ҚЎЛЛАШ БЎЙИЧА ЙЎРИҚНОМА
ПАНТЕНОЛ СПРЕЙ
PANTENOL SPREY
Препаратнинг савдо номи: Пантенол спрей
Таъсир этувчи модда (ХПН): декспантенол
Дори шакли: сиртга қўллаш учун аэрозоль
Таркиби:
100 г аэрозоль қуйидагиларни сақлайди:
фаол модда: 4,63 г декспантенол;
ёрдамчи моддалар: цетостеарил спирти, суюқ мум, суюқ парафин, сув, пиросирка кислотаси, пропеллент уч хил газдан таркиб топган: пропан, изо-бутан, н-бутан.
Таърифи: бироз нордон ҳидли оқ кўпик.
Фармакотерапевтик гуруҳи: Ўта юқори чандиқланишни даволаш учун бошқа препаратлар. Декспантенол.
АТХ коди: D03AX03.
Фармакологик ҳусусиятлари
Декспантенол – Пантенол спрейи препаратининг фаол моддаси ҳисобланади. Организмда декспантенол пантотен кислотасига ўтади, у кофермент А нинг таркибий қисми ҳисобланиб, ацетил гуруҳини қўшилиш ва оксидланиш жараёнида муҳим роль ўйнайди, углевод, ёғ алмашинуви ва ацетилхолин синтезида иштирок этади. Яллиғланишга қарши таъсир кўрсатади ва тўқималар регенерациясини яхшилайди.
Фармакокинетикаси
Сиртга қўлланилганида тери орқали тез сўрилади ва пантотен кислотасига айланади, плазма оқсиллари билан (асосан бета-глобулинлар ва альбуминлар) боғланади.
Қўлланилиши
- жароҳатлар, қуёшдан ва термик куйишлар,
- буллёз ва пуффакли дерматит, бичилиш, фурункулларни очилиши ва санациясидан кейин,
- асептик операциядан сўнгги яралар, ёмон битаётган тери трансплантантлари,
- тери ёриқлари, шу жумладан лактация давридаги сут безлари ёриқларини ва яллиғланишини даволаш ва олдини олиш
- эмизикли болаларга парвариш учун: эмизикли болаларда бичилишларни олдини олиш ва даволаш, кичик шикастланишларда, йўргакдан эритема бўлишда, терининг битиш жараёнини фаоллаштиришда қўлланади.
Қўллаш усули ва дозалари
Аэрозоль суткада 1 ёки бир неча марта бутун шикастланган юза препарат (кўпик) билан қопланиши учун 10 – 20 см узоқликдан сепиш йўли билан сиртга қўлланилади. Даволаш курсининг давомийлиги касалликнинг оғирлигига боғлиқ.
Қўллаш мумкин бўлмаган ҳолатлар
Препаратнинг компонентларига юқори сезувчанликда қўллаш мумкин эмас.
Ножўя таъсирлари
Тери аллергик реакциялари кузатилиши мумкин, бунда препаратни қўллашни тўхтатиш лозим.
Дориларнинг ўзаро таъсири
Таърифланмаган.
Махсус кўрсатмалар
Қўллашдан олдин флаконни яхшилаб силқитиш лозим.
Баллонча босим остида. Қуёш нури тушишидан ва 50°С дан юқори ҳароратдан сақлансин. Қўлланиб бўлгандан сўнг баллонча куч билан очилмасин ва ёқиб юборилмасин. Очиқ олов ва қизиб турган буюмлар яқинида сепилмасин. Олов оладиган манбалардан узоқда сақлансин.
Ҳомиладорлик ва лактация
Ҳомиладорлик ва лактация даврида препаратни кўрсатма бўйича қўллаш мумкин.
Педиатрияда ва кекса ёшдаги шахсларда қўлланилиши
Кекса ёшдаги шахсларда ва ёш болаларда қўлланишида чеклашлар мавжуд эмас, аммо болаларга катталар назорати остида қўллаш лозим.
Препарат болалар ололмайдиган жойда сақлансин ва ўрамида кўрсатилган яроқлилик муддати ўтганидан сўнг ишлатилмасин.
Чиқарилиш шакли
130 г дан 150 мл ҳажмли алюмин аэрозол баллонда, клапан ва полипропилен пуркагич учлик ва полиэтилен қалпоқча билан таъминланган. Баллон қўллаш бўйича йўриқномаси билан бирга картон қутида жойланган.
Сақлаш шароити
25°С дан юқори бўлмаган ҳароратда сақлансин.
Яроқлилик муддати
3 йил.
Дорихоналардан бериш тартиби
Рецептсиз
