Skip to main content

Офлоксацин

Улашиш:
  Reading time 7 minutes

ҚЎЛЛАШ БЎЙИЧА ЙЎРИҚНОМА

ОФЛОКСАЦИН

OFLOXACIN

 

Препаратнинг савдо номи: Офлоксацин

Таъсир этувчи модда  (ХПН): офлоксацин

Дори шакли: инфузия учун эритма

Таркиби:

100 мл эритма қуйидагиларни сақлайди:

фаол моддалар: офлоксацин – 200,0 мг; натрий хлориди – 900,0 мг;

ёрдамчи моддалар: хлорид кислотаси, натрий гидроксиди, инъекция учун сув.

Таърифи: бироз сарғиш-яшил рангли тиниқ суюқлик.

Фармакотерапевтик гурухи: Антибактериал синтетик восита (фторхинолон гуруҳи).

АТХ коди: J01MA01

 

6-yillik-qizil-jenshen

Фармакологик хусусиятлари

Препаратнинг бактерицид таъсир механизми ДНК – гираза  фаоллигини ингибиция қилиниши билан боғлиқ бўлиб, бу бактерияларнинг ДНКси репликациясини тўхташига олиб келади. Офлоксацин кенг таъсир доирасига эга: у кўпчилик грамманфий бактериялар – Escherichia coli, Klebsiella, Proteus, Salmonella, Shigella, Enterobacter, Citrobacter, Providentiа, Pseudomonas, Hafnia, шунингдек  Staphylococcus га (шу жумладан метициллин ва бошқа антибиотикларга резистент микрофлорага) нисбатан фаол. Препаратга шунингдек, Neisseria, Mycoplasma, Chlamydia, Campylobacter, Brucella, Vibrio, Aeromonas, Plesiom0nas, Haemophilus influenza, Versinia. сезгирдир. Энтеракокклар, стрептококклар  (S.pyogenes, S.pneumoniae, S.viridans), Serratia marcescens, Pseudomonas aeruginosa, Acinetobacter, Mycoplasma (M.hominis, M.pneumoniae), туберкулез микобактериялари, шунингдек Mycobacterium fortuitum препаратларига доимий бўлмаган сезгирликка эга. Кўпчилик холатларда препаратга Ureaplasma urealyticum, Nocardia asteroids, анаэроб бактериялар (масалан, Bacteroides shh., пептакокклар, пептострептококклар, Eubacterium shh., Fusobacterium spp., Clostridium difficil) сезгир эмас. Офлоксацин Treponema pallidum га нисбатан самарли эмас.

Фармакокинетикаси

Офлоксацин тез ва деярли тўлиқ сўрилади. Препаратнинг биокираолишлиги деярли 100% га етади.

Офлоксациннинг қон плазмасидаги максимал концентрацияси 0,5-1соатдан кейин аниқланади. Ярим чиқарилиш даври 5-7 соатни ташкил этади. Препаратнинг тахминан 90% буйрак орқали ўзгармаган ҳолда чиқарилади, юборилган препаратнинг тахминан 5% метаболизмга учрайди.

 

Қўлланилиши

Офлоксацин препаратига сезгир қўзғатувчилар келтириб чиқарган бактериал инфекцияларни даволаш учун қўлланилади:

– нафас йўлларининг Haemophilus influenza ёки бошқа грамманфий қўзғатувчилар, шу жумладан тилларанг стафилококк, ичак таёқчаси, клебсиелла, энтеробактериялар, протей, Pseudomonas, легионелла, стафилакокклар томонидан чақирилган ўткир, сурункали ва қайталанувчи инфекциялари (бронхитлар, пневмониялар);

– қулоқ, томоқ ва буруннинг сурункали ва қайталанувчи инфекцияларида, агар уларни  грамманфий қўзғатувчилар ( шу жумладан, Pseudomonas ) ёки стафилококк келтириб чиқарган бўлса;

– юмшоқ тўқималар ва тери инфекциялари;

-суяк ва бўғимларнинг инфекциялари;

-қорин бўшлиғи ва кичик чаноқ аъзолари, шу жумладан қорин пардаси инфекциялари;

-бактериал энтерит;

-буйрак, сийдик чиқариш йўллари ва жинсий аъзоларнинг инфекциялари, гонореяни даволаш учун қўлланилади. Шунингдек офлоксацин организмнинг ҳимоя функцияси пасайган беморларда. (масалан нейтропения бўлганда). инфекцияларни профилактикаси учун қўлланилади

 

Қўллаш усули ва дозалар

Препаратнинг дозаси инфекциянинг оғирлиги ва турига боғлиқ. Катталар учун доза кунига 200 мг (100 мл) дан 800 мг (400 мл) гача ни ташкил этади. Офлаксациннинг суткали бир марталик дозаси сифатида (эрталаб қабул қилиш учун) 400 мг (200 мл) гача буюришга  рухсат берилади. Офлоксациннинг тавсия этилган дозалари:

Нафас йўллари, шунингдек томоқ, қулоқ ва бурун инфекциялари – суткада 400 мг (200 мл) (оғир ҳолларда суткада 600-800 мг).

Тери ва юмшоқ тўқималарнинг инфекциялари – суткада 400 мг (200 мл).

Суяк ва бўғимларнинг инфекциялари – суткада 400 мг (200 мл).

Қорин пардаси инфекциялари – суткада 400 мг (200 мл).

Бактериал энтеритда – суткада 400 мг (200 мл).

Юқори сийдик чиқариш йўллари ва жинсий аъзоларнинг инфекциялари – суткада 400 мг (200 мл).

Қуйи сийдик чиқариш йўлларининг асоратланмаган инфекциялари – суткада 200 мг (100 мл) ни ташкил қилади.

 

Ножўя таъсирлари

Меъда-ичак йўллари томонидан: қоринда оғриқ, иштаҳа йўқолиши, кўнгил айниши, қусиш, ич кетиш.

Марказий нерв тизими томонидан: бош оғриғи, бош айланиш, уйқуни бузилиши, галлюцинациялар.

Ўта юқори сезувчанлик реакциялари: тошмалар кўринишидаги тери реакциялари, қичишиш, камдан – кам ҳолларда фотосинсибилизация реакциялари, кўп шаклли эритема, нуқтали қон қуйилишлари (петихиялар) ва бошқалар.

Қонга таъсири: жуда кам ҳолларда лейкоцитлар, эритроцитлар ва/ёки қон пластинкалари сонини камайиши (лейкопения, агранулоцитоз, анемия, тромбоцитопения, панцитопения) кузатилади.

Бошқа ножўя таъсирлари: айрим ҳолларда юрак уришни тезлашиши (тахикардия), ҳолсизлик, бўғимларда, пайларда ва мушакларда оғриқ кузатилади. Якка ҳолларда, қонда қанд миқдорини ҳаддан ташқари кўпайиши ёки камайиши, хусусан, қандли диабет билан хасталанган беморларда аниқланади. Айрим кам холлардан ташқари, Офлоксацинни қабул қилиш натижасида кузатилган ножўя таъсирлар, препарат бекор қилгандан сўнг йўқолади.

 

Қўллаш мумкин бўлмаган ҳолатлар

Офлоксацинни, офлоксацин ва бошқа хинолонлар (хинолинкорбон кислотаси ҳосилалари) га юқори сезувчанликда тутқаноқ анамнезда марказий нерв тизими шикастланишларида (хусусан, бош мия жарохати, инсульт ёки марказий нерв тизимининг ялиғланиши жараёнлари) да қўллаш мумкин эмас. Офлоксацинни болалар, ўсмирлар, ҳомиладор ва эмизикли аёлларга буюриш мумкин эмас, чунки бу гуруҳ пациентлари учун офлоксацинни қўллаш ҳавфсизлиги юзасидан етарли маълумотлар йўқ. Ичак перистальтикасини сусайтирувчи препаратлар қабул қилиш мумкин эмас.

 

Дориларнинг ўзаро таъсири

Офлоксацинни меъда ширасининг кислотали муҳитини пасайтирувчи (минерал антацидлар) ва темир сақловчи воситалар билан бир вақида қўлланиши микробларга қарши самарасини сусайтиради, шунинг учун Офлоксацинни юқорида кўрсатиб ўтилган препаратларни қўллашдан 2 соат олдин қабул қилиш керак. Пробенецид, циметидин, фуросемид ва метотрексат препаратини чиқарилишини тормозлайди ва токсиклигини ошириши мумкин. Глибенкламиднинг концентрациясини оширади. Гепарин бўлмаган эритма билан аралаштириш мумкин эмас (преципитация хавфи).

 

Махсус кўрсатмалар

Препаратни қабул қилаётган пациентлар қуёш ва сунъий ультрабинафша нурларидан сақланишлари керак. Офлоксацин билан умумий даволаш курсининг давомийлиги ҳар  қандай ҳолатда 2 ойдан ошмаслиги зарур. Хайдовчилар учун огоҳлантириш: хатто тўғри қўлланганда ҳам, препарат тезкор реакцияларга бўлган имкониятни  ўзгартириши мумкин, шунинг учун пациентнинг кўча ҳаракатидаги фаол иштироки ёки автомобилни  бошқариш қобилияти бузилади. Офлоксацин  пневмококклар томонидан чақирилган пневмонияда танлов препарати бўла олмайди; ўткир тонзиллитни даволашда буюрилмайди. Колоноскопик ва/ёки гистологик жиҳатдан исботланган псевдомембраноз колитда ванкомицин ва метронидозолни  перорал буюриш тавсия қилинган.

Туберкулезнинг бактериологик диагностикасида сохта манфий натижасига олиб келиши мумкин. (Mycobacterium tuberculosisни аниқланишга тўсқинлик қилади). Болаларда фақат ҳаёт учун хавф мавжуд бўлганда, тахмин қилинаётган фойда ва ножўя таъсирларни ривожланишини потенциал ҳавфини ҳисобга олган ҳолда, токсиклиги камроқ бошқа препаратларни қўллаш мумкин бўлмаган ҳолларда қўлланилади. Бундай ҳолатларда ўртача суткалик доза 7,5 мг/кг максимал – 15 мг/кг.

 

Дозани ошириб юборилиши

Симтомлар: уйқучанлик, кўнгил айниши, қусиш, бош айланиш, дезориентация, (тормозланиш), онгни чалкашиши.

Даволаш: меъдани ювиш, ҳаёт учун муҳим функцияларни тутиб туриш.

 

Чиқарилиш шакли

100 мл дан 200 мг/100 мл инфузия учун эритма полипропилен флаконларда.

 

Сақлаш шароити

Қуруқ, ёруғликдан ҳимояланган жойда, 25ºС дан юқори бўлмаган ҳароратда сақлансин.

Музлатишга йўл қўйилмасин.

Болалар ололмайдиган жойда, сақлансин.

 

Яроқлилик муддати

2 йил.

Яроқлилик муддати ўтгач қўлланилмасин.

 

Дорихонадан бериш тартиби

Рецепт бўйича.

 

Улашиш: