Skip to main content

Экозитрин®

Улашиш:
  Reading time 20 minutes

ҚЎЛЛАШ БЎЙИЧА ЙЎРИҚНОМА

ЭКОЗИТРИН®

ECOZITRIN

 

Препаратнинг савдо номи: Экозитрин®

Таъсир этувчи модда (ХПН): кларитромицин

Дори шакли: плёнка қобиқ билан қопланган таблеткалар

Таркиби:

Бир таблетка қуйидагиларни сақлайди

фаол модда: кларитромицин (фаол моддага қайта ҳисобланганда) – 250 мг ёки 500 мг;

ёрдамчи моддалар: лактулоза, повидон, магний стеарати, коллоид кремний диоксиди (аэросил), тальк, калий полакрилини;

қобиқ: гипромеллоза, тальк, титан диоксиди, макрогол 4000, азорубин бўёвчиси.

Таърифи: икки ёқлама қавариқ, капсуласимон, пушти рангли қобиқ билан қопланган таблеткалар. Кўндаланг кесимида икки қавати кўринади, ички қавати оқ ёки деярли оқ рангда.

Фармакотерапевтик гуруҳи: антибиотик-макролид

АТХ коди: J01FA09.

6-yillik-qizil-jenshen

Фармакологик хусусиятлари

Фармакодинамикаси

Кенг таъсир доирасига эга яримсинтетик макролид антибиотиги. Микроорганизмларнинг оқсил синтезини издан чиқаради (микроб ҳужайраси рибосомалари мембраналарининг 50S суббирлиги билан боғланади). Ҳужайра ташқарисида ва ҳужайра ичида жойлашган қўзғатувчиларга таъсир қилади. Кларитромициннинг фаоллиги қуйидаги микроорганизмларнинг кўпчилик шаклларига нисбатан ҳам in vitro, ҳам клиник амалиётда исботланган – аэроб граммусбат микроорганизмлар: Staphylococcus aureus, Streptococcus pneumoniae, Streptococcus pyogenes; аэроб грамманфий микроорганизмлар: Haemophilus influenzae, Haemophilus parainfluenzae, Moraxella catarrhalis, Legionella pneumophila; бошқа микроорганизмлар – Mycoplasma pneumoniae, Chlamidia pneumoniae; микробактериялар: Mycobacterium avium ва Mycobacterium intracellular ни ўз ичига олган комплекс Mycobacterium avium complex (MAC), Helicobacter pylori.

Бета-лактамазалар кларитромициннинг фаоллигига таъсир қилмайди.

Кларитромицин in vitro шароитларда – аэроб граммусбат микрорганизмлар: Listeria monocytogenes, Streptococcus agalactiae, Streptococci C,F,G гуруҳлари, Streptococcus viridans гуруҳларига; аэроб граммусбат микроорганизмлар: Clostridium perfringens, Peptococcus niger, Propionibacterium acnes га; анаэроб грамманфий микроорганизмлар: Bacteroidse melaninogenicus га; спирохетларга: Borrelia bugdorferi, Treponema pallidum га; микробактариялар: Mycobacterium leprae, Mycobacterium cholonae; кампиллобактериялар: Campylobacter jejuni га нисбатан фаол.

Кларитромициннинг микробиологик фаол метаболити – 14–гидроксикларитромицин, Haemophilus influenzae га нисбатан дастлабки бирикмага қараганда икки марта фаолроқ. Кларитромицин ва унинг метаболити биргаликда in vitro ва in vivo шароитларда бактерияларнинг штаммларига қараб, ҳам аддитив, ҳам синергик таъсир кўрсатиши мумкин.

Стафиллококларнинг метициллинга ва оксациллинга чидамли бўлган кўпчилик штаммлари кларитромицинга резистент.

Кларитромицинга ва макролидлар гуруҳининг бошқа антибиотикларига, шунингдек линкомицинга ва клиндамицинга қарама-қарши резистентлик ривожланиши мумкин.

Фармакокинетикаси

Сўрилиши – тез. Овқат биокираолишлигига жиддий таъсир қилмай, сўрилишини секинлаштиради. 250 мг ли таблеткаларнинг биокираолишлиги – 50%. Плазма оқсиллари билан боғланиши – 65-75%. Бир марта қабул қилинганидан кейин максимал концентрацияси (Сmax ) нинг икки чўққиси қайд этилади. Иккинчи чўққиси препаратни ўт пуфагида тўпланиши, кейинчалик ичакка аста-секин ёки тез тушиши ва сўрилиш хусусияти билан боғлиқ. Максимал концентрациясига эришиш вақти (ТСmax) 250 мг қабул қилинганда – 2-3 соатни ташкил этади.

Ичга қабул қилинганидан кейин кларитромициннинг қабул қилинган дозасини 20-30% жигарда цитохромнинг CYP3A4, CYP3A5 ва CYP3A7 изоферментлари томонидан тезда гидроксилланади ва Haemophiius influenzae га нисбатан яққол микробларга қарши фаолликка эга бўлган асосий метаболити – 14 (R)–гидроксикларитромицин ҳосил бўлади. CYP3A4, CYP3A5 ва CYP3A7 изоферментларининг ингибитори ҳисобланади.

Суткада 250 мг дан мунтазам қабул қилинганида ўзгармаган препарат ва унинг метаболитининг мувозанат концентрацияси (Сss) мувофиқ – 1 ва 0,6 мкг/мл; ярим чиқарилиш даври мувофиқ равишда – 3-4 ва 5-6 соатни ташкил этади. Доза суткада 500 мг гача оширилганида плазмада ўзгармаган препарат ва унинг метаболитининг Сss кўрсаткичи мувофиқ равишда – 2,7-2,9 ва 0,83-0,88 мкг/мл ни; ярим чиқарилиш даври мувофиқ равишда – 4,8-5 ва 6,9-8,7 соатни ташкил қилди. Терапевтик концентрацияларда ўпкада, тери ва юмшоқ тўқималарда тўпланади (улардаги концентрациялари қон плазмасидаги антибиотикнинг даражасидан 10 марта юқори бўлади).

Буйрак ва ичак орқали чиқарилади (ўзгармаган шаклда – 20-30%, қолганлари – метаболитлар кўринишида). 250 мг ва 1200 мг бир марта қабул қилинганида буйрак орқали мувофиқ равишда 37,9% ва 46%, ичак орқали – 40,2% ва 29,1% чиқарилади.

Буйрак фаолиятини бузилишида кларитромицин ва унинг метаболитининг ТСmax,  Сmax ва “концентрация-вақт” эгри чизиғи ости майдони (AUC) ни ошиши аниқланади.

 

Қўлланилиши

Катталарга: фарингит, тонзиллит, ўткир гайморит, сурункали бронхитни зўрайиши, шифохонадан ташқари пневмония, тери ва тери ости клетчаткасининг асоратланмаган инфекциялари; Mycobacterium avium ва Mycobacterium intracellulare чақирган диссеминацияланган инфекциялар.

Катталарда амоксициллин ва омепразол/лансопрозол билан мажмуада уч моддали даволаш кўринишида, Helicobacter pylori томонидан чақирилган инфекцияларда, шу жумладан ўн икки бармоқ ичакнинг яра касаллигида қўлланади.

Болаларга: фарингит, тонзиллит, шифохонадан ташқари пневмония, ўткир гайморит, ўткир ўрта отит, тери ва тери ости клетчаткасининг асоратланмаган инфекциялари; Mycobacterium avium ва Mycobacterium intracellulare чақирган диссеминацияланган инфекцияларда қўлланади.

Қўллаш усули ва дозалари

Таблеткаларни ичга, чайнамасдан, оз миқдордаги суюқлик билан қабул қилиш керак.

Катталар ва 12 ёшдан ошган ва тана вазни 33 кг дан ортиқ болаларга:

Streptococcus pyogenes томонидан чақирилган фарингитда ва тонзиллитда – 250 мг дан ҳар 12 соатда 10 кун давомида буюрилади;

ўткир гайморитда 500 мг дан ҳар 12 соатда 14 кун давомида буюрилади;

Haemophiius influenzae томонидан чақирилган сурункали бронхитни зўрайишида – 500 мг дан 7-14 кун давомида ҳар 12 соатда, Haemophiius parainfluenzae томонидан чақирилганда – 500 мг дан 7 кун давомида ҳар 12 соатда; Moraxella catarrhalis, Streptococcus pneumoniae чақирганида – 250 мг дан 7-14 кун давомида ҳар 12 соатда буюрилади;

Haemophiius influenzae томонидан чақирилган касалхонадан ташқари пневмонияда – 250 мг дан 7 кун давомида ҳар 12 соатда, Streptococcus pneumoniae, Chlamidia pneumoniae, Mycoplasma pneumoniae томонидан чақирилган касалхонадан ташқари пневмонияда – 250 мг дан -7-14 кун давомида ҳар 12 соатда буюрилади;

Staphylococcus aureus, Streptococcus pyogenes томонидан чақирилган тери ва тери ости клетчаткасининг асоратланмаган инфекцияларида – 250 мг дан -7-14 кун давомида ҳар 12 соатда буюрилади;

Mycobacterium avium томонидан чақирилган инфекцияларни даволаш ва олдини олишда: 500 мг дан суткада 2 марта буюрилади. Максимал суткалик доза – 1000 мг. Даволаш давомийлиги – 6 ой ва ундан ортиқ буюрилади.

Helicobacter pylori ни эрадикацияси мақсадида:

Уч препарат билан мажмуавий даволаш:

кларитромицин – 500 мг, лансопрозол – 30 мг ва амоксициллин – 1000 мг 10-14 кун давомида суткада 2 марта буюрилади;

кларитромицин – 500 мг, омепрозол – 20 мг ва амоксициллин – 1000 мг 10-14 кун давомида суткада 2 марта буюрилади;

Иккита препарат билан мажмуавий даволаш:

кларитромицин – 500 мг суткада 3 марта, омепразол – суткада 40 мг дан 14 кун давомида, омепразолни суткада 20 дозада кейинги 14 кун давомида буюриш билан.

Сурункали буйрак етишмовчилиги бўлган пациентлар учун: (креатинин клиренси минутига 30 мл дан кам ёки зардобдаги креатинин концентрацияси 3,3 мг/100 мл дан ортиқ) доза 2 марта пасайтирилади ёки интервал 2 марта оширилади.

Даволашнинг максимал давомийлиги бу гуруҳ пациентлари учун – 14 кун.

Ножўя таъсирлари

Нерв тизими томонидан: бош оғриғи, бош айланиши, безовталик, уйқусизлик, “даҳшатли” туш кўришлар, тремор, тиришишлар, депрессия; дезориентация, галлюцинациялар, психоз, дерепсонализация, онгни чалкашиши, миастения gravis симптомларини кучайиши, психотик бузилишлар, парестезия, мания, кучли терлаш, анорексия, лоҳаслик, астения, эт увишиши, толиқиш.

Овқат ҳазм қилиш тизими томонидан: кўнгил айниши, кекириш, қусиш, метеоризм, иштаҳани ёмонлашиши, гастрит, гастралгия, диарея, стоматит, глоссит, оғиз бўшлиғи шиллиқ қаватининг кандидози, тил ва тишларнинг рангини ўзгариши, оғиз бўшлиғи шиллиқ қаватини қуриши, ўткир панкреатит, “жигар” трансаминазалари фаоллигини ошиши, гепатоцеллюляр ва холестатик гепатит, холестатик сариқлик; кам ҳолларда – сохтамембраноз колит, асосан оғир ёндош касалликлари ва/ёки дори билан ёндош даволаш фонида ўлим билан якунланадиган жигар етишмовчилиги, диспепсия, қабзият.

Юрак-қон томир тизими томонидан: юрак қоринчалари тахикардияси, шу жумладан “пируэт” тури, қоринчаларни хилпиллаши ва липиллаши, ЭКГ да Q-T интервалини узайиши.

Сезги аъзолари томонидан: қулоқларни шанғиллаши, жаранглаши, таъмни ўзгриши (дисгевзия), агевзия, якка ҳолларда – препарат бекор қилинганидан кейин ўтиб кетувчи эшитишни йўқолиши, ҳид сезишни бузилиши, аносмия.

Тери ва юмшоқ тўқималар томонидан: эритразма, акне, сарамас.

Суяк-мушак тизими томонидан: миалгия, миопатия, кўкрак қафасида оғриқ.

Қон яратиш аъзолари томонидан: кам ҳолларда – тромбоцитопения (одатдаги бўлмаган қон кетишлари, қон қуйилишлар), агранулоцитоз, тромбоцитоз, протромбин вақтини узайиши, ХМН даражасини оиши.

Сийдик чиқариш тизими томонидан: интерстициал нефрит, буйрак етишмовчилиги.

Лаборатория кўрсаткичлари: лейкопения, нейтропения, эозинофилия, қонда повышение билирубин концентрациясини ошиши, гиперкреатининемия, гипогликемия (шу жумладан гипогликемик препаратлар бир вақтда қабул қилинганида), сийдик рангини ўзгариши.

Аллергик реакциялар – тери тошмаси, қичишиш, эшакеми, терини гиперемияси, хавфли экссудатив эритема (Стивенс-Джонсон синдроми), токсик эпидермал некролиз, анафилактик реакциялар, эозинофилия ва тизимли симптоматика билан кечувчи дори воситалари таъсиридаги тошма (DRESS синдром), Шенляйн-Генох пурпураси, геморрагиялар.

Бошқалар: иккиламчи инфекциялар (микроорганизмлар томонидан чидамлиликни ривожланиши).

Қўллаш мумкин бўлмаган ҳолатлар

Ўта юқори сезувчанлик, порфирия, лактация даври, цизаприд, астемизол, пимозид, терфенадин, эрготамин ва бошқа шохкуя алкалоидлари, мидазолам, алпразолам, триазоламнинг перорал дори шаклларини бир вақтда қабул қилинганда қўллаш мумкин эмас.

12 ёшгача бўлган болалар (ушбу дори шакли учун).

Лактозани ўзлаштираолмаслик ёки лактазани етишмовчилиги, шунингдек глюкоза-галактозани кам сўрилишида қўллаш мумкин эмас.

Ловастатин ва симвастатин билан, перорал қўлланадиган мидозолам билан, Р-гликопротеин ингибиторларини ёки CYP3A4 изоферментининг кучли ингибиторларини қабул қилаётган буйрак ёки жигар фаолиятини бузилиши бўлган пациентларда колхицин билан бир вақтда қўллаш; анамнезда QT интервалини узайиши мавжуд бўлган, юрак қоринчалари аритмияси ёки “пирует” туридаги қоринчалар тахикардияси бўлган пациентларда; кларитромицинни қўллаш оқибатида (анамнезда) юз берган холестатик сариқлик/гепатит; буйрак етишмовчилиги билан бир вақтда кечувчи оғир жигар етишмовчилигида, гипокалиемияда қўллаш мумкин эмас.

Эҳтиёткорлик билан:

Ўртача ва оғир даражадаги буйрак етишмовчилиги; ўртача ва оғир даражадаги жигар етишмовчилиги, миастения gravis.

CYP3A4 изоферменти томонидан метаболизмга учрайдиган ва шу ферментни индукция қилувчи дори препаратлари билан, бензодиазепинлар (алпразолам, триазолам, вена ичига юбориладиган мидазолам), IА ва III синфи антиаритмик препаратлари, CYP3A4 изоферменти томонидан метаболизмга учрайдиган «секин» кальций каналларининг блокаторлари билан бир вақтда қўллаш; ЮИК бўлган, оғир юрак етишмовчилиги, гипомагниемияси, яққол брадикардияси бўлган пациентларда эҳтиёткорлик билан қўллаш керак.

Дориларнинг ўзаро таъсири

Кларитромицин ва цитохром Р450 изоферментлари томонидан бирламчи метаболизмга учрайдиган препаратлар бирга қабул қилинганида, уларнинг концентрацияларини ўзаро ошиши юз бериши мумкин, бу ҳам терапевтик, ҳам ножўя самараларни кучайтириши ёки узайтириши мумкин. Астемизол, цизаприд, пимозид, терфенадин, эрготамин ва шохкуянинг бошқа алколоидлари, шунингдек ловастатин ва симвастатин билан бирга қабул қилиш мумкин эмас.

СYP3A индукторлари ҳисобланган препаратлар (масалан, фенобарбитал ва тешик далачой) кларитромициннинг метаболизмини индукциясини чақириши мумкин. Бу кларитромициннинг субтерапевтик даражасига олиб келиши ва унинг самарадорлигини пасайишига олиб келиши мумкин.

Карбамазепин, цилостазолом, циклоспорин, дизопирамид, метилпреднизолон, омепразол, билвосита антикоагулянтлар (шу жумладан варфарин билан), хинидин, рифабутин, силденафил, такролимус, винбластин билан, шунингдек фенитоин, теофиллин ва вальпроат кислотаси билан (цитохром Р450 нинг бошқа изоферментлари томонидан метаболизмга учрайди) эҳтиёткорлик билан буюрилади. Дори воситасининг дозасига тузатиш киритиш ва қондаги концентрациясини назорат қилиш керак.

Цизаприд, пимозид, терфенадин ва астемизол билан бирга қўлланганида, охиргиларнинг қондаги концентрациясини ошиши, Q-T интервалини узайиши, аритмияларни, шу жумладан “пируэт” туридаги қоринчалар тахикардияси, қоринчаларни титраши ва фибрилляцияси юз бериши мумкин.

Эрготамин ва дигидроэрготамин билан бирга қўлланганида эрготамин гуруҳи препаратлари билан ўткир захарланиш (қон томирларини спазми, қўл-оёқлар ва бошқа тўқималарнинг, шу жумладан марказий нерв тизимини ишемияси) юз бериши мумкин.

Эфавиренз, невипарин, рифампицин, рифабутин ва рифапентин (цитохром Р450 индукторлари), кларитромициннинг плазмадаги концентрациясини пасайтиради ва унинг терапевтик самарасини сусайтиради, ва шу билан бирга 14–гидроксикларитромициннинг даражасини оширади.

Флуконазол 200 мг дозада ҳар куни ва кларитромицин суткада 1 г дозада бирга қабул қилинганида, кларитромициннинг (Сss) ва AUC мувофиқ 33% ва 18% га ошиши мумкин. Кларитромициннинг дозасига тузатиш киритиш талаб қилинмайди.

Ритонаврни суткада 600 мг ва кларитромицин суткада 1 г бирга қабул қилинганида, кларитромициннинг метаболизмини пасайиши (Сmax 31% га, Сss 182% га ва AUC ни 77% га ошиши), 14-гидроксикларитромцинни ҳосил бўлиши тўлиқ сусайиши мумкин. Сурункали буйрак етишмовчилиги бўлган пациентларда дозага тузатиш киритиш керак. Креатинин клиренси (КК) минутига 30-60 мл бўлганида кларитромициннинг дозасини 50% га, КК 30 минутига мл дан кам бўлганида 75% га камайтириш керак. Ритонавирни суткада 1 г дан юқори дозада кларитромицин билан бирга қабул қилиш мумкин эмас.

Хинидин ва дизопирамид билан бирга қабул қилинганида “пируэт” туридаги юрак қоринчалари тахикардияси пайдо бўлиши мумкин. ЭКГ ни (QT интервалини узайиши), бу дори воситаларнинг зардобдаги концентрацияларини назорат қилиш лозим.

Кларитромицин ГМГ-Ко-А-редуктаза ингибиторлари (ловастатин, симвостатин) нинг концентрациясини оширади. Бу препаратларни бирга қабул қилаётган пациентларда рабдомиолиз ривожланиши мумкин.

Кларитромицин ва омепразол қўлланганида, омепразолнинг Сmax, AUC ва ярим чиқарилиш даври мувофиқ равишда 30%, 89% ва 34% га ошиши мумкин. Меъдада рН нинг ўртача қиймати фақат омепразол қабул қилинганида 24 соат давомида 5,2 ни ва омепразол кларитромицин билан бирга қабул қилинганида 5,7 ни ташкил қилган.

Кларитромицин ва билвосита антикоагулянтлар қўлланганида, охиргиларнинг таъсири кучайиши мумкин. Варфарин ва бошқа билвосита антикоагулянтлар билан бир вақтда қўлланганда Халқаро меъёрлаштирилган нисбат ва протромбин вақтини назорат қилиш лозим.

Кларитромицин силденафил, тадалафил ёки варденафил (фосфодиэстераза-5 ингибиторлари) билан қўлланганида, фосфодиэстеразага бўлган ингибиция қилувчи таъсири ошиши мумкин. Силденафил, тадалафил ва варденафилнинг дозасини пасайтириш талаб қилиниши мумкин.

Кларитромицин теофиллин ва карбамозепин билан бирга буюрилганида, охиргиларнинг тизимли қон оқимидаги концентрациялари ошиши мумкин.

CYP2D6 орқали метаболизми паст бўлган пациентларда толтеродин билан қўлланганида, кларитромицин (CYP3A ингибитори) бор бўлган ҳолларда толтеродиннинг дозаларини камайтириш талаб қилиниши мумкин.

Кларитромицинни (суткада 1 г) мидазолам (перорал) билан бирга қабул қилинганида, мидозоламнинг AUC кўрсаткичи 7 марта ошиши мумкин. Кларитромицин ва мидозолам (вена ичига) бирга қўлланганда дозага тузатиш киритиш талаб қилиниши мумкин. CYP3A билан метаболизмга учрайдиган бошқа бензодиазепинларга ҳам шундай эҳтиёткорлик чораларини қўллаш керак. Чиқарилиши CYP3A га боғлиқ бўлмаган бензодиазепинлар (темазепам, нитразепам, лоразепам) учун кларитромицин билан клиник аҳамиятли ўзаро таъсирининг эҳтимоли кам.

Кларитромицин колхицин билан бирга қабул қилинганида колхициннинг таъсири кучайиши мумкин. Колхицин билан юз бериши мумкин бўлган интоксикациянинг клиник белгиларини, айниқса кекса пациентларда ва сурункали буйрак етишмовчилиги бўлган пациентларда ривожланишини назорат қилиш керак (ўлим билан якунланган ҳоллари тўғрисида ҳабар қилинган).

Кларитромицин ва дигоксин бирга қабул қилинганида дигоксиннинг зардобдаги концентрациясини синчиклаб назорат қилиш керак (унинг концентрацияси ошиши ва потенциал летал аритмиялар ривожланиши мумкин).

Кларитромицин ва зидовудинни ОИТВ-инфекцияланган пациентлар томонидан бир вақтда қабул қилиниши, зидовудиннинг Сss пасайишига олиб келиши мумкин. Кларитромицин ва зидовудиннинг дозасини танлаш лозим. Ўзаро таъсирнинг бу тури кларитромицинни суспензия кўринишида зидовудин билан бирга қабул қилаётган ОИТВ-инфекцияси бўлган болаларда учрамайди.

Кларитромицин (суткада 1 г) ва атазанавир (суткада 400 мг) бирга қабул қилинганида атазанавирнинг AUC 28% га, кларитромициннинг эса 2 мартага ошиши, 14-гидроксикларитромициннинг AUC 70% га камайиши мумкин. КК 30-60 мл/мин бўлган пациентларда кларитромициннинг дозасини 50% га камайтириши керак. Кларитромицинни суткада 1 г дан юқори дозаларда протеазаларнинг ингибиторлари билан бирга буюриш мумкин эмас.

Кларитромицин ва итраконазол бирга қабул қилинганида препаратларнинг плазмадаги концентрациялари ўзаро ошиши мумкин. Интраконазол ва кларитромицинни бир вақтда қабул қилаётган пациентларни, бу дори воситаларнинг фармакологик самараларини мумкин бўлган кучайиши ёки узайиши туфайли, уларни синчиклаб кузатиш керак.

Кларитромицин (суткада 1 г) ва саквинавир (юмшоқ желатин капсулаларда 1200 мг дан суткада 3 марта) бир вақтда қабул қилинганида саквинавирнинг AUC ва Сss  мувофиқ 117% ва 187% га, кларитромициннинг эса 40% га ошиши мумкин. Бу иккала дори воситалари бирга чекланган вақт давомида юқорида кўрсатилган дозалар/дори шаклларида буюрилганида дозаларни тўғрилаш талаб қилинмайди.

Верапамил билан бирга қабул қилинганида АБ пасайиши, брадиаритмия ва сут кислотали ацидоз бўлиши мумкин.

Кларитромицинни ва перорал гипогликемик воситаларни, шу жумладан инсулинни бир вақтда қўлланганда кам ҳолларда гипогликемия ривожланиши мумкин. Қонда глюкозанинг концентрациясини синчков назорат қилиш тавсия қилинади.

Кларитромицин (500 мг кунига 2 марта) билан бир вақтда қўлланганда этравирин плазмада кларитромициннинг концентрациясини 53% га пасайтиради ва фаол метаболити 14-гидроксикларитромициннинг концентрациясини эса, 46% га оширади. 14-гидроксикларитромицин Mycobacterium avium complex (МАС) га қарши паст фаолликка эгалиги туфайли, кларитромицин ва унинг метаболитини бу патогенга нисбатан умумий фаоллиги ўзгариши мумкин.

Махсус кўрсатмалар

Жигарнинг сурункали касалликлари бўлганида қон зардобидаги ферментларининг фаоллигини мунтазам назорат қилиш керак.

Жигарда метаболизмга учрайдиган дори воситалар фонида эҳтиёткорлик билан буюрилади (уларнинг қондаги концентрацияларини ўлчаш тавсия қилинади).

Варфарин ёки бошқа билвосита антикоагулянтлар билан бирга буюрилган ҳолда протромбин вақтини назорат қилиш лозим.

Иккиламчи инфекциялар ривожланганида адекват даволаш буюрилиши керак.

Даволаниш вақтида ёки ундан кейин оғир ва давомли диарея пайдо бўлганида сохтамембраноз колит ташхисини истисно қилиш керак, у препаратни дарҳол бекор қилишни ва мувофиқ даволашни буюришни талаб қилади.

Препаратни қўллашдан олдин Streptococcus pneumoniae, Staphylococcus aureus ва Streptococcus pyogenes ларда макролидларга нисбатан резистентлик ривожланганда сезувчанлик тестини ўтказиш керак. Кларитромицинга ва макролидлар гуруҳининг бошқа антибиотикларига кесишган резистентлик ривожланиши мумкин. Препаратни узоқ муддат қўллаганда суперинфекция ривожланиши мумкин.

Препаратни QT интервалини узайишига мойиллиги бўлган пациентларда эҳтиёткорлик билан қўллаш керак.

Юрак ишемик касаллиги, оғир юрак етишмовчилиги, гипомагниемияси, яққол брадикардияси бўлган, кларитромицин қабул қилаётган пациентларда, шунингдек антиаритмик препаратларининг IА синфи (хинидин, прокаинамид) ва III синфи (дофетилид, амиодарон, соталол) билан бир вақтда қўлланганда, QT интервалини узайишини аниқлаш юзасидан электрокардиограммани назоратини мунтазам ўтказиб туриш лозим.

Препаратни қўллаш фонида сохтамембраноз колитни ривожланиши, миастении gravis симптомларини оғирлашиши кузатилиши мумкин.

Кларитромицин қўлланганида жигар фаолиятини бузилиши (“жигар” трансаминазалари фаоллигини ошиши, сариқлик билан ёки усиз кечувчи гепатоцеллюляр ва/ёки холестатик гепатит) тўғрисида хабар берилган. Жигар фаолиятини бузилиши оғир бўлиши мумкин, аммо одатда қайтувчандир. Ўлим билан якунланган, асосан жиддий ёндош касалликларни борлиги ва/ёки бошқа дори воситаларни бир вақтда қўлланиши билан боғлиқ жигар етишмовчилиги ҳолатлари бўлган. Анорексия, сарнқлик, сийдикни тўқлашиши, қичишиш, пальпацияда қоринда оғриқ каби гепатит белгилари ва симптомлари пайдо бўлганида  кларитромицин билан даволашни дарҳол тўхтатаиш лозим. Сурункали жигар касалликлари бўлган ҳолларда қон зардоби ферментларини мунтазам назорат ўтказиб туриштлозим… фаоллигини

Ўта юқори сезувчанлик реакциялари юз берганида препаратни бекор қилиш керак.

Ҳомиладорлик ва лактация даврида қўлланиши:

Кларитромициннинг ҳомиладорлик даврида қўллаш хавфсизлиги аниқланмаган. Ҳомиладорликда, айниқса биринчи уч ойлигида, кларитромицини, агар уни қабул қилишдан кутилаётган фойда ҳомила учун мумкин бўлган хавфдан устун бўлган ва/ёки муқобил препаратлар билан хавфсизроқ даволаш усули бўлмаган ҳолларда буюриш тавсия қилинади. Агар ҳомиладорлик препаратни қабул қилиш вақтида юз берган бўлса, пациент аёлни ҳомилага нисбатан бўлиши мумкин бўлган хавфлар тўғрисида огоҳлантириш керак. Препаратни лактация даврида буюриш зарурати туғилганида эмизишни бекор қилиш тўғрисидаги масалани хал этиш керак.

Препарат болалар ололмайдиган жойда сақлансин ва яроқлилик муддати ўтгач қўлланилмасин.

Дозани ошириб юборилиши

Симптомлари: абдоминал оғриқ, кўнгил айниши, қусиш, диарея.

Даволаш: меъдани ювиш, тутиб турувчи даволаш. Гемодиализда ёки перинатал диализда чиқарилмайди.

Чиқарилиши шакли

Плёнка қобиқ билан қопланган таблеткалар, 250 мг ва 500 мг.

7 таблеткадан поливинилхлорид пленка ва лакланган босма алюмин фольгадан контур уяли ўрамда.

7 таблеткадан юмшоқ алюмин фольга ва қаттиқ алюмин фольга контур уяли ўрамда.

1 ва 2 контур уяли ўрамдан қўллаш бўйича йўриқномаси билан бирга картон қутига жойланади.

Сақлаш шароити

Қуруқ, ёруғликдан ҳимояланган жойда, 25оС дан юқори бўлмаган ҳароратда сақлансин.

 

 

Яроқлилик муддати

3 йил.

Дорихоналардан бериш тартиби

Рецепт бўйича

Улашиш: