ҚЎЛЛАШ БЎЙИЧА ЙЎРИҚНОМА
СТРЕПИМ-Т
STREPIM–T
Препаратнинг савдо номи: Стрепим-Т
Таъсир этувчи моддалар (ХПН): цефепим, тазобактам
Дори шакли: инъекция учун эритма тайёрлаш учун кукун
Таркиби:
1 флаконда қуйидагилар сақланади:
фаол модда: 1000 мг цефепимга эквивалент цефепим гидрохлориди;
125 мг тазобактамга эквивалент тазобактам натрий.
Эритувчили 1 ампула қуйидагиларни сақлайди:
инъекция учун сув – 10 мл.
Таърифи:
Кукун: оқ рангдан оч сариқ ранггача бўлган кристалл кукун.
Эритувчи: ҳидсиз ва таъмсиз тиниқ рангсиз суюқлик.
Фармакотерапевтик гуруҳи: антибиотик (цефалоспоринлар гуруҳи).
АТХ коди: J01DE01.
Фармакологик ҳусусиятлари
IV авлод цефалоспоринлар гуруҳига мансуб антибактериал восита. Микроорганизмларнинг ҳужайра девори синтезини бузиб, бактерицид таъсир кўрсатади. Граммусбат ва грамманфий бактерияларга, аминогликозидлар ва/ёки III авлод цефалоспорин антибиотикларига чидамли штаммларга нисбатан кенг таъсир доирасига эга. Кўпчилик бета-лактамазаларнинг гидролизига юқори чидамли ва грамманфий бактериал ҳужайраларга тез ўтади. Бактериал ҳужайраларнинг ичидаги нишон молекуласи бўлиб, пенициллин боғловчи оқсиллар ҳисобланади.
In vivo ва in vitro шароитларда граммусбат аэробларга: Staphylococcus aureus (фақат метициллинга чидамли штаммлари), Streptococcus pneumoniе, Streptococcus pyogenes (А гуруҳи), Streptococcus viridans гуруҳи; грамманфий аэроблар: Enterobacter spp., Escherichia coli, Klebsiella pneumoniae, Proteus mirabilis, Pseudomonas aeruginosaга нисбатан фаол.
In vitro шароитда граммусбат аэробларга: Staphulococcus epidermidis (фақат метициллинга сезгир штаммлари), Staphylococcus saprophyticus, Streptococcus agalactiae (В гуруҳи); грамманфий аэроблар: Acinetobacter lwoffii, Citrobacter diversus, Citrobacter freundii, Enterobacter agglomerans ,Haemophilus influenza (шу жумладан бета лактамазани ишлаб чиқарадиган штаммлари), Klebsiella oxytoca, Moraxella catarrhalis (шу жумладан бета – лактамазани ишлаб чиқарадиган штаммлари), Morganella morganii, Proteus vulgarls, Providencia rettgeri, Providencia stuartii, Serratia marcescens нисбатан фаол (бироқ клиник аҳамияти ноаниқ).
Enterococcus spp. нинг кўпгина штаммлари, шу жумладан Enterococcus faecalis, метициллинга чидамли стафилококклар, Stenotrophomonas maltophilia (аввал Xanthomonas maltophilia ва Pseudomonas maltophilia сифатида, каби маълум бўлган), Clostridium difficile цефепимга сезгир эмас.
Тазобактам – пенициллинат сульфон, тузилиш жиҳатидан сульбактамга ўхшаш. Бета-лактамазани ингибитори бўлиб, пенициллинлар ва цефалоспоринлар каби ушбу фермент таъсири остида парчаланадиган кўпчилик препаратлар билан синергизм намоён қилади. Тазобактам клавуланат кислотаси ингибиция қилиши мумкин бўлган барча бета-лактамазаларни ингибиция қилади, бундан ташқари, Morganella morganii, Citrobacter freundii, Enterobacter cloacae, Serratia marcescens ва Pseudomonas aeruginosa бактерияларнинг индуцияланган ферментларига нисбатан маълум бир фаолликка эга. Тазобактам бошқа бета-лактамазаларга нисбатан кучсиз фермент индуктори ҳисобланади.
Фармакокинетикаси
Биокираолишлиги – 100%. 0.5 г дозада вена ичига ва мушак ичига юборгандан сўнг максимал концентрацияга эришиш вақти – инфузия охирида мувофиқ 1-2 соатни ташкил қилади. 0,5, 1 ва 2 г дозада мушак ичига юборилганда максимал концентрацияси мувофиқ 14,30 ва 57 мкг/мл ни, 0,25, 0,5, 1 ва 2 г дозада вена ичига юборилганда – мувофиқ 18, 39, 82 ва 164 мкг/мл ни, плазмада ўртача терапевтик концентрацияга эришиш вақти – 12 соатни, мушак ичига юборилганда ўртача терапевтик концентрацияси – 0,2 мкг/мл, вена ичига юборилганида – 0,7мкг/мл ни ташкил қилади. Юқори концентрациялар сийдикда, сафрода, перитонеал суюқликда, пўрсилдоқ экссудатида, бронхлар шиллиқ секретида, балғамда, простата безида, аппендикс ва ўт пуфагида аниқланади. Тақсимланиш ҳажми 0,25 л/кг, 2 ойликдан то 16 ёшгача бўлган болаларда 0,33 л/кг ни ташкил қилади. Плазмада оқсиллар билан боғланиши 20%. Жигар ва буйракларда 15% метаболизмга учрайди. Ярим чиқарилиш даври 2 соат, умумий клиренси минутига 120 мл, буйрак клиренси минутига 110 мл ташкил қилади. Буйраклар орқали (85% -гломеруляр фильтрация йўли билан ўзгармаган ҳолатда), кўкрак сути билан чиқарилади. Гемодиализда ярим чиқарилиш даври 13 соат, узлуксиз перитонеал диализда – 19 соатни ташкил қилади.
Тазобактам фармакологик ва антибактериал фаолликка эга бўлмаган ягона метаболитгача метаболизмга учрайди. Тазобактам калавалар фильтрацияси ва найчалар секрецияси йўли билан буйраклар орқали чиқарилади. Тазобактам ва унинг метаболити асосан буйраклар экскрецияси орқали чиқарилади, юборилган дозанинг 80% ўзгармаган ҳолда, қолган қисми ягона метаболит кўринишида чиқарилади. Тазобактам сафрога ҳам секреция бўлади. Тазобактам плазма оқсиллари билан тахминан 30% боғланади. Тазобактамнинг метаболитларини оқсиллар билан боғланиши аҳамиятсиз даражада бўлади. Тазобактам организмнинг тўқима ва суюқликларига, шу жумладан ичакнинг шиллиқ қавати, ўт пуфаги, ўпка, аёлларнинг репродуктив аъзолари (бачадон, тухумдонлар, бачадон найлари), ҳужайралараро суюқлик ва сафрога кенг тарқалади.
Қўлланилиши
Цефепимга сезгир бўлган микроорганизмлар чақирган қуйидаги инфекцион-яллиғланиш касалликларида қўлланади:
- Streptococcus pneumonia (шу жумладан бактериемия билан бирга кечган ҳолларда), Pseudomоnas aeruginosa, Klebsiella pneumonia ёки Enterobacter spp. томонидан чақирилган пневмонияда (ўрта оғирликдаги ва оғир);
- фебрил нейтропенияда (эмпирик даволаш);
- Escherichia coli, Klebsiella pneumonie, Proteus mirabilis томонидан чақирилган сийдик чиқариш йўлларининг асоратланган ва асоратланмаган инфекцияларида (шу жумладан пиелонефрит);
- Staphylococcus aureus (фақат метициллинга сезгир штаммлари), Streptococcus puogenes томонидан чақирилган тери ва юмшоқ тўқималарининг асоратланмаган инфекцияларида;
- Escherichia coli, Klebsiella pneumoniе, Pseudomonas aeruginosa, Enterobacter spp. томонидан чақирилган асоратланган интраабдоминал инфекцияларда (метронидазол билан мажмуада).
Қўллаш усули ва дозалари
Вена ичига инфузион тарзда (камида 30 минут давомида) ёки мушак ичига (фақат Escherichia coli чақирган, сийдик чиқариш йўлларининг енгил ва ўртача оғирликдаги асоратланган ёки асоратланмаган инфекцияларда).
Streptococcus pneumoniae (шу жумладан бактериемия билан бирга кечган ҳолларда), Pseudomonas aeruginosa, Klebsiella pneumoniae ёки Enterobacter spp. томонидан чақирилган пневмонияда (ўртача оғирликдаги ва оғир): 10 кун давомида вена ичига 1-2 г дан ҳар 12 соатда буюрилади.
Фебрилли нейропения (эмпирик терапия): 7 кун давомида вена ичига 2 г дан ҳар 8 соатда нейтропения тузалгунича буюрилади.
Escherichia coli, Klebsiella pneumoniae, Proteus mirаbilis томонидан чақирилган сийдик йўлларининг енгил ва ўртача оғирликдаги асоратланган ва асоратланмаган инфекцияларида: вена ичига ёки мушак ичига (фақат Escherichia coli чақирган инфекциялар учун) 7-10 кун давомида 0,5-1 г дан ҳар 12 соатда буюрилади.
Escherichia coli ёки Klebsiella pneumoniae томонидан чақирилган сийдик йўлларининг оғир, асоратланган ёки асоратланмаган инфекцияларида: вена ичига 10 кун давомида 2 г дан ҳар 12 соатда буюрилади.
Staphylococcus aureus (фақат метициллинга сезгир штаммлари), Streptococcus puogenes томонидан чақирилган тери ва юмшоқ тўқималарининг ўртача оғирликдаги ва оғир инфекцияларида: вена ичига 10 кун давомида 2 г дан ҳар 12 соатда буюрилади.
Escherichia coli, Klebsiella pneumonia, Pseudomonas aeruginosa, Enterobacter spp томонидан чақирилган асоратланган интраабдоминал инфекцияларда (метронидазол билан мажмуада): вена ичига 7-10 кун давомида 2 г дан ҳар 12 соатда буюрилади.
2 ойликдан 16 ёшгача тана вазни 40 кг гача бўлган болаларда барча кўрсатмаларда (фебрил нейтропениядан ташқари) тавсия этилган дозалаш тартиби – 50 мг/кг ҳар 12 соатда вена ичига; нейтропенияда – 50 мг/кг ҳар 8 соатда буюрилади. Даволаш давомийлиги катталарники билан бир хил.
Сурункали буйрак етишмовчилигида дозани инфекциянинг оғирлигига ва креатинин клиренсига (КК) қараб буюрилади: КК минутига 60 мл дан ортиқ бўлганида – 0,5-1-2 г дан ҳар 12 соатда ёки 2 г дан ҳар 8 соатда, КК – минутига 30- 60 мл бўлса – 0,5 -1-2 г дан ҳар 24 соатда ёки 2 г дан ҳар 12 соатда, КК минутига 11-29 мл бўлганида -0,5-1-2 г дан ҳар 24 соатда, КК минутига 11 мл дан кам бўлганида -0,25-0,5-1 г дан ҳар 24 соатда; доимий амбулатор перитонеал диализда -0,5-1-2 г дан ҳар 48 соатда буюрилади. Гемодиализда бўлган пациентларга, биринчи куни 1 г юборилади, сўнгра барча инфекциялар учун 0,5 г дан ҳар 24 соатда, фебрил нейтропенияни даволаш учун эса 1 г дан ҳар 24 соатда буюрилади. Гемодиализда бўлган пациентларга препаратни гемодиализ сеанси тугаганидан кейин юборилади; цефепимни ҳар куни бир вақтда юбориш мақсадга мувофиқдир.
Ёндош сурункали буйрак етишмовчилиги бўлган болаларда препаратни қўллаш бўйича маълумотлар йўқ, бироқ, болалар ва катталарда фармакокинетикасининг ўхшашлигини ҳисобга олиб, сурункали буйрак етишмовчилиги бўлган болаларда дозалаш тартиби (дозани камайтириш ёки юборишлар орасидаги интервални кўпайтириш) катталардаги дозалаш тартибига ўхшаш бўлади.
Инъекцион эритмани тайёрлаш
Вена ичига юбориш учун эритмани тайёрлаш учун, препаратни (1,0 г) 10 мл стерил инъекция учун сув, 5% ли дектроза эритмаси, 0,9% ли натрий хлориди эритмасида эритилади. Вена ичига инфузия қилиш учун тайёрланган эритмани вена ичига инфузия учун бошқа эритмалар (0,9% ли натрий хлориди эритмаси, 5% ли ёки 10% ли дектроза эритмаси, Рингер лактат эритмаси ва 5% ли декстроза эритмаси; максимал концентрацияси 40 мг/мл бўлган эритма) билан аралаштирилади ва камида 30 минут давомида юборилади.
Мушак ичига юбориш учун эритмани тайёрлаш учун препаратни (1,0 г) 2,4 мл стерил инъекция учун сувда, 0,9% ли натрий хлориди эритмасида, парабен ёки бензил спирти қўшилган инъекция учун бактериостатик сувда, 0,5% ли ёки 1% ли лидокаин гидрохлориди эритмасида эритилади.
Ножўя таъсирлари
Аллергик реакциялар: тери тошмаси (шу жумладан эритематоз тошмалар) қичишиш, иситма, анафилактоид реакциялар, анафилактик шок, Кумбс синамасининг сохта мусбат бўлиши, эозинофилия, кўп шаклли экссудатив эритема (шу жумладан Стивенс-Джонсон синдроми), токсик эпидермал нектролиз (Лайелл синдроми).
Маҳаллий реакциялар: вена ичига юборганда флебитлар, мушак ичига юборилганда гиперемия ва юбориш жойида оғриқ..
Нерв тизими томонидан: бош оғриғи, бош айланиши, уйқусизлик, парестезиялар, хавотирлик ҳисси, онгни чалкашиши, тиришишлар, энцефалопатия.
Сийдик – таносил тизими томонидан: вагинит.
Сийдик чиқариш тизими томонидан: буйраклар фаолиятини бузилиши.
Овқат ҳазм қилиш тизими томонидан: диарея, кўнгил айниши, қусиш, қабзиятлар, қоринда оғриқ, диспепсия, сохтамембраноз колит.
Қон яратиш аъзолари томонидан: анемия, тромбоцитопения, лейкопения, нейтропения, панцитопения, гемолитик анемия, қон кетиши, протромбин вақтини ёки қисман тромбопластик вақтини ошиши.
Нафас тизими томонидан: йўтал.
Юрак-қон томир тизими томонидан: тахикардия, ҳансираш, периферик шишлар.
Лаборатор кўрсаткичлар: гематокритни пасайиши, протромбин вақтини ошиши, мочевина концентрациясини ошиши, гиперкреатинемия, гиперкальциемия, “жигар” трансаминазалари ва ишқорий фосфатазанинг фаоллигини ошиши, гипербилирубинемия.
Бошқалар: томоқда оғриқ, кўкракда оғриқ, таъмни ўзгариши, кучли тер ажралиши, белда оғриқ, астения, суперинфекцияни ривожланиши, орофарингеал кандидоз кузатилади.
Қўллаш мумкин бўлмаган ҳолатлар
Цефепимга, препарат компонентларига, бошқа цефалоспоринларга, пенициллин, бошқа бета-лактам антибиотикларига ўта юқори сезувчанлик, 2 ойликкача бўлган болалар (вена ичига юбориш учун), 12 ёшгача бўлган болалар (мушак ичига юбориш учун), лактация даврида қўллаш мумкин эмас.
Эҳтиёткорлик билан
Меъда–ичак йўлларининг касалликлари (шу жумладан анамнездаги), асосан колит, регионал энтерит ёки антибиотикни қўллаш оқибатидаги колит, оғир сурункали буйрак етишмовчилигида эҳтиёткорлик билан қўлланади.
Дориларнинг ўзаро таъсири
Бошқа микробларга қарши дори воситалари ва гепарин билан фармацевтик номутаносиб.
Диуретиклар цефепимнинг буйрак найчаларида секрециясини камайтиради ва қон зардобида унинг концентрациясини оширади, ярим чиқарилиш даврини узайтиради, нефротоксиклигини кучайтиради (нефронекроз ривожланиш хавфи ошади).
Ностероид яллиғланишга қарши препаратлар цефалоспоринлар чиқарилишини секинлаштириб, қон кетишини ривожланиш хавфини оширадилар. Метронидазол эритмаси билан номутаносиб (жарроҳлик аралашувларини ўтказишда инфекцияларнинг профилактикаси учун метронидазол эритмасини юборишдан олдин, инфузион системани цефепим эритмасидан ювиб ташлаш лозим).
Аминогликозидларнинг нефро- ва ототоксиклигини оширади.
Махсус кўрсатмалар
Узоқ муддатли диарея билан кечувчи сохтамембраноз колит юз берганида препаратни қўллаш тўхтатилади ва ванкомицин (ичга) ёки метронидазол буюрилади.
Пеницилинларга аллергик реакцияси бўлган пациентларда кесишган ўта юқори сезувчанлик бўлиши мумкин.
Буйрак ва жигарнинг аралаш оғир етишмовчилигида плазмада препаратнинг концентрациясини мунтазам аниқлаш лозим (креатинин клиренсига қараб, дозага тузатиш киритилади). Давомли даволашда периферик қон, жигар ва буйракларнинг функционал ҳолати кўрсаткичларини мунтазам назорат қилиш зарур
Аралаш аэроб-анаэроб инфекцияларда қўзғатувчиларнинг идентификациясига қадар анаэробларига нисбатан фаол бўлган дори воситаларининг мажмуасини қўллаш мақсадга мувофиқдир.
Беморларда олиб ташланган инфекция ўчоғидан менингиал диссеминация юз берса, менингитга шубҳа бўлса ёки менингит ташҳиси тасдиқланса, ушбу ҳолат учун клиник самарали альтернатив антибиотик буюрилиши лозим.
Кумбс сохта мусбат синамаси, сийдикда глюкоза тести сохта мусбат бўлиши аниқланиши мумкин.
Ҳомиладорлик ва лактация даврида қўлланиши
Препаратни ҳомиладорлик вақтида фақат она учун потенциал фойда, ҳомила учун хавфдан юқори бўган ҳоллардагина қўллаш мумкин.
Препаратни лактация даврида буюриш зарурути туғилса, эмизишни тўхтатиш лозим.
Автотранспортни ҳайдаш ва механизмларни бошқариш қобилиятига таъсири
Даволаш вақтида автотранспортни бошқариш ва диққатни юқори жамлашни ва тез психомотор реакцияни талаб қилувчи потенциал хавфли фаолият турлари билан шуғулланишдан сақланиш зарур.
Препарат болалар ололмайдиган жойда сақлансин ва яроқлилик муддати ўтганидан сўнг ишлатилмасин.
Дозани ошириб юборилиши
Симптомлари (сурункали буйрак етишмовчилиги бўлган беморларда кўпроқ пайдо бўлади): тиришишлар, энцефалопатия, нерв-мушак қўзғалиши.
Даволаш: гемодиализ ва симптоматик даволаш ўтказилади.
Чиқарилиш шакли
Инъекция учун эритма тайёрлаш учун кукун шиша флаконда. Бир флакон эритувчи – инъекция учун сув 10 мл дан пластик контейнерда ва қўллаш бўйича йўриқномаси билан бирга картон қутига жойланган.
Сақлаш шароити
Қуруқ, ёруғликдан ҳимояланган жойда, 25оС дан юқори бўлган ҳароратда сақлансин.
Яроқлилик муддати
2 йил.
Дорихоналардан бериш тартиби
Рецепт бўйича.
