ҚЎЛЛАШ БЎЙИЧА ЙЎРИҚНОМА
МАГВИТ
MAGVITUM
Препаратнинг савдо номи: Магвит
Дори шакли: капсулалар
Таркиби:
Бир капсула қуйидагиларни сақлайди:
фаол моддалар: пиридоксин гидрохлориди – 5 мг, магний цитрати кўринишидаги магний – 50 мг;
ёрдамчи моддалар: магний стеарати, картошка крахмали, лактоза;
капсула қобиғининг таркиби: желатин, глицерин, тозаланган сув, титан диоксиди, натрий лаурил сульфати, бўёвчилар: хинолин сариғи Е-104, “қуёш шафағи” сариғи Е-110.
Таърифи: сариқ рангли қаттиқ желатин №0 капсулалар.
Фармакотерапевтик гуруҳи: Минерал қўшимчалар. Бошқа минерал қўшимчалар.
АТХ коди: А12CС30.
Фармакологик хусусиятлари
Фармакодинамикаси
Физиологик аспектлари:
Магний асосан ҳужайра ичидаги катион ҳисобланади. У нейронлар қўзғалувчанлигини ва асабий қўзғалувчанликнинг нейромушак узатилишини пасайтиради, кўпгина ферментатив жараёнларда қатнашади.
Магний аъзо ва тўқималарнинг муҳим элементи ҳисобланади: суяк тўқималарида инсон организмидаги магнийнинг умумий миқдорининг ярми мавжуд.
Клиник аспектлари:
Зардобдаги магний даражаси:
- 12 ва 17 мг/л ўртасида (1-1,4 мЭкв/л ёки 0,5-0,7 ммоль/л): магнийнинг ўртача танқислигига ишора қилади;
- 12 мг/л дан паст (1 мЭкв/л ёки 0,5 ммоль/л): магнийнинг оғир танқислигига ишора қилади.
Танқислик қуйидагича бўлиши мумкин:
- бирламчи, магний метаболизмининг туғма аномалияси туфайли,
- иккиламчи, қуйидагилар туфайли:
- организмга адекват тушмаслиги (тўйиб овқатланмасликнинг оғир шакли, алкоголизм, тўлиқ парентерал озиқланиш),
- меъда-ичак сўрилишидаги бузилишлар (сурункали ич кетиши, меъда-ичак тешиги, гипопаратироидизм),
- буйрак даражасидаги ортиқча йўқотишлар (каналчаларнинг касаллиги, сезиларли полиурия, диуретикларни суистеъмол қилиш, сурункали пиелонефрит, бирламчи гиперальдостеронизм, цисплатин билан даволаш).
Пиридоксин (В6 витамини) кўплаб метаболик жараёнларда, нерв тизими метаболизмини тартибга солишда қатнашади. В6 витамини МИЙдан магний сўрилишини ва унинг ҳужайраларга ўтишини яхшилайди.
Таркибида магний цитрати ва В6 витамини бўлган мажмуавий препаратни қўллаш қуйидаги маълумотлар билан асосланган:
- В6 витамини ва магний бир-бирининг фармакологик таъсирини тўлдиради;
- В6 витамини плазма ва эритроцитлардаги магний миқдорини оширади ва организмдан чиқариладиган магний миқдорини камайтиради;
- В6 витамини МИЙдан магнийни сўрилишини ва унинг ҳужайраларга ўтишини яхшилайди;
- магний пиридоксиннинг жигарда пиридоксаль-5-фосфат фаол метаболитига айланиш жараёнини фаоллаштиради;
- В6 витамини ҳужайра ичидаги магний миқдорини ошишига ёрдамлашади.
Магвит таркибига кирувчи сувда эрийдиган магний органик тузи (магний цитрати) яхши сўрилади, пиридоксин эса магнийни сўрилишини ва унинг ҳужайраларга боришини янада кўпроқ оширади.
Фармакокинетикаси
Сўрилиши ва тақсимланиши
МИЙдан қабул қилинганидан сўнг магнийнинг тахминан 50% абсорцияланади. Организмда магний асосан ҳужайра ичи ҳудудида (тахминан 99%) тақсимланади, уларнинг тахминан 2/3 қисми суяк тўқимасига, учдан бир қисми эса силлиқ ва кўндаланг-тарғил мушак тўқимасига тақсимланади.
Пиридоксин ингичка ичакда сўрилади, қон оқими билан тўқималарга боради ва ҳужайраларга ўтган ҳолда АТФ ва пиридоксалькиназалар иштирокида фосфорланади.
Чиқарилиши
Сийдик чиқариш тизими магний чиқарилишининг асосий йўли ҳисобланади. Плазмадаги магнийнинг 70% тугунли фильтрацияга учрайди, кейин унинг 95-97% буйрак каналчаларида реабсорбцияланади. Сийдикдаги магний ичга қабул қилинган магнийнинг ўртача учдан бирини ташкил этади.
Сийдик билан чиқадиган 4-пиридоксил кислотаси пиридоксин катаболизмининг асосий маҳсулоти ҳисобланади.
Қўлланилиши
Ушбу дори воситаси магний сақлайди, қуйидаги аломатлар организмда магний танқислигидан далолат бериши мумкин:
- асабийлик, сержаҳллик, суст безовталик, ўткинчи толиқиш, уйқуни бироз бузилишлари,
- безовталикнинг меъда-ичак спазмлари, юракни тез уриши (соғлом юракда) шаклида намоён бўлиши,
- мушак тортишишлари, санчиқларни ҳис қилиш.
Магнийни буюрилиши ушбу симптомларни бартараф этишга ёрдам бериши мумкин.
Агар бир ой даволангандан кейин яхшиланиш кузатилмаса, ушбу препарат билан монотерапияни давом эттириш мақсадга мувофиқ эмас.
Қўллаш усули ва дозалари
Организмда магнийнинг танқислигини тақсимланиши мажмуавий даволашда препарат ичга катталар ва 6 ёшдан ошган болаларга 1-2 капсуладан кунига 2-3 марта овқатланиши вақтида буюрилади.
Магнийнинг қондаги концентрацияси меъёрлашганидан кейин даволашни тўхтатиш керак.
Ножўя таъсирлари
Препарат яхши ўзлаштирилади.
Овқат ҳазм қилиш тизими томонидан: кам ҳолларда – қоринда оғриқлар, диарея.
Бошқалар: аллергик реакциялар, тери реакциялари бўлиши мумкин.
Қўллаш мумкин бўлмаган ҳолатлар
Препаратни қўллашга қарши кўрсатмалар бўлиб, унинг компонентларига юқори сезувчанлик, шунингдек яққол буйрак етишмовчилиги (КК минутига 30 мл дан кам), гипермагниемия, 6 ёшгача бўлган болалар ҳисобланади.
Эҳтиёткорлик билан: буйрак фаолиятининг ўртача етишмовчилигида, чунки гипермагниемияни ривожланиш хавфи бўлади.
Дориларнинг ўзаро таъсири
Магвит ва фосфатлар ва кальций тузларини сақловчи препаратлар бир вақтда қўлланганида магнийнинг МИЙдан сўрилиши сезиларли камайиши мумкин.
Препарат темирни ўзлаштирилиши, тетрациклинни сўрилишини пасайтиради.
Бирга қўлланганда магний перорал тромболитик воситаларнинг таъсирни сусайтиради.
Пиридоксин диуретиклар таъсирини кучайтиради; леводопанинг паркинсонизмга қарши самарасини сезиларли даражада пасайтиради, юрак гликозидлари (миокардда қисқарувчи оқсилларнинг синтезини ошишига ёрдам беради), глутамин кислотаси ва аспаркам (гипоксияга чидамлилик ошади) билан яхши мос тушади.
Махсус кўрсатмалар
Кальцийнинг ёндош танқислигида магнийнинг организмдаги танқислигини кальций препаратларини қабул қилишни бошлашдан олдин бартараф қилиш керак.
Оғир магний танқислиги ва уни сўрилишидаги бузилишларда даволаш вена ичига юборишдан бошланиши керак.
Тетрациклин ва Магвит бирга қўлланганида бу препаратларнинг қабуллар орасидаги 3 соатлик интервалга риоя қилиш керак.
Сурги воситалари, этаноли тез-тез истеъмол қилинганида, катта рухий ва жисмоний юкламаларда, магнийга бўлган эҳтиёж ошади ва организмда магнийнинг танқислигини ривожланишини хавфи ошади.
Капсулаларда лактоза мавжудлиги туфайли, препаратни галактозани туғма ўзлаштираолмайдиган, Лап лактазаси танқислиги, галактоза-глюкоза мальабсорбцияси бўлган пациентлар чн қўллаш мумкин эмас.
Капсула қобиғининг таркибига кирувчи бўёвчи моддалар аллергик реакцияларни чақириши мумкин.
Ушбу дори шакли 6 ёшгача бўлган болаларга бюрилмайди.
Мўътадил буйрак етишмовчилигида, гипермагниемия билан боғлиқ хавфни олдини олиш мақсадида, эҳтиёткорликка риоя қилиш керак.
В6 витамини (>200 мг/сут) узоқ вақт давомида қўлланганида (бир неча ой ёки йил) сенсорли нейропатиялар юзага келади, улар одатда терапия тўхтатилганидан кейин ўтиб кетади.
Ҳомиладорлик ва лактация
Ҳомиладорлик даврида препаратни фақат кўрсатмалар бўйича ва шифокорнинг назорати остида қўллаш мумкин.
Препаратни эмизиш даврида қўллаш тавсия қилинмайди. Магний кўкрак сути билан чиқарилади.
Автомобилни ҳайдаш, техника билан ишлаш қобилиятига таъсири
Таъсир қилмайди.
Препарат болалар олаолмайдиган жойда сақлансин ва яроқлилик муддати ўтгач қўлланилмасин.
Дозани ошириб юборилиши
Буйраклар фаолияти меъёрида бўлганида магнийни ичга қабул қилиш токсик реакцияларни чақирмайди.
Магний билан заҳарланиш буйрак етишмовчилигида ривожланиши мумкин. Токсик самаралари асосан магнийнинг қондаги миқдорига боғлиқ.
Симптомлари: АБ ни тушиши, кўнгил айниши, қусиш, марказий нерв тизимини сусайиши, рефлексларни йўқолиши, нафасни сусайиши, кома, юракни тўхташи ва нафасни фалажи, ЭКГ аномалияси, анурия.
Даволаш: регидратация, жадаллаштирилган диурез.
Буйрак етишмовчилигида гемодиализ ёки перитонал диализ ўтказиш керак.
Чиқарилиш шакли
Сариқ рангли қаттиқ желатин капсулалар №0, 10 капсуладан контур уяли ўрамда, 3 ёки 5 контур уяли ўрамдан қутида.
Сақлаш шароити
Намликдан ва ёруғликдан ҳимояланган жойда, 15°С дан 25°С гача ҳароратда сақлансин.
Яроқлилик муддати
2 йил.
Дорихоналардан бериш тартиби
Шифокор рецептисиз.
