ҚЎЛЛАШ БЎЙИЧА ЙЎРИҚНОМА
ЖЕНЬШЕН НАСТОЙКАСИ
TINCTURA GINSENGI
Препаратнинг савдо номи: Женьшен настойкаси
Таъсир этувчи модда (ХПН): женьшен
Дори шакли: настойка
Таркиби:
фаол модда: катта-катта қилиб майдаланган женьшен илдизи- 100 г;
ёрдамчи модда: 70% ли тиббиёт этил спирти – 1 л настойка олгунча.
Таърифи: тиниқ, сариқ рангли, ўзига хос ҳидли суюқлик. Сақлаш жараёнида чўкмага йўл қўйилади.
Фармакотерапевтик гуруҳи: Тонусни оширувчи восита.
АТХ коди: А13А
Фармакологик хусусиятлари
Марказий нерв тизимини тонусни оширувчи таъсирга эга. Бош мия пўстлоғида қўзғалиш ва тормозланиш жараёнлари динамикасини яхшилаб, ўтказилган касаллик, ўта зўриқиш натижасида ҳолсизланган организмнинг умумий тонусини кучайтиради. Жисмоний ва руҳий юкланишларга чидамлиликни оширади.
Қўлланилиши
Ўта толиқиш, неврастения, ўтказилган юқумли ва дармонсизлантирадиган касалликлардан кейинги астения, неврастения натижасидаги жинсий функциянинг сусайишини (мажмуавий даволаш таркибида) даволашда қўлланади.
Қўллаш усули ва дозалари
Овқатдан 30-40 минут олдин 15-25 томчидан кунига 2-3 марта ичилади. Даволаш курси 30-40 кун. Зарурати бўлганида такрорий даволаш курси 2-3 ҳафтадан сўнг амалга оширилади.
Ножўя таъсирлари
Препаратга нисбатан юқори сезувчанликда бутун терига тарқалган доғли тошмалар ривожланади.
Қўллаш мумкин бўлмаган ҳолатлар
Гипертония касаллиги, юқори қўзғалувчанлик, уйқусизлик, қон кетиши, юрак етишмовчилиги, препаратга бўлган юқори сезгирликда қўллаш мумкин эмас.
Махсус кўрсатмалар
Уйқу бузилишини олдини олиш мақсадида препаратни кун охирида қўлламаган маъқул. Препаратни кузда ва қишда қўллаш юқори самарали эканлигини эътиборга олиш керак.
Препарат болалар ололмайдиган жойда сақлансин ва яроқлилик муддати ўтгач ишлатилмасин.
Дозани ошириб юборилиши
Доза ошириб юборилганида бош оғриғи, бош айланиши, уйқусизлик, кўнгил айниши, қусиш, тана ҳароратининг кўтарилиши кузатилади. Заҳарланганда – нафасни бузилиши, ҳушдан кетиш кузатилади. Қон кетиши заҳарланишнинг характерли белгиси бўлиб, қонли ич кетиш, қон қусиш кузатилиши мумкин.
Чиқарилиш шакли
25 мл, 40 мл, 50 мл дан суюқлик флаконларда (банкаларда).
Сақлаш шароити
Ёруғликдан ҳимояланган жойда, 250С дан юқори бўлмаган ҳароратда сақлансин.
Яроқлилик муддати
3 йил.
Дорихоналардан бериш тартиби
Рецептисиз.
