ҚЎЛЛАШ БЎЙИЧА ЙЎРИҚНОМА
L-ЦЕТ®
L-CET®
Препаратнинг савдо номи: L-Цет®
Таъсир этувчи модда (ХПН): левоцетиризин гидрохлориди (levocetirizine dihydrochloride);
Дори шакли: қобиқ билан қопланган таблеткалар.
Таркиби:
1 қобиқ билан қопланган таблетка қуйидагиларни сақлайди:
фаол модда: 5 мг левоцетиризин гидрохлориди;
ёрдамчи моддалар: микрокристалл целлюлоза, натрий кроскармеллоза, сувсиз коллоид кремний диоксиди, магний стеарати, Opadry II 85G 51300 яшил қопламаси.
Таърифи: думалоқ, икки томонлама қавариқ, яшил рангли қобиқ билан қопланган таблеткалар.
Фармакотерапевтик гуруҳи: тизимли қўллаш учун гистаминга қарши воситалар.
АТХ коди: R06АЕ09
Фармакологик хусусиятлари
Левоцетиризин Н1-гистамин рецепторларининг блокатори, гистаминнинг рақобатли антагонисти. Аллергик реакцияларнинг гистаминга боғлиқ босқичига таъсир қилади, томирларнинг ўтказувчанлигини ва эозинофилларнинг миграциясини камайтиради, яллиғланиш медиаторларининг ажралиб чиқишини чеклайди, шу туфайли аллергик реакцияларни ривожланишини олдини олади, экссудация ва қичишни бартараф қилади. Левоцетиризин амалда антихолинергик ва антисеротонин таъсирга эга эмас. Гематоэнцефалик тўсиқ орқали ўтмайди. Терапевтик дозаларда амалда седатив самара кўрсатмайди. Бир марталик доза ичга юборилганидан кейин препаратнинг самараси 15 минут ўтгач ривожланади ва 24 соат давомида сақланади.
Ичга қабул қилинганида тез сўрилади, бир вақтда овқат қабул қилиш сўрилиш тезлигини пасайтиради, аммо унинг тўлиқлигига таъсир қилмайди. Левоцетиризиннинг биокираолишлиги – 100%. Чўққи концентрацияси 207 мг/мл ни ташкил қилади, ТСmax– 0,9 соат, тақсимланиш ҳажми – 0,4 л/кг. Плазма оқсиллари билан боғланиши – 90%. Ярим чиқарилиш даври – 7-10 соатни ташкил қилади. Препаратнинг 85% дан кўпроғи буйраклар орқали чиқарилади. Кўкрак сутида чиқарилади.
Қўлланилиши
Уй ҳайвонлари, чанг, совуқ ва бошқалар таъсиринида қўзғаладиган мавсумий аллергик ринит (пичан иситмаси), шунингдек сурункали аллергик ринит, аллергик конъюнктивит, аллергик дерматит, экзема, эшакеми, шу жумладан сурункали идеопатик эшакемида қўлланилади.
Қўллаш усули ва дозалари
Препарат ичга чайнамасдан, кўп бўлмаган миқдордаги сув билан бирга қабул қилинади. Оч қоринга қабул қилинганида препаратнинг самараси тезроқ ривожланади. Катталар ва 6 ёшдан ошган болаларга тавсия этилган суткалик доза 5 мг ни ташкил қилади (1 таблетка кунига 1 марта). Даволаш курси пичан иситмасида (поллинозда) – 1 ҳафтадан 6 ҳафтагача. Сурункали аллергик касалликларда даволаш курси 12 ойгача давом этиш мумкин.
Ножўя таъсирлари
Нерв тизими томонидан: бош оғриғи, уйқучанлик, толиқиш, ҳолсизлик.
Юрак-қон томир тизими томонидан: юрак жуда тез уриши.
Кўриш аъзоси томонидан: кўришни бузилиши.
Гепатобилиар тизим томонидан: гепатит.
Иммун тизими томонидан: юқори сезувчанлик, шу жумладан анафилаксия, ангионевротик шиш.
Нафас аъзолари томонидан: ҳансираш.
Меъда-ичак йўллари томонидан: оғизни қуриши, кўнгил айниши.
Тери қопламалари томонидан: қичишиш, тошма, эшакеми.
Бошқалар: тана вазнини ошиши, қоринда оғриқ, миалгиялар, жигар ферментлари кўрсаткичларини ўзгариши.
Қўллаш мумкин бўлмаган ҳолатлар
Левоцетиризинга ёки препаратнинг бошқа компонентларига юқори сезувчанлик. Оғир буйрак етишмовчилиги (креатинин клиренси – минутига 10 мл дан кам). Ҳомиладорлик ва лактация даври. 6 ёшгача бўлган болалар.
Қўллашдаги тегишли хавфсизлик чоралари
Тавсия этилган доза ошириш мумкин эмас.
Дориларнинг ўзаро таъсири
Препаратни теофиллин билан бир вақтда қўллаш левоцетиризиннин умумий клиренсини камайтиради. Левоцетиризин кетоконазол ва макролидлар билан бирга қўлланганидаги текширишларда электрокардиограммада юрак фаолиятини ишончли ўзгаришлари кузатилмаган. Левоцетиризин марказий нерв тизимининг фаолиятини сусайтирувчи препаратлар (транквилизаторлар, трициклик антидепрессантлар, МАО ингибиторлари) ва алкоголь билан бирга қўлланганида уйқучанликни чиқариши мумкин.
Махсус кўрсатмалар
Препаратни буйраклар орқали чиқарилиши туфайли, L-Цет® ни буйраклар патологияси бўлган пациентларга эҳтиёткорлик билан буюриш керак. Буйрак етишмовчилиги бўлган беморларда (креатинин клиренси < 40 мл/мин) левоцетиризинни чиқарилиши камаяди (гемодиализда бўлган пациентларда 80% гача). Буйрак етишмовчилигида препаратнинг дозаси креатинин клиренсига (КК) боғлиқ. КК минутига 50-80 мл ва ундан кўп бўлганида суткада 1 таблетка, КК минутига 30-49 мл бўлганда – кун ора 1 таблетка, КК минутига
30 мл бўлганида 3 кунда 1 таблетка. КК минутига 10 мл дан кам бўлганида препаратни қўллаш мумкин эмас.
Жигар етишмовчилигида дозаларни тўғрилаш ўтказилмайди.
Ҳомиладорлик ва эмизиш даврида қўлланиши.
Ҳомиладорлик даврида қабул қилишнинг хавфсизлиги аниқланмаган, шунинг учун препаратни қўллаш мумкин эмас. Левоцетиризин кўкрак сутига чиқарилади.
Препаратни қўллашнинг зарурати бўлганида эмизишни тўхтатиш керак.
Болалар. 6 ёшгача бўлган болаларда препарат қўлланмайди.
Автотранспортни бошқаришда ёки бошқа механизмларга хизмат кўрсатишда реакция тезлигига таъсир қилиш қобилияти.
Ножўя самараларини (уйқучанлик, толиқиш, астения) ривожланиш эҳтимолини ҳисобга олиб, шифокор пациентнинг препаратга бўлган шахсий реакциясидан кейин, транспорт воситаларини бошқариш ва бошқа механизмлар билан ишлаш мумкинлигини аниқлаши керак.
Препарат болалар олаолмайдиган жойда сақлансин ва яроқлилик муддати ўтгач қўлланилмасин.
Дозани ошириб юборилиши
Симптомлари: бош оғриғи, оғизни қуриши, кўнгил айниши, эпигастрал соҳада оғриқ.
Даволаш: меъдани ювиш ва сорбентларни қўллаш, кейинчалик симптоматик даволаш ўтказилади. Гемодиализ йўли билан левоцетиризиннинг 10% камроғи чиқарилади. Махсус антидоти йўқ. Гемодиализ самарасиз.
Чиқарилиш шакли
10 таблетка ПВХ/ПВДХ блистерда. 1 ёки 3 блистердан қўллаш бўйича йўриқномаси билан картон ўрамда.
10 таблетка блистерда. 10 блистердан қўллаш бўйича йўриқномаси билан картон ўрамда.
Сақлаш шароити
Қуруқ, ёруғликдан ҳимояланган, 25°С дан юқори бўлмаган ҳароратда сақлансин.
Яроқлилик муддати
3 йил.
Дорихоналардан бериш тартиби
Рецептсиз.
