Skip to main content

Никобал

Улашиш:
  Reading time 2 minutes

ҚЎЛЛАШ БЎЙИЧА ЙЎРИҚНОМА

НИКОБАЛ

NICOBAL

 

Препаратнинг савдо номи: Никобал.

Таъсир этувчи модда (ХПН): коамид

Дори шакли: инъекция учун эритма 1%

Таркиби:

1 мл эритма куйидагиларни сақлайди:

фаол модда: коамид – 10 мг;

ёрдамчи модда: инъекция учун сув – 1 мл гача.

Таърифи: тиниқ пушти рангли суюқлик.

Фармакотерапевтик гуруҳи: Гемопоэзни рағбатлантирувчи восита.

 

Фармакологик хусусиятлари

6-yillik-qizil-jenshen

Фармакокинетика

Кобальт тўқималарда кам миқдорда учрайдиган микроэлементларга киради. Жигарда, буйракда, суяк кўмигида, тўлиқ қон (оқсил ва эритроцитларда) сақланади. Асосан буйраклар, ичак деворлари орқали ажралади.

 

Фармакодинамика

Эритропоэтинни ишлаб чиқарилишини рағбатлантириши ҳисобига кон айланишини рағбатлантиради, организм томонидан темирни сўрилишини яхшилайди ва уни моддалар алмашинувига киритади. Булардан ташқари, аминокислоталар синтезини индуцирлайди, тўқималардаги полисахаридлар, ДНК ва РНК миқдорини оширади, сукцинатдегидрогеназалар, ишқорий фосфатазалар ва цитохромоксидазалар фаоллигини оширади.

 

Қўлланилиши

Гипохром анемия (қонда гемоглабин миқдорининг камлиги), гипопластик анемия (суяк кўмигида қон айланиш фаолиятининг пасайиши ҳисобига қондаги гемоглабиннинг камайиши), темир танқислиги анемияси (темир моддасининг ажралиши, ӯзлаштирилиши ва кириб келишини бузилиши оқибатида қонда гемоглабиннинг камайиши).

 

Қўллаш усули ва дозалари

Тери остига 1%ли эритмани кунига 1 мл дан юборилади.

Даволаш давомийлиги касаллик турига ва олинадиган натижаларга биноан белгиланади.

Ўртача даволаш курси 25-30 кун давом этади.

12 ёшдан қўллаш рухсат этилган.

 

Ноъжўя таъсирлари

Баъзан бош айланиши ва кунгил айнаши, кам холларда- юзнинг қизариши, тахикардия, артериал босимнинг камайиши, коллапс.

Қўллаш мумкин бўлмаган ҳолатлар

Юрак-қон томир тизимининг оғир касалликлари.

 

 

Дориларнинг ўзаро таъсири

Марганец ва никельга синергист ҳисобланади. Темир сақлаган дори воситалари билан бирга қўлланилганда уларнинг камайишига олиб келади.

Чиқарилиш шакли

1% инъекция учун эритма 1 мл дан ампулаларда. 5, 10 ёки 20 ампуладан ўрамда.

 

Сақлаш шароити

Қурук, ёруғликдан ҳимояланган жойда 25°С дан юқори бўлмаган ҳароратда сақлансин.

 

Яроқлилик муддати

2 йил.

 

Дорихоналардан бериш тартиби

Рецепт бўйича.

 

Улашиш: