ҚЎЛЛАШ БЎЙИЧА ЙЎРИҚНОМА
ЛЕВОТИН
LEVOTIN
Препаратнинг савдо номи: Левотин
Таъсир этувчи модда (ХПН): левоцетиризин дигидрохлориди
Дори шакли
- Плёнка қобиқ билан қопланган таблеткалар 5 мг дан;
- Ичга қабул қилиш учун сироп 2,5 мг/5 мл.
Таркиби:
Таблеткалар
фаол модда: левоцетиризин дигидрохлориди – 5 мг;
ёрдамчи моддалар: икки асосли кальций фосфати – 71,4 мг; крахмал – 80,0 мг; тозаланган тальк – 2,9 мг; магний стеарати – 2,2 мг; коллоидли кремний диоксиди – 0,7 мг; натрий крахмал гликоляти – 1,5 мг; натрий кроскармелоза – 1,5 мг; титан диоксиди – 4,9 мг; сариқ хинолин бўёвчиси – 2,2 мг.
Сироп
фаол модда: 2,5 мг левоцетиризинга эквивалент левоцетиризин дигидрохлориди– 2,63 мг;
ёрдамчи моддалар: қанд – 1250,0 мг; натрий метилпарабен – 2,5 мг; натрий пропилпарабен – 0,25 мг; 70% ли сорбитол – 500,0 мг; лимон кислотаси (сувсиз) – 2,5 мг; натрий бензоати – 5,0 мг; бронопол – 0,5 мг; глицерин – 150,0 мг; ароматизатор – 5,0 мг; сариқ хинолин бўёвчиси – 0,1 мг.
Таърифи:
Таблеткалар: думалоқ, икки томони қавариқ, оч сариқ рангли икки томони текис, плёнка қобиқ билан таблеткалар.
Сироп: оч сариқ рангли хушбуй сироп.
Фармакотерапевтик гуруҳи: аллергия қарши восита (Н1-гистамин рецепторлари антагонисти).
АТХ коди: R06AE09.
Фармакологик хусусиятлари
Левоцетиризин дигидрохлориди Н1-гистамин рецепторларини блокловчи антигистамин, антиаллергик восита ҳисобланади. Левоцитеризиннинг Н1-гистамин рецепторларига яқинлиги цетиризинга нисбатан 2 марта юқори. Аллергик реакцияларнинг гистаминга боғлиқ босқичига таъсир қилади, эозинофилларнинг миграциясини, қон томирларнинг ўтказувчанлигини камайтиради, яллиғланиш медиаторларини ажралиб чиқишини чеклайди.
Аллергик реакцияларни ривожланишини олдини олади ва кечишини енгиллаштиради, экссудацияга, қичишишга, яллиғланишга қарши таъсир кўрсатади, деярли антихолинергик ва антисеротонинергик таъсир кўрсатмайди. Терапевтик дозаларда деярли седатив самарага эга эмас.
Фармакокинетикаси
Левоцетиризиннинг фармакокинетик кўрсатгичлари пропорционал ўзгаради ва деярли цетиризинникидан фарқ қилмайди. Ичга қабул қилинганида тез сўрилади, овқат қабул қилиш сўрилишининг тўлиқлигига таъсир қилмайди, лекин унинг тезлигини пасайтиради; биокираолиши 100% га етади.
Зардобдаги Сmax га терапевтик доза бир марта қабул қилинганидан кейин 0,9 соат ўтгач эришилади ва 207 нг/мл ни ташкил қилади. Тақсимланиш ҳажми – 0,4 л/кг. Плазма оқсиллари билан боғланиши – 90%. Кам миқдорда (14% дан камроқ) жигарда фармакологик фаол бўлмаган метаболити ҳосил бўлиши билан О-деалкилланиш орқали метаболизмга учрайди (Н1-гистамин рецепторларининг бошқа антагонистларидан фарқли равишда, улар жигарда цитохром тизими ёрдамида метаболизмга учрайди).
Т1/2 7-10 соатни ташкил қилади, умумий клиренси – 0,63 мл/мин/кг. Тўпланмайди, организмдан 96 соатда тўлиқ чиқарилади. Ўзгармаган ҳолда сийдик билан 85,4% чиқарилади. Буйраклар фаолиятини бузилиши бўлган беморларда (креатинин клиренси <40 мл/мин) препаратнинг клиренси камаяди, Т1/2 эса узаяди (масалан, гемодиализда бўлган беморларда, умумий клиренси 80% га камаяди), бу мувофиқ дозалаш тартибини талаб қилади. Гемодиализ давомида 10% дан камроқ левоцетиризин бартараф этилади. Кўкрак сутига киради.
Таъсири бир марталик доза қабул қилинганидан кейин 50% беморларда таъсири 12 минут, 95% да – 0,5-1 соат ўтгач бошланади ва 24 соат давомида ва узоқроқ сақланади.
Қўлланилиши
Йил давомидаги ва мавсумий аллергик ринит ва аллергик конъюнктивит (аксириш, кўз ёши оқиши, конъюнктива гиперемияси), поллиноз, эшакеми (шу жумладан сурункали идеопатик, Квинке шиши) ва қичишиш ва тошмалар билан бирга кечувчи бошқа аллергик дерматозларни симптоматик даволашда қўлланади.
Қўллаш усули ва дозалари
Ичга буюрилади, чайнамасдан (таблеткалар учун), овқат билан ёки оч қоринга, кам миқдордаги сув билан бирга қабул қилинади.
Катталар ва 6 ёшдан ошган болалар – 5 мг суткалик дозада, 2 ёшдан 6 ёшгача бўлган болаларга – суткада 2,5 мг ни ташкил қилади.
Кекса беморларда буйракларнинг нормал фаолиятида дозани пасайтириш талаб қилинмайди; сурункали буйрак етишмовчилиги бўлган беморларда дозани креатинин клиренсига боғлиқ ҳолда хисоблашни амалга ошириш керак.
Жигар етишмовчилиги бўлган беморларда дозалаш тартибига ўзгартириш киритиш талаб қилинмайди.
Даволаш давомийлиги касалликка боғлиқ: поллинозда ўртача 1-6 ҳафта давомида буюрилади; сурункали касалликларда (йил давомидаги ринит, сурункали идиопатик эшакеми) даволаш давомийлигини 18 ойгача ошириш мумкин.
Ножўя таъсирлари
Ножўя самараларини ривожланиш тез-тезлиги Жаҳон соғлиқни сақлаш ташкилотининг тавсияларига мувофиқ таснифланган: жуда тез-тез – 10% дан кам эмас; тез-тез – 1% дан кам эмас, лекин 10% дан кам; тез-тез эмас – 0,1% дан кам эмас, лекин 1% дан кам; кам ҳолларда – 0,01% дан кам эмас, лекин 0,1% дан кам; камдан-кам ҳолларда – 0,01% дан камроқ шу жумладан, якка ҳолларда.
Нерв тизими томонидан: тез-тез – бош оғриғи, уйқучанлик, тажовузкорлик, қўзғалиш, тиришишлар; кам ҳолларда – мигрень, бош айланиши.
Кўриш аъзоси томонидан: тез-тез – кўришни бузилиши.
Юрак-қон томир тизими томонидан: камдан-кам ҳолларда – тахикардия.
Нафас тизими томонидан: камдан-кам ҳолларда – диспноэ.
Овқат ҳазм қилиш тизими томонидан: тез-тез – оғиз бўшлиғи шиллиқ қаватининг қуруқлиги; тез-тез эмас – қорин оғриғи; камдан-кам ҳолларда – кўнгил айниши, диспепсия, диарея, жигарнинг функционал синамаларини ўзгариши, гепатит.
Таянч-ҳаракат аппарати томонидан: кам ҳолларда – миалгия.
Моддалар алмашинуви томонидан: кам ҳолларда – тана вазнини ошиши.
Аллергик реакциялар: камдан-кам ҳолларда – терини қичишиши, тери тошмаси, эшакеми, ангионевротик шиш, анафилаксия.
Бошқалар: тез-тез – тез чарчаш, чарчоқлик хисси; тез-тез эмас – астения.
Қўллаш мумкин бўлмаган ҳолатлар
Левоцетиризинга ва препаратнинг бошқа компонентларига юқори сезувчанлик; пиперазин ҳосилаларига юқори сезувчанлик; буйрак етишмовчилигининг терминал босқичи (креатинин клиренси минутига 10 мл); лактозани ўзлаштираолмаслик, лактаза танқислиги, глюкозо-галактоза мальабсорбцияси; 6 ёшгача (таблеткалар учун); 2 ёшгача (ичга қабул қилиш учун сироп) бўлган болалар; ҳомиладорлик; эмизиш даври.
Эҳтиёткорлик билан
Ўртача ва оғир даражали буйрак етишмовчилиги (КК минутига 10 мл дан кўпроқ, лекин минутига 50 мл дан камроқ); кексаларда (калава фильтрациясини пасайиши мумкин) эҳтиёткорлик билан қўллаш керак.
Дориларнинг ўзаро таъсири
Левоцетиризинни псевдоэфедрин, циметидин, кетоконазол, эритромицин, азитромицин, глипизид ва диазепам билан дориларнинг ўзаро таъсирини ўрганиш, клиник аҳамиятли нохуш ўзаро таъсирни аниқламаган. Макролидлар ва кетоконазол билан бир вақтда қўллаш, ЭКГ да клиник аҳамиятли ўзгаришларни чақирмаган.
Теофиллин (суткада 400 мг) билан бир вақтда қўлланганида цетиризиннинг умумий клиренси 16% га пасаяди, теофиллиннинг фармакокинетик кўрсатгичлари ўзгармайди.
Қатор холларда левоцетиризин этанол ёки марказий нерв тизимига (МНТ) сусайтирувчи таъсир кўрсатувчи дори воситалари билан бир вақтда қўлланганида, гарчи левоцетиризинни этанолнинг самарасини кучайтирмаслиги исботланган бўлса ҳам, уларнинг МНТга таъсири кучайиши мумкин.
Махсус кўрсатмалар
Тавсия қилинган суткалик дозани ошириш мумкин эмас.
Левоцетиризин билан даволаниш вақтида алкоголни истеъмол қилиш тавсия этилмаслиги ҳақида пациентларни огоҳлантириш керак.
Ҳомиладорлик ва эмизиш даврида қўлланиши
Ҳомиладор аёлларда левоцетиризинни қўллаш бўйича клиник маълумотлар етарли эмас, шунинг учун Левотин препаратини ҳомиладорликда қўллаш мумкин эмас.
Левоцетиризин кўкрак сути билан чиқарилади. Левотин препаратини қўллашнинг зарурати бўлганида эмизишни тўхтатиш керак.
Автотранспортни ҳайдаш ва механизмларни бошқариш қобилиятига таъсири
Левоцетиризин тавсия қилинган дозаларда қўлланганида автотранспортни ҳайдаш ва механизмлар билан ишлаш қобилияти ўзгармайди. Шунга қарамасдан, даволаниш даврида ножўя реакциялар (уйқучанлик, бош айланиши) ривожланиши мумкинлигини хисобга олиб, диққатни юқори жамлаш ва психомотор реакциялар тезлигини талаб қилувчи потенциал хавфли фаолият турлари билан шуғулланишда эҳтиёткорликка риоя қилиш керак.
Препарат болалар ололмайдиган жойда сақлансин ва яроқлилик муддати ўтганидан сўнг ишлатилмасин.
Дозани ошириб юборилиши
Симптомлари: уйқучанлик (катталарда), уйқучанлик билан алмашинувчи қўзғалиш ва безовталик (болаларда).
Даволаш симптоматик: препарат қабул қилинганидан кейин дарҳол меъдани ювиш ёки сунъий қусишни чақириш. Фаоллаштирилган кўмирни қўллаш, симптоматик ва тутиб турувчи даволашни ўтказиш тавсия қилинади. Специфик антидоти йўқ, Гемодиализ самарасиз.
Чиқарилиш шакли
10 таблеткадан блистерда, 1 блистер қўллаш бўйича йўриқномаси билан бирга картон қутида.
10 таблеткадан блистерда, 10 блистер қўллаш бўйича йўриқномаси билан бирга картон қутида.
Ичга қабул қилиш учун сироп 2,5 мг/5 мл. Полиэтилен флаконларда 30 мл дан. 1 флакон ўлчов қалпоқчаси билан комплектда қўллаш йўриқномаси билан бирга картон қутида.
Сақлаш шароити
Қоронғу, қуруқ жойда, 25ºС дан юқори бўлмаган ҳароратда сақлансин.
Яроқлилик муддати
2 йил.
Дорихоналардан бериш тартиби
Рецепт бўйича.
