Skip to main content

Поликарсол

Улашиш:
  Reading time 4 minutes

ҚЎЛЛАШ БЎЙИЧА ЙЎРИҚНОМА

ПОЛИКАРСОЛ

POLIKARSOL

 

Препаратнинг савдо номи: Поликарсол

Таъсир этувчи моддалар (ХПН): натрий хлорид, калий хлорид, кальций хлорид, магний хлорид, қаҳрабо кислотаси, натрия гидрокарбонати.

Дори шакли: инфузия учун эритма.

Таркиби:

100 мл эритма қуйидагиларни сақлайди:

фаол моддалар: натрий хлорид – 0,62 г, кальций хлорид – 0,0082 г, калий хлорид – 0,03 г, магний хлорид – 0,01 г, қаҳрабо кислотаси – 0,2 г, натрий гидрокарбонати – 0,3 г;

ёрдамчи модда: инъекция учун сув 100 мл гача.

Таърифи: тиниқ, рангсиз суюқлик.

Фармакотерапевтик гуруҳи: Тузли эритмалар.

АТХ коди: В05ХА

 

6-yillik-qizil-jenshen

Фармакологик хусусиятлари

Фармокодинамикаси

Мажмуавий препарат бўлиб, унинг таъсири таркибидаги компонентларнинг хусусиятлари билан боғлиқ. Бу компонентлардан энг муҳими қаҳрабо кислотасидир.

Қаҳрабо кислотаси Кребс циклининг ягона метаболити бўлиб, тўқималарда кислороднинг парциал босими пасайганда, НАД – га боғлиқ субстратларнинг оксидланиши тўхтаганида ҳам оксидланиш ҳусусиятига эга. Қаҳрабо кислотасининг фосфорланиш тезлиги НАД – га боғлиқ субстратларга нисбатан ахамиятли даражада юқори эканлигини эътиборга олиб, вақт бирлигида қаҳрабо кислотасининг ҳисобига АТФ кўпроқ синтезланади.

Препарат сув – туз алмашинувида бошқарувчи таъсир кўрсатади ва энергия алмашинувини фаоллаштиради, кислота – ишқор ҳолатини фақат қонда тўлик оксидланмаган махсулотларни пассив нейтраллаш, ҳужайралардаги метаболик жараёнларни меъёрлаштириш ҳисобига хам меъёрлаштиради. Турли қон йўқотишларда, шокларда, жисмоний зўриқишларда микроциркуляцияни яхшилайди. гемодинамик кўрсаткичларни ва юрак мушаклари фаолиятини тиклайди. Сийдик ҳайдовчи таъсир кўрсатади. Препаратнинг таъсири юборилгандан кейин 20-30 минутдан сўнг намоён бўлади.

Қўлланилиши

Шошилинч ҳолатлар: қон кетишлари (операция вақтидаги гипотоник, операциядан кейинги, меъда-ичак, травматик) ва шоклар (травматик, термик, геморрагик, анафилактик, гиповолемик, септик), қон йўқотишларда (1000 мл гача) айланаётган қон ҳажмини тўлдириш, микроциркуляцияни яхшилаш, метаболик ацидозни коррекция қилиш ва ҳужайраларда метаболизмни тиклаш учун, шунингдек ўртача ва оғир даражали темир танқислиги анемиясида (мажмуавий даволаш таркибида) қўлланади.

Қўллаш усули ва дозалари

Шошилинч ҳолатларда: қон кетишларда (операция вақтидаги гипотоник, меъда-ичак, операциядан кейинги, травматик), қон йўқотишларида (1000 мл гача) ва шокларда (травматик, термик, геморрагик, анафилактик, гиповолемик, септик): 200-400 мл дан суткада бир марта буюрилади.

Таянч-ҳаракат аппаратини шикастланиши ва касалликлари юзасидан операциялардан олдин ва кейин: 400 мл дан суткада бир мартда буюрилади.

Операциядан кейинги даврда ацидозни бартараф қилиш учун:200- 400 мл дан суткада бир марта буюрилади.

Темир танқислиги анемиясида: асосий даволар фонида 200 мл дан суткада бир марта юборилади.

Препарат 1 ёшдан катта бўлган болаларда гипоксия ва захарланишга қарши восита сифатида келиб чиқиши турлича бўлган эндоген ва эксоген ўткир захарланишларда қўлланилиши тафсия этилади.

Ножўя таъсирлари

Доза сезиларли ошириб юборилганида, камдан-кам ҳолларда алкалоз кўринишлари пайдо бўлиши мумкин.

Қўллаш мумкин бўлмаган ҳолатлар

Препаратни алкалозда (айниқса декомпенсацияланган), организмга катта миқдордаги суюқликни юбориш мумкин бўлмаган барча ҳолларда (бош мия ички босими билан кечувчи бош мия ёпиқ жароҳатида, юрак фаолиятини декомпенсацияси, ўпка шишида ва шунга ўхшашларда) ҳомиладорлик ва лактация даврида, шунингдек препаратга юқори сезувчанликда қўлланмайди.

Дориларнинг ўзаро таъсири

Препаратни антибиотиклар, сувда эрувчи витаминлар ва глюкоза эритмаси билан бирга қўллаш мумкин. Сукцинасолни бошқа ишқорлантирувчи ва тузли эритмалар билан бирга қўллаш тақиқланади.

Махсус кўрсатмалар

Препаратни қўллаш фонида (организмда аэроб жараёнларнинг фаоллашуви туфайли) қон ва сийдикда ишқорий реакцияни пайдо бўлиши мумкин.

Флакон очилганидан кейин препаратни дархол ишлатиш керак. Очилган флакон сақланмасин. Аввал ишлатилган флакондаги препарат қайта кўлланилмасин.

Фақат шикастланмаган флакондаги тиниқ эритма ишлатилсин!

Сақлаш шароитига риоя қилмаслик ва нотоғри транспортировка қилиш натижасида флаконларда микроёриқлар пайдо бўлиши мумкин унинг натижасида эритманинг микроблар билан ифлосланиш хавфи ошади.

Фақат бир маротабалик қўллаш учун!

Музлатилмасин! Иситилмасин!

Дозани ошириб юборилиши

Препаратнинг дозасини ошириб юборилиши тўғрисида маълумотлар тақдим қилинмаган.

Чиқарилиш шакли

100 мл, 200 мл ва 250 мл дан флаконларда инфузион эритма.

Сақлаш шароити

Қуруқ, ёруғликдан ҳимояланган жойда, 25°С юқори бўлмаган ҳароратда сақлансин. Болалардан асранг!

Яроқлилик муддати

3 йил. Яроқлилик муддати ўтганидан сўнг қўлланилмасин.

Дорихоналардан бериш тартиби

Шифокор рецепти бўйича берилади.

Улашиш:
6 yillik Koreya qizil jenshen 365