Мефлоцид қобиқ билан қопланган таблетка

ҚЎЛЛАШ БЎЙИЧА ЙЎРИҚНОМА

МЕФЛОЦИД™

MEFLOCID™

Препаратнинг савдо номи: Мефлоцид™

Таъсир этувчи модда (ХПН): левофлоксацин (levofloxacin)

Дори шакли: қобиқ билан қопланган таблеткалар

Таркиби:

Ҳар бир қобиқ билан қопланган таблетка қуйидагиларни сақлайди:

фаол модда: 500 мг левофлоксацин (левофлоксацин гемигидрати шаклида 512,46 мг) ёки
750 мг левофлоксацин (левофлоксацин гемигидрати шаклида 768,69 мг);

ёрдамчи моддалар: микрокристалл целлюлоза (Avicel PH 102), кросповидон, гидроксипропилметилцеллюлоза, натрий стеарилфумарати; оқ Opadry II-85F18422 (поливинил спирти, титан диоксиди, полиэтиленгликоль, тальк).

Таърифи: оқ, узунчоқ шаклли, плёнка қобиқ билан қопланган таблеткалар

Фармакотерапевтик гуруҳи: антибактериал восита, фторхинолон.

ATХ коди: J01MA12

Фармакологик хусусиятлари

Фармакодинамикаси

Левофлоксацин – перорал қўллаш ва вена ичига қўллаш учун фторхинолонлар гуруҳига мансуб кенг таъсир доирасига эга антибактериал воситадир.

Фторхинолонлар гуруҳига мансуб антибактериал восита бўлганлиги туфайли, левофлоксацин ДНК-ДНК-гираза комплексига ва топоизомераза IV га таъсир кўрсатади.

Микробиологияси

Левофлоксацин грамманфий ва граммусбат микроорганизмларнинг кенг доирасига нисбатан чидамли. Левофлоксацин ингибиция қилувчи концентрацияларига яқин ёки улардан бир мунча ошадиган концентрацияларда одатда бактерицид таъсир кўрсатади.

Левофлоксацинга спонтан мутациялар натижасида юзага келадиган in vitro шароитдаги резистентлик жуда кам ҳолларда шаклланади, аммо левофлоксацин ва бошқа фторхинолонлар ўртасида кесишган резистентлик кузатилган.

In vitro шароитдаги тадқиқотларида ҳам, клиник тадқиқотларда ҳам левофлоксацин қуйидаги патогенларга таъсир кўрсатади:

Аэроб граммусбат микроорганизмлар: Enterococcus faecalis, Staphylococcus aureus (метициллинга сезгир штаммлари), Staphylococcus epidermidis (метициллинга сезгир штаммлари), Staphylococcus saprophyticus, Streptococcus pneumoniae (шу жумладан кўпгина дори воситаларига барқарор бўлган), Streptococcus pyogenes;

Аэроб грамманфий микроорганизмлар: Enterobacter cloacae, Escherichia coli, Haemophilus influenzae, Haemophilus parainfluenzae, Klebsiella pneumoniae, Legionella pneumophila, Moraxella catarrhalis, Proteus mirabilis, Pseudomonas aeruginosa, Serratia marcescens;

Бошқа микроорганизмлар: Chlamydia pneumoniaе, Mycoplasma pneumoniaе.

Левофлоксацинни самарадорлиги қуйидаги микроорганизмларга нисбатан in vitro шароитда намоён бўлган, аммо клиник тадқиқотларда аниқланмаган:

Аэроб граммусбат микроорганизмлар: Staphylococcus haemolyticus, Streptococcus (C/F гуруҳи), Streptococcus (G гуруҳи), Streptococcus agalactiae, Streptococcus milleri; Viridans гуруҳи стрептококклари;

Аэроб грамманфий микроорганизмлар: Acinetobacter baumannii, Acinetobacter lwoffii, Bordetella pertussis, Citrobacter (diversus) koseri, Citrobacter freundii, Enterobacter aerogenes, Enterobacter sakazaki, Klebsiella oxytoca, Morganella morganii, Pantoea (Enterobacter) agglomerans, Proteus vulgaris, Providencia rettgeri, Providencia stuartii, Pseudomonas flourescens;

Анаэроб граммусбат микроорганизмлар: Clostridium perfringens.

Фармакокинетикаси

Левофлоксацин ичга қабул қилинганидан кейин тезда ва тўлиқ сўрилади. Ичга қабул қилинганидан кейин қон плазмасида максимал концентрацияга 1-2 соат ўтгач эришилади. Мутлақ биокираолишлиги тахминан 99% ни ташкил этади.

Дозаларни бир марта ёки такрорий перорал ёки вена ичига юбориш тартибида фармакокинетикаси чизиқли ва олдиндан айтиш мумкин бўлади. Барқарор ҳолатига ҳар куни 500 мг ёки 750 мг қабул қилинганидан кейин 48 соат ўтгач эришилади. Овқатланиш билан бир вақтда 500 мг левофлоксацинни қабул қилиш максимал концентрацияга эришиш вақтини тахминан 1 соатга узайтиради ва қон плазмасида максимал концентрацияси таблеткалар қабул қилинганидан кейин 14% га, перорал эритма қабул қилинганидан кейин 25% га камаяди. Шу сабабли Мефлоцид™ қобиқ билан қопланган таблеткаларини овқатланишдан 1 соат олдин ёки овқатлангандан сўнг 2 соат ўтгач қабул қилиш тавсия этилади. Левофлоксацинни бир хил дозаларда перорал ва вена ичига юборилганида фармакокинетикаси ўхшаш ва қиёсланса бўлади, шу сабабли перорал ва вена ичига юбориш йўллари бир-бирини ўрнини босувчи бўлиши мумкин.

Левофлоксацин плазмада ва сийдикда стереокимёвий жиҳатдан барқарор, метаболик равишда ўз энантиомерига айланмайди. Ичга қабул қилинганидан кейин қабул қилинган дозанинг 87% ўзгармаган ҳолда 48 соат давомида сийдик билан, 4% эса 72 соат давомида ахлат билан чиқарилади. Левофлоксацин жуда оз миқдорда метаболизмга учрайди ва асосан ўзгармаган ҳолда сийдик билан чиқарилади. Бир марталик ва такрорий дозаларда перорал ва вена ичига юборилганида ярим чиқарилиш даври тахминан 6-8 соат чегарасида бўлади.

Қўлланилиши

Мефлоцид™ қобиқ билан қопланган таблеткалар катталарда левофлоксацинга сезгир микроорганизмлар чақирган қуйидаги инфекцияларда қўлланилади:

• Ўткир гайморит
• Сурункали бронхитни зўрайиши
• Касалхонадан ташқаридаги пневмония
• Сийдик чиқарилиши тизимининг асоратланган инфекциялари, шу жумладан пиелонефрит
• Сурункали бактериал простатит
• Тери ва юмшоқ тўқималар инфекцияларида қўлланади.

Қўллаш усули ва дозалари

Мефлоцид™ қобиқ билан қопланган таблеткалари кунига 1 ёки 2 марта қўлланилади. Дозага инфекциянинг характери, оғирлик даражаси ва эҳтимол қилинаётган патогеннинг сезувчанлигига боғлиқ равишда тузатиш киритилади.

Даволаш давомийлиги касалликни кечишига боғлиқ.

Мефлоцид™ қобиқ билан қопланган таблеткаларини чайнамасдан, етарли миқдордаги суюқлик билан ичилади. Дозага тузатиш киритиш зарурати бўлганида таблеткани бўлишга йўл қўйилади. Таблеткаларни овқатланишдан 1 соат олдин ёки овқатлангандан кейин 2 соат ўтгач қабул қилиш мумкин. Мефлоцид™ қобиқ билан қопланган таблеткалари сўрилиши пасайишини олдини олиш учун темир тузлари, антацидлар ёки сукральфат қабул қилинишидан 2 соат олдин ёки қабул қилинганидан кейин 2 соат ўтгач таблеткаларни қабул қилиш лозим.

Буйрак фаолияти нормал бўлган пациентларда дозаларни белгилаш тартиби (креатинин клиренси >50 мл/мин)

Ножўя таъсирлари

Юзага келиши тез-тезлиги: жуда тез-тез (≥1/10); тез-тез (≥1/100 дан <1/10 гача); тез-тез эмас (≥1/1000 дан <1/100 гача); кам ҳолларда (≥1/10000 дан <1/1000 гача); жуда кам ҳолларда (<1/10000); тез-тезлиги номаълум (мавжуд маълумотлар асосида баҳолаш мумкин эмас).

Инфекциялар ва инвазиялар

Тез-тез эмас: замбуруғли инфекциялар (ва бошқа резистент микроорганизмлар пролиферацияси).

Қон ва лимфатик тизими томонидан

Тез-тез эмас: лейкопения, эозинофилия;

Кам ҳолларда: нейтропения, тромбоцитопения;

Жуда кам ҳолларда: агранулоцитоз;

Тез-тезлиги номаълум: панцитопения, гемолитик анемия.

Иммун тизими томонидан

Жуда кам ҳолларда: анафилактик шок;

Анафилактик ва анафилактоид реакциялар гоҳида биринчи доза юборилганидан кейиноқ ривожланиши мумкин.

Тез-тезлиги номаълум: юқори сезувчанлик реакциялари.

Моддалар алмашинуви ва озиқланиш томонидан

Тез-тез эмас: анорексия;

Жуда: гипогликемия, айниқса диабети бўлган беморларда.

Руҳий бузилишлар

Тез-тез эмас: уйқусизлик, асабийлик;

Кам ҳолларда: руҳий бузилишлар, депрессия, онгни чалкашиши, қўзғалувчанлик, хавотирлик;

Жуда кам ҳолларда: ўз жонига қасд қилиш хулқ-атвори билан кечувчи руҳий реакциялар, шу жумладан ўз жонига қасд қилиш ҳақидаги фикрлар ва хатти-ҳаракатлар, галлюцинациялар.

Нерв тизими томонидан

Тез-тез эмас: бош айланиши, уйқусизлик, уйқучанлик;

Кам ҳолларда: парестезиялар, тремор, тиришишлар;

Жуда кам ҳолларда: сенсор ва сенсомотор периферик нейропатиялар, таъм ва ҳид билишни бузилиши.

Кўриш аъзолари томонидан

Жуда кам ҳолларда: кўришнинг бузилиши.

Эшитиш аъзоси ва лабиринт тизими томонидан

Тез-тез эмас: бош айланиши;

Жуда кам ҳолларда: эшитишнинг бузилиши.

Юрак-қон томир тизими томонидан

Кам ҳолларда: тахикардия, гипотензия;

Тез-тезлиги номаълум: ЭКГда QT интервалини узайиши.

Нафас олиш тизими, кўкрак қафаси ва кўкс оралиғи аъзолари томонидан

Кам ҳолларда: бронхоспазм, ҳансираш;

Жуда кам ҳолларда: аллергик пневмонит.

Овқат ҳазм қилиш тизими томонидан

Тез-тез: диарея, кўнгил айниши;

Тез-тез эмас: қусиш, қоринда оғриқ, диспепсия, метеоризм, қабзият;

Кам ҳолларда: қон кетиши билан диарея, у энтероколит, шу жумладан сохтамембраноз колит симптоми бўлиши мумкин.

Гепатобилиар тизим томонидан

Тез-тез: жигар ферментлари (АЛТ, АСТ, ишқорий фосфотаза, ГГТ) даражасини ошиши.

Кам ҳолларда: қон плазмасида билирубин даражасини ошиши;

Жуда кам ҳолларда: гепатит;

Тез-тезлиги номаълум: сариқлик, жигар фаолиятининг оғир бузилиши, шу жумладан ўткир жигар етишмовчилиги.

Тери ва тери ости тўқималари томонидан

Тез-тез эмас: тошма, қичишиш;

Кам ҳолларда: эшакеми.

Жуда кам ҳолларда: ангионевротик шиш, фотосенсибилизация реакциялари.

Тез-тезлиги номаълум: токсик эпидермал некролиз, Стивенс-Джонсон синдроми, кўп шаклли экссудатив эритема, гипергидроз.

Тери ва шиллиқ қаватлар томонидан реакциялар биринчи доза юборилгандаёқ юзага келиши мумкин.

Суяк-мушак тизими, бириктирувчи тўқималар томонидан

Кам ҳолларда: пайларни шикастланиши, шу жумладан тендинит (масалан, ахилл пайи шикастланиши), артралгия, миалгия;

Жуда кам ҳолларда: пайларни узилиши (даволаш бошланганидан кейин 48 соат давомида юзага келиши ва икки томонлама бўлиши мумкин), мушак заифлиги (миастенияси бўлган беморлар учун алоҳида аҳамиятга эга бўлиши мумкин);

Тез-тезлиги номаълум: рабдомиолиз.

Буйрак ва сийдик чиқарилиши йўллари томонидан

Тез-тез эмас: қон плазмасида креатинин даражасини ошиши;

Жуда кам ҳолларда: ўткир буйрак етишмовчилиги (масалан, интерстициал нефрит билан боғлиқ бўлган буйрак етишмовчилиги).

Умумий бузилишлар ва маҳаллий реакциялар

Тез-тез эмас: астения.

Жуда кам ҳолларда: тана ҳароратини ошиши.

Тез-тезлиги номаълум: оғриқ (шу жумладан белда, кўкракда ва қўл-оёқларда оғриқ).

Фторхинолонларни қўллаш билан боғлиқ бошқа ножўя ҳолатлар:

• экстрапирамидал симптомлар ва мушак координациясининг бошқа бузилишлари;
• ўта юқори сезувчанлик васкулити;
• порфирияси бўлган беморларда порфирия хуружлари.

Ножўя таъсирлари юзага келганида шифокорга мурожаат қилинг.

Қўллаш мумкин бўлмаган ҳолатлар

Левофлоксацинга ёки хинолонлар гуруҳидаги бошқа антибактериал воситаларга, шунингдек Мефлоцид™ қобиқ билан қопланган таблеткаларнинг таркибига кирувчи ёрдамчи моддаларга маълум юқори сезувчанликда.

Тутқаноқда.

Анамнезда фторхинолонлар гуруҳидаги антибактериал воситани қўллаш билан боғлиқ бўлган пайларни шикастланишида.

Болалар ва ўсмирларда.

Ҳомиладорлик ва лактация даврида қўллаш мумкин эмас.

Дориларнинг ўзаро таъсири

Антацидлар, сукральфат, темир тузлари, мультивитаминлар

Гарчи бошқа хинолонларга нисбатан икки валентли катионлар билан комплекс ҳосил қилиш ҳолати кам бўлса-да, Мефлоцид™ қобиқ билан қопланган таблеткаларни темир тузлари, сукральфат, металл катионларини (темир каби) ва рух сақловчи мультивитамин препаратлари, магний ва алюминийни сақлайдиган антацидлар билан бир вақтда қўллаш левофлоксацинни меъда-ичак йўлларида сўрилишига салбий таъсир кўрсатиши ҳамда кутилганидан кўра анча паст концентрацияларга олиб келиши мумкин. Ушбу моддаларни сақловчи препаратларни Мефлоцид™ қобиқ билан қопланган таблеткалар қабул қилинишидан 2 соат олдин ёки кейин қабул қилиш тавсия этилади.

Теофиллин

Левофлоксацинни теофиллин билан ўзаро таъсири ҳақида хабар берилмаган. Бошқа хинолонларни теофиллин билан қўлланилиши теофиллинни плазмадаги концентрациясини пасайишига, ярим чиқарилиш даврини узайишига ва беморлар гуруҳларида теофиллинни қўллаш билан боғлиқ ножўя ҳолатлар хавфи ошишига олиб келади. Шу сабабли левофлоксацин билан бир вақтда қўлланилганида теофиллин даражасини синчковлик билан назорат қилиш ва дозага тегишли тузатишлар киритишни амалга ошириш лозим. Теофиллин даражаси пасайганлиги ёки пасаймаганлигидан қатъий назар, ножўя таъсирлар, шу жумладан тиришишлар бўлиши мумкин.

Варфарин

Ўтказилган клиник тадқиқотларда левофлоксацин ва варфарин ўртасида ўзаро таъсир қайд этилмаган. Бироқ постмаркетинг тадқиқотларида левофлоксацин билан бир вақтда қўлланилганида варфарин таъсири кучайиши ҳоллари ҳақида хабар берилган. Бунда қон кетиши билан бирга протромбин вақтини ошиши кузатилган. Левофлоксацин ва варфарин бир вақтда қўлланилганида протромбин вақти, халқаро нормаллаштирилган нисбатлари (ХНН) ва бошқа тегишли коагуляция тестлари юзасидан синчковлик билан мониторинг олиб бориш зарур. Пациентлар қон кетиши эҳтимоли муносабати билан кузатув остида бўлишлари керак.

Циклоспорин

Левофлоксацин циклоспорин иштирокида қўлланилганида C_max ва k_e бир мунча пасаяди, T_max ва t_½ кўрсаткичлари алоҳида қўлланилишига нисбатан анча паст бўлади, аммо фарқлари клиник жиҳатдан сезиларли эмас. Шу сабабли на циклоспорин, на левофлоксацин дозасига тузатиш киритиш зарурати йўқ.

Дигоксин

Ўтказилган тадқиқотларда левофлоксацин ва дигоксин ўртасида ўзаро таъсир кузатилмаган. Шу сабабли бир вақтда қўлланилганида на левофлоксацин, на дигоксин дозасига тузатиш киритиш зарурати йўқ.

Пробенецид ва циметидин

Ўтказилган клиник тадқиқотларда левофлоксацинни пробенецид ва циметидин билан қўлланилишида левофлоксацинни алоҳида қўлланилишига нисбатан сўрилиш тезлиги ва миқдорида ўзгаришлар бўлмаганида AUC ва T_1/2 кўрсаткичларини 27-38% ва 30% га ошиши, CL/F ва CL кўрсаткичларини 21-35% га пасайиши кузатилган. Гарчи ушбу ўзгаришлар статистик жиҳатдан аҳамиятли бўлса-да, аммо пробенецид ва циметидин билан бир вақтда қўлланилганида левофлоксацин дозасига тузатиш киритиш учун етарлича эмас.

НЯҚВ

НЯҚВ ни хинолонлар, шу жумладан левофлоксацин билан бир вақтда қўлланилганида МНТ рағбатлантирилиши ва тиришишлар хавфи ошиши мумкин.

Диабетга қарши воситалар

Хинолонлар диабетга қарши воситалар билан бир вақтда қўлланилганида қонда глюкоза даражаларида ўзгаришлар, шу жумладан гипергликемия ва гипогликемия бўлиши мумкин, шу сабабли диабетга қарши воситалар ва левофлоксацинни бир вақтда қабул қилаётган беморларда қонда глюкоза даражасини синчковлик билан кузатиб бориш тавсия қилинади.

Махсус кўрсатмалар

P.aeruginosa келтириб чиқарган нозокомиал инфекцияларда, эҳтимол, бошқа антибиотиклар билан мажмуада қўллаш талаб қилиниши мумкин.

Агар даволаш даврида ёки ундан кейин оғир сурункали ва/ёки қон кетиши билан кечадиган диарея кузатилса, Clostridium difficile билан боғлиқ сохтамембраноз энтероколит бўлиши мумкинлигини ёдда тутиш лозим. Бунга шубҳа қилинганида Мефлоцид™ қобиқ билан қопланган таблеткалар билан даволашни дарҳол тўхтатиш ва зудлик билан тегишли самарани бир маромда ушлаб турувчи ва/ёки махсус даволашни бошлаш лозим. Бундай клиник ҳолатда ичак перистальтикасини сўндирувчи препаратларни қўллаш мумкин эмас.

Фторхинолонлар гуруҳига мансуб антибактериал воситалар қўлланилганида кам ҳолларда тендинит юзага келиши эҳтимоли мавжуд, у айрим ҳолларда ахилл пайини узилишига олиб келиши мумкин. Ушбу нохуш ҳолат даволаш бошланганидан кейин 48 соат ўтгач юзага келиши ва билатерал бўлиши мумкин. Тендинит ва пай узилиши хавфи кекса ёшдаги ва кортикостероидларни қабул қилаётган беморларда ошиб боради, шу сабабли Мефлоцид™ қобиқ билан қопланган таблеткалар қўлланилганида бундай пациентларда кузатув олиб бориш зарур. Тендинитга шубҳа қилинганида Мефлоцид™ қобиқ билан қопланган таблеткалар билан даволашни дарҳол тўхтатиш ва тегишли даволашни бошлаш (яъни шикастланган пайнинг тинч ҳолатда бўлишини таъминлаш) лозим.

Бошқа фторхинолонлар каби Мефлоцид™ ни тиришишларга мойил бўлган, илгари бош мия шикастланиши бўлган пациентларда фенбуфен каби тиришишларга мойилликни пасайтирувчи препаратлар ёки унга ўхшаш ностероид яллиғланишга қарши воситалар ёки теофиллин билан бир вақтда эҳтиёткорлик билан қўллаш лозим.

Глюкозо-6-фосфатдегидрогеназа етишмовчилиги бўлган пациентларда қўлланилганида эҳтиёткорликка риоя қилиш лозим, чунки мазкур беморлар гуруҳида хинолонлар гуруҳидаги антибактериал воситалар қўлланилганида гемолитик реакциялар ҳақида хабар берилган.

Буйрак етишмовчилигида Мефлоцид™ қобиқ билан қопланган таблеткалар дозасига креатинин клиренсини ҳисобга олган ҳолда тузатиш киритилади.

Левофлоксацин қўлланилганида фотосенсибилизация жуда кам ҳолда кузатилишига қарамай, пациентларга кучли қуёш нурланиши ёки солярийда бўлиши каби сунъий ультрабинафша нурланиши таъсирида бўлиш тавсия этилмайди. Мефлоцид™ қобиқ билан қопланган таблеткалар билан даволашда кузатиладиган айрим ножўя таъсирлар диққат-эътиборни жамлаш ва жавоб реакцияси қобилиятини ёмонлаштириши мумкинлиги муносабати билан бу айниқса транспорт воситаларини бошқаришда ва техника воситалари билан ишлашда маълум бир хавфни туғдириши мумкин.

Бошқа хинолонларни қўллашдаги каби қонда глюкоза даражасини бузилишлари, шу жумладан перорал гипогликемик воситаларни (глибурид/глибенкламидни) ёки инсулинни бир вақтда қабул қилаётган қандли диабети бўлган пациентларда симптоматик гипер- ёки гипогликемия ҳақида хабар берилган. Ушбу беморларда қонда глюкоза даражасини диққат билан кузатиб бориш лозим. Мефлоцид™ қобиқ билан қопланган таблеткалар билан даволанаётган беморда гипогликемик реакция юзага келганида даволашни дарҳол тўхтатиш ва тегишли даволашни амалга ошириш лозим.

Хинолонлар, шу жумладан левофлоксацин қўлланилганида жиддий, ва гоҳида фатал ўта юқори сезувчанлик реакциялари ва/ёки анафилактик шок ҳақида хабар берилган. Бундай турдаги реакциялар кўпинча биринчи доза қабул қилинганидан кейин пайдо бўлади. Айрим реакциялар юрак-қон томир коллапси, гипотензия/шок, тиришишлар, ҳушдан кетиш, тери ачишиши, ангионевротик шок, ҳансираш, эшакеми, қичишиш ва бошқа жиддий тери реакциялари билан бир вақтда кузатилади. Биринчи тери тошмаси ёки бошқа бирон-бир юқори сезувчанлик симптомларида левофлоксацин билан даволашни дарҳол тўхтатиш лозим. Жиддий ўткир юқори сезувчанлик реакцияларида эпинефринни, шунингдек кислород, вена ичига юбориладиган суюқликлар, антигистамин воситалари, кортикостероидлар, прессор аминларни қўллаш ва бошқа реанимация тадбирларини ўтказиш, шу жумладан нафас йўлларининг ўтувчанлигини таъминлаш талаб қилиниши мумкин.

Бошқа антибиотиклар билан даволашдаги каби левофлоксацинни, айниқса узоқ муддат давомида қўлланилиши резистент микроорганизмларнинг кўпайишига олиб келиши мумкин, шу сабабли такрорий даволашда пациентнинг ҳолати ҳисобга олинади. Даволаш вақтида суперинфекция пайдо бўлганида тегишли чоралар кўрилиши керак.

Левофлоксацин QT интервали узайиши синдроми ёки Torsades de Pointes га сабаб бўлиши мумкин, шу сабабли туғма QT интервали узайиши ёки Torsades de Pointes ташҳиси аниқланган ёки эҳтимол қилинган ҳолларда пациентларда қўллаш мумкин эмас.

Ҳомиладорлик ва лактация даврида қўлланилиши

Ҳомиладорлик

Етарлича тадқиқотлар мавжуд бўлмаганлиги туфайли ҳомиладор аёлларда қўллаш мумкин эмас.

Лактация

Адекват ва яхши назоратланган тадқиқотлар мавжуд бўлмаганлиги туфайли эмизикли аёлларда қўллаш мумкин эмас.

Транспорт воситаларини бошқариш ва бошқа потенциал хавфли механизмлар билан ишлаш қобилиятига таъсири

Левофлоксацинни қўллаганда кузатиладиган айрим ножўя таъсирлар диққат-эътиборни жамлаш ва реакция қобилиятини ёмонлаштириши мумкинлиги муносабати билан бу айниқса, транспорт воситаларини бошқариш ва бошқа потенциал хавфли механизмлар билан ишлашда маълум хавфни келтириб чиқариши мумкин.

Препарат болалар ололмайдиган жойда сақлансин ва яроқлилик муддати ўтгач ишлатилмасин.

Дозани ошириб юборилиши

Препарат дозасини ўткир ошириб юборилишининг кутиладиган симптомлари марказий нерв тизими даражасида онгнинг хиралашиши, бош айланиши, онгнинг бузилиши, тутқаноқ хуружлари кўринишида, меъда-ичак йўллари томонидан эса кўнгил айниши ва меъда шиллиқ қаватининг эрозияси кўринишида намоён бўлади.

Левофлоксацинни супра-терапевтик дозалари билан ўтказилган клиник-фармакологик тадқиқотларда QT интервалини узайиши аниқланган. Дозани ошириб юборилганида беморни синчковлик билан кузатиш ва симптоматик даволашни амалга ошириш лозим. Дозани ўткир ошириб юборилганида меъдани ювиш ҳақида ўйлаб кўриш лозим. Меъданинг шиллиқ қаватини ҳимоя қилиш учун антацидларни эҳтимол қўллаш керак бўлади. Левофлоксацин гемодиализ, перитонеал диализ ва мунтазам амбулатория перитонеал диализи воситасида организмдан чиқарилмайди. Махсус антидоти йўқ.

Чиқарилиш шакли

Мефлоцид™ қобиқ билан қопланган 500 мг ли таблеткалар. 7 таблетка блистерда. 1 блистер қўллаш бўйича йўриқномаси билан картон қутига жойланган.

Мефлоцид™ қобиқ билан қопланган 750 мг ли таблеткалар. 7 таблетка блистерда. 1 блистер қўллаш бўйича йўриқномаси билан картон қутига жойланган.

Сақлаш шароитлари

25°С дан юқори бўлмаган ҳароратда, оригинал ўрамида сақлансин.

Яроқлилик муддати

3 йил.

Дорихоналардан бериш тартиби

Рецепт бўйича берилади.