Skip to main content

Алер-G

Улашиш:
  Reading time 4 minutes

ҚЎЛЛАШ БЎЙИЧА ЙЎРИҚНОМА

АЛЕР-G

ALER-G

Препаратнинг савдо номи: Алер-G

Таъсир этувчи модда (ХПН): цетиризин

Дори шакли: қобиқ билан қопланган таблеткалар

Таркиби:

Бир қобиқ билан қопланган Алер-G таблеткаси қуйидагиларни сақлайди:

фаол модда: 10 мг цетиризин дигидрохлориди;

ёрдамчи моддалар: лактоза, микрокристалл целлюлоза, натрий крахмал гликоляти, магний стеарати, кремний диоксиди.

Таърифи: думалоқ, икки ёқлама қавариқ, қобиқ билан қопланган оқ рангли таблеткалар.

Фармакотерапевтик гуруҳи: аллергияга қарши восита.

АТХ коди: R06AE07.

 

Фармакологик хусусиятлари

6-yillik-qizil-jenshen

АЛЕР–G антигистамин препарат бўлиб, аллергияга қарши таъсир кўрсатади. Н1-гистамин рецепторларининг селектив антагонисти, аҳамиятли антихолинэргик ва антисеротонин самара чақирмайди. Терапевтик дозаларда амалда седатив таъсир кўрсатмайди ва уйқучанлик чақирмайди.

Препарат гистаминга боғлиқ аллергик реакциянинг “эрта” босқичига ва “кечки” хужайра босқичига таъсир қилади, эозинофиллар миграциясини камайтиради, шунингдек аллергик яллиғланиш ICAM -1 ва VCAM-1 каби аллергик яллиғланиш маркерлари бўлган адгезия молекулаларининг экспрессиясини пасайтиради. PAF (тромбоцитларни фаоллаштирувчи омил) ва субстанция Р каби бошқа гистамин секрециясининг медиаторлари ва индукторларининг таъсирини сусайтиради; енгил кечувчи бронхиал астмада гистамин қўзғатган бронхларнинг қисқаришини камайтиради, тери реакцияларига нисбатан юқори ингибирловчи хусусиятга эга, гемато-энцефалитик тўсиқ орқали ўтамайди, амалда жигарда метаболизмга учрамайди.

Ичга қабул қилинганидан сўнг плазмадаги максимал концентрациясига тахминан 1 соатда эришилади. Қабул қилинганидан сўнг самараси 2 соат ўтгач намоён бўлади, Н1–рецепторларнинг блокадасининг давомийлиги 24 соат ва ундан кўпни ташкил қилади. Курслик даволаш фонида толерантлик ривожланмайди. Препаратни овқат билан қабул қилиш унинг сўрилишининг миқдорига таъсир этмайди, аммо сўрилиш тезлиги бироз пасаяди.

Бир марталик доза қабул қилинганидан кейин яримчиқирилиш даври катталрда тахминан 10 соатни; 6-12 ёшли болаларда – 6 соат; 2-6 ёшли болаларда – 5 соатни ташкил қилади.

 

Қўлланилиши

  • мавсумий ва сурункали аллергик ринит;
  • аллергик конъюнктивит;.
  • қичишиш билан кечадиган дерматозлар;
  • эшакеми (шу жумладан сурункали идиопатик эшакеми) ва Квинке шиши.

 

Қўллаш усули ва дозалари

Катталарга ва 12 ёшдан ошган болаларга 1 таблеткадан (10 мг) 1 марта эрталаб буюрилади;

6 ёшдан 12 ёшгача бўлган болаларга – 1 таблетка (10 мг) 1 марта эрталаб ёки 1/2 таблетка (5 мг) эрталаб ва кечқурун;

2 ёшдан 6 ёшгача бўлган болаларга – 1/2 таблетка 1 қабулда эрталаб ёки 1/4 таблетка эрталаб ва кечқурун.

Буйраклар етишмовчилиги бўлган беморларга тавсия этилган дозанинг ярми буюрилади.

Буйрак фаолияти меъёрида бўлган кекса ёшдаги беморларда дозага тузатиш киритиш талаб этилмайди.

 

Ножўя таъсирлари

Овқат ҳазм қилиш тизими томонидан: оғизни қуриши, кам ҳолларда – диспептик бузилишлар;

Марказий нерв тизими томонидан: яққол бўлмаган ва тез ўтиб кетадиган  уйқучанлик, бош оғриғи, бош айланиши, алоҳида ҳолларда – қўзғалиш;

Аллергик реакциялар: жуда кам ҳолларда – тери кўринишлари, ангионевротик шиш.

Умуман препарат яхши ўзлаштирилади. Ножўя таъсирлари кам пайдо бўлади, одатда кучсиз ва ўткинчи характерга эга.

 

Қўллаш мумкин бўлмаган ҳолатлар

Ўта юқори сезувчанлик, ҳомиладорлик, лактация даври.

 

Махсус кўрсатмалар

АЛЕР–G препарати тавсия этилган дозаларда қўлланганида алкоголь таъсирини кучайтирмайди (шунга қарамасдан эҳтиёткорликни талаб этади), рухий ва ҳаракат реакцияларига таъсир кўрсатмайди, автомобилни ҳайдаш ва юқори диққатни талаб этувчи иш вақтида қўлланиши мумкин (бундай ҳолларда препаратнинг дозаси оширилганида эҳтиёткорликка риоя қилиш лозим).

Даволаниш вақтида эмизишни тўхтатиш лозим.

АЛЕР–G препаратининг фаол моддаси – цетиризин  бошқа дори воситалири билан ўзаро таъсирга киришмайди. Цитиризинни макролидлар ва кетоконазол билан  бирга қўллаш ҳеч қачон ЭКГда ишончли ўзгаришлар чақирмаган.

Препарат болалар ололмайдиган жойда сақлансин ва яроқлилик муддати тугаганидан сўнг ишлатилмасин.

 

Чиқарилиш шакли

10 мг дан қобиқ билан қопланган таблеткалар, 20 таблеткадан ўрамда.

 

Сақлаш шароити

10-250С ҳароратда сақлансин.

Яроқлилик муддати

4 йил.

 

Дорихоналардан бериш тартиби

Рецептисиз

Улашиш: