Skip to main content

Креон®

Улашиш:
  Reading time 12 minutes

ҚЎЛЛАШ БЎЙИЧА ЙЎРИҚНОМА

КРЕОН® 10000 (KREON® 10000)

КРЕОН® 25000 (KREON® 25000)

КРЕОН® 40000 (KREON® 40000)

 

Қайд этиш рақами:  Б-250-95 №29398; Б-250-95 №16211

Препаратнинг савдо номи: Креон® 10000; Креон® 25000; Креон® 40000

Таъсир этувчи модда (ХПН): панкреатин

Дори шакли: ичакда эрувчи капсулалар (ичакда эрувчи гранулалар (минимикросфералартм) билан тўлдирилган қаттиқ желатин капсулалар)

Таркиби:

Фаол модда:.

Креон® 10000: 1 капсула ЕФ бўйича 10000 тб. липаза, ЕФ бўйича 8000 тб. амилаза, ЕФ бўйича 600 тб. протеаза ферментатив фаолликка мувофиқ келувчи 150 мг панкреатин сақлайди;

Креон® 25000: 1 капсула ЕФ бўйича 25000 тб. липаза, ЕФ бўйича 18000 тб. амилаза, ЕФ бўйича 600 тб. протеаза ферментатив фаолликка мувофиқ келувчи 300 мг панкреатин сақлайди;

Креон® 40000: 1 капсула ЕФ бўйича 40000 тб. липаза, ЕФ бўйича 25000 тб. амилаза, ЕФ бўйича 1600 тб. протеаза ферментатив фаолликка мувофиқ келувчи 400 мг панкреатин сақлайди;

ёрдамчи моддалар: гранулалар ядроси – макрогол 4000, гранулалар қобиғи – гипромеллоза фталати, цетил спирти, триэтилцитрат, диметикон 1000, капсула қобиғи – желатин, темир оксиди (Е172), титан диоксиди (Е171), натрий лаурилсульфати.

6-yillik-qizil-jenshen

Таърифи:

Креон® 10000 препарати капсулалари – жигаррангсимон ичакда эрувчи гранулалар (минимикросфералартм) билан тўлдирилган, жигарранг тиниқ бўлмаган қопқоқча ва рангсиз тиниқ асосли, ўлчами 2 қаттиқ желатин капсулалар;

Креон® 25000 препарати капсулалари – жигаррангсимон ичакда эрувчи гранулалар (минимикросфералартм) билан тўлдирилган, зарғалдоқ тиниқ бўлмаган қопқоқча ва рангсиз тиниқ асосли, ўлчами 0 қаттиқ желатин капсулалар;

Креон® 40000 препарати капсулалари – жигаррангсимон ичакда эрувчи гранулалар (минимикросфералартм) билан тўлдирилган, жигаррангсимон тиниқ бўлмаган қопқоқча ва рангсиз тиниқ асосли, ўлчами 00 қаттиқ желатин капсулалар.

Фармакотерапевтик гуруҳи: Овқат хазм бўлишини яхшиловчи препарпатлар, шу жумладан ферментлар. Полифермент препаратлар.

АТХ коди: А09А А02.

 

Фармакологик хусусиятлари

Креон® желатин капсулалардаги ичакда эрувчи қобиқ билан қопланган (кислотали муҳитга чидамли) микросфералар шаклидаги чўчқадан олинган (чўчқаларнинг меъда ости безидан олинган) панкреатин сақлайди.

Капсулалар кўп дозали принцип бўйича кўп сонли микросфераларни ажратиб, меъдада тез эрийди, бу меъда ичидагиси билан яхши аралашишини, меъдадан унинг ичидагиси билан бирга ичакка ўтишини ва ажралиб чиққанидан кейин ичак ичидаги ферментларни яхши тақсимланишини таъминлайди.

Микросфера ингичка ичакка тушганида ва қобиқ (рН>5,5 да) тез парчаланади, липолитик, амилолитик ва протеолитик ферментларни ажратиб чиқаради, бу ёғлар, карбонсувлар ва оқсилларни парчаланишини таъминлайди.

Панкреатик ферментлар таъсирида овқат ҳазм бўлиши натижасида ҳосил бўлган маҳсулотлар дарҳол ёки ичак ферментлари томонидан кейинги гидролизга учраганидан сўнг сўрилади.

Клиник самарадорлиги.

Меъда ости безининг экзокрин етишмовчилиги бўлган пациентларда Креоннинг самарадорлигини ўрганиш бўйича жаъми 30 тадқиқот ўтказилган. Улардан ўнтаси плацебо-назоратли бўлган ёки уларда дастлабки кўрсатгичлар билан қиёслаш қўлланган; бу тадқиқотларда муковисцидоз, сурункали панкреатит ёки операциядан кейинги ҳолатлари бўлган пациентлар иштирок этишган.

Барча рандомизацияланган самарадорликни ўрганиш бўйича плацебо-назоратли тадқиқотларида олдиндан белгиланган бирламчи мақсад самарадорликнинг бирламчи кўрсатгичи – ёғларнинг сўрилиш коэффициенти (ЁСК) бўйича Креонни плацебо устидан устунлигини исбот қилиш бўлган.

Ёғларни сўрилиш коэффициенти, овқат билан истеъмол қилинган ёғлар ва аҳлат билан чиқарилган ёғларни ҳисобга олган ҳолда организмга сўрилган ёғларнинг фоизини акс эттиради. Меъда ости безининг ташқи секретор етишмовчилигини ўрганиш бўйича плацебо-назоратли клиник текширишларда, ЁСК нинг (%) ўртача қиймати Креон билан даволашда (83,0%), плацебо ишлатилганига қараганда (62,6) юқори бўлган. Барча тадқиқотларда, уларнинг дизайнидан қатъий назар, ЁСК нинг (%) ўртача қиймати Креон билан даволаш даврининг охирида, плацебо-назоратли тадқиқотларда Креон қўлланганидаги ёғларнинг сўрилиш коэффициентининг ўртача қийматлари билан бир хил бўлган. Барча ўтказилган тадқиқотларда, касалликнинг этиологиясидан қатъий назар, характерли симптоматикани (ич келишини тез-тезлиги, унинг консистенцияси, метеоризм) ҳам яхшиланиши кузатилган.

Болалар

Муковисцидози бўлган беморларда Креон® препаратининг самарадорлиги янги туғилганлардан то ўсмирлик ёшигача бўлган 288 пациентларда намойиш қилинган. Барча тадқиқотларда болаларда Креон® препарати билан даволашнинг охирида ЁСК ўртача кўрсатгичи,пациентларнинг ёшидан қатъий назар 80% дан юқори бўлган.

Фармакокинетикаси

Ҳайвонларда ўтказилган тадқиқотларда ферментларни ўзгармаган ҳолда сўрилиши белгилари аниқланмаган, ва шунинг учун классик фармакокинетик текширишлар ўтказилмаган. Меъда ости безининг ферментларини қўшиш ўзининг самарасига эришиши учун сўрилишни талаб қилмайди. Аксинча, уларнинг тўлиқ терапевтик таъсири меъда-ичак йўлларининг ичида намоён бўлади. Улар оқсиллар сифатида, пептидлар ва аминокислоталар кўринишида сўрилишдан олдин меъда-ичак йўллари орқали ўтишда протеолитик овқат ҳазм бўлишига учрайдилар.

Клиникагача бўлган тадқиқотларнинг маълумотлари ўткир, ним сурункали ёки сурункали токсиклигини кўрсатмади. Генотоксиклик, канцерогенлик ёеи репродуктивликка токсик таъсирини ўрганиш бўйича тадқиқотлари ўтказилмаган.

Қўлланилиши

Болалар ва катталарда қуйида санаб ўтилган касалликлар билан боғлиқ бўлган, лекин чекланмаган меъда ости безининг экзокрин фаолиятининг етишмовчилигини даволаш:

  • муковисцедоз;
  • сурункали панкреатит;
  • панкреатэктомия;
  • гастроэктомия;
  • меъда ости бези раки;
  • меъдани тўлиқ ёуи қисман резекциясидан (масалан Бильрот II бўйича гастроэнтеротомиядан) кейинги ҳолат;
  • панкреатик ёки умумий ўт йўлининг обструкцияси (масалан, ўсма билан);

  • Швахман-Даймонд синдроми;
  • пациент энтерал озиқланишга ўтказилган вақтдан бошлаб, ўткир панкреатитни зўрайишидан кейинги ҳолат.

Қўллаш усули ва дозалари

Препаратнинг дозалари касалликнинг оғирлиги ва парҳезнинг таркибига қараб, шахсий равишда танланади. Адекват шахсий дозани танлаш учун препаратнинг уч дозаси бор – Креон® 10000, Креон® 25000, Креон® 40000.

Препаратни овқатланиш вақтида ёки овқатдан кейин дарҳол қабул қилиш тавсия этилади. Капсулаларни бутунлигича, синдирмасдан ва чайнамасдан етарли миқдордаги суюқлик билан бирга ютиш ёки енгил нонушта билан истеъмол қилиш керак.

Агар капсулани бутунлигича ютиш мумкин бўлмаса (болалар ва кекса ёшли шахслар) уни очиш ва микросферик гранулаларни чайнашни талаб қилмайдиган ва нордон таъмга (рН<5,5) эга юмшоқ овқатга қўшиш, ёки шунингдек нордон таъмга (рН<5,5) бўлган суюқлик билан қабул қилиш керак. Масалан микросфераларни рН 5,5 дан кам бўлган олма пюресига, йогуртга ёки мева (олма, апельсин ёки ананас) шарбатига қўшиш мумкин. Бундай аралашмани дарҳол қабул қилиш керак, сақлаш мумкин эмас.

Микросфераларни майдалаш ёки чайнаш, шунингдек уларни рН 5,5 дан юқори бўлган овқат ёки суюқлик билан аралаштириш, уларнинг ичакда эрувчи ҳимоя қобиқларини парчалаши мумкин. Бу ферментларни оғиз бўшлиғида эрта ажралиб чиқишига, самарадорлигини пасайишига ва шиллиқ қаватларни таъсирланишига олиб келиши мумкин. Микросфераларни оғизда қолмаганлигига ишонч ҳосил қилиш керак.

Креон® 10000, Креон® 25000, Креон® 40000 препаратлари билан даволаниш вақтида етарли миқдордаги суюқликни, айниқса уни юқори йўқотилиш даврида, истеъмол қилиш жуда мухимдир. Суюқликнинг танқислиги қабзият чақириши мумкин.

Муковисцидозда катталар ва болалар учун дозалаш.

Муковисцидоз (МВ) бўйича Мувофиқлаштириш конференциясининг, АҚШ МВ Ассоциациясининг «тасодиф-назорат» текширишларига ва Буюкбританиядаги «тасодиф-назорат» текширишларига асосланиб, меъда ости бези ферментлари билан ўринбосар даволаш учун қуйидаги умумий тавсияларни таклиф қилиш мумкин:

  • 4 ёшгача бўлган болалар учун ҳар бир овқат қабул қилиш вақтида тана вазнининг кг га бошланғич доза 1000 ТБ липазани ташкил қилади, 4 ёшдан бошлаб болалар учун ҳар бир овқат қабул қилиш вақтида тана вазнининг кг га – 1000 ТБ липаза тўғриланади.
  • Дозани касалликнинг оғирлиги, стеатореяни ва керакли нутритив ҳолатни тутиб туришни назоратига қараб, шахсий танлаш керак.
  • Кўпчилик пациентлар учун тутиб турувчи доза тана вазнининг кг га суткада 10000 ТБ липазадан ёки 1 грамм истеъмол қилинган ёғга 4000 ТБ липазадан ошмаслиги керак.

Меъда ости безининг экзокрин етишмовчилигини бошқа турларида дозалаш.

Овқат ҳазм бўлишининг бузилиш даражаси ва овқатнинг ёғли таркибига қараб, дозани шахсий равишда танлаш керак.

Одатдаги бошланғич доза ҳар бир асосий овқат қабул қилиш вақтида 10000 дан 25000 ТБ липазани ташкил қилади. Асосий овқат қабул қилишлар вақтида доза 25000 дан 80000 ТБ гача липаза бўлиши мумкин, енгил нонушта қабул қилиш вақтида эса, шахсий дозанинг ярмини ташкил қилиши керак.

Ножўя таъсирлари

Клиник текширишларда 900 пациент Креон® қабул қилганлар.

Энг кўп хабар берилган ножўя реакциялари, асосан енгил ва оғирлиги ўртача даражали овқат ҳазм қилиш йўлларининг бузилишлари бўлган.

Клиник текширишлар давомида қуйида кўрсатилган тез-тезлик билан, қуйидаги ножўя реакциялар кузатилган

Аъзолар тизимиЖуда тез-тез, ≥1/10Тез-тез, ≥1/1000

дан <1/10 гача

Тез-тез эмас

≥1/10000 дан <1/100 гача

Тез-тездиги номаълум
Меъда ичак йўллари томонидан бузилишларқорин оғриғи*кўнгил айниши, қусиш, қабзият, қоринни дам бў-лиши, диарея* ёнбош, кўр ва йўғон ичакнинг стрикту-раси (фиброз колонопатия)
Тери ва тери ости тўқималари томонидан бузилишлар  тошмақичишиш, эшакеми
Иммун тизими томонидан бузилишлар   ўта юқори сезувчан-лик (анафилактик реакциялар)

*- меъда-ичак йўллари томонидан бузилишлар асосан асосий касаллик билан боғлиқ. Қорин соҳасида оғриқ ва диарея каби нохуш реакцияларни пайдо бўлиш тез-тезлиги, плацебо қўллаганида паст ёки ундаги билан бир ҳил бўлган.

Ёнбош, кўр ва йўғон ичакни стриктураси (фиброз колонопатия), панкреатиннинг юқори дозаларини олган муковисцидози бўлган пациентларда кузатилган («Махсус кўрсатмалар» бўлимига қаранг).

Кузатилган аллергик реакциялар, асосан, лекин фақат эмас, тери билан чекланган ва ножўя реакциялар сифатида постмаркетинг қўлланган аниқланган. Бу реакциялар хақидаги хабарлар спонтан бўлганлиги ва аниқ бўлмаган ўлчамли популяциядан олинганлиги туфайли, бу реакцияларнинг аниқ тез-тезлигини баҳолаш мумкин эмас.

Болалар

Болаларда специфик нохуш реакциялари аниқланмаган. Муковисцидози бўлган болалардаги ножўя реакцияларнинг тез-тезлиги, тури ва оғирлиги катталардаги билан бир ҳил бўлган.

Қўллаш мумкин бўлмаган ҳолатлар

Таъсир қилувчи моддага ёки препаратнинг хар қандай бошқа  компонентларига ўта юқори сезувчанлик.

Дориларнинг ўзаро таъсири

Ўзаро таъсирининг текширишлари ўтказилмаган.

Махсус кўрсатмалар

Панкреатиннинг юқори дозаларини қабул қилган, муковисцидози бўлган беморларда ичакнин илеоцекал бўлимини ва йўғон ичакни торайиши аниқланган (фиброз колонопатия). Ғайриоддий абдоминал симптомлар пайдо бўлган ҳолларда ёки асосий касалликнинг симптомларини характери ўзгарганида, олдини олиш чораси сифатида, йўғон ичакнинг шикастланиши мумкинлигини, айниқса агарда пациент суткада 10000 ТБ липаза/кг дан кўпроқ қабул қилаётган бўлса, истисно қилиш керак.

Ҳомиладорлик ва эмизиш даврида қўлланиши

Меъда ости бези ферментларини ҳомиладорликни кечишига таъсири бўйича клиник текширишларнинг маълумотлари йўқ, шунинг учун ҳомиладор аёлларга эҳтиёткорлик билан буюриш керак. Ҳайвонларда ўтказилган тадқиқотлар чўчқа меъда ости бези ферментларини сўрилиш белгилари йўқлигини кўрсатган. Шундай қилиб, репродукция фаолликка ва ҳомилани ривожланишига токсик таъсирининг борлиги кутилмайди.

Ҳайвонлардаги ўтказилган тадқиқотлар эмизувчи аёлда меъда ости бези ферментларининг  тизимли экспозицияси йўқлигидан далолат бериши туфайли, эмизикли болага бирон-бир таъсири тахмин қилинмайди. Шунинг учун эмизиш даврида меъда ости безининг ферментларини қабул қилиш мумкин.

Зарурати бўлганида ҳомиладорлар ёки эмизувчи аёллар, Креон®ни овқатланишнинг адекват ҳолатини таъминлаш учун етарли дозаларда қабул қилишлари мумкин.

Болалар.

Креон®ни болаларда қўллаш мумкин.

Автотранспорт ёки бошва механизмларни бошқаришда реакция тезлигига таъсир қилиш қобилияти.

Креон® препаратининг транспорт воситалари ёки бошқа механизмларни бошқариш қобилиятига таъсири йўқ ёки ҳисобга олинмайдиган даражада кам ҳисобланади.

Препарат болалар ололмайдиган жойда сақлансин ва яроқлилик муддати ўтгач қўлланилмасин.

Дозани ошириб юборилиши

Панкреатиннинг бошқа препаратларини ўта юқори дозаларини қабул қилиш вақтида, гиперурикемия ва гиперурикозурия кузатилган.

Чиқарилиш шакли

20 капсуладан биринчи очилиш назорати билан бўлган буруладиган пропилен қопқоқли юқори зичликдаги полиэтилен оқ рангли флаконда. 1 флакондан қўллаш бўйича йўриқномаси билан бирга картон қутида.

10 капсуладан алюмин/алюмин фольгали (alu/alu) блистерларда. 2 блистердан қўллаш бўйича йўриқномаси билан бирга картон қутида.

 

Сақлаш шароити

Флаконлар: зич ёпилган оригинал ўрамида, 25ºС дан юқори бўлмаган ҳароратда сақлансин.

Блитерлар: 25ºС дан юқори бўлмаган ҳароратда сақлансин.

Яроқлилик муддати

3 йил.

Флакон биринчи очилишидан кейинги яроқлилик муддати – 6 ой.

Дорихоналардан бериш тартиби

Рецептсиз.

Улашиш: