Skip to main content

Визавирин

Улашиш:
  Reading time 40 minutes

ҚЎЛЛАШ БЎЙИЧА ЙЎРИҚНОМА

ВИЗАВИРИН

VISAVIRIN

 

Препаратнинг савдо номи: Визавирин

Таъсир этувчи модда (ХПН): рибавирин

Дори шакли: капсулалар 200 мг

Таркиби:

Бир капсула қуйидагиларни сақлайди:

фаол модда: 200 мг рибавирин,

ёрдамчи моддалар: повидон К-30, тальк,

капсула қобиғининг таркиби: желатин, натрий лаурил сульфати, метил парабен, пропил парабен, сувсиз коллоид кремний диоксиди, глицерин, бронопол, бўёвчилар (титан диоксиди, бриллиант кўки).

Таърифи: Кўк рангли қопқоқча ва корпусдан ташкил топган қаттиқ желатин капсулалар.

Капсула ичидагиси – оқ рангли кукун.

Фармакотерапевтик гуруҳи: Бевосита таъсир этувчи вирусларга қарши препаратлар. Нуклеозидлар ва нуклеотидлар.

6-yillik-qizil-jenshen

АТХ коди: J05AB04

Фармакологик хусусиятлари

Фармакокинетикаси

Препаратнинг бир марталик дозаси ичга қабул қилингандан кейин рибавирин осон сўрилади (Тmax=1,5 соат), ундан кейин организмда тез тақсимланади. Организмдан чиқарилиш фазаси узоқ вақтни талаб этади. Бир марталик дозани сўрилиш, тақсимланиш ва чиқарилиш кўрсаткичлари мувофиқ равишда 0,05, 3,73 ва 79 соатни ташкил қилади. Рибаверин жадал сўрилади. Лекин мутлоқ биокираолишлиги тахминан 65% ни ташкил қилади, бу биринчи ўтишдаги метаболизми билан боғлиқ. Рибавиринни 200 мг дан             1200 мг дан бир марталик дозада қабул қилганда доза ва биокираолишлик (AUCtf) орасида тўғри пропорционал боғлиқлик мавжуд. Тақсимланиш хажми тахминан 5000 л ни ташкил қилади. Рибавирин плазма оқсиллари билан боғланади. Рибавириннинг қон/плазмадаги концентрацияси нисбати тахминан 60:1 ни ташкил қилади, қонда рибавириннинг ортиқча миқдори рибавириннинг эритроцитларда изоляция қилинган нуклеотидлари кўринишида мавжуд бўлади.

Рибавириннинг метаболизми икки йўл билан амалга оширилади: 1) қайтувчан фосфорланиш ва 2) парчаланувчи айланиш, унга дерибозизация ва триазол карбоксил метаболитини ҳосил бўлиши билан кечувчи амидли гидролиз киради. Рибавириннинг ўзи ва унинг метаболитлари – триазолкарбоксамид ва триазолкарбон кислотаси – организмдан сийдик билан чиқарилади.

Рибавирин кўп марта юборилганда плазмада жадал равишда тўпланади. Кўп марта қабул қилинганда ва бир марта қабул қилинганда биокираолишликнинг (AUC12h) нисбатлари олтига тенг. Перорал қабул қилинганда (600 мг кунига икки марта) рибавириннинг плазмадаги барқарор концентрациясига 4 ҳафта охирида эришилган; бунда у тахминан 2200 нг/мл ни ташкил қилган. Қабул қилиш тўхтатилгандан кейин рибавириннинг ярим чиқарилиш даври тахминан 298 соатни ташкил қилган, бу эҳтимол уни плазмадан ташқаридаги структуралардан секин чиқарилишидан далолат беради.

Буйрак етишмовчилиги бўлган беморларда рибавириннинг фармакокинетикаси бир марта қабул қилинганда (AUCtfва Cmax кўрсаткичлари ошади) ўзгармайди. Бу ўзгариш бундай беморларда ҳақиқий клиренсни пасайиши билан боғлиқ. Гемодиализда рибавириннинг плазмадаги концентрацияси сезиларли даражада ўзгармайди.

Турли оғирлик даражасидаги жигар етишмовчилиги бўлган беморларда бир марталик дозаси юборилганда рибавириннинг фармакокинетикаси соғлом шахслардаги рибавириннинг фармакокинетикасига ўхшаш.

65 ёшдан ошган шахсларда капсула шаклидаги рибавириннинг фармакокинетикаси сезиларли даражада ўзгармайди.

Капсула шаклидаги рибавириннинг фармакокинетикаси сурункали С гепатити бўлган 3-16 ёшдаги болаларда соғломлардаги фармакокинетикасига ўхшаш.

Фармакодинамикаси

Рибавирин айрим РНК- ва ДНК-вирусларига нисбатан фаол нуклеозидларнинг синтетик аналоги ҳисобланади. Рибавирин билан монотерапия С гепатити вирусининг (С гепатити вируси РНКси) элиминациясига ёки жигарнинг гистологик манзарасини яхшиланишига олиб келади, лекин рибавиринни пегинтерферон альфа-2b ёки интерферон альфа-2b билан мажмуаси, пегинтерферон альфа-2b ёки интерферон альфа-2b билан монотерапияга нисбатан даволашга жавоб даражасини ошишига олиб келган.

Қўлланилиши

  • компенсация босқичидаги жигар касалликлари бўлган 6 ёш ва ундан катта пациентларда пегинтерферон альфа-2b ёки интерферон альфа-2b билан мажмуавий даволаш таркибида сурункали С гепатитида қўлланади.

Аввал Рибавирин қабул қилмаган пациентлар

Катта пациентлар: аланинаминотрасфераза (ALT) даражаси ошган, С гепатити вирусининг рибонуклеин кислотаси (HCV-RNA) ижобий жигар етишмовчилиги бўлган аввал даволанмаган пациентларда пегинтерферон альфа-2b ёки интерферон альфа-2b билан мажмуавий даволаш таркибида сурункали С гепатити;

Компенсацияланган жигар циррози ва/ёки клиник стабил ОИТВ ко-инфекцияси бўлган пациентларда пегинтерферон альфа-2b билан мажмуавий даволаш таркибида сурункали С гепатити.

6 ёш ва ундан катта болалар ва ўсмирлар: С гепатити вирусининг рибонуклеин кислотаси (HCV-RNA) ижобий жигар етишмовчилиги бўлган аввал даволанмаган пациентларда пегинтерферон альфа-2b ёки интерферон альфа-2b билан мажмуавий даволаш таркибида сурункали С гепатити.

Аввал даволанган пациентлар

Катта пациентлар: аввал интерферон альфа билан монотерапияга жавоб (даволашни охирида ALT даражасини нормаллашиши билан), лекин кейинчалик касалликни қайталаниши кузатилган катта пациентларда интерферон альфа-2b билан мажмуавий даволаш таркибида сурункали С гепатити; интерферон альфа (пегилирланган ва пегилирланмаган) ёки рибавирин билан мажмуада даволаш муваффақиятсиз бўлган катта пациентларда пегинтерферон альфа-2b билан мажмуавий даволаш таркибида сурункали С гепатитида қўлланади.

Қўллаш усули ва дозалари

Даволашни С гепатити бўлган беморларни даволаш тажрибасига эга шифокор томонидан олиб борилиши керак.

Визавирин капсулаларини даволашнинг ягона терапевтик воситаси сифатида қўллаш мумкин эмас, чунки рибавирин С гепатинини монотерапиясида самарасиз. Визавирин пегинтерферон альфа-2b билан ҳам, интерферон альфа-2b билан ҳам мажмуада қўлланиши мумкин. Мажмуавий даволаш тартибини танлаш, танланган мажмуанинг кутилаётган самарадорлиги ва хавфсизлигига қараб шахсий равишда амалга оширилади. Мажмуавий даволашни буюрилганда шунингдек пегинтерферон альфа-2b препаратининг ёки интерферон альфа-2b инъекция учун эритмаси препаратининг қўллаш бўйича йўриқномаларига ҳам риоя қилиш керак.

Катталар.

Визавирин препаратининг дозаси пациентнинг тана вазнига (1 жадвал) қараб ҳисобланади. Пегинтерферон альфа-2b препаратининг тавсия этилган дозаси ҳафтада 1,5 мкг/кг, интерферон альфа-2b препаратининг тавсия этилган дозаси 3 млн ХБ ҳафтада уч мартани ташкил этади.

1-жадвал

Пациентнинг тана вазнига қараб Визавирин препаратининг тавсия этилган дозалари

Пациентнинг тана вазни (кг)Визавириннинг кунлик дозаси200 мг дан капсулалар сони
< 65800 мг4 a
65 – 801000 мг5 b
81 – 1051200 мг6 c
> 1051400 мг7 d

a: 2 эрталаб, 2 кечқурун

b: 2 эрталаб, 3 кечқурун

c: 3 эрталаб, 3 кечқурун

d: 3 эрталаб, 4 кечқурун

Визавирин препарати ва ПЭГ интерферон альфа 2b билан мажмуавий даволаш

Интерферон альфа қабул қилмаган пациентларни даволаш давомийлиги

С гепатити вирусининг РНК аниқланмайдиган даражасига эришилмаган 1 генотип вируси билан инфекцияланган пациентларда ёки барқарор вирусологик жавобни пайдо бўлиш эҳтимоли паст бўлган 4 ёки 12 ҳафтада адекват вирусологик жавоб пайдо бўлса, даволашни тўхтатиш заруратини баҳолаш керак.

1 генотип:

  • Даволашнинг 12 ҳафтасида С гепатити вирусининг РНК аниқланмайдиган даражасига эришилмаган пациентлар учун даволашни яна 9 ой давомида (яъни, умуман 48 ҳафта) давом эттириш керак.
  • аниқланмайдиган даражасига эришилган, лекин 12 ҳафтада С гепатити вирусининг РНК даражаси ≥ 2 log пасайиши бўлган пациентлар учун даволашнинг 24 ҳафтасида такроран баҳолаш керак ва агар ҳафтада С гепатити вирусининг РНК даражасини аниқлаб бўлса, тўлиқ даволаш курсини давом эттириш керак (яъни, умуман 48 ҳафта). Агар 24 ҳафта С гепатити вирусининг РНК даражасини аниқлаб бўлса, даволашни тўхтатиш қарорини қабул қилиш керак.
  • Даволашнинг 4 ҳафтасида С гепатити вирусининг РНК бўйича манфий бўлган ва даволашнинг 24 ҳафтасида С гепатити вирусининг РНК бўйича манфий бўлиб қолган 1 генотип вируси билан инфекцияланган ва паст вирусли юкламали (<600000 ХБ/мл) пациентларнинг кичик гуруҳида даволаш ушбу 24 ҳафта даволаш курсидан кейин тўхтатилиши мумкин ёки яна 24 ҳафта давомида (яъни умумий даволаш давомийлиги 48 ҳафтани ташкил этади) давом эттирилиши мумкин. 24 ҳафта даволашнинг умумий давомийлиги 48 ҳафталик даволаш курсига нисбатан касалликни қайталанишининг юқори хавфи билан боғлиқ бўлиши мумкин.

2 ва 3 генотип: Барча пациентларга 24 ҳафта даволаш курсини ўташ тавсия этилади, С гепатити/ОИТВ ко-инфекцияланган пациентлардан ташқари ,улар 48 ҳафталик даволаш курсини ўташлари керак.

4 генотип: Умуман олганда 1 генотип вируси билан инфекцияланган пациентлар даволанишга камроқ бериладиган деб қаралади, улар учун 1 генотип учун даволаш давомийлиги мос келади.

Пациентларни такрорий даволаш давомийлиги.

12 ҳафтада зардобда С гепатити вирусининг РНК даражаси аниқлаб бўладиган даражадан паст бўлган барча пациентлар генотипдан қатъий назар 48-ҳафталик даволанишлари керак. 12 ҳафтада вирусологик жавоб (масалан, С гепатити вирусининг РНК даражаси аниқлаб бўладиган даражадан паст) пайдо бўлмаган такроран даволанган пациентларда 48 ҳафта даволаганда барқарор вирусологик жавоб кам эҳтимоллик билан пайдо бўлади.

Даволашга жавоб пайдо бўлмаган 1 генотипли пациентларда 48 ҳафтадан ортиқ такрорлаш давомийлиги Визавирин билан пегилирланган интерферон альфа-2b билан мажмуавий даволаганда ўрганилмаган.

Визавирин прапарати ва интерферон альфа-2b билан мажмуавий даволаш

Даволаш давомийлиги.

Пациентларни камида олти ой давомида даволаш тавсия этилади. Пациентларни бир йил давомида даволанган тадқиқотлар олти ой давомида даволагандан кейин вирусологик жавоб (С гепатити вирусининг РНК даражаси аниқлаб бўладиган даражадан паст)пайдо бўлмаган пациентларда вирусологик жавоб (даволаш тўхтатилгандан олти ойдан кейин С гепатити вирусининг РНК даражаси аниқлаб бўладиган даражадан паст) паст эҳтимоллик билан пайдо бўлган.

1 генотип: Олти ой даволангандан кейин С гепатити вирусининг РНК бўлмаган пациентларда даволашни яна олти ой (яъни, умуман бир йил давомида) давом эттириш керак.

Генотипs Non-1: Олти ой даволангандан кейин С гепатити вирусининг РНК бўлмаган пациентларда даволашни давом эттириш қарори бошқа прогностик омиллар (масалан, ёши >40 ёш, эркак жинси, кўприксимон фиброз) га асосланиши керак.

Болаларда Визавирин препаратини пегинтерферон альфа-2b ва интерферон альфа-2b билан мажмуада қўлланиши

Тана вазни 47 кг дан кам ёки капсулани юта олмайдиган пациентлар учун Рибавириннинг ичга қабул қилиш учун эритма 40 мг/мл дори шаклини қўллаш тавсия этилади.

Визавирин препаратининг дозани танлаш боланинг тана вазни бўйича аниқланади ва пегинтерферон альфа-2b ва интерферон альфа-2bпрепаратларнинг дозаси тана юзасининг майдони бўйича ҳисобланади.

Пегинтерферон альфа-2bпрепаратининг тавсия этилган дозаси ҳафтада 60 мкг/м2 ни ташкил қилади, уни Визавирин прапаратини кунига 15 мг/кг дозада икки марта перорал қабул қилиш билан тери остига инъекция орқали юборилади.

Интерферон альфа-2bпрепаратининг тавсия этилган дозаси 3 млн ХБ/м2 ҳафтада уч мартани ташкил қилади, уни Визавирин прапаратини кунига 15 мг/кг дозада икки марта перорал қабул қилиш билан юборилади (2-жадвал).

2-жадвал

Мажмуавий даволаш қўлланилганда Визавирин препаратининг тавсия этилган дозалари

Пациентнинг тана вазни, кгРибавириннинг суткалик дозаси, мг200 мг дан капсулалар сони
<4715 мкг/кгВизавиринни ичга қабул қилиш учун эритма шаклини қабул қилиш мумкин
47-49600 мг3 (1 эрталаб, 2 кечқурун)
50 –65800 мг4 (2 эрталаб, 2 кечқурун)
>65Катталар учун дозалаш жадвалига қаранг (1 жадвал)

Болалар ва ўсмирлар учун даволаш давомийлиги

1 генотип: Тавсия этилган даволаш давомийлиги бир йилни ташкил қилади. 12 ҳафтада вирусологик жавобга эришилмаган пациентларда барқарор вирусологик жавоб пайдо бўлиши эҳтимоли кам. Шунинг учун, агар уларда аввалги даволашга нисбатан 12 ҳафтада С гепатити вирусининг РНК даражаси <2 log10гача камайган ёки агар 24 ҳафтада уларда С гепатити вирусининг РНК аниқланадиган даражада пайдо бўлса, интерферон альфа-2b (пегилирланган ва пегилирланмаган) / Визавирин билан мажмуавий даволашни тўхтатиш керак.

2 ва 3 генотип: Тавсия этиладиган даволаш давомийлиги 24 ҳафтани ташкил қилади.

4 генотип: Тавсия этилган даволаш давомийлиги бир йилни ташкил қилади. Агар даволашгача нисбатан 12 ҳафтада С гепатити вирусининг РНК даражаси <2 log10 гача камайган ёки агар 24 ҳафтада уларда С гепатити вирусининг РНК аниқланадиган даражада пайдо бўлса, пегинтерферон альфа-2b/Визавирин мажмуасини қабул қилаётган болалар ва ўсмирларда даволашни тўхтатиш керак.

Барча пациентлар учун дозага тузатиш киритиш

Визавирин ва пегинтерферон ёки интерферон альфа-2b билан даволаш вақтида жиддий нохуш кўринишлар пайдо бўлганда ёки лаборатор кўрсаткичларда оғишлар пайдо бўлганда нохуш кўринишлар йўқолгунча ёки уларнинг оғирлик даражаси камайгунча ҳар бир препаратнинг дозасига тузатиш киритиш керак (3-жадвал).

3-жадвал

Лаборатор кўрсаткичлар асосида дозага тузатиш киритиш

 

Лаборатор кўрсаткичлар

Фақат Визавириннинг кунлик дозасини камайтириш (1 изоҳга қаранг) агар:

 

Фақат пегинтерферон альфа-2b ёки интерферона альфа-2b нинг дозасини камайтириш (2 изоҳга қаранг) агар:Қуйида кўрсатилган кўрсаткич кузатилса, мажмуавий даволашни тўхтатиш керак **
Гемоглобин<10 г/дл.<8,5 г/дл.
Катталар: юракнинг стабил касаллиги бўлган пациентларда гемоглобин

Болалар ва ўсмирлар: қўллаб бўлмайди

 

³2 г/дл. Даволашнинг исталган 4-ҳафталик даври давомида гемоглобиннинг даражасини камайиши

(дозани доимий камайтириш)

 

 

<12 г/дл. Доза камайтирилгандан 4 ҳафтадан кейин

Лейкоцитлар<1,5 x 109<1,0 x 109
Нейтрофиллар< 0,75 x 109< 0,5 x 109
Тромбоцитлар<50 x 109/л (катталар)

<70 x 109/л (болалар ва ўсмирлар)

<25 x 109/л (катталар)

<50 x 109

(болалар ва ўсмирлар)

Билирубин – билвосита2,5 x ULN*
Билирубин – бевосита>5мг/дл.> 4 мг/дл. (катталар)

> 5 мг/дл.

(> 4 ҳафта учун) (интерферон альфа-2b билан даволанган болалар ва ўсмирлар учун),

ёки

> 4 мг/дл. (> 4 ҳафта учун)

(пегинтерферон альфа-2b билан даволанган болалар ва ўсмирлар учун)

Зардобдаги креатинин

 

> 2.0 мг/дл.
Креатинин клиренсиАгар CrCl <50 мл/минут бўлса Визавирин препаратини қабул қилишни тўхтатиш
Аланинамино-трансфераза (ALT)

Ёки аспартатаминотрансфераза (AST)

2 x дастлабки даражада ва

> 10 x ULN*

ёки

2 x дастлабки даражада ва

> 10 x ULN*

 

* норманинг юқори чегараси

** дозага тузатиш киритиш ва даволашни тўхтатиш учун ва пегилирланган интерферон альфа-2b ва интерферон альфа-2b ни тиббиётда қўллаш бўйича йўриқномасига қаранг.

1 изоҳ: Катта пациентлар учун Визавирин препаратининг дозасини биринчи марта кунига 200 мг га пасайтирилади (1400 мг қабул қилувчи пациентлардан ташқари, уларда доза кунига 400 мг га камайтирилиши керак). Зарурати бўлганида Визавирин препаратининг дозасини кунига 200 мг га қўшимча иккинчи марта камайтириш мумкин. Визавирин препаратининг дозаси 600 мг гача камайтирилган пациентлар ҳар куни 1 капсула (200 мг) эрталаб ва икки капсула (2х200 мг) кечқурун қабул қилишади.

Визавирин препарати плюс пегинтерферон альфа-2b билан даволанган болалар ва ўсмирлар учун Визавирин препарати учун биринчи камайтириш кунига 12 мг/кг, Визавирин препаратининг дозасини иккинчи марта камайтириш кунига 8 мг/кг га тенг.

Визавирин препарати плюс интерферон альфа-2bбилан даволанган болалар ва ўсмирлар учун Визавирин препаратининг дозаси кунига 7,5 мг/кг гача камайтирилади.

2 изоҳ: Визавирин препарати плюс пегинтерферон альфа-2b билан даволанган катта пациентлар учун пегинтерферон альфа-2b препаратининг дозасини биринчи камайтириш ҳафтада 1 мкг/кг га тенг. Зарурати бўлганида пегинтерферон альфа-2b препаратининг дозаси ҳафтада 0,5 мкг/кг гача иккинчи марта камайтирилади.

Визавирин препарати плюс пегинтерферон альфа-2b билан даволанган болалар ва ўсмирлар учунпегинтерферон альфа-2b препаратининг дозасини биринчи камайтириш ҳафтада 40 мкг/м2 га, пегинтерферон альфа-2b препаратининг дозасини иккинчи камайтириш ҳафтада 20 мкг/м2 гатенг.

Визавирин препарати плюс интерферон альфа-2b билан даволанган катта пациентлар, болалар ва ўсмирлар учун интерферон альфа-2b нинг дозасини икки баробар камайтириш керак.

Ножўя таъсирлари

Мажмуавий даволаганда кузатиладиган нохуш кўринишлар Визавирин билан ҳам, интерферон альфа-2b ёки пегинтерферон альфа-2b билан ҳам, шунингдек уларнинг мажмуаси билан ҳам боғлиқ бўлиши мумкин.

Ножўя самараларнинг таснифи қуйидагича келтирилган: жуда тез-тез (≥1/10), тез-тез (≥1/100 дан <1/10 гача), тез-тез эмас (≥1/1000 дан <1/100 гача), кам ҳолларда (≥1/10000 дан <1/1000 гача), жуда кам ҳолларда (<1/10000), номаълум.

Катталар

Жуда тез-тез

  • вирусли инфекция, фарингит
  • анемия, нейтропения
  • анорексия
  • депрессия, толиқиш, эмоционал беқарорлик, уйқусизлик
  • бош оғриғи, бош айланиши, оғизни қуриши, диққатни жамлашни бузилиши
  • нафас олишни бузилиши, йўтал
  • диарея, қусиш, кўнгил айниши, қоринда оғриқ
  • соч тўқилиши, қичишиш, терини қуриши, тошма
  • миалгия, артралгия, скелет-мушак оғриқлари
  • инъекция соҳасида тери қоплами реакцияси, инъекция соҳасида тери қопламини яллиғланиши, толиқиш
  • тана вазнини камайиши

тез-тез:

  • бактериал инфекция (шу жумладан сепсис), замбуруғ инфекцияси, грипп, нафас йўллари инфекцияси, бронхит, оддий герпес, синусит, ўрта қулоқ отити, ринит, сийдик-таносил йўллари касалликлари
  • гемолитик анемия, лейкопения, тромбоцитопения, лимфаденопатия, лимфопения
  • гипотиреоз, гипертиреоз
  • гипергликемия, гиперурикемия, гипокальциемия, сувсизланиш, иштаҳани ошиши
  • ўз жонига қасд қилиш фикри, психоз, тажавузкор ҳулқ-атвор, онгни чалкашиши, асабийлик, ғазабийлик, кайфиятни ўзгариши, нормал бўлмаган ҳулқ-атвор, уйқуни бузилиши, либидони пасайиши, апатия, аномал тушлар, йиғлоқилиқ
  • амнезия, хотирани ёмонлашиши, хушдан кетиш, гемикрания, атаксия, онгни чалкашиши, невралгия, парестезия, гипестезия, гиперестезия, гипертония, уйқучанлик, диққатни бузилиши, қўлларни титраши, дисгевзия
  • кўришни бузилиши, кўришни ноаниқлиги, конъюнктивит, кўзларни таъсирланиши, кўриш аномалиялари, кўз ёши безлари касалликлари, кўзларда оғриқ, кўзларни қуриши
  • эшитишни ёмонлашиши/эшитишни йўқотиш, қулоқларда шанғиллаш, вертиго, қулоқларда оғриқ
  • юрак уришини тезлашиши, тахикардия
  • гипотензия, гипертензия, гиперемия
  • бурундан қон кетиши, нафас йўллари касалликлари, нафас йўллари тутилиши, бурунни битиши, ринорея, юқори нафас йўлларида секрецияни ошиши, ҳалқум-ҳиқилдоқда оғриқ, қуруқ йўтал
  • яра ҳосил қилувчи стоматит, стоматит, оғиздаги яралар, колит, юқори ўнг квадрантда оғриқ, диспепсия, гастроэзофагеал рефлюкс касаллиги, тилни яллиғланиши, хейлит, қоринни дам бўлиши, гингивал қон кетишлар, милкларни яллиғланиши, тишларни касалликлари, суюқ ахлат, қабзият, метеоризм
  • гипербилирубинемия, гепатомегалия, сафро оқиши
  • псориаз, псориазни зўрайиши, экзема, фотосезувчанлик реакциялари, макуло-папуляр тошма, эритематоз тошма, тунда терлаш, гипергидроз, дерматит, акне, фурункуллар, терини қизариши, уртикар тошма, тери касалликлари, қон талаш, кўп терлаш, сочларнинг аномал тузилиши, тирноқлар юзасини бузилиши
  • артрит, белда оғриқ, мушак спазмлари, қўл-оёқларда оғриқ
  • тез-тез сийиш, полиурия
  • аёллар: аменорея, меноррагия, ҳайз циклларини бузилиши, оғриқли ҳайз, кўкрак безларида оғриқ, вагинал бузилишлар; эркаклар: жинсий дисфункция, простатит, эректил дисфункция
  • кўкракда оғриқ, кўкракда дискомфорт, оғриқли ҳолат, инъекция соҳасида оғриқ, аномал ҳиссиётлар, чанқоқлик
  • юракда шовқин

Тез-тез эмас

  • инъекция жойида инфекция, қуйи нафас йўллари инфекциялари
  • саркоидоз, ревматоид артрит
  • қандли диабет, гиперглицеридемия
  • ўз жонига қасд қилишга уриниш, саросималик хуружи, галлюцинациялар
  • невропатия, периферик невропатия
  • миокард инфаркти
  • панкреатит, оғизда оғриқ
  • суякларда оғриқ, мушаклар кучсизлиги
  • юзни шиши

Кам ҳолларда

  • пневмония
  • саркоидоз, ревматоид артрит
  • биполяр аффектив бузилиш
  • конвульсиялар
  • тўр пардага қон қуйилишлар (шу жумладан макула шиши), ретинал артерияни тиқилиб қолиши, ретинал венани тиқилиб қолиши, кўрув нерви неврити, кўрув нерви дискини шиши, кўриш ўткирлигини ёки кўрув майдонини йўқолиши, ретинал экссудатлар
  • кардиомиопатия, аритмия
  • васкулит
  • ишемик колит
  • тери саркоидози
  • скелет мушакларини ўткир некрози, миозит
  • буйрак етишмовчилиги
  • инъекция жойида некроз

Жуда кам ҳолларда

  • апластик анемия
  • ўз жонига қасд қилиш
  • цереброваскуляр қон кетишлар, цереброваскуляр ишемия, энцефалопатия, полиневропатия
  • юрак ешемияси
  • периферик ишемия
  • ўпкада инфильтратлар, пневмонит, ўпканинг интерстициал касалликлари
  • яра ҳосил қилувчи колит
  • гепатотоксиклик (шу жумладан фатал ҳолатлар)
  • Стивенс-Джонсон синдроми, токсик эпидермал некролиз, кўп шаклли эритема
  • нефротик синдром

Номаълум

  • қизил қон хужайралари аплазияси, идеопатик тромбоцитопеник пурпура, тромботик тромбоцитопеник пурпура
  • Вогта-Коянаги-Харада синдроми, тизимли қизил югурик, васкулит, ўта юқори сезувчанликнинг ўткир реакциялари, шу жумладан уртикар тошма, Квинке касаллиги, бронхларни торайиши, анафилаксия
  • ўз жойнига қасд қилиш фикри, мания, ментал статусни ўзгариши
  • юз нерви фалажи, мононевропатия
  • экссудатив перикардит, перикардит
  • перидонт касалликлари, стоматологик бузилишлар

ОИТВ ко-инфекцияси бўлган пациентлардаги ножўя самаралар

Тез-тез кузатиладиган ножўя реакциялар

  • орал кандидоз (14%)
  • орттрилган липодистрофия (13%)
  • CD4 лимфоцитларини камайиши (8%)
  • иштаҳани пасайиши (8%)
  • гаммаглютамилтрансферраза даражасини ошиши (9%)
  • белда оғриқ (5%)
  • қонда амилазани ошиши (6%)
  • қонда сийдик кислотаси даражасини ошиши (5%)
  • цитолитик гепатит (6%)
  • липаза даражасини ошиши (6%)
  • қўл-оёқда оғриқ (6%)
  • митохондриал токсиклик, лактацидоз
  • нейтрофиллар даражасини камайиши (4%)
  • тромбоцитлар даражасини камайиши (4%)
  • анемия (12%)

Болалар ва ўсмирлар

Жуда тез-тез

  • вирусли инфекция, фарингит
  • гипотиреоз
  • анорексия, иштаҳани ошиши, иштаҳани пасайиши
  • депрессия, уйқусизлик, эмоционал беқарорлик
  • бош оғриғи, бош айланиши
  • қоринда оғриқ, қориннинг юқори қисмида оғриқ, қусиш, диарея, кўнгил айниши
  • соч тўкилиши, тошма
  • артралгия, миалгия, скелет-мушак оғриқлари
  • инъекция жойида тери қопламаларида яллиғланиш, инъекция жойида тери қопламаларида реакция, инъекция жойида оғриқ, қалтираш, гипертермия, гриппсимон ҳолат, астения, лоҳаслик, таъсирчанлик
  • ўзининг ёшига яраша тана вазни ва/ёки бўйини пастлиги

Тез-тез

  • замбуруғли инфекция, бактериал инфекция, ўпка инфекцияси, назофарингит, стрептококкли фарингит, ўрта қулоқ отити, синусит, милкларда йиринг, грипп, оғизда герпес, оддий герпес, сийдик-таносил йўллари инфекцияси, вагинит, гастроэнтерит
  • тромбоцитопения, лимфоденопатия
  • гипотиреоз, вирилизм
  • гипертриглицеридемия, гиперурикемия
  • ўз жонига қасд қилиш фикри, тажавузкор ҳулқ-атвор, онгни чалкашиши, нормал бўлмаган ҳулқ-атвор, асабийлик, уйқуни бузилиши, аномал тушлар, уйқуни бузилиши, ғазаб, кайфиятни ўзгариши, безовталик, апатия
  • гиперкинезия, қўлларни титраши, дисфония, парестезия, гипестезия, гиперестезия, диққатни жамлашни бузилиши, уйқучанлик, диққатни бузилиши
  • конъюнктивит, кўзларда оғриқ, кўриш аномалиялари, кўз ёши безлари касалликлари
  • юрак уришини тезлашиши, тахикардия
  • оқариш, қизариш
  • нафас олишни қийинлашиши, нафас олишни тезлашиши, бурундан қон кетиши, йўтал, нафас йўллари тутилиши, назал таъсирланиш, ринорея, аксириш, фаринголарингеал оғриқ
  • оғизда яра, яра ҳосил қилувчи стоматит, стоматит, афтоз стоматит, диспепсия, хейлоз, тилни яллиғланиши, меъда-ичак рефлюкси, ректал касалликлар, меъда-ичак йўллари томонидан бузилишлар, қабзият, суюқ ич келиши, қоринда дискомфорт
  • жигар фаолияти аномалияси
  • қичишиш, фотосезувчанлик реакциялари, макуло-папуляр тошма, экзема, гипергидроз, акне, тери касалликлари, тирноқ касалликлари, тери рангини йўқолиши, эритема, қон талашлар
  • қўл-оёқда оғриқ, белда оғриқ, мушак спазмлари
  • энурез, сийишни бузилиши, сийдикни тутиб туролмаслик, протеинурия
  • қизлар: аменорея, меноррагия, ҳайз циклини бузилишлари, вагинал бузилишлар; ўғил болалар: тухумларда оғриқ
  • кўкракда оғриқ, шиш, инъекция жойида қичишиш, инъекция жойида қизариш, инъекция жойини қуриши, иситма
  • қонда тиреостимуляцияловчи гормон даражасини ошиши, тиреоглобулин даражасини ошиши
  • терини ёрилиши

Тез-тез эмас

  • пневмония, аскаридоз, энтеробиоз, ўраб олувчи темиратки, целлюлит
  • нормал бўлмаган ҳулқ-атвор, ёмон кайфият, эмоционал бузилишлар, қўрқув, тунги даҳшатлар
  • невралгия, летаргия, психомотор гиперфаоллик
  • тўр пардага қон қуйилиши, кўзларда қичишиш, кератит, кўриш ўткирлигини йўқолиши, ёруғликдан қўрқув
  • гипотония
  • ҳуштаксимон нафас, назал дискомфорт
  • милкларни яллиғланиши
  • гепатомегалия
  • пигментацияни бузилиши, атопик дерматит, терини кепакланиб кўчиши
  • аёллар: дисменорея
  • кўкракда дискомфорт, юзаки оғриқ, инъекция жойида индурация
  • ёпиқ жароҳат

Қўллаш мумкин бўлмаган ҳолатлар

Мажмуавий даволаганда қўллаш мумкин бўлмаган ҳолатлар Визавирин билан ҳам, интерферон альфа-2b ёки пегинтерферон альфа-2b билан ҳам, шунингдек уларнинг мажмуаси билан ҳам боғлиқ бўлиши мумкин.

  • рибавирин ёки препаратнинг ҳар қандай компонентига ўта юқори сезувчанлик
  • ҳомиладорлик (ҳомиладорликка тестни манфий натижалари ҳақида маълумот олинмагунча даволашни бошлаш мумкин эмас)
  • пациентларнинг шерикларини ҳомиладорлиги
  • эмизиш даври
  • юракнинг оғир касалликлари, шу жумладан даволашни бошлашдан камида 6 ой давомида кузатиладиган ностабил ва назоратланмаган шакллари
  • оғир, қийин кечувчи касалликлар, шу жумладан сурункали буйрак етишмовчилиги ёки креатинин клиренси минутига 50 мл дан кам бўлган пациентлар
  • жигар фаолиятини оғир бузилишлари (Чайлд-Пью таснифи бўйича В ёки С синфи) ёки декомпенсацияланган жигар циррози
  • гемоглобинопатиялар (масалан, талассемия, ўроқсимон-хужайрали анемия)
  • жигар циррози (Чайлд-Пью таснифи бўйича балл ≥6) билан кечувчи гепатит С ва ОИТВ вируслари ко-инфекцияланган пациентлар учун пегинтерферон альфа-2b билан мажмуаси
  • диданозин билан бирга юбориш
  • болалар ва ўсмирлар – оғир психологик касалликлар мавжудлиги ёки анамнезида борлиги, айниқса оғир депрессия, ўз жонига қасд қилиш фикрлар ёки ўз жонига қасд қилишга уринишлар
  • аутоиммун гепатит ёки анамнезида бошқа аутоиммун касалликларда (интерферон альфа-2b ёки пегинтерферон альфа-2b билан мажмуаси туфайли) қўллаш мумкин эмас.

Дориларнинг ўзаро таъсири

Цитохром Р450 ферментлари рибавириннинг метаболик жараёнларида иштирок этмайди. Рибавирин цитохром Р450 ферментларини сусайтирмайди. Рибавирин жигарнинг ферментатив фаоллигини рағбатлантиради. Шунинг учун цитохром Р450 билан ўзаро таъсирининг эҳтимоли минимал даражада.

Рибавирин инозинмонофосфатдегидргеназага ингибиция қилувчи таъсир кўрсатиб азатиоприн метаболизмига халақит бериши мумкин, у азатиоприн билан даволанган пациентлар орасида миелотоксик билан боғлиқ 6-метилтиозинмонофосфат (6-MTIMP) тўпланишига олиб келиши мумкин. Пегилирланган альфа-интерферонлар ва рибавиринни азатиоприн билан бирга қўллашдан сақланиш керак. Айрим ҳолларда Рибавиринни азатиоприн билан бирга юборишдан фойда потенциал хафдан юқори бўлган ҳолларда миелотоксиклик белгиларини аниқлаш учун даволаш вақтида синчковлик билан гематологик мониторинг олиб бориш тавсия этилади, улар аниқланганда ушбу препаратлар билан даволашни тўхтатиш керак.

Пегинтерферон альфа-2b ва интерферон альфа-2b. Рибавирин ва пегинтерферон альфа-2b ёки интерферон альфа-2b орасида ўзаро таъсир белгилари аниқланмаган.

Антацидлар. Магний ва алюминий ёки симетикон сақловчи антацид билан қабул қилинганда 600 мг дозадаги рабавириннинг биокираолишлиги камайган.

Нуклеозид аналоглари. Рибавириннинг зидовудин ва ставудиннинг фосфорланишини сусайтириш қобилияти аниқланган. Рибавиринни зидовудин ёки ставудин билан рақобатли қўлланиши қон плазмасида ОИТВ концентрациясини ошишига олиб келади деб ҳисобланади. Шунинг учун Рибавиринни бу дори воситаларидан бири билан мажмуада даволанаётган беморларда қон плазмасида РНК-ОИТВ концентрацияси даражасини синчковлик билан мониторинги олиб бориш тавсия этилади. Плазмада РНК-ОИТВ концентрацияси даражаси ошганда Визавиринни тескари транскриптаза ингибиторлари билан бирга қўллашни қайта кўриб чиқиш керак.

Нуклеозид аналогларини алоҳида ёки бошқа нуклеозидлар билан мажмуада қўлланиши лактатацидозга олиб келиши мумкин. Рибавирин пурин нуклеозидларининг фосфорланган метаболитларининг даражасини ошишига олиб келади. Бу самара нуклеозидларнинг пурин аналоглари (масалан, диданозин ёки абакавир) чақирган лактатацидоз пайдо бўлиши хавфини кучайтириши мумкин.

ЮФАРД (юқори фаол антиретровирус даволаш) олаётган ОИТВ-инфекцияланган пациентларда лактоацидоз пайдо бўлиши хавфи ошади. Шунинг учун ЮФАРД (юқори фаол антиретровирус даволаш) фонида мажмуавий даволашни эҳтиёткорлик билан қўллаш керак.

Давомли ярим чиқарилиш даври туфайли, қўллаш тўхтатилгандан кейин Рибавирин билан ўзаро таъсир эҳтимоли икки ой (рибавириннинг 5 ярим чиқарилиш даври) сақланиб қолади.

Рибавиринни тескари транскриптазанинг нуклеозид бўлмаган ингибиторлари ёки протеаза ингибиторлари билан ўзаро таъсирининг исботлари йўқ.

Визавирин препарати ва диданозинни бирга юбориш мумкин эмас, чунки диданозиннинг фаол метаболитлари (дидеоксифденозин 5’-трифосфат) таъсири кучаяди. Фатал жигар етишмовчилиги, шунингдек периферик нейропатия, панкреатит ва симптоматик гиперлактатемия/лактоцидоз пайдо бўлиши эҳтимоли мавжуд.

Махсус кўрсатмалар

Рибавиринни монотерапия сифатида қўллаш мумкин эмас, шунинг учун Визавирин капсулаларини С гепатитини даволаганда мустақил равишда қабул қилиш мумкин эмас. Мажмуавий даволашнинг самарадорлиги ва хавфсизлиги фақат Рибавиринни пегинтерферон альфа-2b/интерферон альфа-2b инъекция учун эритмаси билан аниқланган.

Руҳий бузилишлар ва марказий нерв тизими (МНТ)

Визавирин ва пегинтерферон альфа-2b ёки интерферон альфа-2b билан мажмуавий даволаганда ёки ҳатто даволаш тугаганидан кейин, айниқса 6 ой давомида айрим пациентларда МНТ томонидан жиддий бузилишлар, хусусан депрессия, ўз жонига қасд қилиш фикри ва ўз жонига қасд қилиш ҳаракатлари кузатилган. Рибавиринни пегинтерферон альфа-2b ёки интерферон альфа-2b билан мажмуавий қабул қилган болалар ва ўсмирларда катталарга нисбатан ўз жонига қасд қилиш фикри ва ўз жонига қасд қилиш ҳаракатлари кўпроқ кузатилган (1% га қарши 2,4%). Катта пациентлар, болалар ва ўсмирларда шунингдек бошқа руҳий бузилишлар, масалан депрессия, эмоционал лабиллик, уйқучанлик кузатилган. Бундай симптомлар пайдо бўлганда шунга ўхшаш нохуш кўринишлар жиддий эканлигини эътиборга олиш керак. Симптомлар сақланиб колганда ёки кучайганда ёки ўз жонига қасд қилиш фикри ёки тажавузкор ҳулқ-атвор аниқланганда даволашни тўхтатиш ва пациентга тегишли психиатрик ёрдам кўрсатиш тавсия этилади.

Руҳий бузилишлари мавжуд бўлган ёки анамнезида бузилишлар бўлган пациентлар. Руҳий бузилишлари мавжуд бўлган ёки анамнезида бузилишлар бўлган болалар ва ўсмирларда Рибавиринни пегинтерферон альфа-2b ёки интерферон альфа-2b билан мажмуавий қўллаш мумкин эмас (“Қўллаш мумкин бўлмаган ҳолатлар” бўлимига қаранг). Агар руҳий бузилишлари мавжуд бўлган ёки анамнезида бузилишлар бўлган катта пациентларда Рибавиринни пегинтерферон альфа-2b ёки интерферон альфа-2b билан мажмуавий қўллаш зарур деган қарорга келинган бўлса, уни фақат тегишли шахсий равишдаги диагностика ўтказилгандан кейин ва руҳий ҳолатини доимий назорати остида олиб бориш керак.

Интерферонлар билан даволаш руҳий бузилишлари мавжуд бўлган ёки анамнезида бузилишлар бўлган С гепатити вируси билан инфекцияланган пациентларда руҳий бузилишлар симптомларининг зўрайишига олиб келиши мумкин. Агар бундай бузилишлари бўлган пациентларда интерферонлар билан даволаш зарур бўлса, интерферонлар билан муваффақиятли даволашга эришиш учун руҳий симптомларни тегишли даволаш ўтказилади. Бундан ташқари, пациентларнинг ҳулқ-атворини ва руҳий бузилишлар симптомларининг тез-тезлигини шахсий равишдаги скрининги талаб этилади. Руҳий симптомлар пайдо бўлгунча ёки ривожлангунча бундай пациентларни дастлаб даволаш талаб этилади.

Болалар ва ўсмирларни ўсиши ва ривожланиши. Рибавиринни пегинтерферон альфа-2b ёки интерферон альфа-2b билан мажмуаси билан 48 ҳафта давом этувчи даволаш курси давомида 3 ёшдан 17 ёшгача бўлган болалар ва ўсмирларда тана вазнини йўқотиш ва ўсишни орқада қолиши одатдаги ҳолат ҳисобланади.

Болалар учун фойда/хавф нисбатини шахсий равишда баҳолаш. Даволашдан кутилаётган фойда синчковлик билан баҳоланиши керак. Мажмуавий даволаш қайтувчанлиги ҳозиргача аниқланмаган ўсишни орқада қолишини чақирганлигини эҳтиборга олиш муҳим. Касалликни авж олишидан далолат берувчи боланинг касалликларини характеристикаси (айниқса фиброз), касалликни авж олишига салбий таъсир этиши мумкин бўлган ёндош касалликлар (ОИТВ ко-инфекцияси), шунингдек жавобнинг прогностик омиллари (С гепатити вируси генотипи ва вирусли юклама) га қарши ушбу хавфни баҳолаш керак.

Иложи бўлганда, ўсишни орқада қолишини хавфини камайтириш учун болани пубертат даврида тез ўсишидан кейин даволаш керак. Даволашни жинсий етилишга узоқ вақт таъсири ҳақидаги маълумотлар мавжуд эмас.

Гемолиз/анемия. Гарчи препарат юрак-қон томир тизимига бевосита таъсир этмасада, Рибавиринни қабул қилиш билан боғлиқ анемия юрак етишмовчилигини кучайтириши ва/ёки коронар касаллик симптомларини зўрайишини чақириши мумкин. Шунинг учун Рибавиринни пегинтерферон альфа-2b ёки интерферон альфа-2b билан мажмуавий даволаш юрак касалликлари бўлган пациентларга эҳтиёткорлик билан буюрилиши керак. Даволашни бошлашдан олдин ва даволаш давомида юрак-қон томир тизими ҳолатини клиник мониторингини олиб бориш, юрак-қон томир тизими томонидан ҳар қандай ёмонлашиш белгилари пайдо бўлганда даволаш тўхтатилиши керак.

Гемолиз оқибатида қон зардобида сийдик кислотаси даражаси ошиши мумкин. Шунинг учун подагра ривожланиши хавфини ҳисобга олиб, бу касалликка мойиллиги бўлган пациентларни синчковлик билан кузатиш керак.

Юрак-қон томир тизими. Димланган юрак етишмовчилиги, миокард инфаркти ва/ёки аритмия белгилари (ёки анамнезида) бўлган катта пациентлар шифокорнинг доимий кузатуви остида бўлишлари керак. Юрак касалликлари бўлган пациентларда даволашни бошлашдан олдин ва даволаш давомида электрокардиографияни ўтказиш тавсия этилади. Аритмиялар (асосан, қоринчалар усти) одатда анъанавий даволашга берилади, лекин даволашни тўхтатишни талаб этиши мумкин.

Дарҳол типдаги ўта юқори сезувчанлик. Ўта юқори сезувчанликнинг ўткир реакцияси ривожланганда (масалан, эшакеми, ангионевротик шиш, бронхоспазм, анафилаксия)учун Рибавиринни пегинтерферон альфа-2b ёки интерферон альфа-2b билан мажмуада қўллашни дарҳол тўхтатиш ва тегишли даволашни буюриш керак. Транзитор тошмалар даволашни тўхтатиш учун асос бўлмайди.

Офтальмологик бузилишлар. Барча пациентлар кўзларни шошилинч ва тўлиқ текширувидан ўтиши керак. Аввал офтальмологик бузилишлари (масалан, диабетик ёки гипертензив ретинопатия) бўлган пациентлар альфа-интерферонлар билан мажмуавий даволаш вақтида вақти-вақти билан офтальмологик текширувдан ўтишлари керак. Янги офтальмологик бузилишлар пайдо бўлган ёки мавжуд бўлганларини ёмонлашиши кузатилган пациентларда альфа-интерферонлар билан мажмуавий даволашни тўхтатиш керак.

Жигар фаолиятини бузилиши бўлганда қўлланиши. Рибавирин ва жигар фаолиятини орасида фармакокинетик ўзаро таъсирлар аниқланмаган. Шунинг учун жигар етишмовчилиги бўлган пациентларда Рибавириннинг пегинтерферон альфа-2b ёки интерферон альфа-2b билан мажмуадаги дозасига тузатиш киритиш талаб этилмайди. Интерферон альфа-2b қўлланилганда гепатотоксиклик, шу жумладан фатал гепатотоксиклик кам ҳолларда кузатилган. Даволаш вақтида жигар фаолиятини сезиларли ёмонлашиши белгилари бўлган барча пациентлари синчковлик билан кузатув остида бўлишлари керак. Жигар фаолиятини бузилишлари белгилари ва симптомлари авж олган ҳолларда даволашни тўхтатиш керак. Жигарнинг оғир дисфункцияси ёки жигарнинг декомпенсацияланган касаллигида Рибавиринни пегинтерферон альфа-2b ёки интерферон альфа-2b билан мажмуада қўллаш мумкин эмас.

Буйрак фаолиятини бузилиши бўлганда қўлланиши. Буйрак дисфункцияси бўлган пациентларда креатинин клиренсини сезиларли даражада пасайиши туфайли, бундай пациентларда Рибавириннинг фармакокинетикаси издан чиқади. Шунинг учун Рибавирин билан даволашни бошлашдан олдин барча пациентларда буйрак фаолиятини баҳолаш тавсия этилади. Креатинин клиренси минутига 50 мл дан кам бўлган пациентларда Визавиринни қўллаш мумкин эмас.

Болалар ва ўсмирларни қўшимча махсус кузатиш:

Қалқонсимон бези фаолиятини назорат қилиш. Рибавирин ва интерферон альфа-2b билан даволанаётган тахминан 12% болаларда ТТГ даражасини ошиши кузатилган, 4% болаларда ТТГ ни транзитор пасайиши аниқланган. Интерферон альфа-2b билан даволашни бошлашдан олдин ТТГ даражасини аниқлаш керак. Бу вақтда аниқланган тиреоид фаолиятнинг бирон-бир оғишлари анъанавий даволаш билан мувофиқлаштирилиши керак. Агар ТТГ даражасини медикаментоз даволаш ёрдамида нормал даражада сақлаб туришга эришилса, интерферон альфа-2b билан даволашни бошлаш мумкин. Альфа-интерферон билан даволаш фонида қалқонсимон бези фаолиятини бузилиши симптомлари пайдо бўлганда тиреоид статусни аниқлаш ва тегишли даволашни ўтказиш керак. Болалар ва ўсмирларда ҳар 3 ойда қалқонсимон бези фаолиятини (масалан, ТТГ даражасини аниқлаш) назорат қилиш керак.

С гепатити вируси/ОИТВ ко-инфекцияланган пациентларда қўлланиши.

Митохондриал токсиклик ва лактоцидоз.

С гепатити вируси/ОИТВ ко-инфекцияланган ва тескари транскриптазанинг нуклеозид ингибиторлари (NRTI) (айниқса ddI ва d4T) билан бир вақтда даволаётган пациентларни интерферон альфа-2b/рибавирин даволаганда эҳтиёткорликка риоя қилиш керак. Рибавирин юборилганда митохондриал токсиклик ва лактацидоз маркерларини синчковлик билан кузатиш керак. Хусусан:

  • митохондриал токсиклик туфайли рибавирин ва диданозинни бирга юбориш мумкин эмас;
  • ошиб борадиган митохондриал токсиклик хавфини чеклаш учун рибавирин ва ставудинни бир вақтда юборишдан сақланиш керак.

Авж олиб борувчи жигар циррози билан кечувчи С гепатити вируси/ОИТВ ко-инфекцияланган пациентлар орасида жигар декомпенсацияси.

ЮФАРД (юқори фаол антиретровирус даволаш) олаётган авж олиб борувчи жигар циррози билан кечувчи ко-инфекцияланган пациентлар жигар декомпенсацияси ёки ўлимни юқори хавфига дучор бўлишлари мумкин. Альфа-интерферонлар ёки рибавирин билан мажмуавий қўшимча даволаш бу хавфни ошириши мумкин.

Антиретровирус ва гепатитга қарши даволанаётган ко-инфекцияланган пациентларни даволаш вақтида Чайлд-Пью таснифига оид баллар бўйича баҳолаб, синчковлик билан кузатиш керак. Жигар декомпенсацияси авж олиб борувчи пациентларда гепатитга қарши даволашни дарҳол тўхтатиш ва уларни антиретровирус даволашни қайта баҳолашни ўтказиш керак.

С гепатити вируси/ОИТВ ко-инфекцияланган пациентлар орасида гематологик аномалиялар.

С гепатити вируси/ОИТВ ко-инфекцияланган ва пегинтерферон альфа-2b/рибавирин ва ЮФАРД билан бир вақтда даволанаётган пациентлар фақат С гепатити билан инфекцияланган пациентларга нисбатан юқори хавф (нейтропения, тромбоцитопения ва анемия каби) остида бўлишлари мумкин. Уларнинг кўпчилиги пасайтирилган дозада даволанишлари мумкинлигига қарамасдан, пациентларнинг ушбу гуруҳида гематологик кўрсаткичларни синчковлик билан кузатиш керак.

CD4 сони паст бўлган пациентлар.

С гепатити вируси/ОИТВ ко-инфекцияланган ва CD4 сони бир мкл а 200 хужайрадан кам бўлган пациентлар орасида самарадорлик ва хавфсизлик бўйича чекланган (N=25) маълумотлар мавжуд. Шундай қилиб, CD4 сони паст бўлган пациентларни даволаганда эҳтиёткорликка риоя қилиш керак (ко-инфекцияни даволаганда антиретровирус препаратларни бирга қўллаш бўйича йўриқномаларига қаранг).

Кекса ёшдаги (≥65 ёш) шахсларда қўлланиши

Рибавирин фармакокинетикасини ёшга аниқ боғлиқлиги йўқ. Лекин, бошқа пациентлар каби Визавирин билан даволашни бошлашдан олдин буйрак фаолиятини баҳолаш тавсия этилади.

18 ёшгача бўлган пациентларда қўлланиши. Визавирин капсулаларда 3 ёш ва ундан катта болаларда интерферон альфа-2b/пегинтерферон альфа-2b билан мажмуада қўлланиши мумкин. 3 ёшгача бўлган болаларда Рибавиринни қўллашнинг самарадорлиги ва хавфсизлиги аниқланмаган. Мажмуавий даволаш ҳақидаги қарорни касалликни авж олишини (жигарда яллиғланиш жараёни фаоллиги ва фиброз) ҳам, вирусологик жавоб ривожланиши учун просностик омиллар, HCV-генотип ва вирусли юкламани ҳам ҳисобга олиб, ҳар бир алоҳида қабул қилиш керак. Даволашдан кутилаётган фойдани баҳолаганда шунингдек болалар иштирокидаги клиник тадқиқотларда олинган маълумотларга асосланиш керак. Рибавиринни пегилирланган ёки интерфероннинг бошқа турлари (масалан, альфа-2b эмас) мажмуаси бу тоифадаги беморлар учун баҳоланмаган.

Дентал ва периодонтал бузилишлар. Рибавирин ва интерферональфа-2b ёки пегинтерферональфа-2b билан мажмуавий даволанган пациентлар орасида дентал ва периодонтал бузилишлар ривожланиши ҳақида хабар берилган. Қўшимча равишда, оғизни қуриши . Рибавирин ва интерферональфа-2b ёки пегинтерферональфа-2b билан узоқ муддатли мажмуавий даволаш вақтида тишлар ва оғиз бўшлиғининг шиллиқ қаватига шикастловчи самара кўрсатиши мумкин. Пациентларга тишларни кунига 2 марта синчковлик билан тозалаш ва вақти-вақти билан стоматологик кўрикдан ўтиш тавсия этилади. Бундан ташқари, айрим пациентларда қусиш кузатилиши мумкин, ундан кейин пациентлар оғиз бўшлиғини синчковлик билан чайишлари керак.

Лаборатор текширувлар. Барча пациентлар учун даволашни бошлашдан олдин стандарт гематологик тест, қоннинг биокимёвий текшируви (шу жумладан, гемоглобин даражаси ва нейтрофил лейкоцитлари ва тромбоцитлар сонини аниқлаш) ва қоннинг кимёвий таҳлилини (шу жумладан, АСТ, АЛТ, билирубин ва сийдик кислотаси даражасини аниқлаш) ўтказиш керак.

Визавирин билан даволашни бошлашга кўрсатма бўлиб ҳисобланувчи дастлабки даражадаги кўрсаткичлар қуйидагича:

Гемоглобин                          Катталар: ≥12 г/дл. (аёллар), ≥13 г/дл. (эркаклар)

Болалар ва ўсмирлар:          ≥11 г/дл. (аёллар),

≥12 г/дл. (эркаклар)

Тромбоцитлар                      ≥100000/мм3

Нейтрофиллар сони             ≥1500/мм3

Лаборатор баҳолашни даволаш вақтида 2, 4 ҳафтада ва шундан кейин клиник кўрсатмаларга қараб вақти-вақти билан ўтказилади.

Даволаш вақтида РНК-ВГС текширувини вақти-вақти билан ўтказиш керак.

Туғруқ ёшидаги аёллар

Даволанаётган аёллар даволашнинг бутун даври давомида ва даволаш тўхтатилгандан кейин 4 ой давомида ҳар ойда ҳомиладорликка тест ўтказишлари керак. Жинсий шериклари даволанаётган – аёллар даволашнинг бутун даври давомида ва даволаш тўхтатилгандан кейин 7 ой давомида ҳар ойда ҳомиладорликка тест ўтказишлари керак.

Кам учрайдиган наслий касалликлари бўлган пациентларда қўлланиши

Визавириннинг ҳар бир капсуласи 40 мг лактоза сақлайди. Галактозани ўзлаштираолмаслик, лактаза етишмовчилиги ёки глюкозо-галактоз мальабсорбцияси бўлган пациентларда Визавиринни қўллаш мумкин эмас.

Эмбриотоксик ва тератоген таъсирлар

Рибавирин хужайра ичида тўпланади ва организмдан жуда секин чиқарилади, шундай қилиб, спермада тўпланиши ва одам эмбриони/ҳомиласига унга хос бўлган теротоген ёки генотоксик таъсир кўрсатиши мумкин.

Дори воситасини автомобил ёки потенциал хавфли механизмларни бошқариш қобилиятига таъсирининг ўзига хослиги.

Даволаш фонида толиқиш, уйқучанлик ёки онгни чалкашиши пайдо бўлган пациентлар автомобил ёки мураккаб техникани бошқаришдан сақланишлари керак.

Препарат болалар ололмайдиган жойда сақлансин ва яроқлилик муддати ўтгач ишлатилмасин.

Дозани ошириб юборилиши

Рибавирин билан даволаш вақтида дозани ошириб юборилишининг жиддий симптомлари аниқланмаган. Нохуш кўринишлар ўз-ўзидан ўтиб кетган ва даволашни бекор қилишни талаб этмаган.

Дори воситасининг дозаси ошириб юборилганда кутилмаган симптомлар пайдо бўлган ҳолларда ҳаёт учун муҳим аъзолар фаолиятини мониторинги ва пациентнинг ҳолатини мунтазам назорати остида симптоматик даволашни ўтказиш керак.

Чиқарилиш шакли

10 капсуладан алюмин фольгали (Alu/Alu)контур уяли ўрамда.

1, 6 ёки 10 контур уяли ўрамдан тиббиётда қўллаш бўйича йўриқномаси билан картон қутида.

Сақлаш шароити

Салқин, қуруқ ва ёруғликдан ҳимояланган жойда сақлансин.

Яроқлилик муддати

2 йил

Дорихоналардан бериш тартиби

Рецепт бўйича.

Улашиш: