ҚЎЛЛАШ БЎЙИЧА ЙЎРИҚНОМА
MRЭБУФИН
MREBUFIN
Препаратнинг савдо номи: MRЭбуфин
Таъсир қилувчи модда (ХПН): Ибупрофен
Дори шакли: Ичга қабул қилиш учун суспензия.
Таркиби:
5 мл суспензия қуйидагиларни сақлайди:
Фаол модда: Ибупрофен – 100 мг.
Ёрдамчи моддалар: пропиленгликол, глицерин, нипагин (метипарабен), нипазол (пропилпарабен), сахара, полисорбат 80, (Твин 80), аэросил, тозаланган натрий карбоксиметилцеллюлоза, озуқавий эссенция хушбўйи, тозаланган сув.
Таърифи: Оқ рангли, апельсин таъмли суспензия. Сақлаш давомида қатламлар ҳосил бўлиши мумкин, чайқатилиш натижасида йўқолади.
Фармакотерапевтик гуруҳи: Ностероид яллиғланишга қарши восита.
АТХ коди: М01АЕ01
Фармакологик хусусиятлари
Ибупрофен иситмани туширувчи, оғриқни қолдирувчи ва яллиғланишга қарши таъсир кўрсатувчи пропион кислотасининг ҳосиласидир.
Ибупрофеннинг таъсир механизми, энг аввало, арахидон кислотасининг простагландинлар, простациклин ва тромбоксанга айланишини бошқарувчи фермент – циклооксигеназа (ЦОГ) нинг фаоллигини пасайтириш ва оқибатда простагландинлар биосинтезини бостириши билан боғлиқ. Бунда арахидон кислотаси метаболизмнинг циклооксигеназа йўлининг қайтмас тормозланиши натижасида простагландинларнинг ҳосил бўлиши камаяди. Яллиғланиш жойида простагландинларнинг концентрациясини камайиши брадикининни, эндоген пирогенларни, бошқа биологик фаол моддаларни, кислород радикаллари ва NO нинг ҳосил бўлишини камайиши билан кечади. Буларнинг ҳаммаси яллиғланиш жараёнининг фаоллигини пасайишига олиб келади (ибупрофеннинг яллиғланишга қарши самараси) ва оғриқ рецепциясининг камайиши билан кечади (оғриқ қолдирувчи самара). Цереброспинал суюқликда простагландинларнинг концентрациясини камайиши тана ҳароратининг нормаллашишига олиб келади (антипиретик самара). Ҳароратни тушириш самараси қабул қилинганидан кейин 30 минут ўтгач бошланади, унинг максимал таъсири 3 соатдан кейин намоён бўлади.
Фармакокинетикаси
Овқат қабул қилиш ибупрофеннинг сўрилишини секинлаштиради, лекин унинг биологик кираолишлигини камайтирмайди. Ибупрофен суспензия кўринишида болалар томонидан 10 мг/кг дозада қабул қилинганида, унинг қондаги максимал концентрацияси 55 мкг/мл ни ташкил қилади. Ибупрофен овқат билан бирга қабул қилинганида бир мунча секинроқ сўрилади: бунда tmax, оч қоринга қабул қилинганига қараганда 30-60 минут узоқроқ ва 1,5-3 соатни ташкил қилади.
Ибупрофен қон плазмаси оқсиллари билан 99% дан кўпроқ боғланади. Дори воситасини боғловчи асосий оқсиллар альбуминлардир. Ибупрофеннинг тақсимланиш ҳажми катталарда тана вазнига нисбатан 0,12 л/кг ни ташкил қилади, тана ҳарорати кўтарилган 11 ёшдан кичик болаларда эса бу кўрсаткич юқори бўлиб ва тана вазнига нисбатан 0,2 л/кг ни ташкил қилади.
Дори воситаси асосан жигарда биотрансформацияга учрайди. Қабул қилинган дозанинг 70-90% метаболитлари шаклида ва унинг глюкурон кислотаси билан конъюгацияси маҳсулотлари шаклида сийдик билан чиқарилади.
Дозанинг қолган қисми ўзгармаган ҳолда ва шунингдек метаболитлари кўринишида аҳлат билан чиқарилади. Дори воситаси организмда тўпланмайди.
Қўлланилиши
MRЭбуфин – суспензия иситмани туширувчи, оғриқни қолдирувчи, яллиғланишга қарши таъсир кўрсатади. Пайдо бўлиш жойига таъсир қилиш йўли билан ошган тана ҳарорати, оғриқ ва шиш каби симптомларнинг намоён бўлишини камайтиради.
MRЭбуфин препарати эмизикли болалар ва болаларда қуйидаги ҳолларда қўллаш учун мўлжалланган:
- Турли генезли тана ҳароратини ошиши:
– шамоллаш касалликларида,
– ўткир респиратор вирусли инфекцияларда,
– гриппда,
– ангинада (фарингитда),
– тана ҳароратини ошиши билан бирга кечувчи болалардаги инфекцияларда,
– эмлашдан кейинги реакцияларда.
- Турли келиб чиқишга эга кучсиз ва ўртача жадалликдаги оғриқ синдроми:
– ўрта қулоқ яллиғланганда қулоқ оғриғида,
– тиш оғриғи, тишларнинг оғриқ билан чиқиши,
– бош оғриғи, мигрень,
– мушаклардаги, бўғимлардаги оғриқлар,
– таянч-ҳаракат аппаратининг жароҳатлари.
Қўллаш усули ва дозалари
Оғиз орқали қўллаш учун.
5 мл суспензия 100 мг ибупрофен сақлайди.
Ишлатиш олдидан бир хил суспензия олингунича чайқатилсин.
Дори препарати катта миқдордаги суюқлик билан овқатдан кейин қабул қилинади.
Суспензияни аниқ дозалаш учун флаконга 1,25 мл, 2,5 мл, 5 мл ўлчов қошиқчаси бор.
Доза боланинг ёши ва тана вазнига қараб белгиланади.
MRЭбуфин препаратининг бир марталик дозаси 5-10 мг/кг тана вазнига суткада 3-4 мартани ташкил қилади. Суспензиянинг максимал суткалик дозаси 20-30 мг/кг тана вазнигани ташкил қилади. Препарат бир марталик дозаларда қуйида келтирилган схема бўйича буюрилади:
3 ойликдан 6 ойликкача бўлган эмизикли болалар (5-7,6 кг): 2,5 мл дан сутка давомида 3 марта (бу суткада 150 мг ибупрофенга тўғри келади).
6 ойликдан 12 ойликкача бўлган эмизикли болалар (7,7-9 кг): 2,5 мл дан сутка давомида 3 дан 4 мартагача (бу суткада 150-200 мг ибупрофенга тўғри келади).
1 ёшдан 3 ёшгача бўлган болалар (10-15 кг): 5 мл дан сутка давомида 3 марта (бу суткада 300 мг ибупрофенга тўғри келади).
4 ёшдан 6 ёшгача бўлган болалар (16-20 кг): 7,5 мл дан сутка давомида 3 марта (бу суткада 450 мг ибупрофенга тўғри келади).
7 ёшдан 9 ёшгача бўлган болалар (21-29 кг): 10 мл дан сутка давомида 3 марта (бу суткада 600 мг ибупрофенга тўғри келади).
10 ёшдан 12 ёшгача бўлган болалар (30-40 кг): 15 мл дан сутка давомида 3 марта (бу суткада 900 мг ибупрофенга тўғри келади).
Препарат дозасини ҳар 6-8 соатда, навбатдаги дозалар орасида камида 4 соатлик вақтга риоя қилиш билан такрорлаш мумкин.
6 ойликкача бўлган болаларда дори препаратини шифокор билан маслаҳатлашгандан кейин, унинг тавсиясига мувофиқ қўллаш мумкин. Тавсия қилинган дозани ошириш мумкин эмас.
Агарда иситма 3 кундан ортиқ сақланиб турса, шифокор билан маслаҳатлашиш керак.
Ножўя таъсирлари
Одатда препарат яхши ўзлаштирилади, бироқ уни қўллаш овқат ҳазм қилиш йўллари томонидан ножўя таъсирлар чақириши мумкин, масалан меъдада дискомфорт ҳисси.
Кам учрайдиган ножўя таъсирларига қуйидагилар киради:
– носпецифик аллергик ва анафилактик реакциялар,
– бронхоспазм ёки бўғилиш, астманинг зўрайиши билан намоён бўлувчи нафас аъзолари томонидан реакциялар,
– тошмалар, қичишиш, эшакеми, пурпура, вазомотор шиш кўринишидаги тери реакциялари, жуда кам буллез дерматози,
– тромбоцитопения
– меъда-ичак йўлларини эрозив-ярали шикастланишлари.
Барча пайдо бўлган ножўя (одатдаги бўлмаган) самаралари, шу жумладан йўриқномада кўрсатилмаган самаралари тўғрисида даволовчи шифокорга хабар бериш керак.
Қўллаш мумкин бўлмаган ҳолатлар
MRЭбуфин препаратини қуйидаги ҳолларда:
– препаратнинг ҳар қандай компонентига, шунингдек бошқа ностероид яллиғланишга қарши дори воситаларига бўлган шахсий сезувчанликда,
– ацетилсалицил кислотаси ёки бошқа ностероид яллиғланишга қарши воситалари қўлланганидан кейин, қачондир олдин тумов, тери тошмалари ёки бронхоспастик реакциялар кўринишидаги аллергия симптомлари пайдо бўлганида,
– зўрайиш босқичидаги меъда ёки ўникки бармоқ ичак яра касаллигида,
– жигар, буйраклар фаолиятининг яққол етишмовчилигида,
– қон касалликлари: гемофилияда, гипокоагуляцияда, геморрагик диатезда;
– ҳомиладорликнинг III уч ойлигида қўллаш мумкин эмас.
Дориларнинг ўзаро таъсири
Ибупрофенни (ностероид яллиғланишга қарши воситалар гуруҳининг бошқа дори воситалари каби) қуйида санаб ўтилган дори воситалари билан бир вақтда буюриш мумкин эмас:
– ацетилсалицил кислотаси ёки бошқа ностероид яллиғланишга қарши воситалар – меъда-ичак йўллари томонидан ножўя таъсирларининг пайдо бўлишини хавфи ошади,
– антигипертензив дори воситалари ва диуретиклар билан – ностероид яллиғланишга қарши воситалар гуруҳи дори воситалари, бу воситаларнинг таъсири самарадорлигини пасайтириши мумкин,
– антикоагулянтлар билан – кўп сонли бўлмаган клиник маълумотлар, ностероид яллиғланишга қарши воситалар, қон ивишини пасайтирувчи дори воситаларининг таъсирини кучайтириши мумкинлигини кўрсатади,
– литий ва метотрексат билан – ностероид яллиғланишга қарши воситалар литийнинг ҳам, метотрексатнинг ҳам плазмадаги концентрациясининг ошишини чақириши мумкин,
– зидовудин билан – ибупрофен ва зидовудинни бир вақтда қабул қилаётган пациентларда қон кетиши вақтини ошишининг исботи бор.
Махсус кўрсатмалар
MRЭбуфин препаратини қабул қилишдан олдин, агарда олдин қуйидагилар тасдиқланган бўлса шифокор билан маслаҳатлашиш керак:
– бронхиал астма, эшакеми
– жигар ва буйракларнинг касалликлари,
– анамнездаги меъда ва ўникки бармоқ ичак яра касаллиги.
Препарат бўёвчилар сақламайди ва тавсия қилинган дозаларида бўёвчиларга аллергик реакцияларга мойиллиги бўлган болаларда қўлланиши мумкин.
Ҳомиладорлик ва лактация даври
Ҳомиладорликнинг биринчи 6 ойлигида ибупрофенни қўллашга фақат шифокорнинг буюриши бўйича рухсат берилади. Ибупрофенни ҳомиладорликнинг охирги уч ойлигида қўллаш мумкин эмас.
Ибупрофен кўп бўлмаган миқдорда кўкрак сути билан чиқарилиши мумкин. Эмизикли болаларда ножўя таъсирларининг ҳоллари маълум эмас, шунинг учун эмизишни бекор қилишнинг зарурати йўқ.
Транспорт воситаларини ҳайдаш ва механик қурилмаларга хизмат кўрсатиш қобилиятига таъсири
MRЭбуфин препаратини қабул қилиш вақтида транспортни бошқариш ва механизмларга хизмат кўрсатишга қарши кўрсатмалар мавжуд эмас.
Препарат болалар ололмайдиган жойда сақлансин ва яроқлилик муддати ўтгач қўлланилмасин.
Дозани ошириб юборилиши
Дори препаратини тавсия этилганидан юқори дозаси қабул қилинган ҳолда, дарҳол шифокор ёки фармацевтга мурожаат қилиш керак.
Ибупрофеннинг дозасини ошириб юбориш симптомлари: қорин оғриғи, кўнгил айниши, қусиш, бош оғриғи ва бош айланиши. Ибупрофеннинг юқори дозалари одатда, бошқа дори воситалари бир вақтда қўлланмаганида яхши ўзлаштирилади.
Доза ошириб юборилганидаги чоралар:
Специфик антидоти мавжуд эмас ва тутиб турувчи даволаш, меъдани ювиш қўлланади, зарурати бўлганида, электролит бузилишларни тузатиш.
Чиқарилиш шакли
50 мл, 90 мл, 100 мл дан флаконда. Ҳар бир флакон қўллаш бўйича йўриқномасива ўлчов қошиқчаси билан картон қутига жойланади.
Сақлаш шароити
Қуруқ, ёруғликдан ҳимоя қилинган жойда 25оС дан юқори бўлмаган ҳароратда сақлансин.
Яроқлилик муддати
3 йил.
Флакон биринчи очилганидан кейин препарат 6 ой давомида ишлатилиши керак.
Дорихоналардан бериш тартиби
Рецептисиз.
