МАТАРЕН® ПЛЮС
дори препаратини тиббиётда қўллаш бўйича
ЙЎРИҚНОМА
сиртга қўллаш учун крем
Савдо номи: Матарен® Плюс
Халқаро патентланмаган номи ёки гуруҳлаштирилган номи:
Мелоксикам + қалампир настойкаси
Дори шакли: сиртга қўллаш учун крем
Таркиби:
1 г крем қуйидагиларни сақлайди:
таъсир этувчи моддалар: мелоксикам 30,0 мг, қалампир настойкаси 100,0 мг;
ёрдамчи моддалар: диметилсульфоксид, кориандр мойи, лаванда мойи, суюқ парафин, пропиленгликоль, стеарин кислотаси 50, дистилланган моноглицеридлар (Dimodan HP), эмульсион мум, глицерол, полоксамер (эмуксол-268), карбомер, натрий гидроксиди, имидомочевина (Germall®), сув.
Таърифи:
Оч сариқдан тўқ сариқ ранглигача бўлган крем. Қизғиш-жигарранг тусда бўлишига йўл қўйилади.
Фармакотерапевтик гуруҳи:
Ностероид яллиғланишга қарши препарат.
АТХ коди: М02АХ
Фармакологик хусусиятлари
Матарен® Плюс яллиғланишга қарши, оғриқсизлантирувчи, шишга қарши таъсир кўрсатади., крем суртилган соҳада қиздирувчи ва чалғитувчи таъсир кўрсатади, терининг маҳаллий гиперемияси ва гипертермиясини чақиради.
Матарен® Плюс бўғимларда (шу жумладан, умуртқа бўғимларида) ва мушакларда тинч ҳолатда ва ҳаракатда оғриқни камайтиради, бўғимлар ҳаракати ҳажмини ошишига ёрдам беради (крем суртилган соҳада). Бўғимларнинг тонгги танглиги ҳаракатини ва шишини камайтиради. Мелоксикам циклооксигеназа 2 ни танлаб сусайтиради, арахидон кислотасининг метаболизмини бузади, яллиғланиш ўчоғида простагландинлар (оғриқ ва яллиғланиш медиатрлари) миқдорини камайтиради.
Қалампир настойкаси терининг сезгир рецепторларига қўзғатувчи таъсирга эга бўлган капсаицин сақлайди, бу маҳаллий оғриқсизлантирувчи самарага, тери ва тери ости клетчаткасида қон айланишини яхшилашга, шунингдек қиздирувчи самарага олиб келади. Маҳаллий қон оқимини яхшиланиши тўқималарда қон айланишини кучайиши билан кечади, бу патологик ўчоқдан яллиғланиш субстратини йўқ қилишга ёрдам беради. Крем компонентларининг оптимал мослиги туфайли, уларнинг оғриқсизлантирувчи ва яллиғланишга қарши самараларини ўзаро кучайиши кузатилади. Матарен ® Плюс нинг фаол компонентлари биргаликда синергизм ҳисобига ушбу компонентларнинг индивидуал самарасига қараганда яхшироқ таъсир кўрсатади.
Қўлланилиши
Таянчҳаракат аппаратининг яллиғланиш ва дегенератив касалликлари.
Юмшоқ тўқималарнинг ревматик зарарланиши.
Оғриқ синдроми: бурсит, тендинит, люмбаго, ишиас, невралгия, миалгия, артралгия, радикулит, жароҳатдан кейинги оғриқ синдроми (травматик лат ейиш, суякни чиқиши, боғларни, мушакларни ва пайларни шикастланиши, тери қопламаларини бутунлигини бузилишисиз кечувчи мушакларни узилиши), оғир жисмоний ҳаракат чақирган мушак ва бўғинларда оғриқда қўлланади.
Қўллаш мумкин бўлмаган ҳолатлар
Препаратнинг компонентларига юқори сезувчанлик, болалар (12 ёшгача), тери қопламининг бутунлигини бузилиши ва крем суртилиши мўлжалланган жойда терининг яллиғланиш касалликларида қўллаш мумкин эмас.
Эҳтиёткорлик билан
Буйрак ва жигар фаолиятини бузилишида, меъдаичак йўлларининг оғир патологиясида (меъда ва 12 бармоқ ичакнинг зўрайиш босқичи яра касаллиги), қон тизимининг патологиясида, болалар (12 дан 18 ёшгача) да эҳтиёткорлик билан қўллаш керак.
Матарен® Плюс кремини бошқа ностероид яллиғланишга қарши воситалар билан бирга қўллашдан олдин, шунингдек препаратни 10 кундан ортиқ қўллаш зарурати туғилганида аввал шифокор билан маслаҳатлашиш керак.
Ҳомиладорлик ва лактация даври
Препаратни ҳомиладорлик ва лактация даврида қўллаш мумкин эмас.
Қўллаш усули ва дозалари
Сиртга қўлланилади. Крем 1 см дан 5 см гача узунликда тизимчаси астасекин суртилади, қўллашлар сони суткада 13 марта. Кремни миқдори ва қўллашлар сони, суртиш жойининг майдони ва кремга пациентнинг шахсий реакциясига қараб, ўзгариши мумкин. Самарани кучайтириш учун қуруқ иситувчи боғлов қўйиш мумкин.
Ножўя таъсирлари
Юз бериши мумкин бўлган келувчи ножўя самаралар шахсий сезувчанлик билан боғлиқ. Тери томонидан аллергик реакциялар (қичишиш, тери тошмаси), терини қипиқланиши, гиперемия бўлиши мумкин.
Ҳар қандай ножўя самаралар пайдо бўлишида кремни қўллашни тўхтатиш ва шифокорга мурожаат қилиш керак.
Дозани ошириб юборилиши
Матарен® Плюс препаратининг дозасини ошириб юборилиши ҳоллари маълум эмас.
Бошқа дори воситалари билан ўзаро таъсири
Хозирда сиртга қўллаш учун Матарен® Плюс кремини, бошқа дори воситалари билан ўзаро таъсири ҳақида маълумотлар йўқ.
Махсус кўрсатмалар
Препаратни терининг шикастланган юзасига, кўзларга ва шиллиқ пардаларга тушишидан сақланиш керак.
Матарен® Плюс кремини ушбу соҳаларга тушгани уни вазелин ёки ўсимлик мойига ботирилган пахтали тампон ёрдамида олиб ташлаш керак.
Препаратни ишлатгандан кейин қўлларни яхшилаб ювиш керак.
Транспорт воситалари, механизмларни бошқариш қобилиятига таъсири
Препарт қўлланганда транспорт воситаларини, механизмларни бошқариш қобилиятига таъсир кўрсатмайди.
Чиқарилиш шакли
30 мг/г + 100 мг/г сиртга қўллаш учун крем.
20, 30, 40, 50 ва 100 мг дан алюмин ёки полиэтилен ламинат тубаларда. Ҳар бир туба дори препаратини қўллаш бўйича йўриқномаси билан бирга картон қутига жойланган.
Яроқлилик муддати
2 йил. Препарат яроқлилик муддати тугаганидан сўнг қўлланилмасин.
Сақлаш шароити
25°С дан юқори бўламаган ҳароратда сақлансин.
Болалар ололмайдиган жойда сақлансин.
Бериш тартиби
Рецептсиз берилади.
