ҚЎЛЛАШ БЎЙИЧА ЙЎРИҚНОМА
АЛЬФА НОРМИКС
ALFA NORMIX
Препаратнинг савдо номи: АЛЬФА НОРМИКС.
Таъсир этувчи модда (ХПН): рифаксимин
Дори шакли: плёнка қобиқ билан қопланган таблеткалар.
Таркиби:
Плёнка қобиқ билан қопланган ҳар бир таблетка қуйидагиларни сақлайди:
фаол модда: рифаксимин – 200 мг,
ёрдамчи моддалар:натрий крахмал гликоляти, глицерил дистеарати, коллоидликремний диоксиди, тальк, микрокристалл целлюлоза, гипромеллоза, титан диоксиди (Е171), динатрий эдетати, пропиленгликоль, темир (III) оксиди (Е172).
Таърифи: плёнка қобиқ билан қопланган, думалоқ, икки томонлама қавариқ, пушти рангли таблеткалар.
Фармакотерапевтик гуруҳи: антибиотик, рифаксимин.
АТХ коди: А07АА11.
Фармакологик хусусиятлари
«АЛЬФА НОРМИКС» препарати α полиморф шаклида рифаксимин [4-дезокси-4′-метилпиридо (1′,2′-1,2) имидазо (5,4-с) рифамицин SV] сақлайди.
Фармакодинамикаси
Рифаксимин – рифамицин гуруҳига мансуб антибиотик бўлиб, бактерияларнинг ДНК га боғлиқ РНК-полимераза ферментининг β-суббирликларини қайтмас тарзда боғлайди, ва демак бактерияларнинг РНК синтезини сусайтиради. Рифаксимин меъда-ичак инфекцияларини келтириб чиқарувчи граммусбат ва грамманфий, аэроб ва анаэроб бактерияларга нисбатан микробларга қарши кенг фаоллик доирасига эга.
Меъда-ичак йўлларидан кучсиз сўрилиши оқибатида α полиморф шаклидаги рифаксимин ичак деворига маҳаллий таъсир кўрсатади ва ичак девори орқали ўтадиган патогенларга нисбатан, ҳатто ушбу бактериялар препаратга in vitro шароитларда сезувчан бўлса ҳам, клиник жиҳатдан нофаол ҳисобланади.
Микробларга қарши фаолликнинг кенг доираси шунингдек препаратга ичакдаги кўпгина патологик ҳолатларни келтириб чиқарадиган патоген бактериялар миқдорини камайтиришга имкон беради. Шундай қилиб, рифаксимин:
- детоксикация жараёни бузилиши билан кечувчи жигарнинг оғир касаллигида жигар энцефалопатияси симптомлари патогенезида ва ривожланишида иштирок этувчи аммиак ҳамда бошқа заҳарли бирикмаларнинг бактериялар томонидан ҳосил қилинишини;
- ичакда микроорганизмларнинг ортиқча ўсиши синдромида бактерияларнинг юқори пролиферациясини;
- дивертикуляр халтача ичида ва атрофида яллиғланишда иштирок этиши ҳамда дивертикуляр касаллик симптомлари ва асоратлари ривожланишида муҳим роль ўйнаши мумкин бўлган бактерияларни чамбар ичак дивертикулида мавжуд бўлишини;
- шиллиқ қаватнинг иммунитетини тартибга солишда ва/ёки ҳимоя фаолиятида келиб чиқиши ирсий нуқсонлар билан боғлиқ ичакнинг сурункали яллиғланишини келтириб чиқара оладиган ёки уни доимо сақлаб тура оладиган антиген рағбатлантирилиши жадаллигини;
- колоректал жарроҳлик аралашувида инфекцион асоратлар хавфини камайтиришга қодир.
Фармакокинетикаси
Фармакокинетик тадқиқотлар α полиморф шаклидаги рифаксимин оғиз орқали қабул қилинганида деярли сўрилмаслигини (1% дан кам) кўрсатди. Рифаксиминнинг терапевтик дозаларини соғлом кўнгиллиларга ва ичак шиллиқ қаватлари шикастланган (ичакнинг яллиғланиш касаллиги мавжуд) беморларга такроран юборилганида препаратнинг қон плазмасидаги миқдори жуда ҳам кам (10 нг/мл дан кам) бўлган. Аҳлат экстрактлари таҳлили ўзгармаган рифаксиминни мавжудлигини кўрсатди, бу эса меъда-ичак йўли орқали ўтиши жараёнида унинг парчаланиши ёки метаболизми йўқлигидан далолат беради.
Нишонланган рифаксиминдан фойдаланган ҳолда ўтказилган тадқиқот 14C-рифаксимин аҳлат билан мутлоқ ва деярли тўлиқ (киритилган дозанинг 96,9%) чиқарилишини тахмин қилиш учун асос бўлади. Сийдик билан ажратиб чиқарилган 14С-рифаксимин юборилган дозанинг 0,4% дан ошмайди.
Қўлланилиши
Рифаксиминга сезгир бактериялар келтириб чиқарадиган меъда-ичак йўллари инфекцияларини даволаш, улар жумласига қуйидагилар киради:
- меъда-ичак йўлларининг ўткир инфекциялари;
- сайёҳлар диареяси;
- ичакда микроорганизмларнинг ортиқча кўпайиши синдроми;
- жигар энцефалопатияси;
- чамбар ичакнинг симптоматик асоратсиз дивертикулези;
- ичакнинг сурункали яллиғланиши.
Колоректал жарроҳлик аралашувида инфекцион асоратларни профилактика қилишда қўлланилади.
Қўллаш усули ва дозалари
Катталар ва 12 ёшдан катта бўлган болаларга 200 мг (плёнка билан қопланган 1 таблетка) ҳар 8 соатда ёки 400 мг (плёнка билан қопланган 2 таблетка) ҳар 8-12 соатда буюрилади. Зарурат бўлганида, препаратни қабул қилиш дозаси ва сони шифокор кузатуви остида ўзгартирилиши мумкин.
Даволаш муддати 7 кундан ошмаслиги керак ва пациентларнинг клиник ҳолатига қараб белгиланади. Зарурат бўлганида такрорий даволаш курси камида 20-40 кун ўтгандан кейин ўтказилиши лозим. Даволашнинг умумий давомийлиги беморнинг клиник ҳолатига қараб белгиланади.
Қўллаш усули
Препарат оғиз орқали, бир стакан сув билан ичиб қабул қилинади.
Рифаксиминни овқатланиш вақтида ёки ундан кейин қабул қилиш мумкин.
Кекса ёшдаги инсонлар
Дозага тузатиш киритиш талаб қилинмайди, чунки «АЛЬФА НОРМИКС» препаратини ёшлар ва кексалар томонидан қўллаш хавфсизлиги ва самарадорлигига доир маълумотлар фарқланмайди.
Жигар фаолиятини бузилиши
Жигар етишмовчилиги бўлган пациентлар учун дозага тузатиш киритиш талаб қилинмайди.
Буйрак фаолиятини бузилиши
Буйрак фаолиятини бузилиши бўлган беморлар учун дозага тузатиш киритиш назарда тутилмаслигига қарамай, улар томонидан мазкур препарат қўлланилганида эҳтиёткорликни намоён этиш лозим.
Болалар
Рифаксиминни 12 ёшдан кичик болаларда қўллаш хавфсизлиги ва самарадорлиги аниқланмаган.
Ножўя таъсирлари
Препаратни постмаркетинг даври мобайнида қўллаш тажрибаси
Пострегистрацион (Рўйхатдан ўтказилганидан кейинги) даврда рифаксиминни қўллаш оқибатидаги янги ножўя таъсирлари тўғрисида хабар берилган. Бундай таъсирларни юз бериш тез-тезлиги номаълум (яъни уни мавжуд маълумотлар асосида баҳолаш мумкин эмас).
Ножўя таъсирлар ўз тез-тезлигига кўра қуйидагича таснифланади:
Жуда тез-тез (>1/10), тез-тез (>1/100– <1/10), тез-тез эмас (>1/1,000 – <1/100), кам ҳолларда (>1/10,000 – <1/1,000), жуда кам ҳолларда (<1/10,000), номаълум (тез-тезлиги мавжуд маълумотлар асосида баҳолаш мумкин эмас).
| MedDRA таснифи бўйича аъзолар тизими томонидан бузилишларнинг намоён бўлиши синфлари | Тез-тез | Тез-тез эмас | Номаълум |
| Инфекциялар ва инвазиялар | кандидоз, оддий герпес, назофарин-гит, фарингит, юқо-ри нафас йўллари-нинг инфекциялари | клостридиал инфекция | |
| Қон ва лимфа тизими томонидан бузилишлар | лимфоцитоз, моноцитоз, нейтропения | тромбоцитопения | |
| Иммун тизими томонидан бузилишлар | анафилактик реакциялар, юқори сезувчанлик | ||
| Метаболизм ва овқат ҳазм қилишни бузилиши | иштаҳани йўқолиши, дегидратация | ||
| Руҳий бузилишлар | патологик туш кўриш, тушкун кайфият, уйқусиз-лик, асабийлашиш | ||
| Марказий нерв тизими томонидан бузилишлар | бош айланиши, бош оғриғи | гипестезия, мигрень, парестезия, вена синусларига оид бош оғриғи, уйқучанлик | пресинкопе |
| Кўриш аъзолари томонидан бузилишлар | диплопия | ||
| Қулоқ ва қулоқ лабиринти томонидан бузилишлар | қулоқда оғриқ, вертиго | ||
| Юрак фаолиятини бузилишлари | юракни уриб кетиши | ||
| Қон-томир Бузилишлари | артериал қон босимини ошиши, қизиб кетишлар | ||
| Респиратор, торакал ва медиастенал бузилишлар | йўтал, томоқни қури-ши, нафас сиқиши, бурун битиши, орофарингеал соҳада оғриқ, ринорея | ||
| Меъда-ичак йўллари томонидан бузилишлар | қоринда оғриқ, қабзият, ич келишига қистовлар, диарея, метеоризм, қоринни дам бўлиши/кенгайиши, кўнгил айниши, қусиш, ректал тенезмлар | қориннинг юқори қисмида оғриқ, асцит, лабларни қуриши, диспепсия, меъда-ичак йўллари моторикасини бузилиши, ични қаттиқ келиши, ични қон аралаш келиши, ични шиллиқ аралаш келиши, таъм сезишни бузилиши | |
| Гепато-биллиар бузилишлар | аспартатамино-трансфераза даражасини ошиши | жигардан олинган функционал синамаларнинг аномал қийматлари | |
| Тери ва тери ости тўқималар томонидан бузилишлар | тошма, тери тошмалари ва экзантема, қуёш таъсирида эритема1 | ангионевротик шиш, дерматит, эксфолиатив дерматит, экзема, эритема, қичишиш, геморрагик тошма, эшакеми | |
| Таянч-ҳаракат аппа–рати ва бирикти–рувчи тўқималар томонидан бузилишлар | белда оғриқ, мушак спазмлари, мушак кучсизлиги, миалгия, бўйинда оғриқ, | ||
| Буйрак ва сийдик чи–қариш йўллари томо–нидан бузилишлар | гематурия, глюкозу-рия, поллакиурия, полиурия, протеинурия | ||
| Репродуктив тизим ва кўкрак бези томо–нидан бузилишлар | полименорея | ||
| Умумий бузилишлар ва юбориш жойида реакциялар | иситма | астения, эт увиши-ши, совуқ тер чиқиши, кучли терлаш, гриппга ўхшаш симптомлар, периферик шиш, оғриқ ва дискомфорт | |
| Лаборатор таҳлил кўрсаткичларини ўзгариши | протромбин вақти кўрсаткичининг (ХМН) аномал қиймати |
1Тадқиқотчидан олинган хабарда «қуёш эритемаси» ножўя таъсири ҳақида сўз юритилганлиги сабабли ушбу таъсирни кенг маънода ёруғлик таъсирига сезувчанлик реакцияси сифатида эмас, балки аниқ «қуёш эритемаси» самараси сифатида қаралиши керак.
Қўллаш мумкин бўлмаган ҳолатлар
Фаол моддага, рифамицин ҳосилаларига ёки препаратнинг ҳар қандай ёрдамчи моддаларига юқори сезувчанлик. Ичак тутилиши. Юқори ҳарорат ёки аҳлатда қон бўлиши билан кечувчи диареяда рифамицинни қабул қилиш мумкин эмас.
Дориларнинг ўзаро таъсири
Тизимли бактериал инфекцияни даволаш учун рифаксимин гуруҳидаги бошқа антибактериал препаратларни қабул қилган беморлар томонидан рифаксиминни қабул қилиш тажрибаси йўқ.
Соғлом инсонлардан фарқли равишда, жигар фаолиятини бузилиши бўлган беморлар томонидан препарат қўлланилганида бундай беморларнинг юқори тизимли экспозицияси оқибатида рифаксиминни CYP3A4цитохроми ёрдамида метаболизмга учрайдигандори воситаларининг (масалан, варфарин, тутқаноққа қарши ва антиритмик препаратларнинг) фармакинетикасига таъсир этиши мумкинлигини инкор этиш мумкин эмас, бунда CYP3A4 цитохроми рифаксимин томонидан кучсиз фаоллашишга учрайди.
Фаоллаштирилган кўмир қўлланилганида рифаксиминнибундай восита қўлланганидан кейин камида 2 соат ўтгач қўллаш лозим.
Махсус кўрсатмалар
Агар инфекцион диареяни даволашда (ўткир меъда-ичак инфекцияси ва сайёҳлар диареяси ҳолатида) диарея симптомлари кучайиб борса ёки 48 соатдан ортиқ давр мобайнида сақланиб қолса, рифаксиминни қабул қилишни тўхтатиш ва бошқа антибиотикларни буюриш лозим. Препаратнинг мутлоқ паст сўрилувчанлигига қарамай (1% дан кам) рифаксиминнинг барча бошқа ҳосилалари каби мазкур препарат сийдикни қизғиш рангга бўяши мумкинлиги ҳақида беморларни хабардор қилиш лозим.
Рифаксимин ва Р-гликопротеинингибиторларини, масалан, циклоспоринни биргаликда қўллаш зарурати юзага келганида эҳтиёткорликни намоён этиш лозим.
Ичак микрофлорасига таъсир этиши оқибатида рифаксимин қабул қилинганидан кейин таркибида эстроген сақловчи орал контрацептивларнинг самарадорлиги пасайиши мумкин. Бироқ бундай ўзаро таъсир ҳақида кам хабар берилган. Агар, айниқса орал контрацептивда эстрогеннинг миқдори 50 мкг дан кам бўлса, ҳомила пайдо бўлишига қарши қўшимча эҳтиёткорлик чоралари кўрилиши тавсия этилади.
Ҳомиладорлик ва лактация даврида қўлланиши
Ҳомиладорлик
Рифамицинни ҳомиладорлик даврида қўлланишига доир ахборот мавжуд эмас ёки жуда кам.
Ҳайвонларда ўтказилган экспериментларда суяк пайдо бўлиши жараёнига ва ҳомилада скелет ўзгаришларига препаратнинг ўткинчи таъсири аниқланган. Ушбу маълумотларнинг инсон учун клиник аҳамияти аниқланмаган.
Рифаксиминни эҳтиёткорлик нуқтаи назаридан, ҳомиладорлик вақтида қўллаш тавсия этилмайди.
Лактация
Рифаксимин ёки унинг метаболитлари кўкрак сути билан ажралиб чиқиши номаълум. Эмизилаётган гўдак учун хавфни инкор этиб бўлмайди.
Бола учун эмизишдан кутилаётган фойдани она учун ва препарат билан даволаш бераётган фойдани таққослаб, қайси бирини – эмизишни ёки рифаксимин билан даволашни тўхтатиш кераклигини танлаш зарур.
Фертиллик
Ҳайвонларда ўтказилган экспериментлар препаратнинг эркаклар ёки аёлларда фертилликка бевосита ёки билвосита таъсири борлигини кўрсатмайди.
Автомобиль ва бошқа механизмларни бошқариш қобилиятига таъсири
Назорат қилинадиган клиник тадқиқотлар давомида бош айланиши ва уйқучанликни ривожланиши қайд этилган. Бироқ рифаксиминни автомобиль ва бошқа механизмларни бошқариш қобилиятига таъсири жуда ҳам эътиборга олинмайдиган даражада паст ҳисобланади.
Препарат болалар ололмайдиган жойда сақлансин ва яроқлилик муддати ўтгач қўлланилмасин.
Дозани ошириб юборилиши
Сайёҳлар диареясидан азият чекаётган беморлар иштирокидаги клиник синовларда препаратни кунига 1800 мг гача дозада қўлланилиши ҳеч қандай жиддий клиник ҳолатларни келтириб чиқармаган. Ҳатто нормал микрофлорали шахслар/пациентларда рифаксиминни кунига 2400 мг гача дозада 7 кун давомида қўлланилиши препаратнинг юқори дозаларини қабул қилиш билан боғлиқ жиддий клиник симптомларни ривожланишига олиб келмаган.
Тасодифан дозани ошириб юборилган тақдирда, симптоматик даволаш ва қўллаб-қувватловчи парвариш тавсия этилади.
Чиқарилиш шакли
200 мг ли плёнка қобиқ билан қопланган таблеткалар.
Плёнка қобиқ билан қопланган 12 таблетка блистерда картон қутига жойланган.
Сақлаш шароити
30оС дан юқори бўлмаган ҳароратда сақлансин.
Яроқлилик муддати
3 йил.
Дорихоналардан бериш тартиби
Рецепт бўйича.
