ҚЎЛЛАШ БЎЙИЧА ЙЎРИҚНОМА
ПЕГИНТРОН®
PEGINTRON®
Препаратнинг савдо номи: ПЕГИНТРОН®
Таъсир этувчи модда (ХПН): альфа-2b пегинтерферон.
Дори шакли: инъекция учун эритма тайёрлаш учун лиофилизацияланган кукун флаконда ва эритувчи.
Таркиби:
ПегИнтрон препаратининг 1 флакони қуйидагиларни сақлайди:
фаол модда: флакон ичидагиси (илова қилинадиган эритувчи билан) эритилганда альфа-2b пегинтерферон концентрацияси мос равишда 50 мкг/0,5 мл, 80 мкг/0,5 мл, 100 мкг/0,5 мл, 120 мкг/0,5 мл ёки 150 мкг/0,5 мл бўлган 0,7 мл инъекция учун эритмани тайёрлашга етарли бўлган миқдордаги кукун шаклидаги альфа-2b пегинтерферон.
ёрдамчи моддалар: икки асосли сувсиз натрий фосфати, бир асосли натрий фосфат дигидрати, сахароза, полисорбат 80;
эритувчи – инъекция учун сув – 0,7 мл.
Таърифи: оқ ёки деярли оқ рангли, ёт киритмаларга эга бўлмаган лиофилизацияланган кукун; тайёрланган эритма – кўзга кўринадиган заррачаларсиз тиниқ, рангсиз эритма;
Фармакотерапевтик гуруҳи: интерферонлар.
АТХ коди: L03A B10.
Фармакологик хусусиятлари
Фармакодинамикаси
Рекомбинантланган интерферон альфа-2b 1 моль полимер/моль протеинни ўртача даражада ўрин алмашинадиган монометоксиполиэтиленгликол билан ковалент боғланган. Ўртача молекуляр массаси тахминан 31 300 дальтонни ташкил қилади, шундан протеиннинг улуши тахминан 19 300 га тенг.
Альфа-2b интерферон.
In vitro ва in vivo тадқиқотлар ПегИнтрон препаратининг биологик фаоллиги альфа-2b интерферон қисми билан белгиланади. Интерферонларнинг ҳужайралардаги самаралари ҳужайралар юзасидаги специфик мембрана рецепторлари билан боғланиши билан боғлиқдир. Бошқа интерферонлар билан ўтказилган тадқиқотлар турларга хос хусусиятларни намойиш қилди. Бироқ маймунларнинг айрим турлари (масалан, макака-резус) 1-чи турдаги одам интерферони таъсир қилганида фармакодинамик рағбатлантиришга нисбатан сезувчандир.
Ҳужайра мембранаси билан боғланиб, интерферон ҳужайра ичидаги кетма-кет реакциялар комплексини, шу жумладан айрим энзимлар индукциясини қўзғатади. Бу жараён (ҳеч бўлмаганда, қисман) интерферонларнинг ҳужайрадаги турли самараларига, жумладан инфекцияланган ҳужайралардаги вирус репликациясини сусайтириш, ҳужайралар пролиферациясини бостириш ва ўзак ҳужайралар учун макрофагларнинг фагоцитар фаоллиги ва лимфоцитларнинг специфик токсиклигини кучайтириш каби иммуномодуляторлик хусусиятларга олиб келади, деб тахмин қилинади. Интерфероннинг терапевтик фаоллиги шу ва шунга ўхшаш бошқа самаралар ёрдамида намоён бўлади.
Рекомбинант альфа-2b интерферон, шунингдек in vitro ва in vivo шароитларда вирус репликациясини ҳам ингибиция қилади. Гарчи рекомбинант альфа-2b интерфероннинг вирусларга қарши таъсирининг аниқ механизми маълум бўлмасада, препарат хўжайин ҳужайраларидаги метаболизмни ўзгартиради, деб тахмин қилинади. Ушбу самара вирус репликациясини ингибиция қилади ёки агар репликация юз берган бўлса, вирионларнинг авлодлари ҳужайрадан чиқа олмай қолади.
ПегИнтрон
ПегИнтрон препаратининг фармакодинамикаси соғлом кўнгиллилар иштирокидаги ўсиб борувчи бир марталик дозаларни ўрганиш бўйича ўтказилган тадқиқотларда оғиз бўшлиғидаги ҳароратни ўзгариши, қон зардобидаги неоптерин ва 2’5’- олигоаденилат синтетаза (2’5’-ОАС) каби эффекторли оқсилларнинг концентрациясини, шунингдек лейкоцитлар ва нейтрофиллар сонини аниқлаш йўли билан баҳоланган. ПегИнрон препаратини қабул қилган пациентларда тана ҳароратини дозага боғлиқ равишда ошиши аниқланган. ПегИнтрон препаратини ҳафтада 0,25 мкг/мл дан 2,0 мкг/кг гача дозада қўлланилганидан кейин, қон зардобидаги неоптерин концентрацияси дозага боғлиқ равишда ошган. 4-чи ҳафтага келиб, нейтрофиллар ва лейкоцитлар сонини камайиши ПегИнтрон препаратининг дозаси билан мувофиқ келган.
Фармакокинетикаси
ПегИнтрон асосан монопегилирланган турлардан ташкил топган, альфа-2b интерфероннинг яхши ўрганилган полиэтиленгликоль-модификацияланган (пегилирланган) ҳосиласи ҳисобланади. ПегИнтрон препаратининг қон плазмасидан ярим чиқарилиш даври пегирилирланмаган альфа-2b интерферонга нисбатан узоқроқдир. ПегИнтрон эркин альфа-2b интерферонгача депегилирланиш потенциалига эга. Пегилирланган изомерларнинг биологик фаоллиги сифат жиҳатдан ўхшаш, аммо альфа-2b интерферонга нисбатан кучсизроқдир.
Тери остига юборилгандан кейин қон зардобидаги максимал концентрацияга 15-44 соатдан кейин эришилади ва доза юборилганидан кейин 48-72 соат давомида сақланиб қолади.
Cmax ва AUC кўрсаткичлари дозага боғлиқ равишда ошади. Ўртача тахминий тақсимланиш ҳажми 0,99 л/кг ни ташкил этади.
Кўп марта қўлланилганда иммунологик реактив бўлган интерферонларнинг тўпланиши кузатилади. Бироқ бунинг оқибатида, биотаҳлилга биноан, фақат биологик фаолликнинг бироз ошиши кузатилади.
ПегИнтрон препаратининг ўртача ярим чиқарилиш даври аниқланувчи 22,0 мл/соат/кг клиренс билан тахминан 40 соатни (13,3 соат) ташкил қилади. Одамдаги интерферонларнинг клиренс механизмлари тўлиқ ўрганилмаган. Бироқ буйрак орқали чиқарилиши ПегИнтрон препаратининг аниқланувчи клиренсининг озгина қисмини (тахминан 30% ни) ташкил қилиши мумкин.
Буйраклар функцияси
Буйрак клиренси ПегИнтрон препаратининг умумий клиренсини 30% ни ташкил қилади. Буйрак функциясини бузилиши бўлган пациентларда бир марталик дозани (1,0 мкг/кг) ўрганиш юзасидан ўтказилган тадқиқотда Cmax, AUC ва ярим чиқарилиш даври кўрсаткичлари буйрак функциясининг бузилиш даражасига боғлиқ ҳолда ошган.
ПегИнтрон препарати кўп марта (4 ҳафта давомида, тери остига 1,0 мкг/кг дозада ҳафтасига 1 марта) қўлланилганидан кейин ПегИнтрон препарати клиренси буйрак функцияси нормал бўлгандаги кўрсаткичларига нисбатан, буйрак функциясини ўртача оғирлик даражасида (креатинин клиренси минутига 30–49 мл) бўлган пациентларда ўртача 17% га, буйрак функциясини оғир даражада бузилиши (креатинин клиренси минутига 15–
29 мл) бўлган пациентларда 44% га пасайган. Бир марталик дозани қўлланилиши тўғрисидаги маълумотлардан келиб чиқиб, диализ ўтказилмаётган ва гемодиализ ўтказилаётган буйрак функциясини оғир даражада бузилиши бўлган пациентларда клиренс ўхшаш бўлган. Монотерапияда буйрак функциясини ўртача ва оғир даражадаги бузилишлари бўлган пациентларда ПегИнтрон препаратининг дозасини камайтириш керак. Креатинин клиренси минутига <50 мл бўлган пациентларда ПегИнтрон препаратини рибавирин билан мажмуада қўллаш мумкин эмас. Пациентларда кузатилган фармакокинетикадаги яққол ифодаланган фарқлар туфайли, ПегИнтрон препарати билан даволаш вақтида буйрак функциясини оғир даражадаги бузилишлари бўлган пациентлар ҳолатини синчков назорат қилиш лозим.
Жигар функцияси
ПегИнтрон препаратининг фармакокинетикаси жигар функциясини оғир бузилишлари бўлган пациентларда ўрганилмаган.
65 ёш ва ундан катта пациентлар
1,0 мкг/кг дозада тери остига юборилганидан кейин, ёш ПегИнтрон препаратининг фармакокинетикасига таъсир кўрсатмаган. Ушбу маълумоларга кўра, ПегИнтрон препаратининг дозасини ёшга қараб тўғрилашнинг зарурати йўқ.
Болалар
Сурункали С гепатити бўлган болалар ва ўсмирларда ўтказилган клиник тадқиқотлар давомида ПегИнтрон препарати ва рибавирин (перорал қўллаш учун капсулалар ва эритма) нинг фармакокинетикаси баҳоланган. ПегИнтрон препаратини ҳафтасига 60 мкг/м2 дозада (тана юзасининг майдонига боғлиқ бўлган ҳолдаги доза) қабул қилган болалар ва ўсмирларда дозаларни қўллаш орасидаги даврда log-шакл алмаштирилган экспозицияни баҳолаш коэффициенти, препаратини ҳафтасига 1,5 мкг/кг дозада қабул қилган катталарда кузатилганига қараганда 58% га (90% ДИ: 141-177%) юқорироқ бўлган.
Интерферонни нейтралловчи омиллар
Интерферонни нейтралловчи омилларни мавжудлигини аниқлаш бўйича синамалар клиник тадқиқотлар вақтида ПегИнтрон қабул қилган пациентларнинг қон зардоблари намуналарида ўтказилган. Интерферонни нейтралловчи омиллар – бу интерфероннинг вирусларга қарши фаоллигини нейтралловчи антителалардир. Клиникада 0,5 мкг/кг дозада ПегИнтрон қабул қилган пациентларда нейтралловчи омилларнинг мавжудлик частотаси 1,1% ни ташкил қилади.
Уруғ суюқлигига кириш хусусияти
Рибавириннинг уруғ суюқлигига кира олиш хусусияти ўрганилган. Уруғ суюқлигидаги рибавириннинг концентрацияси қон зардобига нисбатан тахминан 2 марта юқорироқ. Аёлларда даволанаётган эркак билан жинсий алоқа қилгандан кейин рибавириннинг тизимли экспозицияси, рибавириннинг қон плазмасидаги терапевтик концентрациясига нисбатан ҳаддан ташқари пастлигича қолади.
Қўлланилиши
Катталар
ПегИнтрон С гепатити РНК вируси (РНК-ВГС) га тест синама мусбат бўлган сурункали С гепатити бўлган пациентларга, шу жумладан компенсацияланган жигар циррози ва/ёки клиник жиҳатдан барқарор йўлдош ОИТВ-инфекцияси бўлган пациентларни даволаш учун қўлланади.
Бунда ПегИнтрон препаратини рибавирин билан мажмуада қўллаш оптимал ҳисобланади. Ушбу мажмуа аввал даволанмаган пациентларга, шу жумладан клиник жиҳатдан барқарор бўлган йўлдош ОИТС инфекцияли пациентларга, шунингдек альфа интерферон (пегилирланган ёки пегилирланмаган) билан рибавирин мажмуасини қўллаган ҳолдаги аввалги даволаш ёки альфа интерферон билан монотерапия самарали бўлмаган пациентларга тавсия қилинади.
Интерферон, шу жумладан ПегИнтрон билан монотерапия, асосан рибавиринни ўзлаштираолмаслик ҳолларида ёки уни қўллаш мумкин бўлмаган ҳолларда қўлланади.
3 ёш ва ундан катта ёшдаги болалар
ПегИнтронни рибавирин билан мажмуада, 3 ёш ва ундан катта ёшдаги болаларни, шунингдек жигарни декомпенсацияланиши белгиларисиз сурункали С гепатити ва С гепатити РНК вирусига мусбат тест синамаси бўлган илгари даволанмаган ўсмирларни даволаш учун қўлланади.
Балоғат ёшига етмаган пациентларда даволаш тўғрисидаги масалани ҳал этишда, мажмуавий даволаш бола ўсишини секинлаштиришини, ўсишни кечикиш жараёнининг қайтувчанлиги эса, номаълум эканлигини ҳисобга олиш лозим. Препаратни қўллаш тўғрисидаги қарор ҳар бир ҳолатда шахсий равишда қабул қилиниши керак (“Махсус кўрсатмалар” бўлимига қаранг).
ПегИнтрон препаратини рибавирин билан мажмуада қўллаганда, рибавиринни (капсула ёки перорал қўллаш учун эритма) қўллаш бўйича йўриқномаси билан танишиб чиқиш лозим.
Қўллаш усули ва дозалари
Даволашни фақат С гепатити бўлган пациентларни даволаш тажрибасига эга бўлган шифокор буюриши ва назорат қилиши лозим.
Дозалаш
ПегИнтрон препаратини ҳафтасига 1 марта тери ости инъекция кўринишида қўллаш лозим. Катталар учун дозалаш препаратнинг қўлланилишига: рибавирин билан мажмуада ёки монотерапия сифатида қўлланилишига қараб танлаб олинади.
ПегИнтрон препарати ва рибавирин билан мажмуавий даволаш
Катта ёшдаги пациентлар
ПегИнтрон 1,5 мкг/кг дозада ҳафтасига 1 марта рибавирин (капсула) билан мажмуада буюрилади.
Рибавирин билан мажмуада қўлланилганда ПегИнтрон препаратининг 1,5 мкг/кг дозасини препаратнинг турли дозалари ва чиқариш шаклларидан (шприц-ручка/флаконлар) фойдаланилган ҳолда, тана вазнига боғлиқ равишда юборилади. 1-жадвалга қаранг. Рибавирин (капсулалари) перорал овқатланиш вақтида суткасига 2 марта (эрталаб ва кечқурун) қўлланади.
1-жадвал. Мажмуавий даволашдаги дозалар
| Тана вазни (кг) | ПегИнтрон | Рибавирин, капсулалар | ||
| Флакон/шприц-ручка дозалари (мкг/0,5 мл) | Ҳафтасига 1 марта қўллаш (мл) | Умумий суткалик доза (мг) | Капсулалар сони (200 мг дан) | |
| < 40 | 50 | 0,5 | 800 | 4a |
| 40–50 | 80 | 0,4 | 800 | 4a |
| 51–64 | 80 | 0,5 | 800 | 4a |
| 65–75 | 100 | 0,5 | 1 000 | 5b |
| 76–80 | 120 | 0,5 | 1 000 | 5b |
| 81–85 | 120 | 0,5 | 1 200 | 6c |
| 86–105 | 150 | 0,5 | 1 200 | 6c |
| > 105 | 150 | 0,5 | 1 400 | 7d |
a – 2 капсула эрталаб, 2 капсула кечқурун; b – 2 капсула эрталаб, 3 капсула кечқурун; c – 3 капсула эрталаб,
3 капсула кечқурун; d – 3 капсула эрталаб, 4 капсула кечқурун.
Даволаш давомийлиги – илгари даволанмаган пациентлар
Барқарор вирусологик жавобга эришишни прогноз қилиш. РНК-ВГС аниқланмаган ёки тегишли вирусологик жавоб кузатилмаётган ҳолларда, 4 ёки 12-ҳафтада натижага эришишни иложи бўлмаган 1-генотип вируси билан инфекцияланган пациентларда барқарор вирусологик жавобга эришиш эҳтимоли жуда кам. Даволашни тўхтатиш тўғрисидаги масалани кўриб чиқиш лозим.
- 1-генотип:
- Даволашнинг 12-ҳафтасида РНК-ВГС даражаси аниқланиш чегарасидан ташқарида бўлган пациентларда даволашни 9 ойгача (48 ҳафта давомида) давом эттириш лозим.
- Даволашнинг 12-ҳафтасида РНК-ВГС даражаси аниқланиш чегарасида бўлган, бироқ дастлабки кўрсаткичга нисбатан ≥ 2 log га пасайган пациентларда 24-ҳафтасида текширишни қайтадан ўтказиш ва агар РНК-ВГС даражаси аниқланиш чегарасидан паст бўлса, даволашни тўлиқ курси якунлангунича (48 ҳафта) давом эттириш керак. Бироқ, агар РНК-ВГС даражаси ҳали ҳам аниқлаш доирасида бўлса, терапияни тўхтатиш тўғрисидаги масалани кўриб чиқиш лозим.
- Даволашнинг 4-ҳафтасида пациентларнинг РНК-ВГС тест синамаси натижаси манфий бўлган ва 24-ҳафтасида ҳам манфий бўлиб қоладиган 1-генотипга ва паст вирусли юкламага (<600000 МЕ/мл) эга бўлган кичик-гуруҳида 24 ҳафталик курсдан кейин даволашни тўхтатиш ёки яна 24 ҳафтага давом эттириш мумкин (даволашнинг умумий давомийлиги – 48 ҳафта). Бироқ 24 ҳафталик давомийликдаги даволаш курсидан кейин касалликни қайталаниш хавфи, 48 ҳафталик даволанишдан кейингига қараганда юқорироқ бўлади.
- 2 ёки 3-генотип:
Барча пациентлар учун тавсия қилинган даволаш давомийлиги 24 ҳафтани ташкил қилади, С гепатити вируси ва йўлдош ОИТВ-инфекцияси бўлган пациентлар бундан мустасно, улар учун даволаш курси 48 ҳафтани ташкил қилиши керак.
- 4-генотип:
Умуман олганда, 4-генотип вируси билан инфекцияланган пациентларни даволаш қийинроқ деб ҳисобланади, чекланган клиник маълумотлар эса (n=66) ушбу пациентлар ва 1-генотипга эга бўлган пациентларни даволаш давомийлиги ўртасидаги ўхшашликни аниқлади.
Даволаш давомийлиги – С гепатити вируси ва ОИТВ коинфекцияси
С гепатити вируси ва ОИТВ билан коинфекцияси бўлган пациентларни тавсия қилинган даволаш давомийлиги генотипдан қатъий назар, 48 ҳафтани ташкил қилади.
С гепатити вируси ва ОИТВ билан коинфекция ҳолларида жавобга эришиш ёки унинг йўқлиги юзасида прогноз. Даволашнинг 12-ҳафтасидаги эрта вирусологик жавоб (вирусли юкламани 2 log га ёки РНК-ВГС ни аниқланиш чегарасидан пастроққа камайиши) барқарор жавобга эришиш учун прогноз бўлиб ҳисобланади. ПегИнтрон ва рибавирин препаратлари мажмуаси билан даволанган С гепатити вируси ва ОИТВ коинфекцияси бўлган пациентлардаги барқарор жавобга эришиш юзасидан салбий прогноз гуруҳида кўрсаткич 99% (1-тадқиқотда 67/68) ни ташкил қилган. Ижобий прогноз кўрсаткичи мажмуавий даво олган С гепатити вируси ва ОИТВ коинфекцияси бўлган пациентларда 50% (1-тадқиқотда 52/104) ни ташкил қилган.
Катталар – С гепатити вируси ва В гепатити вируси коинфекцияси
С гепатити вируси ва В гепатити вируси коинфекцияси бўлган пациентларда 1 генотипдаги вирус чақирган сурункали С гепатитини даволаш учун ПегИнтрон препарати билан монотерапия ёки боцепревир ёки рибовирин билан мажмуасининг хавфсизлиги ва самарадорлиги ўрганилмаган.
Даволаш давомийлиги – Такрорий даволаниш
Барқарор вирусологик жавобга эришишни прогноз қилиш. Даволашнинг 12-ҳафтасида қон зардобидаги РНК-ВГС даражаси аниқланиш чегарасидан паст бўлган барча пациентлар (генотипидан қатъий назар) 48 ҳафталик даволаш курсини олишлари керак. Даволашнинг 12-ҳафтасида вирусологик жавобга эришилмаган (РНК-ВГС даражаси аниқланиш чегарасидан паст деб белгиланган) пациентларни такрорий даволаганда, 48 ҳафталик даволашдан кейин барқарор вирусологик жавобни ривожланиш эҳтимоли жуда паст.
Пелигирланган альфа-2b интерферон ва рибавирин мажмуаси билан 48 ҳафтадан кўпроқ муддат даволашнинг такрорий курси вирусологик жавоб аниқланмаган 1-генотипли пациентларда ўрганилмаган.
3 ёш ва ундан катта болалар
Болалар ва ўсмирлар учун ПегИнтрон препаратининг дозалари тана юзасининг майдонига, рибавириннинг дозаси эса – тана вазнига қараб аниқланади.
ПегИнтрон препаратининг тавсия қилинган дозаси – 60 мкг/м2 ҳафтасига 1 марта (тери остига) рибавирин билан мажмуада (перорал шаклда) суткасига 15 мг/кг дозада иккига бўлган ҳолда овқат истеъмол қилиш вақтида (эрталаб ва кечки пайт) буюрилади.
Даволаш давомийлиги
- Генотип 1:
Тавсия қилинган даволаш давомийлиги – 1 йил.
Клиник маълумотларни болалар учун стандарт интерферонли мажмуавий даволашга экстраполяция қилишда (альфа-2b интерферон/рибавирин учун салбий олдиндан билиш кўрсаткичи 96%) даволашнинг 12-ҳафтасида вирусологик жавобга эришилмаган пациентларда, барқарор вирусологик жавобни ривожланиш эҳтимоли жуда ҳам пастлиги тўғрисида хулоса қилиш мумкин. Шунинг учун, агар даволашнинг 12-ҳафтасида РНК-ВГС даражаси (дастлабки кўрсаткичларга нисбатан) 2 log10 га пасайса ёки даволашнинг 24-ҳафтасида РНК-ВГС даражалари аниқланса, ПегИнтрон/рибавирин қабул қилувчи болалар ва ўсмирларда даволашни бекор қилиш керак.
- 2 ва 3-генотип:
Тавсия қилинган даволаш давомийлиги 24 ҳафтани ташкил қилади.
- 4-генотип:
4-генотипли фақат 5 та бола ва ўсмирлар клиник тадқиқотларда ПегИнтрон/рибавирин мажмуаси билан даволанганлар. Тавсия қилинган даволаш давомийлиги 1 йилни ташкил қилади. Даволашнинг 12-ҳафтасида РНК-ВГС даражаси (дастлабки кўрсаткичларга нисбатан) 2 log10 га пасайса ёки даволашнинг 24-ҳафтасида РНК-ВГС даражалари аниқланса, ПегИнтрон/рибавирин қабул қилувчи болалар ва ўсмирларда даволашни бекор қилиш тавсия қилинди.
ПегИнтрон препарати билан монотерапия – Катталар
Монотерапияда ПегИнтрон препаратининг дозаси ҳафтасига 1 марта 0,5 ёки 1,0 мкг/кг ни ташкил қилади. Флакон ёки шприц-ручкадаги минимал доза – 50 мкг/0,5 мл; шунинг учун, агар пациентга ҳафтасига 0,5 мкг/кг доза буюрилган бўлса, уни 2-жадвалда кўрсатилган ҳажмга етказиш керак. 1,0 мкг/кг дозани олиш учун ҳажмни аналогик равишда тўғрилаш ёки 2-жадвалда кўрсатилганидек препаратнинг бошқа дозаларини қўллаш лозим. ПегИнтрон препарати билан монотерапия С гепатити ва ОИТВ коинфекцияси бўлган пациентларда ўрганилмаган.
2-жадвал. Монотерапиядаги дозалар
| 0,5 мкг/кг | 1,0 мкг/кг | |||
| Тана вазни (кг) | Флакон/шприц-ручка дозалари (мкг/0,5 мл) | Ҳафтасига 1 марта қўллаш (мл) | Флакон/шприц-ручка дозалари (мкг/0,5 мл) | Ҳафтасига 1 марта қўллаш (мл) |
| 30–35 | 50* | 0,15 | 50 | 0,3 |
| 36–45 | 50* | 0,2 | 50 | 0,4 |
| 46–56 | 50* | 0,25 | 50 | 0,5 |
| 57–72 | 50 | 0,3 | 80 | 0,4 |
| 73–88 | 50 | 0,4 | 80 | 0,5 |
| 89–106 | 50 | 0,5 | 100 | 0,5 |
| 106–120** | 80 | 0,4 | 120 | 0,5 |
| * Флаконларни ишлатиш лозим. Шприц-ручкадаги минимал доза 0,3 мл га тенг. ** Тана вазни 120 кг дан ортиқ бўлган пациентлар учун ПегИнтрон препаратининг дозасини, тана вазнига қараб, шахсий равишда ҳисоблаб чиқиш лозим. | ||||
Даволаш давомийлиги
Даволашнинг 12-ҳафтасида вирусологик жавобга кузатилган пациентларда даволаш яна камида 3 ой давомида (жами 6 ой) давом эттирилиши керак. Даволашни 1-йилгача давом эттириш тўғрисидаги қарорни, прогностик омилларни (генотип, ёш>40, эркак жинс, жигарнинг кўприксимон фибрози) ҳисобга олган ҳолда қабул қилиш лозим.
- Барча пациентлар учун дозаларни модификациялаш
Агар ПегИнтрон препарати билан монотерапия ёки ПегИнтрон ва рибавирин препаратлари билан мажмуаси даволашда оғир ножўя таъсирлар ёки лаборатор кўрсаткчиларининг патологик ўзгаришлари юз берса, ҳар бир препаратнинг дозаларини (ножўя таъсирлар йўқолгунича) қуйидагича ўзгартириш лозим. Даволаш схемасига амал қилиш даволаш натижаси учун муҳим бўлганлиги учун, дозаларни тавсия қилинган стандарт дозаларга иложи борича яқинроқ сақлаш лозим. Дозаларнинг модификацияси бўйича кўрсатмалар клиник тадқиқотлар вақтида ишлаб чиқилган.
Мажмуавий даволашда дозаларни камайтириш бўйича кўрсатмалар
2a-жадвал. Мажмуавий (Рибавирин билан) даволашда лаборатория кўрсаткичларини ҳисобга олган ҳолда дозаларни модификацияси бўйича кўрсатмалар
| Лаборатор кўрсаткичлар | Фақат рибавириннинг суткалик дозасини камайтириш (1-изоҳга қаранг), агар | Фақат ПегИнтроннинг дозасини камайтириш (2-изоҳга қаранг), агар
| Мажмуавий даволашни тўхтатиш, агар | ||
| Гемоглобин | < 10 г/дл | – | < 8,5 г/дл | ||
| Катталар: анамнезда турғун юрак касаллиги бўлган пациентлардаги гемоглобин. Болалар ва ўсмирлар: қўллаб бўлмайди | Даволаш вақтида исталган 4 та ҳафта давомида гемоглобинни ≥ 2 г/дл га пасайиши (доимо камайтирилган дозани қўллаш) | дозани камайтиришдан 4 ҳафта ўтгач < 12 г/дл
| |||
| Лейкоцитлар | – | < 1,5 x 109/л | < 1,0 x 109/л | ||
| Нейтрофиллар | – | < 0,75 x 109/л | < 0,5 x 109/л | ||
| Тромбоцитлар | – | < 50 x 109/л (катталар) <70 x 109/л (болалар ва ўсмирлар) | < 25 x 109/л (катталар) < 50 x 109/л (болалар ва ўсмирлар) | ||
| Боғланган билирубин | – | – | 2,5 x НЮЧ* | ||
| Боғланмаган билирубин | > 5 мг/дл | – | > 4 мг/дл (> 4 ҳафта давомида) | ||
| Қон зардобидаги креатинин | – | – | > 2,0 мг/дл | ||
| Креатинин клиренси (КК) | – | – | Агар КК < 50 мл/минут бўлса, рибавиринни бекор қилиш | ||
| АЛТ ёки АСТ | – | – | 2 x дастлабки кўрсаткич ва > 10 x МЮЧ* | ||
*НЮЧ – норманинг юқори чегараси.
1-изоҳ.
Ёши катта пациентларда рибавириннинг дозасини 1-чи камайтирилиши – суткада 200 мг гача (суткада 1 400 мг қабул қилувчи пациентлардан ташқари, улар учун дозани суткада
400 мг га камайтириш лозим). Агар лозим бўлса рибавириннинг дозасини 2-чи камайтиришни яна суткада 200 мг га ўтказилади. Рибавириннинг дозаси суткада 600 мг га камайтирилган пациентлар, эрталаб 200 мг ли 1 капсула ва кечқурун 200 мг ли 2 та капсула қабул қилишлари керак.
Болалар ва ўсмирларда рибавириннинг дозасини 1-чи камайтирилиши – суткада 12 мг/кг гача, дозани 2-чи камайтирилиши – суткада 8 мг/кг гача пасайтириш амалга оширилади.
2-изоҳ.
Катта ёшли пациентларда ПегИнтрон препаратининг дозасини 1-чи камайтирилиши – ҳафтада 1 мкг/кг гача. Агар лозим бўлса дозани 2-чи камайтирилишини ҳафтасига 0,5 мкг/кг гача камайтирилиб ўтказилади.
ПегИнтрон препаратини монотерапия сифатида қабул қилаётган пациентлар учун дозани камайтириш юзасидан маълумотларни олиш учун “ПегИнтрон препарати билан монотерапияда катталар учун дозаларни камайтириш бўйича йўриқномалар” бўлимига қаранг.
Болалар ва ўсмирларда ПегИнтрон препаратининг дозасини 1-чи камайтириш – ҳафтасига
40 мкг/м2 гача; дозанинг 2-чи камайтириш – ҳафтасига 20 мкг/м2 гача амалга оширилади.
Катталарда ПегИнтрон препаратининг дозасини камайтириш буюрилганига қараганда камроқ хажмдаги препаратни юбориш йўли билан ёки 2б-жадвалда кўрсатилганидек препаратнинг пастроқ дозадаги шаклидан фойдаланиш йўли билан амалга оширилиши мумкин.
Болалар ва ўсмирларда ПегИнтрон препаратининг дозасини камайтиришни тавсия қилинган дозани 2 босқичда: ҳафтасига тавсия қилинган 60 мкг/м2 дозадан ҳафтасига 40 мкг/м2 гача, сўнгра эса (агар лозим бўлса) ҳафтасига 20 мкг/м2 гача камайтириш йўли билан амалга оширилиши мумкин.
2б-жадвал. Катталарда мажмуавий даволашда ПегИнтрон препаратининг
дозасини икки босқичда камайтириш.
| ПегИнтрон препаратининг дозасини 1 мкг/кг гача биринчи камайтириш | ПегИнтрон препаратининг дозасини 0,5 мкг/кг гача иккинчи камайтириш | ||||||
| Тана вазни, кг | Дозаси | юбориладиган миқдор (мкг) | юбориладиган ҳажм (мл) | Тана вазни, кг | Дозаси | Юбориладиган миқдор (мкг) | Юбориладиган ҳажм (мл) |
| <40 | 50 мкг/ 0,5 мл | 35 | 0,35 | <40 | 50 мкг/ 0,5 мл* | 20 | 0,2 |
| 40–50 | 45 | 0,45 | 40–50 | 25 | 0,25 | ||
| 51–64 | 80 мкг/ 0,5 мл | 56 | 0,35 | 51–64 | 50 мкг/ 0,5 мл | 30 | 0,3 |
| 65–75 | 72 | 0,45 | 65–75 | 35 | 0,35 | ||
| 76–85 | 80 | 0,5 | 76–85 | 45 | 0,45 | ||
| 86–105 | 120 мкг/ 0,5 мл | 96 | 0,4 | 86–105 | 50 | 0,5 | |
| >105 | 108 | 0,45 | >105 | 80 мкг/ 0,5 мл | 64 | 0,4 | |
* Флаконларни ишлатиш лозим. Шприц-ручкадаги минимал доза 0,3 мл га тенг.
ПегИнтрон препарати монотерапиясида катталарда дозаларни камайтириш бўйича кўрсатмалар.
ПегИнтрон препарати монотерапиясида катталарда дозани модификацияси бўйича кўрсатмалар 3а-жадвалда келтирилган.
3a-жадвал. ПегИнтрон препарати монотерапиясида катталарда лаборатория кўрсаткичларга кўра дозаларни камайтириш бўйича кўрсатмалар
| Лаборатория кўрсаткичлари | ПегИнтрон препарати дозасини 2 марта камайтириш, агар: | ПегИнтрон препаратини бекор қилиш, агар: |
| Нейтрофиллар | < 0,75 x 109/л | < 0,5 x 109/л |
| Тромбоцитлар | < 50 x 109/л | < 25 x 109/л |
Катталарда 0,5 мкг/кг дозадаги ПегИнтрон препарати монотерапиясида, дозани камайтириш, препаратни буюрилганига нисбатан 2 марта камроқ хажмда, дозада юбориш йўли билан амалга оширилиши мумкин. Зарурат бўлганида 50 мкг/0,5 мл дозаси бўлган флаконларни қўллаш лозим, чунки шприц-ручканинг минимал ҳажми 0,3 мл ни ташкил қилади.
Катталарда 1,0 мкг/кг дозада ПегИнтрон препарати билан монотерапияда, дозани камайтириш, препаратни буюрилганига нисбатан 2 марта кам хажмда юбориш йўли билан ёки 3б-жадвалда кўрсатилганидек препаратнинг камроқ дозадаги чиқарилиш шаклини ишлатиш йўли билан амалга оширилиши мумкин.
3б-жадвал. Катталарда 1,0 мкг/кг дозада монотерапияда ПегИнтрон
препаратининг дозасини камайтириш
| Тана вазни (кг) | Дозани мақсадли камайтириш (мкг) | Флакон/шприц-ручканинг дозаси (мкг/0,5 мл) | Ҳафтада 1 марта юбориш (мл) | Юбориладиган миқдор (мкг) |
| 30–35 | 15 | 50* | 0,15 | 15 |
| 36–45 | 20 | 50* | 0,20 | 20 |
| 46–56 | 25 | 50* | 0,25 | 25 |
| 57–72 | 32 | 50 | 0,3 | 30 |
| 73–89 | 40 | 50 | 0,4 | 40 |
| 90–106 | 50 | 50 | 0,5 | 50 |
| > 106 | 60 | 80 | 0,4 | 64 |
| * Флаконларни ишлатиш лозим. Шприц-ручкадаги минимал доза 0,3 мл га тенг. | ||||
- Алоҳида гуруҳ пациентлари
Буйрак функциясини бузилишида қўлланиши
Монотерапия
ПегИнтрон препаратини буйрак функциясини ўртача ва оғир даражада бузилиши бўлган пациентларда эҳтиёткорлик билан қўллаш лозим. Буйрак функциясини ўртача даражадаги бузилиши (креатинин клиренси минутига 30–35 мл) бўлган пациентларда дастлабки доза 25% га камайтирилиши керак. Буйрак функциясини оғир даражадаги бузилиши (креатинин клиренси минутига 15–29 мл) бўлган пациентларда дастлабки доза 50% га камайтирилиши керак. Креатинин клиренси минутига <15 мл бўлган пациентларда ПегИнтрон препаратини қўлланилиши бўйича маълумотлар мавжуд эмас. Буйрак функциясини бузилишининг оғир шакли бўлган, шу жумладан гемодиализдаги пациентларнинг ҳолатини синчков назорат қилиш лозим. Агар буйрак функцияси даволаш вақтида ёмонлашса, ПегИнтрон препарати билан даволашни тўхтатиш керак.
Мажмуавий даволаш
Креатинин клиренси минутига <50 мл бўлган пациентларда ПегИнтрон препаратини рибавирин билан мажмуада даволаш мумкин эмас (рибавиринни қўллаш бўйича йўриқномага қаранг). Рибавирин билан мажмуада қўлланганда буйрак функциясини бузилиши бўлган пациентлар ҳолатини, анемияни ривожланиши юзасидан синчков назорат қилиш лозим.
Жигар функциясини бузилишларида қўлланиши
ПегИнтрон препаратини жигар функциясини оғир даражадаги бузилиши бўлган пациентларда қўллаш хавфсизлиги ва самарадорлиги аниқланмаган, шунинг учун препаратни пациентларнинг ушбу гуруҳида қўлламаслик керак.
Кекса ёшдаги (≥ 65 ёш) пациентларда қўлланиши
ПегИнтрон препаратининг фармакокинетикаси пациентнинг ёшига яққол боғлиқ эмас. ПегИнтрон препаратининг бир марталик дозасини катта ёшдаги пациентларда қўлланиши бўйича маълумотларга кўра, препаратнинг дозасини ёшга қараб тўғрилашнинг зарурати йўқ.
Болаларда қўлланиши
ПегИнтрон препаратини 3 ёш ва ундан катта болаларда рибавирин билан мажмуада қўллаш мумкин.
Дори воситасини тайёрлаш бўйича кўрсатмалар
0,5 мл эритмани юбориш учун ҳар бир флаконни 0,7 мл инъекция учун сувда эритиш керак. ПегИнтрон препаратини тайёрлаш вақтида доза ўлчанаётганда ва юборилаётганда озгина миқдори йўқотилади. Шунинг учун 0,5 мл миқдоридаги ПегИнтрон препаратининг кўрсатилган дозаси, инъекция учун эритмани юборилишини кафолатлаш мақсадида ҳар бир флаконда кўпроқ миқдордаги эритувчи ва ПегИнтрон препаратининг кукуни сақланади. Тайёрланган эритманинг концентрациялари – 50 мкг/0,5 мл, 80 мкг/0,5 мл,
100 мкг/0,5 мл, 120 мкг/0,5 мл ва 150 мкг/0,5 мл.
Стерил шприц ва инъекцион игнани қўллаб, ПегИнтрон препарати бўлган флаконга 0,7 мл инъекция учун сув юборинг. Кукун тўлиқ эриши учун флаконни эҳтиёткорлик билан силкитинг. Шундан сўнг инъекция учун стерил шприц ёрдамида дозани тортиб олиш ва уни юбориш мумкин.
Парентерал юбориладиган барча препаратларни қўллаганда бўлгани каби, юборишдан аввал тайёрланган эритмани визуал равишда текшириш лозим. Тайёрланган эритма тиниқ ва рангсиз бўлиши керак. Ранги ўзгарганда ёки механик киритмалар мавжуд бўлса, препаратни қўллаш мумкин эмас.
Барча ишлатилмаган материалларни йўқотиш керак.
Ножўя таъсирлари
Катталар
ПегИнтрон препаратини рибавирин билан мажмуада қўллаб ўтказилган клиник тадқиқотлар вақтида катталарда хабар қилинган ва иштирокчиларнинг ярмидан кўпроғида, даволаш билан боғлиқ кузатилган энг кенг тарқалган ножўя реакциялар қуйидагилар бўлган: толиқиш, бош оғриғи ва препаратни юбориш жойидаги реакциялар. Пациентларнинг 25% дан кўпроғида кузатилганлиги тўғрисида хабар қилинган бошқа ножўя реакциялар қуйидагилар бўлган: кўнгил айниши, титрок, уйқусизлик, анемия, иситма, миалгия, астения, оғриқ, алопеция, анорексия, тана вазнини камайиши, депрессия, қичишиш ва таъсирчанлик. Кўпчилик ножўя реакциялар енгил ёки ўртача оғирлик даражасида бўлган, шунингдек дозани ўзгартириш ёки даволашни тўхтатиш зарурати бўлмай назорат қилиш мумкин бўлган. Толиқиш, алопеция, қичишиш, кўнгил айниши, анорексия, тана вазнини камайиши, таъсирчанлик ва уйқусизлик мажмуавий даво олган пациентларга нисбатан, ПегИнтрон препаратини монотерапияда даволанган пациентларда аҳамиятли даражада камроқ кузатилган.
Қуйидаги альфа-2b пегинтерферон, шу жумладан ПегИнтрон препаратини монотерапияда ва ПегИнтрон/рибавирин мажмуасини қабул қилган пациентлар билан ўтказилган клиник тадқиқотларда ва постмаркетинг кузатувлар вақтида хабар қилинган ножўя реакциялар санаб ўтилган. Ножўя реакциялар аъзолар тизимлари синфи ва тез-тезлиги бўйича кўрсатилган: жуда тез-тез (≥1/10), тез-тез (≥1/100 дан <1/10 гача), тез-тез эмас (≥1/1 000 дан <1/100 гача), кам (≥1/10 000 дан <1/1 000 гача), жуда кам (<1/10 000) ва номаълум (мавжуд маълумотлар бўйича аниқлаш мумкин эмас).
Ҳар бир гуруҳда ножўя реакциялар, жиддийлигини камайиб бориши тартибида кўрсатилган.
Альфа-2b пегинтерферон, шу жумладан ПегИнтрон препаратини монотерапияда ва ПегИнтрон/рибавирин мажмуасини қабул қилган пациентлар иштирокида ўтказилган клиник тадқиқотларда ва постмаркетинг кузатувларида хабар қилинган ножўя реакциялар.
Инфекциялар ва инвазиялар: жуда тез-тез – вирусли инфекция*, фарингит*; тез-тез – бактериал инфекция (шу жумладан, сепсис), замбуруғли инфекция, грипп, юқори нафас йўлларининг инфекциялари, бронхит, оддий герпес, синусит, ўрта отит, ринит; тез-тез эмас – инъекция жойидаги инфекция, қуйи нафас йўлларининг инфекцияси; номаълум – С гепатити вируси ва В гепатити вируси коинфекцияси бўлган пациентларда В гепатити вирусини реактивацияси.
Қон тизими ва лимфатик тизими томонидан бузилишлар: жуда тез-тез – анемия, нейтропения; тез-тез – гемолитик анемия, лейкопения, тромбоцитопения, лимфаденопатия; жуда кам ҳолларда – апластик анемия; тез-тезлиги номаълум – ҳақиқий эритроцитар аплазия.
Иммун тизими томонидан бузилишлар: тез-тез эмас – дори воситаларига ўта юқори сезувчанлик; кам ҳолларда – саркоидоз; номаълум – тезкор турдаги ўта юқори сезувчанлик реакциялари, шу жумладан ангионевротик шиш, анафилаксия, шунингдек анафилактик реакциялар, шу жумладан анафилактик шок, идиопатик тромбоцитопеник пурпура, тромботик тромбоцитопеник пурпура, тизимли қизил югурик.
Эндокрин тизими томонидан бузилишлар: тез-тез – гипотиреоз, гипертиреоз.
Метаболизм ва овқатланишни бузилишлари: жуда тез-тез – анорексия; тез-тез – гипокальциемия, гиперурикемия, дегидратация, иштаҳани кучайиши; тез-тез эмас – қандли диабет, гипертриглицеридемия; кам ҳолларда – диабетик кетоацидоз.
Руҳият томонидан бузилишлар: жуда тез-тез – депрессия, хавотирлик*, эмоционал лабиллик*, диққатни жамлашни ёмонлашиши, уйқусизлик; тез-тез – тажовузкорлик, ажитация, жаҳлдорлик, кайфиятнинг ўзгариши, патологик ҳатти-ҳаракат, асабийлик, уйқуни бузилиши, либидони сустлашиши, апатия, патологик уйқу, йиғлоқилик; тез-тез эмас – суиқасд, суиқасд қилишга уриниш, суиқасд қилиш тўғрисида фикрлаш, психоз, галлюцинациялар, саросима; кам – биполяр бузилишлар; номаълум – гомицидал ғоялар, мания.
Нерв тизими томонидан бузилишлар: жуда тез-тез – бош оғриғи, бош айланиши; тез-тез – амнезия, хотирани ёмонлашиши, синкопе, мигрень, атаксия, онгни чалкашиши, невралгия, парестезия, гипестезия, гиперестезия, гипертония, уйқучанлик, диққатни жамлашни бузилиши, тремор, дисгевзия; тез-тез эмас – нейропатия, периферик нейропатия; кам ҳолларда – конвульсиялар; жуда кам ҳолларда – цереброваскуляр қон кетиши, цереброваскуляр ишемия, энцефалопатия; номаълум – юз нерви фалажи, мононевропатия.
Кўриш аъзолари томонидан бузилишлар: тез-тез – кўришни бузилиши, кўришни ноаниқлиги, фотофобия, конъюнктивит, кўзларни қичишиши, кўз ёши ажралишини бузилиши, кўзда оғриқ, кўзларни қуруқлашиши; тез-тез эмас – ретинал экссудат; кам ҳолларда – кўриш ўткирлигини пасайиши ёки кўриш майдонини қисқариши, кўзнинг тўр пардасига қон қуйилиши, ретинопатия, кўзнинг тўр пардаси артериясини окклюзияси, кўзнинг тўр пардаси веналарини окклюзияси, кўрув нервини яллиғланиши, кўрув нерви дискини шиши, макуляр шиш, кўзнинг тўр пардасини сероз кўчиши.
Эшитиш аъзолари ва лабиринт томонидан бузилишлар: тез-тез – эшитишни ёмонлашиши/йўқолиши, қулоқларда жаранглаш, вертиго; тез-тез эмас – қулоқда оғриқ.
Юрак томонидан бузилишлар: тез-тез– пальпитация, тахикардия; тез-тез эмас – миокард инфаркти; кам ҳолларда – димланган юрак етишмовчилиги, кардиомиопатия, аритмия, перикардит; жуда кам ҳолларда – юрак ишемик касаллиги; номаълум – перикардда суюқликни тўпланиши.
Қон-томир тизими томонидан бузилишлар: тез-тез – артериал гипотензия, артериал гипертензия, қон қуйилишлари; кам – васкулит.
Нафас олиш тизими, кўкрак қафаси ва кўкс оралиғи аъзолари томонидан бузилишлар: жуда тез-тез – диспноэ*, йўтал*; тез-тез – дисфония, бурундан қон кетиши, респиратор бузилишлар, нафас йўлларида димланиш ҳолатлари, бурун бўшлиқларида димланиш ҳоллари, бурунни битиши, ринорея, юқори нафас йўлларида секрет миқдорини ошиши, фаринголарингеал оғриқ; жуда кам ҳолларда – ўпканинг интерстициал касаллиги; номаълум – ўпка фибрози.
Меъда-ичак йўллари томонидан бузилишлар: жуда тез-тез – қусиш*, кўнгил айниши, абдоминал оғриқ, диарея, оғизни қуриши*; тез-тез – диспепсия, гастроэзофагеал рефлекс касаллиги, стоматит, оғиз бўшлиғида яралар, глоссодиния, милклардан қон кетиши, қабзият, метеоризм, геморрой, хейлит, қоринни дам бўлиши, гингивит, глоссит, тиш касалликлари; тез-тез эмас – панкреатит, оғизда оғриқ; кам ҳолларда – ишемик колит; жуда кам ҳолларда – ярали колит.
Гепатобилиар тизими томонидан бузилишлар: тез-тез – гипербилирубинемия, гепатомегалия.
Тери ва тери ости клетчаткаси томонидан бузилишлар: жуда тез-тез – алопеция, қичишиш*, терини қуруқлиги*, тошма*; тез-тез – псориаз, фотосезувчанлик реакциялари, макуло-папулёз тошма, дерматит, эритематоз тошма, экзема, тунги терлаш, гипергидроз, акне, фурункул, эритема, эшакеми, соч структурасини патологияси, тирноқларни шикастланиши; кам ҳолларда – тери саркоидози; жуда кам ҳолларда – Стивенс–Джонсон синдроми, токсик эпидермал некролиз, кўп шаклли эритема.
Мушак ва бириктирувчи тўқима томонидан бузилишлар: жуда тез-тез – миалгия, артралгия, мушак-скелет оғриғи; тез-тез – артрит, бел оғриғи, мушак спазмлари, қўл-оёқда оғриқ; тез-тез эмас – суяклардаги оғриқ, мушак кучсизлиги; кам ҳолларда – рабдомиолиз, миозит, ревматоид артрит.
Буйрак ва сийдик чиқариш йўллари томонидан бузилишлар: тез-тез – тез-тез сийдиш, полиурия, сийдикни ўзгариши; кам ҳолларда – буйрак етишмовчилиги, буйрак функциясини бузилиши.
Репродуктив тизими ва сут безлари томонидан бузилишлар: тез-тез – аменорея, сут безидаги оғриқ, меноррагия, ҳайз циклини бузилиши, овариал бузилишлар, вагинал бузилишлар, жинсий дисфункция, простатит, эректил дисфункция.
Умумий ҳолатни ва препаратни қўллаш билан боғлиқ бўлган бузилишлар: жуда тез-тез – инъекция жойидаги реакция*, инъекция жойида яллиғланиш, толиқиш, астения, таъсирчанлик, эт увишиши, пирексия, гриппсимон касаллик, оғриқ; тез-тез – кўкрак қафасида оғриқ, кўкрак қафасида дискомфорт, инъекция жойида оғриқ, лоҳаслик, юзни шиши, периферик шиш, патологик ҳислар, чанқоқ; кам ҳолларда – инъекция жойида некроз.
Бошқа кўрсаткичлар: жуда тез-тез – тана вазнини камайиши.
*Ушбу реакциялар ПегИнтрон препаратини монотерапия сифатида қабул қилган пациентларда клиник тадқиқотларда тез-тез (≥1/100 дан <1/10 гача) юз берган.
Кўпчилик ҳолларда нейтропения ва тромбоцитопения енгил оғирлик даражасида (ЖССТ таснифи бўйича 1 ёки 2-даража) бўлган. ПегИнтрон препаратини тавсия қилинган дозаларда рибавирин билан мажмуада қабул қилган пациентларда нейтропениянинг бир нечта оғир ҳолатлари (ЖССТ бўйича 3-даража: 186 тадан 39 таси [21%]; ва ЖССТ бўйича 4-даражаси: 186 тадан 13 таси [7%]) бўлган.
Клиник тадқиқотларда рибавирин билан мажмуада ПегИнтрон ёки альфа-2b интерферон қабул қилган пациентларнинг тахминан 1,2% да даволаш давомида ҳаётга хавф солувчи таҳдид солувчи руҳий реакцияларни юз берганлиги тўғрисида хабар қилинган. Ушбу реакциялар ўз жонига қасд қилиш фикрлари ва ўз жонига қасд қилишга уринишларни ўз ичига олган.
Юрак-қон томир тизими томонидан ножўя реакциялар, шу жумладан аритмия асосан мавжуд юрак-томир касалликлари ва кардиотоксик препаратлар даволаш билан ўзаро боғлиқ бўлган. Илгари юрак касалликларининг белгилари бўлмаган пациентларда интерферон альфа бекор қилинганидан кейин, қайтувчан бўлиши мумкин бўлган кардиомиопатия ҳақида кам хабар берилган.
Альфа интерферонларини кўлланганда кам хабар қилинган кўрув аъзолари томонидан бузилишлар ретинопатия (шу жумладан, макуляр шиш), кўзнинг тўр пардасига қон қуйилиши, кўзнинг тўр пардаси артериялари ёки веналарини окклюзияси, ретинал экссудат, кўриш ўткирлигини пасайиши ёки кўриш майдонини торайиши, кўрув нервини яллиғланиши ва кўрув нерви дискини шишини ўз ичига олган.
Альфа интерферонни қўллаганда турли аутоиммун ва иммунитетга боғлиқ бузилишлар, шу жумладан қалқонсимон бези томонидан бузилишлар, тизимли қизил югурик, ревматоид артрит (пайдо бўлиши ёки ёмонлашиши), идиопатик ва тромботик тромбоцитопеник пурпура, васкулит, нейропатия, шу жумладан, мононевропатия ва Вогта–Коянаги–Гарада синдромини ривожланиши ҳақида хабар берилган.
С гепатити вируси ва ОИТВ коинфекцияси бўлган пациентлар.
С гепатити ва ОИТВ коинфекцияси бўлган ПегИнтронни рибавирин билан мажмуада қабул қилган пациентларда, катта тадқиқотларда >5% частотада кузатилган бошқа қуйидаги ножўя реакциялар (моноинфекцияси бўлган пациентларда улар ҳақида хабар берилмаган) ҳақида хабар қилинган: оғиз бўшлиғи кандидози (14%), орттирилган липодистрофия (13%), CD4 лимфоцитлар сонини камайиши (8%), иштаҳани пасайиши (8%), гамма-глутамилтрансфераза даражасини ошиши (9%), белда оғриқ (5%), қонда амилаза даражасини ошиши (6%), қонда сут кислотаси даражасини ошиши (5%), цитолитик гепатит (6%), липаза даражасини ортиши (6%) ва бўғимларда оғриқ (6%).
Митохондриал токсиклик
Йўлдош вирусли С гепатитини даволаш учун юқори даражали фаол антиретровирус даволаш ва рибавиринни қабул қилган ОИТВ-мусбат пациентларда митохондриал токсиклик ва лактоацидозни юз бериши тўғрисида хабар берилган.
С гепатити ва ОИТВ вируслари коинфекцияси бўлган пациентларда лаборатория кўрсаткичлари.
Гарчи гематологик токсиклик (нейтропения, тромбоцитопения ва анемия) кўпроқ С гепатити ва ОИТВ вируслари коинфекцияси бўлган пациентларда кузатилган бўлсада, кўпчилик ҳолатларда дозани тўғрилаш билан кифояланиш, ва кам ҳоллардагина эса даволашни бекор қилиш лозим. Гематологик кўрсаткчиларни ўзгаришлари ҳақида интерферон альфа-2b ни рибавирин билан мажмуада қабул қилган пациентларга нисбатан ПегИнтронни рибавирин билан мажмуада олган пациентларда кўпроқ хабар қилинган. 1-тадқиқотда рибавирин билан мажмуада ПегИнтрон препарати билан даволанганда пациентларнинг 4% (8/194) мутлоқ нейтрофиллар миқдорини 500 ҳужайралар/мм3 дан паст даражагача пасайганлигини аниқланган ва пациентларнинг 4% да (8/194) тромбоцитлар сонини 50 000/мм3 дан кам даражага пасайиши кузатилган. ПегИнтронни рибавирин билан мажмуада қабул қилган пациентларнинг 12% да (23/194) анемия (гемоглобин <9,4 г/дл) ҳақида хабар берилган.
CD4 лимфоцитлар сонини камайиши
Рибавирин билан мажмуада ПегИнтрон препарати билан даволаш CD4+ ҳужайралари фоиз миқдорини пасайишисиз, CD4+ ҳужайраларининг мутлоқ сонини камайишига олиб келган. CD4+ ҳужайралари сонини камайиши доза камайтирилгани ёки даволаш тўхтатилгандан кейин қайтувчан характерга эга бўлган. ПегИнтрон препаратини рибавирин билан мажмуада қўллаш даволаш вақтига ва кейинги кузатув даврида ОИТВ виремиясини назорат қилишга сезиларли салбий таъсир кўрсатмаган. Коинфекцияси ва CD4+ ҳужайралари миқдори < 200/мкл бўлган пациентларда хавфсизлик тўғрисидаги маълумотлар чекланган (N=25).
Ҳар бир препарат учун токсикликни, ҳамда ПегИнтрон препарати ва рибавиринни бирга қўллаш оқибатидаги кесишган токсиклик потенциалини тушуниш ва даволаш учун С гепатитини даволашда бир вақтда қўлланиладиган антиретровирус препаратларнинг қўллаш бўйича йўриқномалари билан танишиб чиқиш лозим.
Болалар
ПегИнтрон препарати ва рибавирин мажмуаси билан даволанган 107 нафар болалар ва ўсмирлар (3 ёшдан 17 ёшгача бўлган) иштирокидаги клиник тадқиқотларда пациентларнинг 25% дан, кўпроқ анемия, нейтропения ва тана вазнини камайиши туфайли дозаларни тўғрилаш зарурати туғилган. Гарчи болаларга ўсишни кечикиши билан боғлиқ бўлган специфик муаммо мавжуд бўлсада, умуман олганда, болалар ва ўсмирлардаги ножўя реакциялар профили катталардаги профилга ўхшаш бўлган. 48 ҳафта давомида ПегИнтрон препарати ва рибавирин билан мажмуада даволаганда қайтувчанлик эҳтимоли кам бўлган ўсишни кечикиши кузатилган. Тана вазнини камайиши ва ўсишни секинлашиши даволаш давомида жуда тез-тез кузатилган (даволаш якунида тана вазни ва бўйнинг дастлабки перцентилининг пасайиши мос равишда 15 перцентиль 8 перцентилни ташкил қилган), ўсиш тезлиги секин бўлган (70% пациентларда < 3-перцентиль).
Даволашдан кейинги кузатувнинг 24-ҳафтаси охирига келиб, тана вазни ва бўй перцентили пасайишининг (дастлабки кўрсаткичга нисбатан) ўртача кўрсаткичи ҳали ҳам 3 перцентиль ва 7 перцентилни ташкил қилган, 20% болаларда эса, ўсишни кечикиши сақланиб қолган (ўсиш тезлиги <3-перцентиль). Ушбу тадқиқотдаги кейинги кузатувнинг узоқ қисмида оралиқ натижалари бўйича пациентларнинг 22% да (16/74) ўсиш перцентили >15 перцентилга пасайди, улардан 3 нафар (4%) болада 1 йил давомида даволанмаган ҳолда пасайиш >30 перцентиль бўлган. Хусусан, узоқ кейинги кузатувдан 1 йилдан кейинги ўртача ўсиш перцентилининг пасайиши препубертат ёшидаги болаларда яққолроқ ифодаланган.
Ушбу тадқиқотда барча иштирокчилардаги энг кўп учраган ножўя реакциялар сифатида пирексия (80%), бош оғриғи (62%), нейтропения (33%), толиқиш (30%), анорексия (29%) ва инъекция жойидаги эритема (29%) кузатилган. Фақат 1 иштирокчида ножўя реакцияни (тромбоцитопенияни) ривожланиши юзасидан бекор қилинган. Тадқиқотда хабар қилинган кўпчилик ножўя реакциялар енгил ёки ўртача оғирлик даражасида бўлган. Оғир даражали ножўя реакциялар тўғрисида 7% (8/107) пациентларда хабар қилинган бўлиб, улар қуйидагиларни ўз ичига олаган: инъекция жойида оғриқ (1%), бўғимларда оғриқ (1%), бош оғриғи (1%), нейтропения (1%), пирексия (4%). Даволаш билан боғлиқ бўлган ва пациентларнинг шу гуруҳида юз берган муҳим ножўя реакциялар қуйидагилар бўлган: асабийлик (8%), тажавузкорлик (3%), жаҳлдорлик (2%), депрессия/депрессив кайфият (4%), гипотиреоз (3%), 5 пациент эса, гипотиреоз/ТТГ даражасини ошишини даволаш учун левотироксин қабул қилган.
Қуйида рибавирин билан мажмуада ПегИнтрон препарати билан даволанганда болалар ва ўсмирлар иштирокидаги тадқиқотларда хабар қилинган, даволаш билан боғлиқ бўлган ножўя реакциялар кўрсатилган. Ножўя реакциялар аъзоларнинг тизимлари синфи ва тез-тезлиги бўйича кўрсатилган: жуда тез-тез (≥1/10), тез-тез (≥1/100 дан <1/10 гача), тез-тез эмас (≥1/1 000 дан <1/100 гача), кам (≥1/10 000 дан <1/1 000 гача), жуда кам (<1/10 000) ёки номаълум (мавжуд маълумотлар бўйича аниқлаш мумкин эмас).
Ҳар бир гуруҳда ножўя реациялар тез-тезлиги жиддийлигини камайиб бориши тартибида кўрсатилган.
Рибавирин билан мажмуада ПегИнтрон қабул қилган болалар ва ўсмирлар иштирокидаги клиник тадқиқотларда хабар қилинган жуда тез-тез, тез-тез, тез-тез бўлмаган ножўя реакциялар.
Инфекциялар ва инвазиялар: тез-тез – замбуруғли инфекция, грипп, оғиз герпеси, ўрта отит, стрептококкли фарингит, назофарингит, синусит; тез-тез эмас – пневмония, аскаридоз, энтеробиоз, герпес зостер, целлюлит, сийдик чиқариш йўлларининг инфекцияси, гастроэнтерит.
Қон тизими ва лимфатик тизим томонидан бузилишлар: жуда тез-тез – анемия, лейкопения, нейтропения; тез-тез – тромбоцитопения, лимфаденопатия.
Эндокрин тизими томонидан бузилишлар: тез-тез – гипотиреоз.
Метаболизм ва озиқланишни бузилишлари: жуда тез-тез – анорексия, иштаҳани пасайиши.
Руҳият томонидан бузилишлар: жуда тез-тез – ўз жонига қасд қилиш тўғрисида фикрлаш*, ўз жонига қасд қилишга уриниш*, депрессия, тажавузкорлик, аффектив лабиллик*, жаҳлдорлик, ажитация, ҳавотирлик, кайфиятни ўзгариши, асабийлик, уйқусизлик; тез-тез эмас – патологик ҳатти-ҳаракат, депрессив кайфият, эмоционал бузилишлар, қўрқув, тунги даҳшатлар.
Нерв тизими томонидан бузилишлар: жуда тез-тез – бош оғриғи, бош айланиши; тез-тез – дисгевзия, синкопе, диққатни жамлашни бузилиши, уйқучанлик, уйқу сифатини ёмонлиги; тез-тез эмас – невралгия, летаргия, парестезия, гипестезия, психомотор гиперактивлик, тремор.
Кўриш аъзолари томонидан бузилишлар: тез-тез – кўзда оғриқ; тез-тез эмас – конъюнктивга қон қуйилиши, кўзда қичишиш, кератит, кўришни ноаниқлиги, фотофобия.
Эшитиш ва лабиринт томонидан бузилишлар: тез-тез – вертиго.
Юрак томонидан бузилишлар: тез-тез – пальпитация, тахикардия.
Томир тизими томонидан бузилишлар: тез-тез – қон қуйилишлари; тез-тез эмас – артериал гипотензия, тери рангини оқариши.
Нафас олиш тизими, кўкрак қафаси ва кўкс оралиғи аъзолари томонидан бузилишлар: тез-тез – йўтал, бурундан қон кетиши, фаринголарингеал оғриқ; тез-тез эмас – хириллашлар, бурун бўшлиғида дискомфорт, ринорея.
Меъда-ичак йўллари томонидан бузилишлар: жуда тез-тез – абдоминал оғриқ, қорининг юқори қисмида оғриқ, қусиш, кўнгил айниши; тез-тез – диарея, афтозли стоматит, хейлоз, оғиз бўшлиғида яралар, қорин соҳасида нохуш ҳислар, оғиз бўшлиғида оғриқ; тез-тез эмас – диспепсия, гингивит.
Гепатобилиар йўллари томонидан бузилишлар: тез-тез – гепатомегалия.
Тери ва тери ости клетчаткаси томонидан бузилишлар: жуда тез-тез – алопеция, терини қуриши; тез-тез – қичишиш, тошма, эритематоз тошма, экзема, акне, эритема; тез-тез эмас – фотосезувчанлик реакциялари, макуло-папуляр тошма, тери эксфолиацияси, пигментацияни бузилиши, атопик дерматит, терини рангсизланиши.
Мушак ва бириктирувчи тўқималар томонидан бузилишлар: жуда тез-тез – миалгия, артралгия; тез-тез – мушак-скелет оғриғи, қўл-оёқда оғриқ, белда оғриқ; тез-тез эмас – мушакларни карахтлиги, мушакларни тортишиши.
Буйрак ва сийдик чиқариш тизими томонидан бузилишлар: тез-тез эмас – протеинурия.
Репродуктив тизим ва сут безлари томонидан бузилишлар: тез-тез эмас – дисменорея.
Умумий ҳолатни ва препаратни қўллаш усули билан боғлиқ бўлган бузилишлар: жуда тез-тез – инъекция жойидаги эритема, толиқиш, пирексия, қотиб қолиш, гриппсимон касаллик, астения, оғриқ, лоҳаслик, таъсирчанлик; тез-тез – инъекция жойида реакция, инъекция жойида қичишиш, инъекция жойида тошма, инъекция жойида терини қуриши, инъекция жойида оғриқ, совуқликни ҳис этиш; тез-тез эмас – кўкрак қафасида оғриқ, кўкрак қафасида дискомфорт, юзда оғриқ.
Лаборатория кўрсаткичлари: жуда тез-тез – ўсиш тезлигини пасайиши (бўйи ва/ёки тана вазни ёшга нисбатан камайган); тез-тез – қонда тиреостимулловчи гормон даражасини ошиши, тироглобулин даражасини ошиши; тез-тез –қалқонсимон безга антителани мусбат синамаси.
Жароҳатлар ва заҳарланишлар: ёпиқ жароҳат.
* – таркибида интерферон-альфа сақланган препаратларининг синфига хос самара, у тўғрисида катталар ва болаларда интерферон билан стандарт даволаш ўтказилганда хабар қилинган; ПегИнтрон препарати қўлланилганда катта ёшдаги пациентларда хабар қилинган.
ПегИнтрон/рибавирин препаратларини қўллаш билан ўтказилган клиник тадқиқотлардаги лаборатория кўрсаткичларининг кўпчилик ўзгаришлари енгил ёки ўртача даражада бўлган. Гемоглобин, лейкоцитлар, тромбоцитлар, нейтрофиллар даражалари пасайганда ва билирубин даражаси ошганда дозани камайтириш ёки даволашни бутунлай тўхтатиш талаб қилиниши мумкин. Рибавирин билан мажмуада ПегИнтрон қабул қилган айрим пациентларда клиник тадқиқотда лаборатория кўрсаткичларини ўзгаришлари кузатилган, даволаш якунлангандан кейин бир неча ҳафта давомида кўрсаткичлар дастлабки даражаларига қайтган.
Қўллаш мумкин бўлмаган ҳолатлар
- Таъсир этувчи моддага, бирон-бир интерферонга ёки ёрдамчи моддалардан биронтасига ўта юқори сезувчанлик.
- Анамнезда – юракни оғир даражали касаллиги, шу жумладан, сўнгги 6 ой ичида юракнинг ностабил ва назорат қилиб бўлмайдиган касаллиги.
- Ногиронликка олиб келувчи оғир касалликлар.
- Аутоиммунли гепатит ёки анамнезда аутоиммун касаллик.
- Жигар функциясини оғир бузилиши ёки декомпенсацияланган жигар циррози.
- Қалқонсимон безининг аввалги касалликлари, стандарт даволашни ўтказиш билан назорат қилиш мумкин бўлган касалликлар бундан мустасно.
- Тутқаноқ ва/ёки марказий нерв тизими функциясини бузилиши.
- С гепатити ва ОИТС билан инфекцияланган, жигар циррози билан касалланган ва Чайлд–Пью шкаласи бўйича ≥6 кўрсаткичга эга бўлган пациентлар.
- ПегИнтрон препарати ва телбивудинни мажмуада қўллаш мумкин эмас.
Болалар:
- Мавжуд бўлган ёки анамнездаги оғир руҳий касаллик, шу жумладан – оғир депрессия, ўз жонига қасд қилиш тўғрисида фикрлаш ёки ўз жонига қасд қилишга уринишда қўллаш мумкин эмас.
Рибавирин билан мажмуада даволаш. Агар бу препаратдан сурункали С гепатити билан касалланган пациентларни даволаш учун ПегИнтрон препарати билан мажмуада фойдаланилса, рибавиринни қўллаш бўйича йўриқномаси билан ҳам танишиб чиқиш лозим.
Дориларнинг ўзаро таъсири
Телбивудин
Телбивудиннинг (суткада 600 мг) полиэтиленгликоль молекуласи қўшилган альфа-2а интерферон (бир ҳафтада 1 марта тери остига 180 мкг) мажмуаси ўрганилган клиник тадқиқот бундай мажмуанинг периферик нейропатия ривожланишини юқори хавфи билан боғлиқ эканлигини кўрсатди. Бундай реакцияларнинг механизми номаълум (телбивудинни қўллаш бўйича йўриқномасига қаранг). Бундан ташқари, интерферон билан мажмуадаги телбивудинни сурункали В гепатитини даволашдаги хавфсизлиги ва самаралилиги намойиш қилинмаган. Шу сабабли, ПегИнтрон ва телбивудин препаратларини мажмуада қўллаш тавсия қилинмайди.
Метадон
Метадон билан турғун тутиб турувчи даволанган ва альфа-2b пегинтерферон қабул қилмаган сурункали С гепатити бўлган пациентларда қўшимча равишда ПегИнтрон препарати буюрилганда (4 ҳафта давомида ҳафтасига 1,5 мкг/кг тери остига) AUC R-метадон кўрсаткичининг тахминан 15% га ошиши (AUC учун 95% ДИ 103–128% ни ташкил қилди) кузатилган. Ушбу кўрсаткичларнинг клиник аҳамияти номаълум; бироқ пациентларнинг ҳолатини седатив таъсир ҳамда нафас олишнинг пасайиши белгилари ва симптомлари юзасидан назорат қилиш лозим. Хусусан, метадонни юқори дозаларда қабул қилувчи пациентларда QTc оралиғини узайиши хавфини ҳисобга олиш керак.
Альфа-2b пегинтерферонни бир вақтда қўлланилувчи препаратларга таъсири.
Альфа-2b пегинтерферонни метаболизм ферментларининг субстрати билан ўзаро таъсир потенциали 4 клиник фармакологик тадқиқотларда баҳоланган. Тадқиқотларинг бирида ПегИнтрон соғлом кўнгиллиларга (N=12) тери остига бир марта юборилганида CYP1A2 (кофеин), CYP2C9 (толбутамид), CYP2D6 (декстрометорфан), CYP3A4 (мидазолам) ва N-ацетилтрансфераза (дапсон) фаоллигига таъсири кузатилмаган. Уч тадқиқотда С гепатити бўлган пациентларда (бир ҳафтада 1,5 мкг дозада) ва соғлом кўнгиллиларда (бир ҳафтада 1 мкг ёки 3 мкг дозада) ПегИнтронни кўп марта қўллашдаги таъсири ўрганилган (4-жадвал). ПегИнтрон препарати ва толбутамид, мидазолам ёки дапсон орасида клиник аҳамиятли фармакокинетик ўзаро таъсир кузатилмаган; шунинг учун ПегИнтрон CYP2C9, CYP3A4 ва N-ацетилтрансфераза билан метаболизмга учровчи препаратлар билан бир вақтда қўлланилганида унинг дозасига тузатиш киритишнинг зарурати йўқ. ПегИнтрон препаратини ва кофеин ёки дезипрамин билан вақтда қўллаш кофеин ва дезипраминни экспозициясини ўртача кучайтирган. ПегИнтрон препаратини CYP1A2 ёки CYP2D6 орқали метаболизмга учрайдиган дори воситалари билан қўллаганда Р 450 цитохроми фаоллигини пасайиши клиник аҳамиятга эга эканлигини эҳтимоли кам, препаратларнинг тор терапевтик таъсири бундан мустасно.
4-жадвал. Альфа-2b пегинтерферонни бир вақтда қўлланилувчи
препаратларга таъсири
| Бир вақтда қўлланилувчи препаратлар | Альфа-2b пегинтерферонни дозаси | Тадқиқот популяцияси | Ўртача геометрик ўзаро нисбати (альфа-2b пегинтерферони билан/усиз ўзаро нисбати) | |
| AUC (90% ИИ) | Cmax (90% ИИ) | |||
| Кофеин (CYP1A2 субстрати) | Ҳафтада 1,5 мкг/кг (4 ҳафта) | Сурункали С гепатити (N=22) | 1,39 (1,27, 1,51) | 1,02 (0,95, 1,09) |
| Ҳафтада 1 мкг/кг (4 ҳафта) | Соғлом кўнгиллилар (N=24) | 1,18 (1,07, 1,31) | 1,12 (1,05, 1,19) | |
| Ҳафтада 3 мкг/кг (2 ҳафта) | Соғлом кўнгиллилар (N=13) | 1,36 (1,25-1,49) | 1,16 (1,10-1,24) | |
| Толбутамид (CYP2C9 субстрати) | Ҳафтада 1,5 мкг/кг (4 ҳафта) | Сурункали С гепатити (N=22) | 1,1# (0,94, 1,28) | Маълумотлар йўқ |
| Ҳафтада 1 мкг/кг (4 ҳафта) | Соғлом кўнгиллилар (N=24) | 0,90# (0,81, 1,00) | Маълумотлар йўқ | |
| Ҳафтада 3 мкг/кг (2 ҳафта) | Соғлом кўнгиллилар (N=13) | 0,95 (0,89-1,01) | 0,99 (0,92-1,07) | |
| Декстрометорфан гидробромид
(CYP2D6 ва CYP3A субстрати) | Ҳафтада 1,5 мкг/кг (4 ҳафта) | Сурункали С гепатити (N=22) | 0,96## (0,73, 1,26) | Маълумотлар йўқ |
| Ҳафтада 1 мкг/кг (4 ҳафта) | Соғлом кўнгиллилар (N=24) | 2,03# (1,55, 2,67) | Маълумотлар йўқ | |
| Дезипрамин (CYP2D6 субстрати) | Ҳафтада 3 мкг/кг (2 ҳафта) | Соғлом кўнгиллилар (N=13) | 1,30 (1,18-1,43) | 1,08 (1,00-1,16) |
| Мидазодам (CYP3A4 субстрати) | Ҳафтада 1,5 мкг/кг (4 ҳафта) | Сурункали С гепатити (N=24) | 1,07 (0,91, 1,25) | 1,12 (0,94, 1,33)
|
| Ҳафтада 1 мкг/кг (4 ҳафта) | Соғлом кўнгиллилар (N=24) | 1,07 (0,99, 1,16) | 1,33 (1,15, 1,53) | |
| Ҳафтада 3 мкг/кг (2 ҳафта) | Соғлом кўнгиллилар (N=13) | 1,18 (1,06-1,32) | 1,24 (1,07-1,43) | |
| Дапсон (N-ацетилтрансфе-раза субстрати) | Ҳафтада 1,5 мкг/кг (4 ҳафта) | Сурункали С гепатити (N=24) | 1,05 (1,02, 1,08) | 1,03 (1,00, 1,06)
|
# 48 соат давомида йиғилган сийдик тахлиллари натижаси бўйича ҳисобланган.
## 24 соат давомида йиғилган сийдик тахлиллари натижаси бўйича ҳисобланган.
5-жадвал. Бир вақтда қўллашда эҳтиёткорлик чоралари
(агар қуйидаги препаратлар бир вақтда қўлланилса
ПегИнтронни эҳтиёткорлик билан қўллаш керак)
| Препаратлар | Белгилари, симптомлари ва даволаш | Механизми ва ҳавф омиллари |
| Теофиллин | Теофиллин ва ПегИнтрон препаратини бир вақтда қўллаганда қонда теофиллиннинг концентрацияси ошиши мумкин. Бундай мажмуани эҳтиёткорлик билан қўллаш тавсия қилинади. Теофиллиннинг йўриқномаси билан танишиб чиқиш керак. | Теофиллининг метаболизми ПегИнтрон препаратининг CYP1A2 ни сусайтирувчи таъсири туфайли сусаяди. |
| Тиоридазин | Тиоридазинни ПегИнтрон препарати билан бир вақтда қўллаганда қонда тиоридазиннинг концентрацияси ошиши мумкин Бундай мажмуани эҳтиёткорлик билан қўллаш тавсия қилинади. Тиоридазиннинг йўриқномаси билан танишиб чиқиш керак. | Тиоридазиннинг метаболизми ПегИнтрон препаратининг CYP2D6 ни сусайтирувчи таъсири туфайли сусаяди. |
| Теофиллин, антипирин, Варфарин | Интерферонлар билан бир вақтда қўллаганда ушбу препаратларни қонда концетрациялари ошганлиги ҳақида ҳабар қилинган; эҳтиёткорлик билан қўллаш керак. | Жигарда бошқа препаратлар метаболизмини сусайиши кузатилиши мумкин |
| Зидовудин | Интерферонлар билан мажмуада қўлланганда суяк кўмигига сусайтирувчи таъсири кучайиши, шунингдек қонда ҳужайралар миқдори пасайиши (масалан, лейкоцитлар миқдори пасайиши) кучайиши мумкин. | Таъсир механизми маълум эмас, лекин иккала препарат ҳам суяк кўмигига сусайтирувчи таъсир кўрсатади, деб ҳисобланилади.
|
| Иммунитетни сусайтирувчи даволаш | Интерферонлар билан мажмуада қўллаганда буйрак, суяк кўмиги ёки бошқа аъзолар трансплантати бўлган пациентларда иммунитетни сусайтирувчи даволашнинг самарадорлигини пасайиши кузатилиши мумкин. | Трансплантатни кўчиши эхтимоли мавжуд, деб ҳисобланилади.
|
Рибавирин
Рибавириннинг турли дозаларидаги фармакокинетик тадқиқотларда ПегИнтрон препарати ва рибавирин орасида ҳеч қандай фармакокинетик ўзаро таъсири кузатилмаган.
С гепатити ва ОИТВ коинфекцияси
Нуклеозидли аналоглар. Нуклеозидли аналогларнинг (фақат ўзини ёки бошқа нуклеозидлар билан мажмуада) қўлланилиши лактоацидозни ривожланишига олиб келган. Фармакологик жиҳатдан рибавирин in vitro шароитда пуринли нуклеозидларнинг фосфорланган метаболитлари миқдорини оширади. Бу фаоллик пуринли нуклеозидли аналоглар (масалан, диданозин ёки абакавир) билан индукцияланган лактоацидозни ривожланиш хавфини кучайтириши мумкин. Рибавирин ва диданозинни бир вақтда қўллаш тавсия қилинмайди. Митохондриал токсиклик ҳоллари, шу жумладан айрим ҳолларда ўлим билан якунланувчи лактоацидоз ва панкреатит тўғрисида хабар қилинган (рибавиринни қўллаш бўйича йўриқномасига қаранг).
ОИТВни даволаш схемасига зидовудин киритилганда, рибавиринни қўлланиши туфайли анемияни зўрайиши тўғрисида хабарлар олинган, аммо бу ҳодисанинг аниқ механизми номаълум. Анемияни ривожланиш хавфи туфайли рибавирин ва зидовудинни бир вақтда қўллаш тавсия қилинмайди. Агар у буюрилган бўлса, мажмуавий антиретривирус терапияда зидовудинни алмаштириш масаласини кўриб чиқиш лозим. Бу айниқса анамнезда зидовудин билан индукцияланган анемия билан касалланган пациентларга тааллуқлидир.
Номутаносиблик
Бу препаратни фақат бирга берилган эритувчи билан эритиб тайёрлаш керак. Номутаносиблик бўйича тадқиқотлар ўтказилмаганлиги сабабли, препаратни бошқа дори воситалари билан аралаштириш мумкин эмас.
Махсус кўрсатмалар
Руҳият ва марказий нерв тизими (МНТ)
МНТ томонидан оғир реакциялар, хусусан депрессия, ўз жонига қасд қилиш тўғрисида фикрлаш ёки ўз жонига қасд қилишга уриниш ПегИнтрон препарати билан даволаш вақтида, шунингдек даволашдан кейинги 6 ой давомида айрим пациентларда кузатилган. МНТ томонидан бошқа реакциялар, шу жумладан, тажавузкор ҳатти-ҳаракат (айрим ҳолларда гомицидал ғоялар сифатида бошқаларга қарши йўналтирилган ҳаракатлар), биполяр бузилишлар, мания, онгни чалкашиши ва ментал ҳолатнинг ўзгариши альфа интерферонлар қўлланганда кузатилган. Пациентлар ҳолати, руҳий бузилишларнинг белгилари ва симптомлари юзасидан синчков назорат қилиниши лозим. Бундай симптомлар пайдо бўлганда, шифокор ушбу ножўя реакцияларнинг жиддийлигини ёдда тутиши ва тегишли даволашни ўтказиш тўғрисидаги масалани кўриб чиқиши керак. Агар руҳият томонидан симптомлар сақланса ёки ёмонлашса ёки ўз жонига қасд қилиш тўғрисида фикрлаш кузатилса ёки ўлим ҳақидаги фикр кузатилса, ПегИнтрон препаратини қўллашни тўхтатиш ва пациент ҳолатини кузатиб бориш, зарурат туғилганда бўлган ҳолларда эса, тегишли психиатрик даволашни ўтказиш керак.
Ҳозирги вақтда ёки анамнезда оғир руҳий ҳолатлари бўлган пациентлар
Агар оғир руҳий ҳолатда (ҳозирги вақтда ёки анамнезда) бўлган пациентни альфа-2b интерферон билан даволаш лозим бўлса, уни фақат руҳий ҳолатнинг тегишли индивидуал диагностик ва терапевтик назоратидан сўнггина бошлаш лозим.
Оғир руҳий ҳолатда (ҳозирги вақтда ёки анамнезда) бўлган болалар ва ўсмирларда ПегИнтрон препаратини қўллаш мумкин эмас. Альфа-2b интерферон ва рибавирин мажмуаси билан даволанган болаларда, даволаш вақтида ва 6 ойлик кузатиш даврида ўз жонига қасд қилиш тўғрисида фикрлаш ёки ўз жонига қасд қилиш ҳоллари тўғрисида катта ёшдаги пациентларга нисбатан (2,4% ва 1%) кўпроқ хабар қилинган. Болалар ва ўсмирларда (катта ёшдаги пациентлардаги каби) руҳият томонидан бошқа ножўя реакциялар ҳам (депрессия, эмоционал лабиллик, уйқучанлик) юз берган.
Психофаол моддаларни истеъмол қилувчи/суистеъмол қилувчи пациентлар
Бир вақтда психофаол моддаларни (спиртли ичимликлар, марихуана ва бошқ.) истеъмол қилувчи С вирусли гепатити бўлган пациентларда альфа интерферон билан даволанишда руҳият томонидан бузилишларни юз бериши ёки руҳиятнинг мавжуд бузилишларини кучайиши эҳтимоли юқори бўлади. Агар шундай пациентларни альфа интерферон билан даволаш лозим бўлса, йўлдош руҳий касалликларни мавжудлиги ва бошқа моддаларни қўллаш мумкинлигини синчков баҳолаш ва даволашни бошлашдан аввал тегишли чораларни кўриш лозим. Агар зарурат бўлса, ҳолатни, даволаш ва кейинги кузатувни баҳолаш учун кўп йўналишли ёндашув, шу жумладан руҳшунос ёки нарколог иштироки тўғрисидаги масалани кўриб чиқиш керак. Даволашни ўтказиш вақтида, ҳамда даволаш бекор қилингандан кейин пациент ҳолатини синчков назорат қилиш лозим. Руҳият бузилишларини такрор юз бериши ёки ривожланиши ва психофаол моддаларни қўлланиши юзасидан эрта аралашув тавсия қилинади.
Ўсиш ва ривожланиш (болалар ва ўсмирлар)
48 ҳафталик даволаш курси давомида 3 ёшдан 17 ёшгача бўлган пациентларда кўпинча тана вазнини камайиши ва ўсишни секинлашиши кузатилган.
Интерферон/рибавирин препаратларининг мажмуаси билан болаларни янада узоқроқ муддат даволаш бўйича мавжуд маълумотлар ҳам, хаттоки даволаш 5 йил олдин якунланган бўлса ҳам, 21% болаларда ўсишни жиддий секинлашишини (ўсиш перцентилининг дастлабки кўрсаткичларга нисбатан >15 перцентилга камайиши) кўрсатади.
Болалардаги афзалликлар/хавфни шахсий равишда баҳолаш.
Даволашда кутилаётган фойдани болалар ва ўсмирлар иштирокида клиник тадқиқотларда олинган хавфсизлик бўйича маълумотлар билан синчиклаб солиштириш лозим.
Мажмуавий даволаш ўсишни кечикишини кучайтириши, бу жараённи қайтувчанлигини номаълумлигини ҳисобга олиш жуда муҳимдир.
Хавфни касалликни кучайиб бориши (яққол фиброз), касалликни кучайиб боришига салбий таъсир кўрсатиши мумкин бўлган йўлдош касалликлар (масалан, йўлдош ОИТВ-инфекцияси) ҳақидаги маълумотлар каби, боладаги касаллик характеристикалари, шунингдек вирусологик жавоб юзасидан прогностик омиллар (С гепатити вируси генотипи ва вирусли юклама) билан солиштириш лозим.
Агар иложи бўлса, ҳолларда бола ўсишини кечикиш хавфини камайтириш учун болани даволашни ўсишнинг пубертатли сакрашидан кейин ўтказиш лозим. Жинсий етилишга таъсири юзасидан маълумотлар йўқ.
Онгни жиддийроқ карахтлашиши ва кома, шу жумладан энцефалопатия ҳолатлари, хавфли касалликларни даволаш учун препаратнинг юқорироқ дозаларини қабул қилган айрим пациентларда (кўпроқ кекса ёшдаги) кузатилган. Ушбу самараларнинг қайтувчанлиги туфайли бир нечта пациент 3 ҳафтадан кейин бутунлай тузалган. Юқори дозаларда альфа интерферон қўлланганда тиришиш ҳолатлари жуда кам кузатилган.
Сурункали С гепатитининг алоҳида ўрганишларида барча пациентларда тадқиқотга киритилгунига қадар жигар биопсияси ўтказилган, бироқ айрим ҳолларда (масалан, 2 ва 3-генотипга эга бўлган пациентларда) гистологик тасдиқларсиз даволашни ўтказиш мумкин бўлган. Даволашни бошлашдан аввал жигар биопсиясини ўтказиш зарурлиги тўғрисидаги масалани ҳал қилишда амалдаги кўрсатмаларга риоя қилиш лозим.
Тезкор турдаги ўта юқори сезувчанлик. Альфа-2b интерферон билан даволаш давомида тезкор турдаги ўта юқори сезувчанлик реакциялари (эшакеми, ангионевротик шиш, бронхоспазм, анафилаксия каби ҳолатлар) кам кузатилган. Агар ПегИнтрон препаратини қўллаш вақтида шундай реакциялар юз берса, уни дарҳол бекор қилиш ва тегишли медикаментоз даволашни буюриш лозим. Ўткинчи тери тошмаси препаратни бекор қилишни талаб қилмайди.
Юрак-қон томир тизими. Альфа-2b интерферон қўлланганида бўлгани каби, анамнезда димланган юрак етишмовчилиги, миокард инфаркти ва/ёки ҳозирги вақтда ёки анамнезда юрак ритмини бузилишлари бўлган, ПегИнтрон препарати билан даволанаётган катта ёшдаги пациентлар доимо шифокор назорати остида бўлишлари лозим. Даволаш бошланишидан аввал ва даволаш давомида юрак томонидан патологиялари бўлган пациентларда ЭКГ-текширувини ўтказиш лозим. Юрак аритмиясини (асосан юрак қоринчалари усти аритмиясини) одатда стандарт даволаш билан даволанади, бироқ ПегИнтрон препаратини бекор қилиш талаб қилиниши мумкин. Анамнезда юрак касалликлари бўлган болалар ёки ўсмирларга тааллуқли маълумотлар йўқ.
Жигар етишмовчилиги. ПегИнтрон жигар циррози бўлган беморларда жигар етишмовчилигини ривожланишини ва ўлим хавфини оширади. Барча интерферонларни қўллаганда бўлгани каби, жигар функциясини декомпенсациясини кўрсатиши мумкин бўлган қон ивиши вақтини ошиши ҳолларида ПегИнтрон препаратини бекор қилиш керак. ПегИнтрон билан даволаш бошланганидан кейин 2, 8 ва 12-ҳафтада, сўнгра даволаш давомида ҳар 6 ойда жигар функциясини (зардоб билирубини, АЛТ (аланинтрансаминаза), АСТ (аспартатаминотрансфераза), ишқорий фосфатаза ва ЛДГ (лактатдегидрогеназа)) баҳолаш керак. Жигарни оғир шикастланиши (3-даражали) ёки жигар етишмовчилиги (Чайлд-Пью шкаласи бўйича >6, В ва С синфи) бўлганида ПегИнтронни қабул қилишни батамом тўхтатиш керак.
Иситма. Иситма интереферон билан даволаш вақтида тез-тез хабар қилинган гриппсимон синдром билан боғлиқ бўлганлиги туфайли, персистик иситманинг бошқа сабаблари инкор қилиниши керак.
Гидратация. ПегИнтрон препарати билан даволанаётган пациентларда адекват гидратацияни таъминлаш лозим, чунки альфа-интерферонлар билан даволанганда айрим пациентларда организмдаги суюқлик миқдорини камайиши билан боғлиқ бўлган артериал гипотензия кузатилган. Бундай ҳолларда регидратацияни ўтказиш талаб қилиниши мумкин.
Ўпка касалликлари. Альфа интерферон билан даволанган пациентларда ўпка инфильтратлари, айрим ҳолларда ўлимга олиб келувчи пневмонит ва пневмония кам кузатилган. Иситма, йўтал, ҳансираш ёки бошқа респиратор симптомлари юз берган барча пациентларда кўкрак қафаси рентгенографиясини ўтказиш лозим. Агар рентгенограммада инфильтратлар ёки ўпка функциясини ёмонлашиши белгилари мавжуд бўлса, пациент ҳолатини синчиклаб кузатиб бориш ва агар зарурат туғилса альфа интерферонни бекор қилиш керак. Альфа интерферонни дарҳол бекор қилиш ва кортикостероидлар билан даволаш, ўпка томонидан ножўя кўринишларни йўқолишига олиб келади.
Аутоиммун касалликлар. Альфа интерферонлар билан даволаш вақтида аутоантителаларни пайдо бўлиши ва аутоиммун касалликларини юз бериши ҳақида хабар қилинган. Аутоиммун бузилишларини ривожланишига мойилроқ бўлган пациентларда хавф баландроқ бўлади. Аутоиммун бузилишлар тўғрисида гувоҳлик берувчи белгилар ёки симптомлар мавжуд бўлган пациентлар ҳолатини синчковлик билан баҳолаш, шунингдек интерферон билан даволашни давом эттиришдан кутиладиган фойда-хавфни баҳолашни қайта кўриб чиқиш лозим.
Сурункали С гепатитида интерферон билан даволанаётган пациентларда Вогт-Коянаги-Гарад синдроми кузатилган. Бу синдром кўз, эшитиш тизими, мия пардалари ва терини шикастловчи гранулематоз яллиғланиш касаллигидир. Агар Вогт-Коянаги-Гарад синдроми белгилари мавжуд бўлса, антивирус даволашни бекор қилиш ва кортикостероид билан даволашни ўтказиш тўғрисидаги масалани кўриб чиқиш керак.
Кўриш қобилияти томонидан ўзгаришлар. Офтальмологик бузилишлар, кўз тўр пардасига қон қуйилиши, ретинал экссудати, кўз тўр пардасини серозли кўчиши ва артериялари ёки веналари окклюзияси ҳақида альфа интерферонлар билан даволашдан кейин кам ҳолларда хабар берилган. Барча пациентларда даволашдан олдин офтальмологик текширишни ўтказиш лозим. Кўз томонидан симптомлари, шу жумладан кўриш ўткирлигини пасайиши ёки кўриш майдонини қисқариши бўлган барча пациентларда дарҳол тўлиқ офтальмологик текширувни ўтказиш лозим. ПегИнтрон препарати билан даволаш вақтида, айниқса ретинопатия билан боғлиқ бўлиши мумкин бўлган бузилишлари бўлган пациентларда, масалан, қандли диабети ёки артериал гипертензияда кўриш қобилиятини вақти-вақти билан текшириб туриш тавсия қилинади. Офтальмологик касалликлар юз берганида ёки ёмонлашганида пациентларда ПегИнтрон препаратини бекор қилиш тўғрисидаги масалани кўриб чиқиш керак.
Қалқонсимон бези томонидан ўзгаришлар. Сурункали С гепатитида альфа интерферон билан даволанаётган катта пациентларда, кам ҳолларда қалқонсимон бези томонидан бузилишлар – гипотиреоз ёки гипертиреоз кузатилган. ПегИнтрон/рибавирин препаратлари билан мажмуавий даволанган болаларнинг тахминан 21% да тиреостимулловчи гормони даражасини ошиши, 2% пациентларда эса, гормон даражасини транзитор камайиши (норманинг қуйи чегарасидан пастроқ бўлиши) кузатилган. ПегИнтрон препаратини қўллашдан аввал тиреостимулловчи гормон даражасини аниқлаш ва қалқонсимон бези томонидан бирон-бир бузилишлар аниқланган ҳолларда стандарт даволашни ўтказиш лозим. Агар даволаш курси давомида пациентда қалқонсимон бези томонидан бўлиши мумкин бўлган бузилишларга кўрсатувчи симптомлар юз берса, тиреостимулловчи гормон даражасини аниқлаш лозим. Қалқонсимон бези дисфункциясида ПегИнтрон препаратини қўллашни, медикаментозли даволашни ўтказишда тиреостимулловчи гормон даражасини норма доирасида сақланиши мумкин бўлган шароитларда давом эттириш мумкин. Болалар ва ўсмирлар ҳолатини ҳар 3 ойда қалқонсимон бези функцияси бузилиш белгилари юзасидан (масалан, тиреостимулловчи гормон даражаси) назорат қилиб туриш лозим.
Метаболизмни бузилишлари. Гипертриглицеридемия ва триглицеридемияни яққоллигини, айрим ҳолларда унинг оғир шаклда кучайиши кузатилган; шунинг учун липидлар даражасини назорат қилиб туриш тавсия қилинади.
С гепатити ва ОИТВ коинфекцияси
Митохондриал токсиклик ва лактоацидоз
Йўлдош ОИТВ-инфекцияси бўлган, юқори даражадаги фаол антиретровирус терапияни олаётган пациентларда лактоацидозни ривожланиш хавфи юқорироқ бўлган. Юқори даражадаги фаол антиретровирус терапияни ўтказиш вақтида ПегИнтрон препарати ва рибавирин буюрилган ҳолларда эҳтиёткорлик чораларига амал қилиш лозим (Рибавиринни қўллаш бўйича йўриқномасига қаранг).
С гепатити ва ОИТВ коинфекцияси ва кучайиб борувчи жигар циррози бўлган пациентларда жигар функциясини декомпенсацияси.
Коинфекция ва кучайиб борувчи жигар циррози билан касалланган, вирусларга қарши юқори даражадаги фаол терапияни олаётган пациентларда жигар функциясини декомпенсацияси ва ўлимга олиб келиш хавфи юқори бўлиши мумкин. Фақат альфа интерферонлар билан ёки рибавирин билан мажмуада қўшимча даволаш пациентларнинг ушбу гуруҳи учун хавфни ошириши мумкин. Жигар функцияси декомпенсациясининг юқори хавфи билан боғлиқ бўлган коинфекциялари бўлган бошқа бошланғич омиллар, диданозин билан даволаш ва қон зардобида билирубин концентрациясини ошишини ўз ичига олади.
Антиретровирус ва антигепатит терапияни олаётган коинфекцияси бўлган пациентлар ҳолатини даволаш давомида кўрсаткични Чайлд-Пью шкаласи бўйича баҳолаган ҳолда, синчков назорат қилиб туриш лозим. Жигар функциясини кучайиб борувчи декомпенсацияси бўлган пациентларда антигепатит терапияни дарҳол бекор қилиш ва антивирус даволашни қайтадан кўриб чиқиш лозим.
С гепатити ва ОИТВ коинфекцияси бўлган пациентларда қон кўрсаткичларининг паталогик ўзгаришлари
С гепатити ва ОИТВ коинфекцияси бўлган, альфа-2b пегинтерферон/рибавирин билан даволанаётган ва юқори даражада фаол антиретровирус терапия олаётган пациентларда, фақат С гепатити вируси билан инфекцияланган пациентларга нисбатан, қон кўрсаткичларининг патологик ўзгаришлари (нейтропения, тромбоцитопения ва анемия) хавфи юқори бўлиши мумкин. Гарчи кўпчилик ҳолатларда патологик ўзгаришларни доза камайтирилганда йўқолиши мумкин бўлсада, пациентларнинг ушбу гуруҳида қон кўрсаткичларини доимий мониторингини ўтказиб туриш керак.
ПегИнтрон/рибавирин мажмуаси ва зидовудинни қабул қилган пациентларда анемияни ривожланиш хавфи юқори бўлган. Шу сабабли, ушбу мажмуа ва зидовудинни бир вақтда қўллаш тавсия қилинмайди.
CD4 ҳужайралари даражаси паст бўлган пациентлар
С гепатити ва ОИТВ коинфекцияси бўлган, CD4 ҳужайралари даражаси 200/мкл дан кам бўлган пациентлар учун даволаш самарадорлилиги ва хавфсизлиги бўйича маълумотлар чекланган (N = 25), шунинг учун CD4+ ҳужайраларининг даражаси паст бўлган пациентларни даволашни эҳтиёткорлик билан ўтказиш лозим.
Ҳар бир препарат учун аниқланган токсикликни тушуниш ва даволаш ҳамда ПегИнтрон ва рибавирин препаратлари билан кесишган токсиклик эҳтимоллигини тушуниш учун С гепатитини даволашда мажмуада қўлланилаётган антиретровирусли препаратларни қўллаш бўйича йўриқномалар билан танишиб чиқиш лозим.
Дентал ва периодонтал бузилишлар. Тишларни тўкилишига олиб келиши мумкин бўлган дентал ва периодонтал бузилишлар тўғрисида ПегИнтрон ва рибавирин препаратлари билан мажмуавий даволанаётган С гепатити бўлган пациентларда хабар қилинган. Бундан ташқари, оғизни қуриши ПегИнтрон ва рибавирин препаратларининг мажмуаси билан узоқ вақт даволанганда, тишлар ва оғиз бўшлиғи шиллиқ пардасига зарарли таъсир кўрсатиши мумкин. Пациентлар ҳафтасига 2 марта тишларини яхшилаб тозалашлари ва мунтазам равишда стоматологик текширувдан ўтиб туришлари керак. Бундан ташқари, айрим пациентларда қусиш пайдо бўлиши мумкин, шундан кейин оғиз бўшлиғини яхшилаб чайиб ташлаш лозим.
Трансплантация қилинган аъзолари бўлган пациентлар. Жигар ёки бошқа аъзоси трансплантация қилинган пациентларда С гепатитини даволаш учун ПегИнтрон препарати билан монотерапия ёки уни рибавирин билан мажмуасининг хавфсизлиги ва самарадорлиги ўрганилмаган. Дастлабки маълумотлар альфа интерферон билан даволаш, кўчириб ўтказилган буйракни кўчиши тез-тезлигини ошиши билан боғлиқ бўлиши мумкинлигини кўрсатади.
Бошқалар. Альфа интерферонни псориатик касалликлар ва саркоидозни кучайтириши ҳақида хабар қилинганлиги туфайли, псориаз ва саркоидоз билан касалланган пациентларга ПегИнтрон препаратини қўллаш, фақат бундай даволашдан кутилган потенциал фойда потенциал хавфдан юқори бўлган ҳоллардагина тавсия қилинади.
Лаборатория таҳлиллари. Даволашни бошлашдан аввал барча пациентларда қоннинг умумий ва биокимёвий таҳлилини ўтказиш, шунингдек қалқонсимон бези функциясини текшириш лозим. ПегИнтрон препарати билан даволашни бошлаш учун қон кўрсаткичларининг қуйидаги дастлабки кўрсаткичлари маъқул ҳисобланади:
тромбоцитлар – ≥ 100 000/мм3;
нейтрофиллар – ≥ 1 500/ мм3;
ТТГ даражаси – норма чегарасида бўлиши керак.
Лаборатория таҳлилларини даволашнинг 2 ва 4 ҳафтасида ўтказиш ва кейинчалик клиник кўрсатмаларга мувофиқ ўтказиб туриш лозим. Даволаш даврида РНК-ВГС даражаларини вақти-вақти билан текшириб туриш лозим.
ПегИнтрон препаратининг таркибига кирувчи айрим ёрдамчи моддалар тўғрисидаги муҳим маълумотлар. Фруктозани ўзлаштираолмаслик, глюкоза-галактоза мальабсорбцияси ёки сахароза-изомальтоза етишмовчилиги каби кам учрайдиган наслий касаликлари бўлган пациентларда ушбу препаратни қўллаш мумкин эмас.
Препарат 0,7 мл да 1 ммоль (23 мг) дан камроқ натрий сақлайди, яъни препарат деярли натрий сақламайди. Клиник тадқиқотда альфа-2b пегинтерферон қуйи дозада (ҳафтасига 0,5 мкг/кг) вирусологик жавобсиз компенсацияланган циррози бўлган пациентларда касалликни кучайиб боришини олдини олиш учун узоқ вақт тутиб турувчи монотерапия сифатида (ўртача давомийликдаги 2,5 йил бўлганда) самарали эмаслиги намойиш қилинган. Дастлабки клиник белгилар (жигар функцияси декомпенсацияси, гепатоцеллюляр карцинома, ўлим ва/ёки жигар трансплантацияси) пайдо бўлгунича бўлган даврга, даволаш ўтказилмаган ҳолатга нисбатан статистик жиҳатдан аҳамиятли таъсир кузатилмаган. Шу сабабли, ПегИнтрон препаратини узоқ давом этувчи тутиб турувчи монотерапия сифатида қўллаш мумкин эмас.
Ҳомиладорлик ва эмизиш даврида қўлланиши
Туғиш ёшидаги аёллар/эркаклар ва аёллардаги контрацепция
ПегИнтрондан фертил ёшдаги аёллар томонидан фақат даволаш давомида контрацепциянинг самарали усулларидан фойдаланилган шароитларда қўллаш тавсия қилинади.
Рибавирин билан мажмуавий даволаш
Ҳомиладорликни олдини олиш учун пациент аёллар ва шериклари рибавирин билан мажмуада ПегИнтрон қабул қилаётган аёллар жуда ишончли контрацепция усулларини қўллашлари лозим. Туғиш ёшидаги аёллар бутун даволаш даври давомида ва даволаш тугагандан кейинги 4 ой давомида самарали контрацепция усулларидан фойдаланишлари лозим. Эркак пациентлар ва уларнинг шериклари бутун даволаш даври давомида ва даволаш тугагандан кейинги 7 ой давомида самарали контрацепция усулларидан фойдаланишлари лозим (Рибавиринни қўллаш бўйича йўриқномасига қаранг).
Ҳомиладорлик
Альфа-2b интерферонни ҳомиладор аёлларда қўлланилиши тўғрисида тегишли маълумотлар мавжуд эмас. Ҳайвонларда ўтказилган тадқиқотлар репродуктив токсиклигини кўрсатди. Альфа-2b интерферон приматларда абортга олиб келган. Эҳтимол, ПегИнтрон препарати ҳам худди шундай таъсирга эга бўлиши мумкин.
Одамларда потенциал хавфи маълум эмас. ПегИнтрондан ҳомиладорлик даврида фақат даволашдан потенциал фойда, ҳомила учун потенциал хавфдан юқори бўлган ҳоллардагина қўллаш мумкин.
Рибавирин билан мажмуавий даволаш
Рибавириндан ҳомиладорлик даврида фойдаланиш жиддий туғма паталогияларни пайдо бўлишига олиб келади. Шу сабабли, рибавиринни ҳомиладор аёлларда қўллаш мумкин эмас.
Эмизиш
Препаратнинг компонентлари одам кўкрак сутига кириши ёки кирмаслиги маълум эмас. Эмизикли болаларда ножўя реакцияларнинг юзага келиш эҳтимоли мавжуд бўлганлиги учун даволаш бошлангунича эмизишни тўхтатиш лозим.
Болаларда қўлланиши
Препарат 3 ёшдан кичик болаларда қўлланилмайди.
Автотранспорт ва бошқа механизмларни бошқариш қобилиятига таъсири
ПегИнтрон препарати билан даволаш даврида толиқиш, уйқучанлик ва онгни чалкашиши юз берадиган пациентлар автотранспорт воситалари ва механизмларни бошқармасликлари лозим.
Препарат болалар ололмайдиган жойда сақлансин ва яроқлилик муддати ўтгач қўлланилмасин.
Дозани ошириб юборилиши
Белгиланган дозадан 10,5 марта ортиқ бўлган дозаларни қўллаш ҳақида хабар қилинган. 1 кун давомида 1200 мкг бўлган максимал суткалик дозани қўлланилиши ҳақида хабар қилинган. Умуман олганда, ПегИнтрон препаратининг дозасини ошириб юборилганда кузатилган ножўя реакциялар ПегИнтрон препаратининг маълум хавфсизлик профили билан бир хил; бироқ реакцияларнинг оғирлиги юқорироқ бўлиши мумкин. Дори препаратларини чиқарилишини кучайтириш учун стандарт усуллар, масалан, диализ самарадорликни намойиш қилмаган. ПегИнтрон препаратининг махсус антидоти мавжуд эмас. Шунинг учун доза ошириб юборилган ҳолларда симптоматик даволаш ва пациент ҳолатини синчков кузатиб бориш тавсия қилинади. Агар иложи бўлса, шифокорларга токсикология маркази билан маслаҳатлашиш тавсия қилинади.
Чиқарилиш шакли
Кукун шиша флаконларда (тайёр эритмада 50 мкг/0,5 мл, 80 мкг/0,5 мл, 100 мкг/0,5 мл,
120 мкг/0,5 мл ёки 150 мкг/0,5 мл фаол модда) ва эритувчи (инъекция учун сув 0,7 мл) шиша ампулаларда. Ўрамда 1 флакон ва 1 эритувчили ампула контур уяли ўрамда.
Сақлаш шароити
2–8°C ҳароратда сақлансин.
Тайёрланган эритмали шприц-ручкадан дарҳол фойдаланиш мумкин бўлмаган ҳолларда уни 2–8°С ҳароратда 24 соатгача сақлаш мумкин.
Микробиологик нуқтаи назардан, препаратни дарҳол ишлатиб юбориш керак. Агар препаратни дарҳол ишлатилмаса, препаратдан фойдаланувчи препаратни фойдаланишгача сақлаш вақти ва шароитлари учун жавобгар ҳисобланади (одатда 2–8°C ҳароратда, 24 соатгача).
Яроқлилик муддати
3 йил.
Дорихоналардан бериш тартиби
Рецепт бўйича.
