёшдаги шахсларда ярим чиқарилиш даврини ўртача 48% гача узайиши ва препаратнинг умумий клиренсини пасайиши кузатилади.

Қўлланилиши

  • таянч ҳаракат аппаратини ўткир ва сурункали яллиғланиш ва яллиғланиш дегенератив касалликларини симптоматик даволаш (шу жумладан ревматоид артрит, спондилоартрит, артроз, остеохондроз);
  • турли генезли оғриқ синдромини бартараф қилиш (шу жумладан жароҳатлар ёки жарроҳлик аралашувларидан кейинги оғриқ, суякларда метастазлар кузатилгандаги оғриқ, буйрак санчиғидаги оғриқ, радикулит, невралгия, дисменорея, тиш оғриғи) учун қўлланади.

Қўллаш усули ва дозалари

Инфен-25 овқат вақтида етарли миқдордаги суюқлик билан ичга қабул қилинади.

Дозалаш тартиби оғриқни тури ва жадаллигига қараб шахсий равишда белгиланади. Тавсия этилган ўртача бир марталик дозаси 12,5 мг (1/2 таблетка) дан суткада 1 мартадан 6 мартагача қабул қилишлар ўртасидаги оралиқ заруратга қараб 4-6 соатни ёки 25 мг (1 таблетка) дан суткада 1 мартадан 3 мартагача қабул қилишлар ўртасидаги оралиқ 8 соатни ташкил этади.

Максимал суткалик дозаси 75 мг (3 таблетка) ни ташкил этади.

Жигар ёки буйрак фаолиятини бузилишлари бўлган пациентларда, кекса ёшдаги шахсларда Инфен-25 препаратини қабул қилишни энг кичик дозалари билан бошлаш керак – суткада 50 мг дан ошмасин.

Препарат узоқ муддат қўллаш учун мўлжалланмаган: қабул қилиш давомийлиги 7 кундан ошмаслиги керак.

Ножўя таъсирлари

МНТ ва периферик нерв тизими томонидан: тез-тез эмас – бош оғриғи, бош айланиши, уйқусизлик, уйқучанлик; кам ҳолларда – парестезиялар.

Юрак-қон томир тизими томонидан: кам ҳолларда – экстрасистолия, артериал босимни ошиши; жуда кам ҳолларда – тахикардия, артериал босимни пасайиши;

Қон яратиш аъзолари томонидан: жуда кам ҳолларда – нейтропения, тромбоцитопения.

Нафас тизими томонидан: кам ҳолларда – брадипноэ; жуда кам ҳолларда – бронхоспазм, ҳансираш.

Сезги аъзолари томонидан: кам ҳолларда – қулоқларни шанғиллаши, жуда кам ҳолларда – кўришни ноаниқлиги.

Овқат ҳазм қилиш тизими томонидан: тез-тез – кўнгил айниши, қусиш, қоринда оғриқ, диспепсия; кам ҳолларда – меъда-ичак йўлларини эрозив-ярали шикастланишлари, анорексия.

Сийдик чиқариш тизими томонидан: кам ҳолларда – полиурия; жуда кам ҳолларда – нефрит ёки нефротик синдром.

Моддалар алмашинуви томонидан: кам ҳолларда – гипергликемия, гипогликемия, гипертриглицеридемия.

Дерматологик реакциялар: кам ҳолларда – эшакеми, ҳуснбузар тошмаси, кўп терлаш; жуда кам ҳолларда – оғир даражадаги тери реакциялари (Стивенс-Джонсон синдроми, Лайелл синдроми), ангионевротик шиш, аллергик дерматит, ёруғликка сезувчанлик.

Умумий бузилишлар: тез-тез эмас – иситма, толиқиш, асосан тизимли қизил югурик ёки бириктирувчи тўқималарни аралаш касалликлари бўлган пациентларда ривожланадиган асептик менингит, гематологик бузилишлар; кам ҳолларда – анафилактик шок кузатилиши мумкин.

Қўллаш мумкин бўлмаган ҳолатлар

  • декскетопрофен ёки бошқа НЯҚВ ёки препаратнинг таркибига кирувчи ёрдамчи моддалардан биронтасига бирига юқори сезувчанлик;
  • анамнезида ўхшаш таъсир механизмига эга бўлган моддаларни (ацетилсалицил кислотаси ва бошқа НЯҚВ) қўллаш оқибатида ривожланган астма ҳуружлари, бронхоспазм, ўткир ринит, уртикариялар ёки ангионевротик шиш бўлганида;
  • пациентларда меъда ва ўн икки бармоқли ичак яра касаллиги фаол босқичида ёки яра касаллигини такрорланувчи ҳуружлари (икки ва ундан ортиқ ҳуружлар) бўлганида;
  • меъда-ичакдан қон кетишлар (шу жумладан илгари НЯҚВ ни қабул қилиш билан боғлиқ бўлган), бошқа фаол қон кетишлар бўлганида;
  • Крон касаллиги, носпецифик яра касаллиги;
  • жигар фаолиятини оғир даражадаги бузилишлари (Чайлд-Пью шкаласи бўйича 10-15 балл);
  • буйрак фаолиятини оғир даражадаги бузилишлари (креатинин клиренси<50 мл/минут);
  • бронхиал астма (шу жумладан анамнезида);
  • оғир даражадаги юрак етишмовчилиги;
  • геморрагик диатез ёки бошқа коагулопатиялар;
  • ҳомиладорликнинг учинчи уч ойлиги ва лактация даври;
  • болалар ва 18 ёшгача бўлган ўсмирларда қўллаш мумкин эмас.

Дориларнинг ўзаро таъсири

Тавсия этилмаган мажмуалар

Декскетопрофенни бошқа НЯҚВ, шу жумладан салицилатлар билан бир вақтда қўллаш меъда-ичакдан қон кетишини ривожланиш хавфини оширади.

Перорал антикоагулянтлар, гепарин билан бир вақтда қўлланганида қон кетишини ривожланиш ҳавфи ошади.

НЯҚВ қонда литийнинг концентрациясини оширади, НЯҚВ қўлланганида, дозаси ўзгартирилганида ва бекор қилинганидан сўнг ушбу кўрсаткични назорат қилиш керак.

НЯҚВ ва метотрексатни юқори дозаларда (ҳафтада 15 мг дан ортиқ) бир вақтда қўллаш метотрексатнинг гематологик токсиклигини оширади.

Гидантоинлар ва сульфонамидлар билан бирга қўлланганида бу моддаларнинг токсик ҳусусиятлари кучайиши мумкин.

Қўллашда эҳтиёткорликни талаб этадиган мажмуалар

Декскетопрофен диуретиклар, ангиотензинга айлантирувчи фермент ингибиторларининг антигипертензив таъсирини сусайтиради.

Метотрексатнинг кичик дозалари (бир ҳафтада 15 мг дан кам) билан бир вақтда қўллаш НЯҚВ қўллаш фонида метотрексатнинг буйрак клиренси пасайиши туфайли унинг гематологик токсиклигини ошишига олиб келади.

Серотонинни қайта қамраб олинишини ингибиторлари, перорал глюкокортикоидлар билан бир вақтда қўллаш меъда-ичак йўлларидан қон кетишини ривожланиш ҳавфини оширади.

НЯҚВ сульфонилмочевинани плазма оқсиллари билан боғланган жойидан сиқиб чиқариши оқибатида унинг гипогликемик таъсирини кучайтирадилар.

Пентоксифиллин билан мажмуада қўлланганида қон кетишини ривожланиш ҳавфи ошади.

Зидовудин билан бир вақтда қўлланганида ретикулоцитларга таъсир қилиши оқибатида эритроцитларга токсик таъсир ошиш ҳавфи мавжуд бўлиб, НЯҚВ буюрилганидан сўнг 1-2 ҳафтадан кейин оғир даражадаги анемия ривожланади.

Алоҳида эътиборни талаб этадиган мажмуалар

НЯҚВ бета-адреноблокаторларнинг гипотензив самарасини камайтириши мумкин, бу простагландинларнинг синтезини ингибиция қилиши билан ифодаланади.

Циклоспорин ва такролимус билан бир вақтда қўлланганида нейротоксикликни кучайтириши мумкин, бу буйрак простагландинларининг таъсири билан боғлиқ. Мажмуавий даволашни ўтказиш вақтида буйрак фаолиятини назорат қилиш керак.

Тромболитиклар билан бир вақтда буюрилганида қон кетишини ривожланиш хавфи ошади.

Пробенецид билан бир вақтда қўлланганида плазмада НЯҚВ концентрацияси ошиши мумкин, бу буйраклар секрециясини ингибирланиши ва/ёки глюкурон кислотаси билан конъюгацияси билан боғлиқ бўлиши мумкин. Бу НЯҚВ нинг дозасига тузатиш киритиш талаб этади.

НЯҚВ қон плазмасида юрак гликозидларининг концентрациясини ошишини чақириши мумкин.

Простагландинлар синтезининг ингибиция қилиниши таъсири остида мифепристоннинг самарадорлигини назарий жиҳатдан ўзгариш ҳавфи борлиги сабабли, НЯҚВ ни мифепристон бекор қилинганидан сўнг камида 8-12 соатдан кейин буюриш керак.

Махсус кўрсатмалар

Препарат кекса ёшдаги пациентлар (65 ёшдан ошган), аллергик реакциялари,

бириктирувчи тўқималарнинг тизимли касалликлари ва қон яратилишини бузилиши бўлган пациентларга буюрилганида эҳтиёткорликка риоя қилиш керак.

Меъда-ичак йўллари томонидан бузилишлари ёки анамнезида меъда-ичак касалликлари бўлган пациентларни синчиклаб кузатиш керак. Меъда-ичакдан қон кетиши ёки яра кузатилганида, препарат билан даволашни бекор қилиш керак.

Бошқа НЯҚВ каби, Инфен-25 плазмада креатинин ва азотнинг концентрациясини ошишига олиб келиши мумкин. Декскетопрофен билан даволаниш фонида баъзи жигар синамалари кўрсаткичларини қайтувчан ошиши, шунингдек АСТ ва АЛТ нинг даражасини яққол ошиши кузатилиши мумкин.

Кекса ёшдаги шахсларда жигар ва буйрак фаолиятини вақти-вақти билан мониторинг ўтказиш керак.

Инфен-25 қон ивишига таъсир этувчи препаратлар билан бир вақтда қўлланганида, қон ивиш тизимини назорат қилиш керак.

Декскетопрофен инфекцион касалликларнинг симптомларини яшириши мумкин.

Ножўя самаралар пайдо бўлганида, шунингдек 3-5 кун давомида даволашдан сўнг клиник самара кузатилмаганида, даволовчи шифокорга хабар бериши кераклиги тўғрисида пациентларни огоҳлантириш керак.

Ҳомиладорлик ва лактацияда қўлланиши

Инфен-25 препаратини ҳомиладорликнинг учинчи уч ойлигида ва лактация даврида қўллаш мумкин эмас. Биринчи ва иккинчи уч ойликларда Инфен-25 препаратини жуда зарурат бўлганида, шифокорнинг тавсиясига кўра, минимал дозаларда ва жуда қисқа вақт давомида қўллаш мумкин.

Педиатрияда қўлланиши

Болалар ва 18 ёшгача бўлган ўсмирларга препаратни қўллаш мумкин эмас.

Автотранспортни ҳайдаш ва механизмларни бошқариш қобилиятига таъсири

Даволаниш вақтида автотранспортни бошқаришда ва диққатни юқори жамлаш ва психомотор реакциялар тезлигини талаб этувчи бошқа потенциал ҳавфли фаолият турларини бажаришда эҳтиёткорликка риоя қилиш керак.

Препаратни болалар ололмайдиган жойда сақлаш керак ва яроқлилик муддати тугаганидан сўнг ишлатилмасин.

Дозани ошириб юборилиши

Симптомлари: кўнгил айниши, анорексия, абдоминал оғриқ, бош оғриғи, бош айланиши, дезориентация, уйқусизлик.

Даволаш: меъдани ювиш, гемодиализ, симптоматик даволаш.

Чиқарилиш шакли

10 таблеткадан поливинилхлорид плёнка ва алюмин фольгали контур уяли ўрамга жойланади.

1 контур уяли ўрам давлат ва рус тилларидаги тиббиётда қўллаш бўйича йўриқномаси билан бирга картон қутига жойланади.

Сақлаш шароити

25оС дан юқори бўлмаган ҳароратда, қуруқ, ёруғликдан ҳимояланган жойда сақлансин.

Яроқлилик муддати

2 йил.

Дорихоналардан бериш тартиби

Рецепт бўйича

Улашиш:
6 yillik Koreya qizil jenshen 365