Skip to main content

Упсарин упса с витамином с

Улашиш:
  Reading time 20 minutes

ҚЎЛЛАШ БЎЙИЧА ЙЎРИҚНОМА

УПСАРИН УПСА С ВИТАМИНОМ С

UPSARIN UPSA WITH VITAMIN C

 

Препаратнинг савдо номи: УПСАРИН УПСА С ВИТАМИНОМ С

Дори шакли: вишилловчи таблеткалар

Таркиби:

1 таблетка қуйидагиларни сақлайди:

фаол моддалар: 330 мг ацетилсалицил кислотаси,

                           200 мг аскорбин кислотаси,

ёрдамчи моддалар: глицин, сувсиз лимон кислотаси, натрий бензоати, натрий гидрокарбонати, повидон. 

Таърифи: вишилловчи реакция билан сувда эрийдиган оқ рангли, четлари кесилган ва бўлиш ўйиқчаси бўлган таблеткалар.

Фармакотерапевтик гуруҳи: Анальгетиклар ва антипиретиклар, Ацетилсалицил кислотаси бошқа препаратлар билан мажмуада.

АТХ коди: N02BA51

 

6-yillik-qizil-jenshen

Фармакологик хусусиятлари

Фармакодинамикаси

Ацетилсалицил кислотаси ностероид яллиғланишга қарши препаратлар гуруҳига мансуб бўлиб, оғриқ қолдирувчи, иситма туширувчи ва яллиғланишга қарши ҳусусиятларга эга. Унинг таъсир механизми простагландин синтезида иштирок этувчи циклооксигеназа ферментларини қайтмас ингибиция қилиши билан боғлиқ. 

Ацетилсалицил кислотаси тромбоцитларда тромбоксан А2 нинг синтезини блоклаб, тромбоцитлар агрегациясини ингибиция қилади.

Препаратнинг таркибига кирувчи аскорбин кислотаси оксидланиш-қайтарилиш жараёнларни бошқаришда иштирок этади, қон томирлар ўтказувчанлигини камайтиради ва организмни инфекцияларга қаршилигини оширади.

Фармакокинетикаси 

Ацетилсалицил кислотаси перорал юборилганида тез сўрилади. Қон плазмасидаги максимал концентрациясига 15­40 минутдан кейин эришилади. Ацетилсалицил кислотаси салицил кислотасининг фаол метаболитини ҳосил бўлиши билан тез гидролизга учрайди. Биокиришаолишлиги дозага боғлиқ ва 500 мг дан кам дозалар учун 60% ни ва 1 г дан юқори дозалар учун 90% ни ташкил қилади. Ацетилсалицил кислотаси ва салицил кислотаси барча тўқималарга тез тақсимланади. Йўлдош тўсиғидан ўтади ва она сутига киради. Салицил кислотаси қон плазмаси оқсиллари билан аҳамиятли даражада (90%) боғланади. Плазмадан ярим чиқарилиш даври ацетилсалицил кислотаси учун 15­20 минутни ва салицил кислотаси учун 2­4 соатни ташкил қилади. Ацетилсалицил кислотаси жигарда аҳамиятли даражада метаболизмга учрайди, асосан сийдик орқали салицил кислотаси ва глюкурон конъюгатлари кўринишида чиқарилади. Аскорбин кислотаси овқат ҳазм қилиш йўлларида яхши сўрилади. Агар у организмга керакли миқдордан ортиқ тушса, ортиқчаси сийдик билан чиқарилади.

 

Қўлланилиши

Енгил ва ўртача даражадаги оғриқ ва/ёки иситма ҳолатини симптоматик даволаш учун қўлланилади.

 

Қўллаш усули ва дозалари

Ичга қабул қилиш учун буюрилади. Таблеткани катта стакан сувда охиргача эритилади ва дарҳол қабул қилинади.

Препаратнинг ушбу чиқарилиш шакли катталар ва 15 ёшдан катта болалар учун мўлжалланган.

Катталар ва тана вазни 50 кг дан ортиқ бўлган (тахминан 15 ёшдан катта) болалар

Тавсия қилинган максимал суткалик доза 3 г аспиринни, яъни суткада 6 вишилловчи таблеткани ташкил қилади.

Бир марталик доза 330 мг ли икки вишилловчи таблеткани ташкил қилади. Зарурати бўлганида дозани камида 4 соатлик интервал билан, суткада 9 вишилловчи таблеткалик дозадан оширмаган ҳолда, такрор қабул қилиш  мумкин.

Кекса ёшдаги шахслар:

Тавсия қилинган максимал суткалик доза 2 г аспиринни, яъни суткада 4 вишилловчи таблеткани ташкил қилади.

Бир марталик доза 330 мг ли бир вишилловчи таблеткани ташкил қилади. Зарурати бўлганида дозани камида 4 соатлик интервал билан такрор қабул қилиш мумкин.

Кучли оғриқ ёки иситма бўлган ҳолларда 330 мг ли иккита вишилловчи таблеткани қабул қилиш мумкин, уни, зарурати бўлганида, суткада 6 вишилловчи таблеткадан оширмаган ҳолда 4 соатлик интервал билан такрорлаш мумкин. 

Қабул қилишлар сони

Мунтазам қабул қилиш оғриқ ва иситма даражасини ўзгаришларидан сақланиш имконини беради.

Болаларда қабул қилишлар орасидаги мунтазам интервални сақлаш керак, кундузи ҳам, кечаси ҳам, 6 соат мақсадга мувофиқ, лекин 4 саотдан кам бўлмаслиги керак; юқорида кўрсатилган дозаларга риоя қилиш керак.

Катталарда қабул қилишлар орасидаги интервалкамида 4 соатниташкил қилиши керак.

Даволаш давомийлиги (шифокорнинг маслаҳатисиз) оғриқ қолдирувчи восита сифатида буюрилганда 5 кундан ва иситмани туширувчи сифатида – 3 кундан ошмаслиги керак.

 

Ножўя таъсирлари

Ацетилсалицил кислотаси билан боғлиқ

Меъда­ичак йўллари томонидан бузилишлар

­ қоринда оғриқ;

­ меъда­ичакдан яққол (қон қусиш, қонли ахлат, ва бошқалар) ёки яширин қон кетиши,  улар жуда кам ҳолларда темир танқислиги анемиясига олиб келиши мумкин;

­ меъда яралари ва перфорация бўлиши мумкин.

Марказий нерв тизими томонидан бузилишлар

­ бош оғриғи, вертиго,

­ эшитишни пасайиши, 

­ қулоқларни жаранглаши, бу доза ошириб юборилганидан далолат бўлиши мумкин.

Қон томонидан бузилишлар

­ қон кетиш вақтини узайиши билан кечувчи геморрагик синдром (бурундан қон кетиши, милкларни қонаши, пурпура, ва бошқалар) кузатилиши мумкин. Бундай таъсир қабул қилиш тўхтатилганидан кейин 4­8 кун давомида сақланиб қолади. Бу жарроҳлик аралашуви ўтказиладиган пациентларда қон кетиши хавфини чақириши мумкин.

Юқори сезувчанлик реакцияси

­ эшакеми, тери реакциялари, анафилактик реакциялар, астма, Квинке шиши, 

– Рейе синдроми.

Аскорбин кислотаси билан боғлиқ

­ овқат ҳазм бўлишини бузилиши (меъдада ачишиш ҳисси, диарея),

­ сийдик чиқариш йўллари томонидан бузилишлар (оксалат, цистин ва/ёки урат тошларни шаклланиши) бўлиши мумкин.

Ҳар қандай ножўя самаралар пайдо бўлганда препаратни қабул қилишни дарҳол тўхтатиш ва даволовчи шифокорни огоҳлантириш керак.

 

Қўллаш мумкин бўлмаган ҳолатлар

­ ацетилсалицил кислотасига ёки ҳар қандай ёрдамчи моддаларга юқори сезувчанлик,

­ анамнезида салицилатларни ёки шунга ўхшаш фаолликка эга моддаларни, хусусан  НЯҚП ни қабул қилиш оқибатида қўзғатилган астма,

­ ҳомиладорлик, лактация даври,

­ ўткир меъда­ичак яралари, 

­ ҳар қандай конституционал ёки орттирилган геморрагик касаллик,

­ геморрагия хавфи,

­ оғир жигар ва буйрак етишмовчилиги,

­ оғир, назорат қилиб бўлмайдиган юрак етишмовчилиги,

­ ҳафтада 20 мг дан ортиқ дозалардаги метотрексатни ацетилсалицил кислотасининг  яллиғланишга қарши дозалари (бир марта қабул қилишда ≥1 г ва/ёки кунига ≥3 г), ёки оғриқ қолдирувчи, иситма туширувчи дозалари  (бир қабулда ≥500 мг ва/ёки кунига <3 г) билан мажмуада қўллаш,

­ перорал антикоагулянтларни ацетилсалицил кислотасининг  яллиғланишга қарши дозалари (бир марта қабул қилишда ≥1 г ва/ёки кунига ≥3 г), ёки оғриқ қолдирувчи, иситма туширувчи дозалари (бир марта қабул қилишда ≥500 мг ва/ёки кунига <3 г) билан мажмуда ва анамнезида меъда ва ўн икки бармоқ ичак яраси бўлган пациентларда қўллаш, 

­ 15 ёшгача бўлган болаларда қўллаш мумкин эмас.

 

Дориларнинг ўзаро таъсири

Тромбоцитлар агрегациясини ингибиция қилиш билан боғлиқ хавфлар

Тромбоцитлар агрегациясини ингибиция қилиш мумкин бўлган бир нечта дори воситалари: абциксимаб, ацетилсалитил кислотаси, клопидогрель, эпопростенол, эптифибатид, илопрост ва илопрост трометамол, тирофибан ватиклопидинни бирга қўллаш қон кетишини хавфини оширади. Антитромбоцитар препаратлар ва гепаринни ёки перорал антикоагулянтлар ва тромболитикларни мажмуада қўллаганда синчков клиник ва лаборатор мониторинг ўтказиш керак. 

Қўллаш мумкин бўлмаган мажмуалар

+ Перорал антикоагулянтлар:

Ацетилсалицил кислотасининг  яллиғланишга қарши дозаси  (бир марта қабул қилишда
≥1 г ва/ёки кунига ≥3 г), ёки оғриқ қолдирувчи, иситма туширувчи дозаси (бир марта қабул қилишда ≥500 мг ва/ёки кунига <3 г) билан мажмуада ва анамнезида меъда ва ўн икки бармоқ ичак яраси бўлган ҳолатларда қўллаш мумкин эмас. Айниқса анамнезида меъда ва ўн икки бармоқ ичак яраси бўлган ҳолатларда қон кетишининг юқори хавфи мавжуд.

+ Ҳафтада 20 мг дан ортиқ дозаларда ишлатиладиган метотрексат

Ацетилсалицил кислотасининг  яллиғланишга қарши дозаси (бир марта қабул қилишда
≥1 г ва/ёки кунига ≥3 г), ёки оғриқ қолдирувчи, иситма туширувчи дозаси (бир марта қабул қилишда ≥500 мг ва/ёки кунига <3 г) билан мажмуада қўллаш мумкин эмас. Метотрексатнинг токсиклигини, айниқса гематологик токсикликни (яллиғланишга қарши воситаларнинг таъсири туфайли метотрексатнинг буйрак клиренсини пасайиши) ошиши кузатилиши мумкин. 

Тавсия қилинмайдиган мажмуалар

+ Перорал антикоагулянтлар:

Ацетилсалицил кислотасининг  оғриқ қолдирувчи, иситма туширувчи дозаси (бир марта қабул қилишда ≥500 мг ва/ёки кунига <3 г) билан мажмуада ва анамнезида меъда ва ўн икки бармоқ ичак яраси бўлмаган ҳолатларда ҳам қўллаш тавсия қилинмайди. Қон кетишининг хавфи юқоридир.

+ Перорал антикоагулянтлар:

Ацетилсалицил кислотасининг  антиагрегант дозаси (кунига 50 мг ­ 375 мг) билан мажмуада ва анамнезида меъда ва ўн икки бармоқ ичак яраси бўлган ҳолатларда қўллаш тавсия қилинмайди. Айниқса анамнезида меъда ва ўн икки бармоқ ичак яраси бўлган ҳолатларда қон кетиш хавфи юқоридир. Қон кетиш вақтини назорат қилиш керак.

+ Ностероид яллиғланишга қарши препаратлар:

Ацетилсалицил кислотасининг  яллиғланишга қарши дозаси  (бир марта қабул қилишда
≥1 г ва/ёки кунига ≥3 г), ёки оғриқ қолдирувчи, иситма туширувчи дозаси (бир марта қабул қилишда ≥500 мг ва/ёки кунига <3 г) билан мажмуада қўллаш тавсия қилинмайди. Меъда-ичак ярасини ҳосил бўлиши ва меъда­ичакдан қон кетиши хавфи ошади.

+Клопидогрель (коронар синдромнинг ўткир фазасида ушбу мажмуа учун валидация қилинмаган кўрсатмалардан ташқари).

Тромбоцитлар агрегациясига қарши аддитив таъсири ҳисобига қон кетиш хавфи юқори бўлади.

+ Глюкокортикоидлар (гидрокортизонни ўринбосар даволаш сифатида қўллашдан ташқари):

Ацетилсалицил кислотасининг яллиғланишга қарши дозаси (бир марта қабул қилишда
≥1 г ва/ёки кунига ≥3 г) учун. Қон кетиш хавфи юқори бўлади.

+ Қуйи молекуляр гепаринлар (ва шунга ўхшаш препаратлар) ва фракцияланмаган гепаринлар, терапевтик дозалар ва/ёки кекса ёшдаги шахслар: 

Ацетилсалицил кислотасининг  яллиғланишга қарши дозалари  (бир марта қабул қилишда ≥1 г ва/ёки кунига ≥3 г), ёки оғриқ қолдирувчи, иситма туширувчи дозалари (бир марта қабул қилишда ≥500 мг ва/ёки кунига <3 г) билан мажмуада қўллаш тавсия қилинмайди. Ацетилсалицил кислотаси таъсирида қон кетиш хавфини ошиши (тромбицитлар фаолиятини сусайиши) ва гастродуоденал шиллиқ қаватни таъсирланиши кузатилиши мумкин. Бошқа яллиғланишга қарши, оғриқ қолдирувчи ёки иситма туширувчи препаратларни қўллаш тавсия қилинади.

+ Пеметрексед:

Буйрак фаолиятининг енгил ёки ўртача бузилиши (креатинин клиренси минутига 45 мл ­ 80 мл) бўлган пациентларда пеметрекседнинг токсиклигини (ацетилсалицил кислотасининг яллиғланишга қарши дозалари, яъни бир марта қабул қилишда ≥1 г ва/ёки кунига ≥3 г, билан бирга қўлланганда буйрак клиренсини пасайиши туфайли) юқори хавфи мавжуд.

+ Тиклопидин:

Тромбоцитлар агрегациясига қарши аддитив таъсири ҳисобига, қон кетиш хавфи юқоридир. Ушбу мажмуани қўллашдан сақланишнинг иложи бўлмаса, синчков клиник назорат талаб этилади.

+ Урикозурик воситалар (бензброматон, пробенецид):

Буйрак найчаларида сийдик кислотасини чиқарилиши юзасиданрақобат ҳисобига урикозурик самараси пасайиши мумкин.

Эҳтиёткорлик билан қўлланилиши керак бўлган мажмуалар

+ Клопидогрель (коронар синдромнинг ўткир фазасида ушбу мажмуа учун валидация қилинган кўрсатмалар доирасида.

Тромбоцитлар агрегациясига қарши аддитив таъсири ҳисобига қон кетиш хавфи ошади.

+ Диуретиклар, ангиотензинга айлантирувчи фермент ингибиторлари ва экстраполяция йўли орқали ­ ангиотензин II рецепторларининг ингибиторлари

Ацетилсалицил кислотасининг  яллиғланишга қарши дозалари  (бир марта қабул қилишда ≥1 г ва/ёки кунига ≥3 г), ёки оғриқ қолдирувчи, иситма туширувчи дозалари (бир марта қабул қилишда ≥500 мг ва/ёки кунига <3 г) билан мажмуаси учун: сувсизланиш аниқланган пациентларда ўткир буйрак етишмовчилиги (буйрак простагландинлари синтези пастлиги туфайли калава фильтрацияси пасайиши оқибатида) кузатилиши мумкин. Бундан ташқари, антигипертензив самараси ҳам пасаяди. Пациент организмига суюқликни келишини таъминлаш ва даволашнибошида буйрак фаолиятини кузатиш керак.

+ Ҳафтада ≤ 20 мг  дозаларда қўлланиладиган метотрексат:

Ацетилсалицил кислотасининг  яллиғланишга қарши дозалари (бир марта қабул қилишда ≥1 г ва/ёки кунига ≥3 г), ёки оғриқ қолдирувчи, иситма туширувчи дозалари (бир марта қабул қилишда ≥500 мг ва/ёки кунига <3 г) учун: метотрексатнинг токсиклигини, айниқса гематологик токсикликни (яллиғланишга қарши воситаларнинг таъсири туфайли метотрексатнинг буйрак клиренсини пасайиши оқибатида) ошиши юз бериши мумкин. Мажмуавий терапиянинг дастлабки ҳафталари давомида ҳар ҳафтада тўлиқ қон таҳлилини ўтказиш керак. Буйрак фаолиятини ҳар қандай, хатто катта бўлмаган бузилишида ҳам, шунингдек кекса ёшдаги шахсларга ҳам алоҳида эътибор талаб қилинади.

+ Ҳафтада ≥ 20 мг  дозаларда қўлланиладиган метотрексат:

Ацетилсалицил кислотасининг  антиагрегант дозалари (кунига 50 мг ­ 375 мг) учун: метотрексатнинг токсиклигини, айниқса гематологик токсикликни (яллиғланишга қарши воситаларнинг таъсири туфайли, метотрексатнинг буйрак клиренсини пасайиши  оқибатида) ошиши юз бериши мумкин. Мажмуавий терапиянинг дастлабки ҳафталари давомида ҳар ҳафтада тўлиқ қон тахлилини ўтказиш керак. Буйрак фаолиятини ҳар қандай, хатто катта бўлмаган бузилишида ҳам, шунингдек кекса ёшдаги шахсларга ҳам алоҳида эътибор талаб қилинади.

+ Пеметрексед:

Буйрак фаолияти нормал бўлган пациентларда пеметрекседнинг токсиклигини (ацетилсалицил кислотасининг яллиғланишга қарши дозалари, яъни бир марта қабул қилишдада ≥1 г ва/ёки кунига ≥3 г, билан бирга қўлланганда буйрак клиренсини пасайиши оқибатида) ошиш хавфи мавжуд. Буйрак фаолиятини лаборатор назоратини ўтказиш керак.

+ Маҳаллий меъда­ичак препаратлари, антацидлар ва фаоллаштирилган кўмир

Ацетилсалицил кислотасининг  меъда­ичакдан сўрилиши пасаяди. 

Маҳаллий меъда­ичак препаратларини, антацидлар ёки фаоллаштирилганкўмирни ва ацетилсалицил кислотасини қабул қилиш орасида интервалга (2 соатдан кам бўлмаган) амал қилиш керак.

Эътибор бериш лозим бўлган мажмуалар

+ Перорал антикоагулянтлар:

Ацетилсалицил кислотасининг  антиагрегант дозалари (кунига 50 мг­375 мг) учун. Қон кетиш хавфи, айниқса меъда ва ўн икки бармоқ ичак яраси бўлган ҳолатларда ошади. 

+ Ностероид яллиғланишга қарши препаратлар:

Ацетилсалицил кислотасининг  антиагрегант дозалари (кунига 50 мг­375 мг) учун. Меъда-ичак ярасини ҳосил бўлиши ва меъда­ичакдан қон кетиш хавфи ошади.

+ Глюкокортикоидлар (ўринбосар даволаш ўтказилгандаги гидрокортизондан ташқари):

Ацетилсалицил кислотасининг  оғриқ қолдирувчи ёки иситма туширувчи дозалари (бир марта қабул қилишда ≥500 мг ва/ёки кунига <3 г) учун. Қон кетиш хавфи ошади.

+ Қуйи молекуляр гепаринлар (ва шунга ўхшаш препаратлар) ва фракцияланмаган гепаринлар, терапевтик дозалар ва/ёки кекса ёшдаги шахслар: 

Ацетилсалицил кислотасининг антиагрегант дозалари (кунига 50 мг­375 мг) билан мажмуада. Ацетилсалицил кислотаси таъсирида қон кетиш хавфини ошиши (тромбицитлар фаолиятини сусайиши) ва гастродуоденал шиллиқ қаватни таъсирланиши кузатилиши мумкин.

+ Қуйи молекуляр гепаринлар (ва шунга ўхшаш препаратлар) ва фракцияланмаган гепаринлар, профилактик дозалар:

Гемостазнинг турли даражаларига таъсир этувчи препараталарни бирга қўллаганда қон кетишининг хавфи ошади. Демак, 65 ёшдан кичик пациентларда профилактик дозалардаги гепаринлар (қуйимолекуляр гепаринлар ва шунга ўхшаш препаратлар ёки фракцияланмаган гепаринлар) ва  ацетилсалицил кислотасининг мажмаусини қўллаганда буни эътиборга олиш ва клиник кузатувлар орқали назорат қилиш, ҳамда зарур бўлганида лаборатор мониторинг ўткизиш керак.

+ Серотонинни қайта қамраб олинишининг селектив ингибиторлари (циталопрам, эсциталопрам, флуоксетин, флуоксамин, пароксетин, сертралин), тромболитиклар: 

Қон кетиш хавфи ошади.

 

Махсус кўрсатмалар

Дозани ошириб юборилиши хавфини олдини олиш мақсадида бошқа препаратлар билан мажмуада қўлланганда бошқа препаратлар ацетилсалицил кислотасини сақламаслигига ишонч ҳосил қилиш керак.

­ Оғриқ қолдирувчи дори воситаларини узоқ вақт қабул қилинганда бош оғриғи юз бериши мумкин, уни препаратнинг дозасини янада ошириш йўли билан даволаш мумкин эмас. Оғриқ қолдирувчи препаратларни, айниқса мажмуада, мунтазам қабул қилиш, буйрак етишмовчилигини ривожланиш хавфи билан кечувчи буйракни жиддий шикастланишига олиб келиши мумкин.

­ Ацетилсалицил кислотасини қабул қилган вирусли инфекцияси (жумладан, сувчечак, гриппга ўхшаш касалликлари) бўлган болаларда ҳаёт учун хавф туғдирувчи жуда кам учрайдиган патология бўлган, Рейе синдромининг аломатлари кузатилган. Шунинг учун препаратни болаларда фақат шифокор тавсиясига кўра ва бошқа чоралар етарли бўлмаган ҳоллардагина қўллаш керак. Тинмай қусиш, онгни чалкашиши, аномал аҳлоқ пайдо бўлганида, даволашни дарҳол тўхтатиш керак. 

­ Глюкоза­6­фосфат­дегидрогеназанинг оғир етишмовчилиги бўлган баъзи ҳолларда, ацетилсалицил кислотасининг юқори дозалари гемолизни чақириши мумкин. Глюкоза­6­фосфат­дегидрогеназа етишмовчилиги бўлган ҳолларда ацетилсалицил кислотасини шифокор назорати остида қўллаш керак.   

­ Қуйидаги ҳолларда даволашнинг синчков мониторингини ўтказиш керак:

  • анамнезида меъда­ичак яраси борлигида, меъда­ичакдан қон кетишида ёки гастрит; 
  • буйрак ёки жигар етишмовчилиги;
  • астма: баъзи шахсларда астма ҳуружининг юзага келиши НЯҚП га ёки ацетилсалицил кислотасига нисбатан аллергия билан боғлиқ бўлиши мумкин. Бундай ҳолларда бу дори воситасини қўллаш мумкин эмас.
  • метроррагия ёки меноррагияда (ҳайз кўриш билан боғлиқ қон кетишни кучайиши ёки ҳайз вақтини узайишининг хавфи).

­ Меъда­ичакдан қон кетиши ёки яралар/перфорациялар (шу жумладан анамнезда) бўлиши мумкин. Кекса ёшдагиларда, тана вазни кам шахсларда ва антикоагулянт ёки антитромбоцитар даво қабул қилаётган пациентларда нисбий хавф ошади. Меъда­ичакдан қон кетиши юз берганида препарат билан даволашни дарҳол тўхтатиш керак.

­ Ацетилсалицил кислотасининг энг кам дозаларда намоён бўлувчи ва бир неча кун давомида сақланувчи антитромбоцитар таъсирини эътиборга олган ҳолда, пациентларни жарроҳлик аралашувлари (масалан, тиш олдириш) вақтида юз бериши мумкин бўлган қон кетиши хавфи ҳақида огоҳлантириш керак.

­ Ацетилсалицил кислотаси урикемияни ўзгартиради (ацетилсалицил кислотасининг анальгетик дозаси сийдик кислотасини чиқарилишини сусайтириб,урикемияни оширади).

­ 1 вишилловчи таблетка таркибида 485 мг натрий сақлайди, буни натрий миқдори чекланган парҳезга риоя қилувчи пациентлар эътиборга олишлари лозим.

­ Аскорбин кислотаси рағбатлантирувчи таъсир кўрсатганлиги туфайли, препаратни кун охирида қабул қилиш тавсия қилинмайди.

Ҳомиладорлик ва лактация даври

УПСАРИН УПСА С ВИТАМИНОМ С фақат катталар ва 15 ёшдан катта болалар учун мўлжалланган. Лекин агар айрим ҳолларда у репродуктив ёшдаги аёлларда қўлланилса, қуйидагиларни ёдда тутиш керак: одатда ацетилсалицил кислотасини ҳомиладорлик даврида қўллаш мумкин эмас.

Ҳомиладорлик

Ацетилсалицил кислотасининг кунига 100 мг дан кам дозалари ­ ўта чегараланган ҳолларда махсус назоратни талаб қилувчи акушерликда қўллаш хавфсиз бўлиши мумкин.

Ацетилсалицил кислотасининг кунига 100­500 мг дозалари ­ кунига 100 ­ 500 мг дозаларни қўллаш бўйича клиник тажрибалар етарли эмас. Демак, юқоридаги тавсия этилган дозаларга кўра кунига 500 мг дан юқори дозаларни қўллаш мумкин.

Ацетилсалицил кислотасининг кунига ≥ 500 мг дозалари ­ простагландинлар  синтези ҳомиладорлик ривожланишига ва/ёки эмбрион ёки ҳомила ривожланишига таъсир қилиши мумкин. Ўта муҳим бўлган ҳоллардан ташқари, ҳомиладорликни режалаштираётган аёлларда, ёки ҳомиладорлик муддати олти ойдан кам (тўлиқ беш ой) бўлган аёлларда ацетилсалицил кислотасини қўллаш мумкин эмас. Даволашнинг энг қисқа вақти давомида энг кам дозаларни қўллаш керак.

Лактация

Ацетилсалицил кислотаси кўкрак сутига ўтиши сабабли, бу препаратни эмизиш даврида қабул қилиш тавсия қилинмайди.

Дори воситасини транспорт воситаларини  ёки потенциал хавфли механизмларни бошқариш қобилиятига таъсирини ўзига хослиги

Автотранспортни бошқариш ва механизмлар билан ишлаш қобилиятига таъсир этиш ҳоллари кузатилмаган, лекин препаратнинг таркибида глицин борлиги сабабли эҳтиёткорликка риоя қилиш керак.

Препарат болалар ололмайдиган жойда сақлансин ва яроқлилик муддати ўтгач қўлланилмасин. 

 

Дозани ошириб юборилиши

Ацетилсалицил кислотаси билан боғлиқ

Кекса ёшдаги шахсларда ва айниқса кичкина болаларда ҳаёт учун хавфли бўлиши мумкин бўлган заҳарланиш хавфи мавжуд.

Симптомлари:

­ ўртача заҳарланиш: қулоқларни шанғиллаши, эшитиш қобилиятини пасайишини хис этиш, бош оғриқлари, вертиго.

Уларни дозани камайтириш йўли билан назорат қилиш мумкин.

­ Оғир заҳарланиш: иситма, гипервентиляция, кетоз, респиратор алкалоз, метаболик ацидоз, кома, қонтомир етишмовчилиги, нафас етишмовчилиги, яққол гипогликемия. Болаларда бир қабул қилишда 100 мг/кг ёки ундан ортиқ дозани ошириб юборилиши ўлимга олиб келиши мумкин.

Даволаш:

­ Зудлик билан госпитализация қилиш, препаратни чиқариш бўйича чоралар: меъдани ювиш ва фаоллаштирилган кўмирни қабул қилиш, кислота­ишқор мувозанатини назорат қилиш, диурезниишқорийлаштириш керак. Оғир заҳарланишларда гемодиализ ўтказилади.

­ Симптоматик даволашни ўтказиш керак.

 

Чиқарилиш шакли

10 вишилловчи таблеткадан намликни ютувчини сақловчи полиэтилен қопқоқли полипропилен тубада.

1 туба қўллаш бўйича йўриқномаси билан бирга картон қутига жойланган.

 

Сақлаш шароити

Қуруқ, 25°С дан юқори бўлмаган ҳароратда сақлансин.

 

Яроқлилик муддати

2 йил.

 

Дорихоналардан бериш тартиби

Рецептсиз.

Улашиш:
6 yillik Koreya qizil jenshen 365