ҚЎЛЛАШ БЎЙИЧА ЙЎРИҚНОМА
ТРАВРЕЛАКС
TRAVRELAX
Препаратнинг савдо номи: Траврелакс
Дори шакли: сироп
Таркиби:
| № | Фаол (ўсимликнинг ботаник номи ва ишлатиладиган қисми) ва ёрдамчи моддаларнинг номи | Лотинча номи | Фарма- копея | Миқдори, мг 10 мл да |
| Фаол моддалар (25% қуюқ сувли экстракт) | ||||
| 1 | Терминалия белерика (мевалари) | Terminalia belerica | API | 100,00 мг |
| 2 | Томирли адатода (барглари) | Adhatoda vasica | API | 60,00 мг |
| 3 | Яланғоч чучукмия (издизлари) | Glycyrrhiza glabra | API | 60,00 мг |
| 4 | Интегеррим пистаси (ўсимта кўринишидаги бужғунлари) | Pistaciainte gerrima | API | 55,00 мг |
| 5 | Мевали тис (барглари) | Taxusba ccata | API | 30,00 мг |
| 6 | Қалампирмунчоқ (уруғкутаги) | Syzygiumaromaticum | API | 30,00 мг |
| 7 | Доривор имбир (илдизпояси) | Zingiber officinale | API | 30,00 мг |
| 8 | Сариқ мевали итузум (ўсимликнинг ҳамма қисми) | Solanumxanthocarpum | API | 10,00 мг |
| 9 | Қора қалампир (мевалари) | Piper nigrum | API | 10,00 мг |
| 10 | Узун қалампир (мевалари) | Piper longum | API | 10,00 мг |
| 11 | Зираи кармони (ўсимликнинг ҳамма қисми | Trachyspermum ammi | API | 2,50 мг |
| 12 | Бошоқли ялпиз (ўсимликнинг ҳамма қисми | Mentha spicata | API | 12,50 мг |
Хушбўйлаштирилган сиропсимон асос q.s.
Таърифи: оч-сариқдан то жигарранг ранглигача бўлган сироп.
Фармакотерапевтик гурухи: балғам кўчирувчи восита.
Фармакологик хусусиятлари
Траврелакс йўталга қарши ўтли сироп бўлиб ўсимликлардан олинган препаратдир, таркибида қадимги аюрведик тиббиёт тизимида маълум бўлган ўсимликлар сақлайди.
Яллиғланишга қарши, балғам кўчирувчи, йўталга қарши, аллергияга қарши таъсир кўрсатади.
Фармакокинетикаси
Фармакокинетик маълумотлар йўқ.
Қўлланилиши
Траврелакс йўталга қарши ўтли сироп турли этиологияли йўталнинг балғамли ва қуруқ турларида тавсия этилади, хусусан: аллергик бронхит, астма, фарингит, тонзиллити, кўк йўтал, ўпка туберкулёзида йўтални енгиллаштириш учун, чекувчилар йўтали, мавсум ва иқлим алмаштиришдаги йўтал, вирусли инфекция ва одатдаги шамоллашдан кейинги йўтал ва томоқни таъсирланишида қўлланади.
Қўллаш усули ва дозалари
Ичга қўлланади: катталарга: 1-2 ч.қ.(5 мл дан 10 мл гача) кунига 3 марта
Болалар: 1 чой қошиқ (5 мл), кунига 3 марта. ёки шифокор кўрсатмаси бўйича
24 соат давомида тўрт дозадан ортиқ берилмасин. 3 ойликкача бўлган чақалоқларга бериш мумкин эмас.
Ножўя таъсирлари
Тавсия этилган дозаларда ўсимлик сиропи қўлланганда ножўя самаралар кузатилмаган.
Қўллаш мумкин бўлмаган ҳолатлар
3 ойликкача болаларга қўллаш мумкин эмас.
Дориларнинг ўзаро таъсири
Маълумотлар йўқ.
Махсус кўрсатмалар
Хомиладорлик вақтида, лактацияда, болалар ва кекса одамларда қўлланганда бирон-бир нохуш реакциялар кузатилмаган.
Препарат болалар ололмайдиган жойда сақлансин ва яроқлилик муддати ўтгач қўлланилмасин.
Дозани ошириб юборилиши
Дозани ошириб юбориш ҳоллари кузатилмаган, лекин агар Сиз сиропнинг юқори дозаларини қабул қилган бўлсангиз ва бирон-бир одатдаги бўлмаган реакциялар юз берса, шифокор билан маслаҳатлашинг.
Чиқарилиш шакли
100 мл бутилкада.
Сақлаш шароити
Салқин, қуруқ ва қоронғи жойда, 25оС дан юқори бўлмаган ҳароратда сақлансин.
Яроқлилик муддати
Ишлаб чиқарилган санасидан бошлаб 3 йил.
Дорихоналардан бериш тартиби
Рецептсиз.
