Skip to main content

Мизопростол

Улашиш:
  Reading time 4 minutes

ҚЎЛЛАШ БЎЙИЧА ЙЎРИҚНОМА

МИЗОПРОСТОЛ

MISOPROSTOL

Препаратнинг савдо номи: Мизопростол

Таъсир этувчи модда (ХПН): мизопростол

Дори шакли: таблеткалар

Таркиби:

Ҳар бир таблетка қуйидагиларни сақлайди:

фаол моддалар: мизопростол – 200 мкг;

ёрдамчи моддалар: гидроксипропилметилцеллюлоза, натрий карбоксиметилкрахмал, гидрогенланган канакунжут мойи, микрокристалл целлюлоза, микронлаштирилган кремний диоксиди.

Таърифи: думалоқ оқ рангли ёки деярли оқ рангли таблеткалар

Фармакотерапевтик гуруҳи: асосан акушерлик ва гинекологияда қўлланадиган воситалар.

АТХ коди: G02AD06

 

Фармакологик хусусиятлари

Мизопростол – табиий Е1 простагландинининг синтетик аналоги. Бачадон бўйнини бўшаштиради. Миометрийни қисқаришлари тез-тезлигини ошириб, ҳомиладорликни эрта муддатларда тўхтатиш мақсадида қўлланади. Меъда–ичак йўлларининг силлиқ мушакларини рағбатлантиради, мизопростолнинг юқори дозаси (2 мг) меъда ширасининг секрециясини ингибиция қилади.

Фармакокинетикаси

Мизопростол ичга қабул қилинганидан кейин тез сўрилади ва 1,5 соат ўтгач тўлиқ сўрилишга эришади. 0,2 мг дозада бир марта ичга қабул қилинганидан кейин 15 минут ўтгач мизопростолнинг зардобдаги фаол метаболитларининг чўққи концентрациясига ва қондаги ўртача чўққиси 0,309 мкг/л га эришади. Ярим чиқарилиш даври 36–48 минутни ташкил қилади. Буйраклар ва ичак орқали чиқарилади.

Қўлланилиши

Бачадон ҳомиладорлигини аменореянинг 63 кунигача бўлган эрта муддатларда медикаментоз тўхтатиш.

Туғруқдан кейинги қон кетишини даволашда қўлланади.

Қўллаш усули ва дозалари

0,6 мг Мизопростол (3 таблетка) бир марта Мизопростол қабул қилинганидан кейин 36–48 соат ўтгач шифокор иштирокида қабул қилинади.

Мизопростолни овқатланишдан 2 соат олдин қабул қилиш керак.

Туғруқдан кейинги қон кетишини тўхтатиш мақсадида 800 мкг дан 1000 мкг гача Мизопростол ректал қўлланади.

Ножўя таъсирлари

  • кўнгил айниши, қориннинг пастки соҳасида оғриқ, диарея;
  • бош оғриғи, бош айланиши, ҳолсизлик;
  • кам ҳолларда: гиперемия, қизиш ва қичишиш, аллергик шок.

 

Қўллаш мумкин бўлмаган ҳолатлар

  • простагландинларга юқори сезувчанлик;
  • буйрак усти безларининг етишмовчилиги, буйрак усти безлари пўстлоғининг дисфункцияси ва узоқ муддатли глюкокортикостероид терапия;
  • ўткир ёки сурункали буйрак ва/ёки жигар етишмовчилиги;
  • клиник тадқиқотлар билан тасдиқланмаган ёки ҳайз кўришни тўхташи 63 кундан ошган, бачадон ички контрацепциясини қўллаш фонида ёки гормонал контрацепция бекор қилинганидан кейин пайдо бўлган бачадондан ташқари ҳомиладорликка, ҳомиладорликка гумонда қўллаш мумкин эмас.

Дориларнинг ўзаро таъсири

Яллиғланишга қарши ностероид воситалар: индометацин, метиндол, ибупрофен, напроксен, бутадиен, реопирин, диклофенак, вольтарен, аспирин, цитрамон, седалгин, целебрексни қўллашдан сақланиш керак, чунки улар препаратнинг самарадорлигини пасайтириши мумкин.

Махсус кўрсатмалар

  1. Ҳомиладорликни эрта тўхтатиш мақсадида Мизопростолни Мифепристон қабул қилинганидан кейин буюриш керак ва алоҳида ишлатиш мумкин эмас.
  2. Мифепристон қабул қилгандан кейин 8–14 кун ўтгач пациент УТТ–назоратга келиши керак, шунингдек ҳомиладорлик тўхтаганини тасдиқлаш учун бета–хорионик гормонининг даражасини аниқлаш керак. Агар препаратлар қўлланганидан кейин 8–14 кун ўтгач самара (тўлиқ бўлмаган ҳомила тушиши ёки давом этаётган ҳомиладорлик) кузатилмаса, ҳомиладорлик бошқа усул ёрдамида тўхталиши кераклиги ҳақида пациенткалар ахборотга эга бўлишлари керак, чунки ҳомилада туғма нуқсонлар шаклланиши мумкин.
  3. Мифепристон қўлланганидан кейин фақат бир неча пациент аёллардагина ҳомила тухумини ҳайдалиши кузатилади, 80% пациент аёлларда – мизопростолни қўллашдан кейин 6 соат давомида, ва 10% пациент аёлларда – мизопростол қўлланганидан кейин бир ҳафта давомида.
  4. Препаратни қўллаш резус аллоиммунизацияни олдини олишни ва аборт билан бирга бошқа умумий чораларни талаб қилади.
  5. Препаратни қўллашдан олдин пациент аёл ҳамма ножўя таъсирлари ҳақида ахборотга эга бўлиши ва 4 дан 6 соатгача шифокор назорати остида бўлиши керак.
  6. Ўпканинг сурункали обструктив касалликларида (шу жумладан бронхиал астмада), оғир артериал гипертензияда, юрак ритмини бузилишларида, юрак етишмовчилигида ва глаукомада препарат эҳтиёткорлик билан буюрилади.
  7. Лактация

Мизопростол қабул қилинганидан кейин эмизишни икки ҳафтага тўхтатиш керак.

Асоратлардан сақланиш учун шифокорнинг қатъий кўрсатмаси асосида қўллансин.

Препарат мувофиқ тайёргарликка эга бўлган шифокорлар ва керакли жиҳозларга эга муассасаларда қўлланиши керак.

Препарат болалар ололмайдиган жойда сақлансин ва уни яроқлилик муддати ўтганидан сўнг ишлатилмасин.

 

Дозани ошириб юборилиши

Симптомлари: яққол умумий заҳарланиш, уйқучанлик, қусиш, кўнгил айниши ва ўзига хос буйрак санчиғи билан бўлган буйрак усти безларининг етишмовчилиги.

Даволаш: қусишни чақириш керак; агар бунинг иложи бўлмаса – меъдани ювишни амалга ошириш, фаоллаштирилган кўмир, тузли сургиларни буюриш керак.

Чиқарилиш шакли

3 таблеткадан алюмин фольга стрипда.

Ҳар бир стрип қўллаш бўйича йўриқномаси билан бирга картон қутида.

 

Сақлаш шароити

Қуруқ, салқин, ёруғликдан ҳимояланган жойда, +250С дан юқори бўлмаган ҳароратда сақлансин.

 

Яроқлилик муддати

2 йил.

 

Дорихоналардан бериш тартиби

Рецепт бўйича.

 

Улашиш:
Close Menu