Рентило-150

ҚЎЛЛАШ БЎЙИЧА ЙЎРИҚНОМА

РЕНТИЛО-150

RENTILO-150

Препаратнинг савдо номи: Рентило-150

Таъсир этувчи модда (ХПН): ранитидин

Дори шакли: таблеткалар

Таркиби:

Ҳар бир таблетка қуйидагиларни сақлайди:

фаол модда: 150 мг ранитидин (гидрохлорид кўринишида).

ёрдамчи моддалар: крахмал, гидроксипропилметилцеллюлоза, магний стеарати, тальк, кальций дигидрофосфати, поливинилпирролидон, полиэтиленгликоль, титан диоксиди, этилцеллюлоза, изопропил спирти.

Таърифи: думалоқ, иккиёқлама қавариқ, оқдан сарғиш-оқ ранглигача бўлган, қобиқ билан қопланган таблеткалар.

Фармакотерапевтик гуруҳи: меъда ва ўникки бармоқ ичак ярасига қарши воситалар, Н₂-гистамин рецепторларининг блокатори.

АТХ коди: А02ВА02

Фармакологик хусусиятлари

Препарат меъда шиллиқ қавати париетал ҳужайраларининг Н₂-гистамин рецепторларининг антагонисти ҳисобланади. Хлорид кислотасининг базал ва барорецепторларини, овқат, гормонлар ва биоген стимуляторлар (гастрин, гистамин, пентагастрин) таъсирида таъсирланиши чақирган рағбатлантирилган секрециясини камайтиради. Препарат меъда ширасининг ҳажмини ва ундаги хлорид кислотасининг миқдорини камайтиради, меъда ичидагисининг рН ни оширади, бу пепсиннинг фаоллигини пасайишига олиб келади. Оғиз орқали терапевтик дозаларда қабул қилинганидан кейин пролактинни даражасига таъсир қилмайди. Микросомал ферментларни ингибиция қилади. Бир марта қабул қилинганидан кейин таъсири

12 соатгача давом этади.

Фармакокинетикаси

Меъда-ичак йўлларидан тез сўрилади. Овқат қабул қилиш сўрилиш даражасига таъсир қилмайди. Ичга қабул қилинганида ранитидиннинг биокираолишлиги таҳминан 50% ни ташкил қилади. Препарат бир марта қабул қилинганидан сўнг 2-3 соатдан кейин плазмада максимал концентрациясига (С_max) эришилади. Қон оқсиллари билан боғланиши 15% дан ошмайди. Жигарда бироз метаболизмга учраш натижасида ва десметилранитидин ва S-оксиранитидин ҳосил бўлади. Жигардан «биринчи ўтиш» самарасига эга. Элиминация даражаси ва тезлиги жигарнинг ҳолатига кам даражада боғлиқ. Ичга қабул қилинганидан сўнг ярим чиқарилиш даври (Т_½) – 2,5 соат, креатинин клиренси (КК) минутига 20-30 мл бўлганида – 8-9 соатни ташкил қилади. Асосан сийдик билан ўзгармаган ҳолда, озгина қисми – ахлат билан чиқарилади. Йўлдош орқали ўтади. Гемотоэнцефалик тўсиқ орқали ёмон ўтади. Кўкрак сути билан чиқарилади (аёлларда эмизиш даврида кўкрак сутидаги концентрацияси плазмадагига нисбатан юқори).

Қўлланилиши

Ностероид яллиғланишга қарши воситаларни (НЯҚВ) қабул қилиш билан боғлиқ бўлган, меъда ва ўникки бармоқ ичак яра касаллигининг зўрайиши, рефлюкс-эзофагит, Золлингер-Эллисон синдроми, меъда-ичак йўлларининг операциядан кейинги «стресс» яраларини даволаш, шунингдек меъда-ичак йўлларининг юқори бўлимларидан қон кетишларини қайталланишини ва умумий анестезия остидаги операцияларда меъда ширасининг аспирациясини (Мендельсон синдроми) олдини олишда қўлланади.

Қўллаш усули ва дозалари

Овқат қабул қилишдан қатъий назар, чайнамасдан, озгина миқдордаги суюқлик билан қабул қилинади. Катталар ва 12 ёшдан ошган болаларга:

Меъда ва ўникки бармоқ ичак яра касаллиги. Зўрайишларни даволаш учун 150 мг дан суткада 2 марта (эрталаб ва кечқурун) ёки кечга 300 мг дан буюрилади. Зарурати бўлганида – 300 мг дан суткада 2 марта буюрилади. Даволаш курсининг давомийлиги – 4-8 ҳафтани ташкил қилади. Зўрайишларини олдини олиш учун кечасига 150 мг буюрилади. НЯҚВ қабул қилиш билан боғлиқ бўлган меъда ва ўникки бармоқ ичак ярасида ва уларни олдини олиш учун 150 мг дан суткада 2 марта ёки 300 мг кечасига 8-12 ҳафта давомида буюрилади. Операциядан кейинги «стрессли» яраларда 150 мг дан суткада 2 марта 4 – 8 ҳафта давомида, рефлюкс – эзофагитда, эрозив эзофагитда 150 мг дан суткада 2 марта ёки 300 мг дан кечасига буюрилади. Зарурати бўлган ҳолда дозани 150 мг гача суткада 4 мартага ошириш мумкин.

Даволаш курси 8-12 ҳафта. Золлингер-Эллисон синдромида бошланғич доза 150 мг дан суткада 3 мартани ташкил қилади, зарурати бўлганида дозани ошириш мумкин.

Қайталанувчи қон кетишларни олдини олиш учун 150 мг дан суткада 2 марта буюрилади, Мендельсон синдромини ривожланишни олдини олиш учун 150 мг дан наркоз беришдан 2 соат олдин, шунингдек операциядан олдинги куни кечқурун буюрилади.

Жигар фаолиятини ёндош бузилишлари бўлганида дозани пасайтириш талаб қилиниши мумкин. Буйрак етишмовчилиги бўлган беморларда КК минутига 50 мл дан кам бўлганида тавсия қилинадиган доза суткада 150 мг ни ташкил қилади. Гемодиализда бўлган беморларга навбатдаги доза гемодиализ тугаган заҳоти буюрилади.

Ножўя таъсирлари

Овқат ҳазм-қилиш тизими томонидан: кўнгил айниши, оғизни қуриши, қабзият, қусиш, диарея, абдоминал оғриқлар, кам ҳолларда – гепатоцеллюлар, холестатик ёки аралаш гепатит, ўткир панкреатит.

Қон яратиш тизими томонидан: лейкопения, тромбоцитопения, агранулоцитоз, панцитопения, суяк кўмигининг гипо- ва аплазияси, иммун гемолитик анемия.

Юрак-қон томир тизими томонидан: артериал босимни пасайиши, брадикардия, аритмия, атриовентрикуляр блокада.

Нерв тизими томонидан: юқори чарчоқлик, уйқучанлик, бош оғриғи, бош айланиши, кам ҳолларда – онгни чалкашиши, қулоқларда шовқин, асабийлик, галлюцинациялар (асосан кекса пациентлар ва оғир беморларда), иҳтиёрсиз ҳаракатлар.

Сезги аъзолари томонидан: кўришни ноаниқлиги, аккомодацияни нимфалажи (порез).

Таянч-ҳаракат аппарати томонидан: артральгия, миалгия,

Эндокрин тизими томонидан: гиперпролактинемия, гинекомастия, аменорея, либидони пасайиши, импотенция.

Аллергик реакциялар: эшакеми, тери тошмаси, антигионевротик шиш, анафилактик шок, бронхоспазм, кўпшаклли эритема.

Бошқалар: алопеция, гиперкреатининемия.

Қўллаш мумкин бўлмаган ҳолатлар

Ранитидин ёки препаратнинг бошқа компонентларига юқори сезувчанлик, ҳомиладорлик, лактация, 12 ёшгача бўлган болаларда қўллаш мумкин эмас.

Буйрак ва/ёки жигар етишмовчилигида, анамнездаги портотизим патологияси билан бўлган энцефалопатияли жигар циррози, ўткир порфирияларда (шу жумладан анамнездаги) эҳтиёткорлик билан қўлланади.

Дориларнинг ўзаро таъсири

Чекиш ранитидиннинг самарасини пасайтиради. Препарат метопрололнинг қон зардобидаги “концентрация-вақт” эгри чизиғи ости майдони (АUС) ва концентрациясини оширади (мувофиқ равишда 80% ва 50%), бунда метопрополнинг Т_1/2 4,4 соатдан 6,5 соатгача ошади. Меъда ичидагисининг рН ошиши оқибатида бир вақтда қабул қилинган итраконазол ва кетоконазолни сўрилиши камайиши мумкин. Жигарда феназон, аминофеназон, диазепам, гексобарбитал, пропранолол, лидокаин, фенитоин, теофиллин, аминофиллин, билвосита антикоагулянтлар, глипизид, буформин, метронидазол, кальций антагонистларининг метаболизмини сусайтиради. Суяк кўмигини сусайтирувчи дори воситалари нейтропения хавфини оширади. Антацидлар, сукралфальтни юқори дозаларда бир вақтда қўллаш ранитидиннинг сўрилишини секинлаштириши мумкин.

Махсус кўрсатмалар

Ранитидин билан даволаш, меъда карциномаси билан боғлиқ бўлган симптомларни ниқоблаши мумкин, шунинг учун даволашдан олдин яра ракини бор-йўқлигини текшириш керак. Ранитидинни барча Н₂-гистамин блокаторлари каби кескин бекор қилиш мақсадга муофиқ эмас («рикошет» синдроми юз бериши мумкин). Кучсизланган беморларни узоқ муддатли даволашда стресс шароитларда меъданинг бактериал зарарланиши, кейинчалик инфекцияни тарқалиши билан кечиши мумкин. Ранитидиннинг хавфсизлиги ва самарадорлиги 12 ёшдан кичик болаларда аниқланмаган. Ранитидинни ўткир порфирия ҳуружларини чақириши мумкинлиги тўғрисида маълумотлар бор. Препаратни итраканозол ёки кетоконазол, антацидлар, сукральфатни қабул қилгандан сўнг 2 соатдан кейин қабул қилиш керак. Глутаматтранспептидезанинг фаоллигини ошириши мумкин. Сийдикда оқсил синамасини ўтказишда сохтамусбат реакция бўлишига сабаб бўлиши мумкин. Препарат пентагистрин ва гистаминнинг меъдани кислота ҳосил килиш фаолиятига тўсқинлик қилиши мумкин, шунинг учун тестдан олдинги 24 соат давомида препаратни қўллаш тавсия қилинмайди. Ранитидин гистаминга бўлган тери реакцияларини бостириши ва демак, сохтамусбат натижаларга олиб келиши мумкин (терининг дарҳол тур аллергик реакцияларини аниқлаш учун тери ташхисий синамалари олдидан препарат қўллашни тўхтатиш тавсия қилинади). Препаратни қабул қилиш вақтида меъданинг шиллиқ қаватининг таъсирланишини чақириши мумкин бўлган овқат маҳсулотлари, ичимликлар ва бошқа дори воситаларни истеъмол қилишдан сақланиш керак. Даволаш даврида юқори диққат ва тезкор психомотор реакцияларни талаб қилувчи потенциал хавфли фаолият турлари билан шуғулланишдан сақланиш лозим.

Препарат болалар ололмайдиган жойда сақлансин ва яроқлилик муддати ўтгач қўлланилмасин.

Дозани ошириб юборилиши

Симптомлари: бир вақтда ичга 18 г гача ранитидин қабул қилинганида таърифланган ножўя таъсирларини кучайиши аниқланган.

Даволаш: симптоматик, меъдани ювиш кўрсатилган. Тиришишлар ривожланганида вена ичига (в/и) диазепам юборилади. Брадикардия ёки қоринчалар аритмияси ривожланганида атропин ва лидокаинни қўллаш кўрсатилган.

Чиқарилиш шакли

Қобиқ билан қопланган таблеткалар. 10 таблеткадан блистерларда. 10 блистердан қўллаш бўйича йўриқномаси билан бирга картон қутида.

Сақлаш шароити

Намликдан ва ёруғликдан ҳимояланган жойда, 15 дан 25°С гача бўлган ҳароратда сақлансин.

Яроқлилик муддати

2 йил.

Дорихоналардан бериш тартиби

Рецепт бўйича берилади.