Skip to main content

Визориус

Улашиш:
  Reading time 7 minutes

ҚЎЛЛАШ БЎЙИЧА ЙЎРИҚНОМА

ВИЗОРИУС

VIZORIUS

 

Препаратнинг савдо номи: визориус

Действующее вещество (МНН): дезлоратадин

Дори шакли: сироп 2,5 мг/5 мл

Таркиби:

5 мл сироп қуйидагиларни сақлайди:

фаол модда: 2,5 мг дезлоратадин,

ёрдамчи моддалар: пропиленгликоль, глицерин, лимон кислотаси моногидрати, натрий цитрати, натрий бензоати, динатрий эдетати, сахароза, сариқ шафақ бўёвчиси, тозаланган сув.

Таърифи: мева ҳидли, сарғиш-тўқ сариқ рангли, тиниқ сиропсимон суюқлик.

Фармакотерапевтик гуруҳи: антиаллергик восита.

АТХ коди: R06AX27

Фармакологик хусусиятлари

6-yillik-qizil-jenshen

Фармакодинамикаси

Дезлоратадин лоратадиннинг бирламчи фаол метаболити бўлиб ҳисобланади.

Перорал қабул қилинганидан кейин Дезлоратадин периферик Н1-гистамин рецепторларини танлаб блоклайди, бунда гемато-энцефалик тўсиқ орқали ўтмайди, седатив таъсир кўрсатмайди.

Кўп сонли тадқиқотларнинг маълумотларига кўра Дезлоратадин антигистамин фаолликдан ташқари яллиғланишга қарши ва аллергияга қарши таъсирга эга.

Дезлоратадин аллергик яллиғланиш ривожланиши асосида ётган бир қатор турли реакцияларни, айнан эса:

  • яллиғланишга қарши цитокинларни (интерлейкинлар: ИЛ-4, ИЛ-8, ИЛ-6, ИЛ-13) ишлаб чиқарилишини
  • яллиғланишга қарши хемокинларни ажратилишини
  • эозинофил гранулоцитларнинг хемотаксиси ва адгезиясини
  • Р-селектин ва адгезиянинг бошқа молекулалари экспрессиясини
  • D2 простагландини, гистамин ва С4 лейкотриенининг IgE-боғлиқ ажралишини
  • Кўп шаклли ядроли нейтрофил гранулоцитларнинг (фаоллаштирилган) супероксид аниони ҳосил бўлишини
  • эозинофиллар адгезияси ва хемотаксисини
  • ўткир аллергик бронхоспазмини сўндириши аниқланган.

Фармакокинетикаси

Дезлоратадиннинг биокираолишлиги 5 мг дан 20 мг гача диапазонда дозага пропорционалдир.

Препарат ичга қабул қилинганидан кейин дезлоратадин меъда-ичак йўлларидан (МИЙ) яхши сўрилади ва қабул қилинганидан кейин 30 минут ўтгач қон плазмасида аниқланади. Қон плазмасида дезлоратадиннинг максимал концентрациясига (Cmax) ўртача 3 соат ўтгач эришилади, ярим чиқарилиш даври (T1/2) ўртача 27 соатни ташкил этади. Тўпланиш даражаси қўллаш тезлиги (суткада 1 марта) ва ярим чиқарилиш даври (27 соат) билан ўзаро боғлиқ. Бир ҳафта давомида суткада бир марта 5-20 мг дозада қабул қилинганида клиник жиҳатдан аҳамиятли тўпланиши аниқланмаган.

Дезлоратадиннинг биокираолишлиги юборилган дозага (5-20 мг диапазонда) пропорционалдир.

Дезлоратадин қон плазмаси оқсиллари билан ўртача (83-87%) боғланади.

Овқат ёки грейпфрут шарбати билан бир вақтда қабул қилиш суткада 1 марта қўлланилган дезлоратадиннинг тақсимланишига таъсир кўрсатмайди. Дезлоратадин CYP3A4 ва СYP2D6 ингибитори бўлиб ҳисобланмайди ва Р-гликопротеин субстрати ёки ингибитори бўлиб ҳисобланмайди. Дезлоратадин организмда гидроксилизация йўли билан биотранформацияга учрайди ва сўнгра организмдан чиқарилади.

 

Қўлланилиши

  • поллиноз, аллергик ринитда (аксириш, бурундан ажралмалар, буруннинг қичишиши, шиши ва битиши, шунингдек кўзларда қичишиш, кўзларнинг ёшланиши ва қизариши, танглай соҳасида қичишиш ва йўталда);
  • эшакемида (тери қичишиши, тошма симптомларини бартараф этишда) қўлланилади.

 

Қўллаш усули ва дозалари

Дезлоратадинни овқатланишга боғлиқ бўлмаган ҳолда аллергик ринит (шу жумладан даврий ва доимий аллергик ринит) ва эшакеми билан боғлиқ симптомларни енгиллаштириш учун қабул қилиш мумкин.

2 ёшдан 5 ёшгача бўлган болаларда: 2,5 мл (1,25 мг) дезлоратадин, ичга қабул қилиш учун сироп, кунига бир марта.

6 ёшдан 11 ёшгача бўлган болаларда: 5 мл (2,5 мг) дезлоратадин, ичга қабул қилиш учун сироп, кунига бир марта.

Катталар ва ўсмирларда (12 ёш ва ундан катта бўлган): 10 мл (5 мг) дезлоратадин, ичга қабул қилиш учун сироп, кунига бир марта.

Қабул қилиш давомийлиги касалликнинг кечиши ва унинг оғирлик даражасига боғлиқ. Аллергик ринитнинг вақти-вақти билан зўрайувчи шаклини даволашда Визориус препаратини қабул қилиш симптомлар бартараф қилинганида тўхтатилади ва улар такроран пайдо бўлганида қайта бошланади. Доимий кечувчи ринитда узлуксиз тартибда (пациентни аллерген билан бутун контакти даврида) даволаш буюрилиши мумкин.

 

Ножўя таъсирлари

Энг кўп учрайдиган ножўя таъсирлари:

  • толиқиш (1,2%);
  • оғизни қуриши (0,8%);
  • бош оғриғи (0,6%).

Жуда кам ҳолларда (< 1/10000):

  • бош айланиши, уйқучанлик, уйқусизлик, психомотор юқори фаоллик, пароксизм;
  • тахикардия, юракнинг тез уриши;
  • қорин соҳасида оғриқлар, кўнгил айниши, қусиш, диспепсия, диарея;
  • жигар ферментлари фаоллигини, билирубинни ошиши, гепатит;
  • миалгия;
  • ўта юқори сезувчанлик реакциялари (анафилаксия, Квинке шиши, ҳансираш, қичишиш, тошма, эшакеми.

 

Қўллаш мумкин бўлмаган ҳолатлар

  • препаратнинг фаол моддасига ёки бирон-бир ёрдамчи компонентига юқори сезувчанликда
  • 2 ёшгача бўлган болаларда
  • ҳомиладорлик ва лактация даврида қўллаш мумкин эмас.

 

Дориларнинг ўзаро таъсирлари

Кетоконазол, эритромицин, азитромицин, флуоксетин, циметидин билан бирга бир неча бор бирга қўлланилганида дезлоратадиннинг плазмадаги концентрациясида клиник жиҳатдан аҳамиятли ўзгаришлар аниқланмаган.

Дезлоратадин метаболизмига жавоб берадиган фермент аниқланмаганлиги туфайли,  бошқа дори воситалари билан ўзаро таъсирини тўлиқ истисно қилиш мумкин эмас.

Визориус препаратини спирт билан бир вақтда қабул қилинганида, спиртнинг препарат самарасини ёмонлаштирувчи таъсири аниқланмаган.

 

Махсус кўрсатмалар

Дезлоратадин психомотор фаолияти бузилишини ва уйқучанликни келтириб чиқармайди.

Визориус препарати 14 кун давомида ҳар куни 20 мг гача дозада қўлланилганида юрак-қон томир тизими томонидан клиник жиҳатдан аҳамиятли ўзгаришлар аниқланмаган.

Оғир буйрак етишмовчилиги бўлган ҳолларда Визориус препаратини эҳтиёткорлик билан қўллаш лозим.

Педиатрияда қўлланилиши

Дезлоратадиннинг самарадорлиги ва хавфсизлиги 1 ёшгача бўлган болалар учун аниқланмаган.

2 ёшгача бўлган болаларда аллергик ринит ташҳисини ринитнинг бошқа шаклларидан фарқлаш айниқса қийин. Юқори нафас йўллари инфекцияси ёхуд тузилмавий бузилишларнинг мавжуд эмаслигини, шунингдек пациентнинг анамнезини, тиббий кўрик натижалари ва тегишли лаборатория ҳамда тери тестларини инобатга олиш лозим.

Галактозани наслий ўзлаштираолмаслик, Лапп лактаза танқислиги ёки глюкоза/галактоза мальабсорбцияси

Препарат ўз таркибида сахароза сақлайди. Фруктозани наслий ўзлаштираолмаслик, глюкоза/галактоза мальабсорбцияси синдроми ёки қанд-изомальтоза етишмовчилиги бўлган пациентлар Визориус препаратини қабул қилишдан сақланишлари керак.

Ҳомиладорлик ва лактация даври

Дезлоратадинни ҳомиладорларда қўлланилиши хавфсизлиги аниқланмаган, шу учун уни ҳомиладорлик даврида буюриш тавсия этилмайди.

Дезлоратадин кўкрак сутига ўтади, шу учун эмизикли аёлларга Визориусни буюриш мумкин эмас.

Дори воситасини транспортни ва потенциал хавфли механизмларни бошқариш қобилиятига таъсирининг ўзига хос хусусиятлари

Дезлоратадинни автомобилни бошқаришга ёки мураккаб техник қурилмалар билан ишлашига таъсири кузатилмаган. Бироқ препарат қабул қилинганидан кейин кам ҳолларда уйқучанлик кузатилишини ҳамда у автомобилни бошқариш ва бошқа механизмлар билан ишлаш қобилиятига таъсир кўрсатишини инобатга олиш лозим.

Препарат болалар ололмайдиган жойда сақлансин ва яроқлилик муддати ўтгач қўлланилмасин.

 

Дозани ошириб юборилиши

Симптомлари: бош оғриғи, оғизни қуриши, толиқиш.

Даволдаш: Доза ошириб юборилганида меъдани ювиш ва фаоллаштирилган кўмирни қўллаш кўрсатилган. Симптоматик даволаш тавсия этилади.

Визориус гемодиализда чиқарилмайди; перитонеал диализда уни чиқарилиши эҳтимоли аниқланмаган.

 

Чиқарилиш шакли

100 мл дан сариқ рангдаги флаконларда.

1 флакондан қўллаш бўйича йўриқномаси ва ўлчов қошиқчаси билан картон қутида.

 

Сақлаш шароити

25°С дан юқори бўлмаган ҳароратда сақлансин, музлатилмасин.

 

Яроқлилик муддати

2 йил.

 

Дорихоналардан бериш тартиби

Рецепт бўйича.

 

Улашиш:
6 yillik Koreya qizil jenshen 365