ҚЎЛЛАШ БЎЙИЧА ЙЎРИҚНОМА
ЦИНАЛ
SINAL
Препаратнинг савдо номи: Цинал
Таъсир этувчи модда (ХПН): Пирацин (рух микроэлементининг пиридоксин билан комплекс бирикмаси).
Дори шакли: Инъекция учун эритма.
Таркиби:
Фаол моддалар: Пирацин, пиридоксин гидрохлорид.
Ёрдамичи модда: инъекция учун сув.
Таърифи: Тиник, рангсиз эритма.
Фармакотерапевтик гуруҳи: Минерал препаратлар, микроэлементлар.
АТХ коди: А12СВ
Фармакологик хусусиятлари
Препарат яққол гиполипидемик ва антиатеросклеротик фаолликка эга. Гиперлипидемия ва атеросклерозда периферик қонда холестерин, умумий липидлар, триглицеридлар, зичлиги паст ва жуда паст липопротеидлар, липидларни перекис оксидланиш маҳсулотлари миқдорини камайтиради, зичлиги юқори липопротеидлар ва фосфолипидларнинг миқдорини оширади. Гиперлипидемияли қандли диабетда препарат қонда глюкоза, пируват ва сут кислотасининг миқдорини камайтиради.
Фармакокинетикаси
Препарат парентерал юборилганида организмнинг тўқима ва биологик суюқликларида яхши тақсимланади.
Препаратнинг энг юқори концентрацияси жигарда, меъда ости безида, буйракларда, қора талоқда ва ўпкаларда аниқланади.
Қондан ярим чиқарилиш даври 3 соат, 46 минутни ташкил қилади. Юборилганидан 24 соатдан кейин препарат қонда аниқланмайди. Асосан аҳлат билан чиқарилади, буйраклар орқали чиқарилиши жуда оз.
Қўлланилиши
Рух етишмовчилиги ҳолатлари (витилиго, ўчоқли алопеция, себореяли алопеция, пустулез ва флегмоноз ҳуснбузарлар, энтеропатик акродерматит ва бошқалар, терининг қийин битувчи яралари).
Қўллаш усули ва дозалари
Рух етишмовчилиги ҳолатларида (энтеропатик акродерматит, ўчоқли алопеция, себореяли алопеция, пустулез ва флегмоноз ҳуснбузарлар, витилиго, терининг қийин битувчи яралари) препаратнинг эритмаси 1 мл дан кунига 1 марта 10 кун давомида мушак ичига юборилади. Зарурати бўлганида даволаш курсларини 10 кунлик танаффус билан бир неча марта такрорлаш мумкин.
Ножўя таъсирлари
Препарат одатда яхши ўзлаштирилади. Жуда кам ҳолларда кўнгил айниши ва қайд қилиш каби диспептик ҳолатлар, эшакеми кўринишидаги аллергик реакциялар бўлиши мумкин, улар одатда препарат тўхтатилгандан кейин мустақил равишда ўтиб кетади.
Қўллаш мумкин бўлмаган ҳолатлар
Руҳ сақловчи препаратларга ўта юқори сезувчанлик.
Махсус кўрсатмалар
Препарат қўлланганида спиртли ичимликларни истеъмол қилишдан сақланиш керак.
Препаратни болалар олаолмайдиган жойда сақлаш ва уни яроқлилик муддати ўтгач ишлатилмаслик лозим.
Чиқарилиш шакли
Инъекция учун 0,25% эритма, 1 мл дан ампулаларда.
Сақлаш шароити
Қуруқ, ёруғликдан ҳимояланган жойда, 25° С дан юқори бўлмаган ҳароратда сақлансин.
Яроқлилик муддати
2 йил.
Дорихоналардан бериш тартиби
Рецепт бўйича
