Skip to main content

Энзирем®Нео

Улашиш:
  Reading time 6 minutes

ҚЎЛЛАШ БЎЙИЧА ЙЎРИҚНОМА

ЭНЗИРЕМ®НЕО

ENZYREM NEO

Препаратнинг савдо номи: Энзирем®Нео

Таъсир этувчи модда (ХПН): панкреатин

Дори шакли: капсулалар.

Таркиби:

бир капсула қуйидагиларни сақлайди:

фаол моддалар:  панкреатин 180,58 мг (10000ТБ); 361,16 мг (25000 ТБ)

ёрдамчи моддалар: триэтилцитрат, тальк, метакрил кислота сополимери.

Таърифи: зарғалдоқ рангли қаттиқ желатин капсулалар. Капсула ичидагиси – оч жигаррангдан тўқ жигарранггача, пеллетлар билан тўлдирилган.

Фармакотерапевтик гурухи: овқат ҳазм қилиш учун фермент восита.

АТХ коди: А09АА02

Фармакологик хусусиятлари

Фермент препарати. Меъда ости бези ферментларининг (липазалар, амилазалар ва протеазалар) танқислигини тўлдиради, улар овқат моддаларини ингичка ичакда янада тўлиқроқ сўрилишига ёрдам бериб, мувофиқ ўсимлик ва ҳайвон ёғларини (глицеринга ва ёғ кислоталаригача), полисахаридларни (декстранлар ва моносахаридларгача) ва оқсилларни (пептидлар ва аминокислоталаргача) гидролиз қилади. Овқат ҳазм қилиш жараёнларини яхшилайди.

6-yillik-qizil-jenshen

Фармакокинетикаси

Препарат меъда-ичак йўлларидан сўрилмайди ва маҳаллий таъсир қилади.

Препаратнинг махсус дори шакли меъда ширасининг инактивацияси оқибатида ферментларнинг фаоллигининг пасайишидан сақлаш имконини беради.

Капсулада сақланадиган ва кислотага чидамли қобиқ билан қопланган препарат гранулалари, меъда ичидагиси билан бир ҳил аралашади ва ўн икки бармоқ ичакка тушади. Ферментларнинг тез ажралиб чиқарилиши ва фаоллашуви унинг кучсиз кислотали ёки нейтрал муҳитда, гранулаларнинг қобиғи парчаланадиган жойда бошланади. Гранулалар рН 5,5 дан паст меъда муҳитида турғун. Меъда ширасининг иштирокида 45 минут давомида чидамли. Ферментатив фаолликнинг ажралиб чиқиши рН 6 да 75-100% ни, 1 соат давомида, рН 6,8 да, 100% ни 30 минут давомида ташкил қилади, рН 8 да 15 минут давомида тўлиқ ажралиб чиқади.

Субстратлар билан ўзаро таъсирлангандан кейин протеаза, липаза ва амилаза ичакнинг қуйи бўлимларда фаоллигини йўқотиш ва ичак ичидагиси билан бирга организмдан чиқарилади.

Қўлланилиши

Меъда ости безининг ташқи секретор етишмовчилиги, сурункали панкреатитлар, муковисцидоз, панкреатэктомия, меъда ости безининг раки, меъда ости бези ёки сафро йўлларининг ўсма оқибатидаги обструкцияси, Швахман-Даймонд синдроми, кексалик ёши; меъда резекциясидаги овқат хазм қилиш жараёнларининг бузилишини симптоматик даволаш, холецистэктомиядан кейинги ҳолатлар, дуодено ва гастростаз, билиар обструкцияси, холестатик гепатит, жигар циррози, ингичка ичак терминал бўлимининг патологияси, ингичка ичакда бактерияларни ошиқча ўсиши, овқатланишдаги хатоликларда ўринбосар даволаш учун қўлланади.

Қўллаш усули ва дозалари

Ичга буюрилади, капсулаларни чайнамасдан, етарли миқдордаги суюқлик билан бирга қабул қилиш керак.

Доза меъда ости бези фаолиятининг етишмовчилик даражасига ва пархезнинг таркибига қараб шахсий танланади. Агарда бир марталик доза 1 капсуладан кўп бўлса, овқатланишни бошида бир марталик дозанинг 1/3 ёки 1/2 қисмини, қолган қисмини овқатланиш вақтида қабул қилиш тавсия этилади.

Даволашни бошида препарат 10000-20000 липаза ТБ дан асосий овқат қабул қилиш билан бирга буюрилади. Стеатореяни камайтириши ва пациентнинг оптимал ҳолатини тутиб туриш учун дозани ошириш мумкин: асосий овқат қабул қилишдаги доза (нонушта, кундузги ва кечқурунги овқат) 20000-70000 липаза ТБ ни, енгил тамадди қилиш вақтида 5000-20000 липаза ТБ ни ташкил қилади.

Муковисцидозда доза тана вазнига боғлиқ ва даволашни бошида овқат қабул қилиш вақтида 4 ёшдан кичик болаларда- 1000 липаза ТБ/кг, 4 ёшдан катталарда-500 липаза ТБ кг ни ташкил қилади. Доза касаллик белгиларининг яққоллигига, стеаторияни ва оптимал овқат ҳолатини тутиб туриш бўйича назорат натижаларига боғлиқ. Максимал доза-суткада 10000 липаза ТБ/кг. Кичик болаларда ёки кекса ёшдаги беморларда ютиш қийин бўлганида капсула эҳтиёткорлик билан очилади, гранулалар чайнашни талаб қилмайдиган суюқ овқатга қўшилади ёки суюқлик билан бирга қабул қилинади.

Тайёрланган аралашмани сақлаш мумкин эмас. Даволашнинг давомийлиги бир неча кундан (пархездаги хатоликлар оқибатидаги овқатни ҳазм бўлиш жараёнининг бузилишида) бир неча ой ва хатто йилгача (давомий ўринбосар даволашнинг зарурати бўлганда) ўзгариши мумкин.

Ножўя таъсирлари

Ўртача терапевтик дозаларда қўлланганида ножўя таъсири 1% дан кам ҳолларда кузатилади.

Овқат хазм қилиш тизими томонидан: алоҳида ҳолларда – диарея, қабзият, меъда соҳасида дискомфорт ҳисси, кўнгил айниши.

Аллергик реакциялар: алоҳида ҳолларда – тери кўринишлари.

Моддалар алмашинуви томонидан: узоқ муддат юқори дозаларда қўлланганда гиперурикозурия ва ҳаддан зиёд юқори дозаларда – қон плазмасида сийдик кислотасининг миқдорини ошиши мумкин.

Бошқалар: препарат юқори дозаларда болаларда қўлланганида анал соҳасида таъсирланиш пайдо бўлиши мумкин.

Қўллаш мумкин бўлмаган ҳолатлар

Препаратнинг компонентларига ўта юқори сезувчанлик, ўткир панкреатит, сурункали панкреатитнинг зўрайиши;

15 ёшгача бўлган болалардаги муковисцидоз да қўллаш мумкин эмас.

Махсус кўрсатмалар

Муковисцидозда препаратнинг дозаси истеъмол қилинаётган овқатнинг сифати ва миқдорини ҳисоби билан ёғларнинг гидролизи учун зарур бўлган ферментларнинг миқдорига адекват бўлиши керак. Муковисцидоз бўйича препарат билан узоқ муддат даволанган болалар мунтазам мутахассисда кузатилишлари керак. Муковисцидозда панкреатин керакли дозадан ошириб юборилган ҳолда чамбар ичакнинг илиоцекал ва юқорига кўтарилувчи қисмида стриктурлар (фиброз колонопатиялар) ривожланиши мумкин.

Препаратни ҳомиладорликда қўллашнинг хавфсизлигига етарли ўрганилмаган.

Ҳомиладорликда ва лактация даврида қўллаш фақат агарда она учун даволашдан кутилаётган самара, ҳомила ёки бола учун потенциал хавфдан устун бўлган ҳолларда мумкин.

Асоратларнинг пайдо бўлишини бартараф қилиш учун препаратни фақат шифокорни маслаҳатидан кейин қўллаш керак.

Препарат автомобилни хайдаш, машина ва механизмларни бошқариш қобилиятига таъсир кўрсатмайди.

Препарат болалар ололмайдиган жойда сақлансин ва ўрамида кўрсатилган яроқлилик муддати ўтгандан сўнг қўлланилмасин.

Дориларнинг ўзаро таъсири

Темирнинг сўрилишини (айниқса узоқ муддат қўлланганда) пасайтиради. Гистамин Н2-рецепторларининг блокаторлари, протон насосининг ингибиторлари ёки антацид препаратлар билан бир вақтда қўллаш, панкреатиннинг самарасини ошишига олиб келиши мумкин.

Циметадин, бикарбонатлар билан бир вақтда қўлланганида, фолатларнинг даражасини вақти-вақти билан назорат қилиш ва/ёки фолат кислотасини буюриш тавсия қилинади.

Панкреатин акарбозани ва миглитолнинг самарасини камайтириши мумкин.

Дозани ошириб юборилиши

Хаддан зиёд юқори дозалар қабул қилинганда гиперурикемия ва гиперурикозурия, болаларда қабзият бўлиши мумкин.

Даволаш: препаратни бекор қилиш ва зарурати бўлганда симптоматик даволаш ўтказилади.

Чиқарилиш шакли

Капсулалар 10000 ТБ ва 25000 ТБ контур-уяли ўрамда.

Сақлаш шароити

Куруқ, ёруғликдан ҳимояланган жойда, 25°С дан юқори бўлмаган ҳароратда сақлансин.

Яроқлилик муддати

2 йил.

Дорихоналардан бериш тартиби

Рецептсиз.

Улашиш: