Skip to main content

Компливит® Мама

Улашиш:
  Reading time 7 minutes

ҚЎЛЛАШ БЎЙИЧА ЙЎРИҚНОМА

КОМПЛИВИТ® «МАМА» для беременных и кормящих женщин 

 

Препаратнинг савдо номи: КОМПЛИВИТ® «МАМА» ҳомиладор ва эмизикли аёллар учун.

Дори шакли: плёнка қобиқ билан қопланган таблеткалар.

Таркиби:

Бир таблеткадаги витаминлар ва минераллар 

А витамини (ретинол ацетати) – 0,5675 мг (1650 ХБ)

(А витамини ацетати, бутилгидрокситолуол (ВНТ), 

желатин, сахароза, маккажўхори крахмали сақловчи

микрогранулаланган кукун кўринишида)

Е витамини (α-токоферол ацетати) – 20 мг

(DL-α-токоферол ацетати, желатин, сахароза,

маккажўхори крахмали, натрий-алюминий силикати 

(Е 554) сақловчи кукун кўринишида)

6-yillik-qizil-jenshen

В1 витамини (тиамин гидрохлориди) – 2,00 мг

В2 витамини (рибофлавин) – 2,00 мг

В6 витамини (пиридоксин гидрохлориди) – 5,00 мг  

С витамини (аскорбин кислотаси) – 100,00 мг

Никотинамид – 20,00 мг

Фолат кислотаси – 0,40 мг

Кальций пантотенати – 10,00 мг

В12 витамини (цианокобаламин) – 0,005 мг

Эргокальциферол – 0,00625 мг (250 ХБ)

(эргокальциферол ва рафинадланган,

дезодорацияланган соя дуккакларининг мойини 

сақловчи мойли суюқлик кўринишида)

Фосфор – 19,00 мг

(кальций гидрофосфати дигидрати кўринишида)

Темир – 10,00 мг

(темир фумарати кўринишида)

Марганец – 2,50 мг

(марганец сульфати моногидрати кўринишида)

Мис – 2,00 мг

(мис сульфати пентагидрати кўринишида)

Рух – 10,00 мг

(рух сульфати гептагидрати кўринишида)

Магний – 25,00 мг

(магний оксиди кўринишида)

Кальций – 25,00 мг

(кальций гидрофосфати дигидрати кўринишида)

Ёрдамчи моддалар: коллоид кремний диоксиди (аэросил), тальк, картошка крахмали, лимон кислотаси, қуйи молекуляр повидон (қуйи молекуляр поливинилпирролидон), кальций стеарати, стеарин кислотаси, сахароза (қанд), гипролоза, макрогол-4000, титан диоксиди, азорубин бўёвчиси (Е-122), тропеолеин-О бўёвчиси.

Таърифи. пушти тусли сариқ-жигаррангдан то оч-жигарранггача рангли, икки томони қавариқ, узунчоқ шаклли, плёнка қобиқ билан қопланган таблеткалар. Таблетканинг кўнгдаланг кесимида сарғиш-кулранг оқ, кулранг ва тўқ-бинафша рангли доғ кўринади.

Фармакотерапевтик гуруҳи: поливитамин восита, минераллар.

АТХ коди: А11АА04.

 

Фармакологик хусусиятлари

Микро- ва макроэлеметлар билан мажмуавий поливитаминли препарат, 1 таблеткадаги компонентларнинг мутаносиблиги витаминли-минерал комплексларни ишлаб чиқаришнинг махсус технологияси ёрдамида таъминланган.

Компливит® «МАМА» препаратининг таъсири унинг таркибига кирувчи компонентларнинг самараларига боғлиқ.

α-Токоферол ацетати (Е витамини) антиоксидант хусусиятларга эга, эритроцитларнинг турғунлигини тутиб туради, гемолизни олдини олади; жинсий безлар, нерв ва мушак тўқимасининг фаолиятига ижобий таъсир кўрсатади. Ҳомиладорликнинг илк муддатларида Е витаминининг танқислиги бола ташлашнинг сабабчиси бўлиши мумкин.

Ретинол (А витамини) – оксидланиш-қайтарилиш жараёнларида муҳим роль ўйнайди, мукополисахаридлар, оқсиллар, липидлар синтезида иштирок этади. Нормал спермо- ва овогенезга, йўлдошни ривожланишига, эмбрионал тўқималарни, шу жумладан эпителиал структуралар ва суяк тўқимасини ўсиши, нормал ривожланиши ва дифференцировкасига ёрдам беради. Нормал тунги ва рангли кўриш учун зарур бўлган кўрув пигментларининг шаклланишида иштирок этади; эпителиал тўқималарнинг бутунлигини таъминлайди, суякларни ўсишини бошқаради.

Тиамин 1 витамини) – коэнзим сифатида углеводлар алмашинувида, нерв тизимининг фаолиятида иштирок этади.

Рибофлавин 2 витамини) – хужайра нафаси ва кўриш жараёнларининг ўта муҳим катализаторидир.

Пиридоксин 6 витамини) – коэнзим сифатида оқсиллар алмашинувида ва нейромедиаторлар синтезида иштирок этади. Ҳомиладорлик вақтида, организмда пиридоксиннинг заҳираларини камайтирувчи перорал контрацептивларни илгари қабул қилган аёллар учун зарур.

Цианокобаламин 12 витамини) – нуклеотидлар синтезида иштирок этади, нормал ўсиш, қон яратилиши ва эпителиал хужайраларни ривожланишининг муҳим омили ҳисобланади.

Никотинамид (РР витамини) – тўқима нафаси, ёғлар ва углеводлар алмашинуви жараёнларида иштирок этади.

Аскорбин кислотаси (С витамини) – коллаген синтезини таъминлайди; тоғайлар, суяклар, тишларни шаклланиши ва тузилиши ва фаолиятини тутиб турилишида иштирок этади; гемоглобинни ҳосил бўлиши, эритроцитларни етилишига таъсир қилади. С витамини организмнинг инфекцияларга чидамлилигини оширади, яллиғланиш реакцияларини пасайтиради.

Кальций пантатеонати – А коэнзимининг таркибий қисми сифатида ацетилланиш ва оксидланиш жараёнларида муҳим роль ўйнайди; эпителий ва эндотелийни шаклланиши ва регенерациясига ёрдам беради.

Фолат кислотаси – аминокислоталар, нуклеотидлар, нуклеин кислоталарининг синтезида иштирок этади; нормал эритропоэз учун зарур. Ҳомиладорликнинг илк босқичларида ҳомилада нерв найининг нуқсонларини ривожланиш хавфини, шунингдек юз-жағ соҳаси нуқсонларини пайдо бўлиш хавфини ҳам пасайтиради.

Темир – эритропоэзда иштирок этади, гемоглобиннинг таркибида кислородни тўқималарга ташилишини таъминлайди; ҳомиладор аёлларда, айниқса ҳомиладорликнинг II ва III уч ойликларида анемияни ривожланишини олдини олади.

Мис – анемияни ва аъзолар ва тўқималарнинг кислородга танқислигини олдини олади, остеопорозни олдини олишга ёрдам беради. Қон томир деворларини мустаҳкамлайди.

Марганец – остеоартритни олдини олади. Яллиғланишга қарши таъсирга эга.

Рух – ҳомиланинг скелетини нормал шаклланиши ва тўқималарнинг регенерацияси учун зарур, айрим гормонларнинг, шу жумладан инсулинни ҳосил бўлишида иштирок этади, она қорнидаги аномалияларни ривожланиш эҳтимолини пасайтиради. А витамини билан бирга нормал тунги ва рангли кўришни шаклланишига ёрдам беради.

Магний – артериал босини нормаллаштиради, тинчлантирувчи таъсир кўрсатади, ўз-ўзидан аборт, муддатидан олдинги туғруқлар эҳтимолини камайтиради.

Кальций – суяк моддасини шаклланиши, қон ивиши, нерв импульсларини ўтказилиш жараёнини амалга оширилиши, скелет ва силлиқ мушакларни қисқариши, миокарднинг нормал фаолияти учун зарур.

Фосфор – суяк тўқимаси ва тишларни мустаҳкамлайди, минерализацияни кучайтиради, хужайраларнинг энергия манбаи бўлган – АТФ таркибига киради.

 

Қўлланилиши

Гиповитаминоз ва минерал моддаларнинг танқислигининг олдини олиш учун: 

  • ҳомиладорликка тайёрланиш даврида;
  • ҳомиладорлик ва эмизиш даврида.

 

Қўллаш усули ва дозалари

Қўллашдан олдин шифокор билан маслаҳатлашиш керак.

Одатда ичга 1 таблеткадан овқатланиш вақтида ёки эрталабка нонуштадан кейин дарҳол, катта миқдордаги суюқлик билан бирга қабул қилиш керак. Препаратни қабул қилиш давомийлиги шифокор томонидан белгиланади.

 

Ножўя таъсирлари

Аллергик реакциялар. Баъзида кўнгил айниши ва қусиш кузатилиши мумкин. Ножўя ҳолатлар ҳомиладорликнинг ўзи билан ҳам, витамин-минерал комплексининг таркибига кирувчи темирга шахсий сезувчанлик билан хам боғлиқ бўлиши мумкин. Кўнгил айниши пайдо бўлганида препаратни куннинг иккинчи ярмида, овқатдан кейин дарҳол, етарли миқдордаги суюқлик билан бирга қабул қилиш тавсия этилади.

 

Қўллаш мумкин бўлмаган ҳолатлар

Препаратнинг компонентларига юқори сезувчанлик. 

Болалар. А гипервитаминози, организмда кальций ва темир миқдорини ошиши, сийдик-тош касаллиги, В12 танқислиги анемияси.

 

Дориларнинг ўзаро таъсири

Препарат темир ва кальций сақлайди, шунинг учун ичакда тетрациклинлар гуруҳи антибиотикларини ва фторхинолон ҳосилаларини сўрилишини кечиктиради.

Аскорбин кислотаси ва қисқа таъсирга эга сульфаниламид препаратлари билан бир вақтда қўлланганида, кристаллурияни ривожланиш хавфи ошади.

Алюминий, магний, кальций сақловчи антацид препаратлар, шунингдек колестирамин темирни сўрилишини камайтиради. Тиазидлар гурухи сийдик хайдовчи воситалар бир вақтда буюрилганида гиперкальциемияни ривожланиш эҳтимоли ошади.

 

Махсус кўрсатмалар

Дозани ошириб юборилишидан сақланиш учун бир вақтда бошқа поливитамин препаратларини қўллаш тавсия қилинмайди.

Сийдик ёрқин-сариқ рангга бўялиши мумкин, бу умуман безарар бўлиб, препаратнинг таркибида рибофлавинни борлиги билан тушунтирилади.

Қандли диабети бўлган пациентлар учун: препарат сахароза сақлайди, 0,033 нон бирлигидан камроқ.

Препарат болалар олаолмайдиган жойда сақлансин ва яроқлилик муддати ўтгач қўлланилмасин. 

 

Дозани ошириб юборилиши

Доза ошириб юборилганида шифокорга мурожаат қилиш керак.

Симптомлари: кўнгил айниши, қусиш, доза сурункали ошириб юборилганида тери қипиқланиши мумкин.

Даволаш: препаратни қабул қилишни вақтинчалик тўхтатиш, меъдани ювиш, ичга фаоллаштирилган кўмир қабул қилиш, симптоматик даволаш.

 

Чиқарилиш шакли  

Плёнка қобиқ билан қопланган таблеткалар.

30, 60 ёки 100 плёнка қобиқ билан қопланган таблеткалар полимер банкада. Ҳар бир банка қўллаш бўйича йўриқномаси билан бирга картон қутида.

 

Сақлаш шароити

25ºС дан юқори бўлмаган ҳароратда.

 

Яроқлилик муддати

2 йил.

 

Дорихоналардан бериш тартиби

Рецептсиз.

Улашиш: