ҚЎЛЛАШ БЎЙИЧА ЙЎРИҚНОМА
КАФФЕТИН ЛЕДИ
CAFFETIN LADY
Препаратнинг савдо номи: Каффетин Леди
Таъсир этувчи модда (ХПН): ибупрофен лизинат
Дори шакли: қобиқ билан қопланган таблеткалар
Таркиби:
бир таблетка қуйидагиларни сақлайди:
фаол модда: 200 мг ибупрофен (342 мг ибупрофен лизинати шаклида);
ёрдамчи моддалар:
таблетканинг ядроси: силикатли микрокристалл целлюлоза, коповидон, натрий кроскармеллоза, сувсиз коллоид кремний диоксиди, магний стеарати, тальк;
таблетканинг плёнка қобиғи:
Опадрай II пушти 57U34579 [гидроксипропилметилцеллюлоза, титан диоксиди, полидекстроза, тальк, мальтодекстрин, ўрта занжирли триглицеридлар, пунц Е124 (Понсо 4R) бўёвчиси, сариқ бўёвчиси Е110 (қуёш шафақи), индигокармин бўёвчиси Е132]
Опадрай fx кумуш 62W28547 [натрий-карбоксиметилцеллюлоза, мальтодекстрин, декстроза моногидрати, перламутр бўёвчиси Е555/Е171 (слюда/титан диоксиди), соя лецитини.
Таърифи: узунчоқ, икки ёқлама қавариқ, ва бир томонида бўлиш учун рискаси бўлган оч пушти рангли ялтироқ таблеткалар. Риска таблеткани фақат ютилишини осонлаштириш мақсадида бўлиш учун мўлжалланган, аммо дозани ярмига бўлиш учун эмас.
Фармакотерапевтик гуруҳи: Ностероид яллиғланишга қарши ва ревматизмга қарши воситалар.
АТХ коди: М01АЕ01
Фармакологик хусусиятлари
Ибупрофен лизинат ибупрофеннинг тузи, пропион кислотасининг ҳосиласи ҳисобланади ва оғриқ қолдирувчи, яллиғланишга қарши ва иситма туширувчи таъсирларга эга. Ибупрофен лизинатнинг, ностероид яллиғланишга қарши препарат сифатида, терапевтик таъсири кўпроқ простагландинлар синтезини билвосита ингибиция қилиниши билан боғлиқ. Перорал қабул қилингандан кейин ибупрофен лизинат парчаланиб, эркин ибупрофен ва лизин ҳосил қилади. Лизин маълум фармакологик таъсирга эга эмас. Шунинг учун ибупрофен, лизиннинг фармакологик хусусиятлари эркин ибупрофеннинг хусусиятлари билан ўхшаш бўлади.
Бирламчи дисменореяли пациентларда ибупрофен менструал суюқликда простагландинлар фаоллигининг юқори даражасини камайтирган ва бачадон ичи босимини, бачадонни қисқаришлари сонини камайтиргани каби пасайтирган.
Экспериментал маълумотлар ибупрофен аспириннинг кичик дозаси билан бирга қўлланганда тромбоцитлар агрегациясига аспириннинг таъсирини ингибиция қилиши мумкин деб тахмин қилиш имконини беради. Ажралиб чиқиши тезлаштирилган аспирин (81 мг дозада) қабул қилинишидан олдин 8 соат давомида ёки қабул қилингандан кейин 30 минут давомида ибупрофенни 400 мг дозада бир марта қабул қилиб ўтказилган бир тадқиқотда тромбоксанни шаклланишга ёки тромбоцитлар агрегациясига ацетилсалицил кислотасининг таъсирини камайиши кузатилган. Аммо бу маълумотларни чекланганлиги ва организмдан ташқарида ўтказилган тадқиқотларда олинган маълумотлар экстраполяциясига нисбатан шубхалар, клиник ҳолатларга, ибупрофенни мунтазам қўлланишга нисбатан маълум хулосаларни қилишни иложи йўқлигини англатади ва бу препарат вақти-вақти билан қўлланганида тиббий нуқтаи-назардан бирон-бир сезиларли самаралар бўлмайди.
Фармакокинетикаси
Ибупрофен юборилганда олинган кўпчилик фармакокинетик маълумотларни ибупрофен лизинатга ҳам тааллуқли.
Ибупрофен қабул қилингандан кейин 1-2 соатдан сўнг қон плазмасида максимал концентрацияга эришилган. Аммо ибупрофен лизинатнинг дори шакллари қабул қилинганидан кейин ибупрофен меъда-ичак йўлларидан тезда сўрилган; бунда плазмада максимал концентрацияга препаратни оч қоринга қабул қилингандан кейин тахминан 35 минут ўтгач эришилган. Ибупрофенни ярим чиқарилиш даври тахминан 2 соатни ташкил қилади.
Препарат плазма оқсиллари билан кучли боғланади.
Ибупрофен жигарда метаболизмга учраб, иккита нофаол метаболитларни ҳосил қилади, у ўзгармаган ибупрофен билан бирга сийдик билан худди шундай кўринишда ёки коньюгатлар шаклида чиқарилади. Сийдик билан чиқарилиши тез ва тўлиқ бўлади.
Қўлланилиши
Катталар ва 12 ёшдан катта ўсмирлар
Дисменореяни симптоматик даволаш учун қўлланади.
Қўллаш усули ва дозалари
Препарат фақат перорал қабул қилиш учун ва қисқа муддат қўллаш учун мўлжалланган.
Катталар ва 12 ёшдан ошган ўсмирлар
Сиптомларни камайтириш учун энг кичик самарали дозани иложи борича қисқа вақт давомида қўллаш лозим.
1-2 таблеткадан сув билан ичган ҳолда, заруратга қараб кунига максимум 3 марта қабул қилиш лозим. Овқат вақтида ёки овқатдан кейин қабул қилиш керак. Препаратни камида 4 соатлик интервал билан қабул қилиш лозим.
24 соат давомида 6 таблеткадан ортиқ қўллаш мумкин эмас.
Агар симптомлар сақланса ёки оғирлашса, ёки агар препаратни 3 кундан кўп ишлатиш зарур бўлса, пациент шифокор билан маслаҳатлашиши керак.
Ножўя таъсирлари
Кузатилиши мумкин бўлган ножўя самаралари ибупрофенни стандарт шаклда қўллангандаги каби бўлади. Уларни қаторига қуйидагилар тегишли бўлиши мумкин:
Ибупрофен билан даволангандан кейин ўта юқори сезувчанлик реакциялари қайд этилган.
Уларни қаторига қуйидагилар: (а) носпецифик аллергик реакциялар ва анафилаксия,
(б) нафас йўлларининг гипер реактивлиги, жумладан астма, астмани зўрайиши, бронхоспазм ёки диспноэ, ёки (в) тери томонидан турли бузилишлар, шу жумладан турли тошмалар, қичишиш, эшакеми, пурпура, ангионевротик шиш ва кам ҳолларда буллёз дерматозлар (жумладан эпидермал некролиз ва кўп шаклли эритема) киради.
Кейинчалик НЯҚВ дорихоналардан рецептсиз бериладиган дозаларда қисқа муддат қўллаш билан боғлиқ бўлган ножўя самараларнинг рўйхати келтирилган. Сурункали касалликларни узоқ вақт даволаш бошқа ножўя самаралар ҳам пайдо бўлиши мумкин.
Иммун тизими томонидан:
Тез-тез эмас: ўта юқори сезувчанлик реакциялари, шу жумладан эшакеми ва терини қичишиши.
Жуда кам ҳолларда: оғир аллергик реакциялар. Уларни симптомларига: юзни, тилни ва ҳиқилдоқни шиши, ҳансираш, тахикардия, гипотензия (анафилаксия, Квинке шиши ёки оғир шок) киради.
Учраш тезлиги номаълум: астмани кечишини зўрайиши ва бронхоспазм.
Меъда-ичак йўллари томонидан:
Энг кўп кузатиладиган нохуш кўринишларга меъда-ичак йўллари томонидан кузатиладиган бузилишларни киритиш мумкин.
Тез-тез эмас: қоринда оғриқ, кўнгил айниши, диспепсия.
Кам ҳолларда: диарея, метеоризм, қабзият, қусиш.
Жуда кам ҳолларда: меъда-ичак яраси касаллиги, перфорация ёки меъда-ичакдан қон кетиши, мелена, қонли қусиш (баъзида ўлим билан тугайди), айниқса, кекса одамларда ярали стоматит, гастрит.
Учраш тезлиги номаълум: колитни зўрайиши ва Крон касаллиги (“Махсус кўрсатмалар”га қаранг).
Нерв тизими томонидан:
Тез-тез эмас: бош оғриғи, бош айланиши.
Жуда кам ҳолларда: асептик менингит-жуда кам ҳолларда ягона ҳолатлар қайд этилган. Дори препаратини қабул қилиш оқибатида юзага келган асептик менингитни патогенетик механизми ноаниқ. Аммо НЯҚВ қабул қилиш билан боғлиқ бўлган асептик менингит бўйича маълумотлар ўта юқори сезувчанлик реакцияларини кўрсатади (препаратни қабул қилиш ва препаратни бекор қилингандан кейин симптомларни йўқолиш вақтига боғлиқ). Асептик менингит симптомлари (қийшиқ бўйин, бош оғриғи, кўнгил айниши, қусиш, иситма ёки ориентацияни бузилиши кабилар) нинг ягона ҳоллари аутоиммун касалликлари бўлган пациентларда (тизимли қизил югурик, аралаш коллагеноз кабилар) ибупрофен билан даволаниш вақтида кузатилганлигини таъкидлаш керак.
Буйрак ва сийдик-чиқариш йўллари томонидан:
Жуда кам ҳолларда: ўткир буйрак етишмовчилиги ва папилляр некроз, айниқса организмда суюқлик ҳажмини ошиши ва шишлар билан боғлиқ ҳолда узоқ вақт қўлланганда.
Жигар ва сафро чиқариш йўллари томонидан
Жуда кам ҳолларда: жигар томонидан бузилишлар.
Қон томири ва лимфатик тизими томонидан.
Жуда кам ҳолларда: гемопоэзни бузилиши (анемия, лейкопения, тромбоцитопения, панцитопения, агранулоцитоз). Биринчи белгилар – иситма, ангина, оғизда юзаки яралар, гриппсимон симптомлар, организмни жиддий қувватсизланиши, сабабсиз қон кетишлар ва қонталашлар.
Тери томонидан:
Тез-тез эмас: турли тери тошмалари.
Жуда кам ҳолларда: буллёз реакциялар, жумладан Стивенс-Джонсон синдроми, кўп шаклли эритема ва токсикодермал некролиз каби тери реакцияларининг оғир шакллари.
Юрак қон-томир тизими томонидан:
НЯҚВ билан даволаниш вақтида шишлар, гипертония ва юрак етишмовчилиги пайдо бўлган.
Клиник тадқиқотларнинг натижалари ва эпидемиологик маълумотлар НЯҚВ қўллаш (айниқса юқори дозаларда (ҳар куни 2400 мг дан) ва узоқ вақт давомида) артериал қон томирларда тромботик ҳолатлари (масалан, миокард инфаркти ёки ишемик инсульт) хавфини бироз ошиши билан боғлиқ бўлиши мумкин деб тахмин қилинади (“Махсус кўрсатмалар”га қаранг).
Қўллаш мумкин бўлмаган ҳолатлар
Ибупрофенга ёки препаратнинг ингредиентларидан бирортасига ўта юқори сезувчанликда. Анамнезида аспирин ёки бошқа ностероид яллиғланишга қарши препаратларни қўлланишига жавобан ўта юқори сезгувчанлик (масалан, астма, ринит, ангионевротик шиш, ёки эшакеми) реакцияси бўлганда.
Фаол ёки қайталанадиган меъда-ичак яра касаллиги/қон қуйилишлар (меъда-ичакда яра хосил бўлиши ёки қон қуйилишларини икки ёки ундан ортиқ алоҳида ҳолатларида). Анамнезида илгари НЯҚВ ни қўллаш билан боғлиқ бўлган меъда-ичак йўлларида қон қуйилишлар ёки перфорацияларда.
Оғир даражадаги юрак, буйрак ёки жигар етишмовчилиги (“Махсус кўрсатмалар” бўлимига қаранг) да.
Ҳомиладорликни охирги уч ойлигида препаратни қўллаш мумкин эмас.
Дориларнинг ўзаро таъсири
Ибупрофен қўлланганида бошқа дори препаратлари билан қуйидаги ўзаро таъсирлар аниқланган:
Ибупрофенни қуйидаги дори препаратлари билан (бошқа НЯҚВ билан бўлгани каби) мажмуада қўллашдан сақланиш лозим:
Аспирин (ацетилсалицил кислотаси): шифокор аспиринни кичик (хар куни 75 мг дан юқори бўлмаган) дозада кўллашни тавсия қилмаган ҳолатлардан ташқари, чунки бу ножўя реакциялари хавфини ошириш мумкин (“Махсус кўрсатмалар”га қаранг).
Экспериментал тадқиқотлар, ибупрофен аспиринни кичик дозаси билан бирга қўлланганда тромбоцитларни агрегациясига аспириннинг таъсирини ингибиция қилиш мумкинлигини тахмин қилиш имконини беради. Аммо бу маълумотларни чекланганлиги ва организмдан ташқарида ўтказилган тадқиқотларда олинган маълумотларни экстраполяциясини клиник ҳолатга нисбатан шубҳалар ибупрофенни мунтазам қўллашга нисбатан маълум хулосалар қилишнинг имкони йўқлигини англатади ва бу препарат вақти-вақти билан қўлланганида тиббий нуқтаи назардан ҳеч қандай сезиларли самараларни бўлмаслигини англатади (“Фармакологик хусусиятлари”га қаранг).
Бошқа НЯҚВ, жумладан циклооксигеназа-2 нинг селектив ингибиторлари: Икки ёки ундан кўп НЯҚВ ни ёндош қўллашдан сақланиш лозим, чунки бу ножўя самараларни ривожланиш хавфини ошириши мумкин (“Махсус кўрсатмалар”га қаранг)
Ибупрофенни қуйидаги препаратлар билан мажмуада эҳтиёткорлик билан қўллаш лозим:
Кортикостероидлар: улар меъда-ичак йўлларида яраларни ва қон кетишларни пайдо бўлиш хавфини ошириши мумкин (“Махсус кўрсатмалар”га қаранг).
Антигипертензив ва сийдик ҳайдовчи воситалар: НЯҚВ бу дори воситаларнинг самараларини камайтириши мумкин. Сийдик хайдовчи воситалар НЯҚВ чақирган нефротоксиклик хавфини ошириши мумкин.
Антикоагулянтлар: НЯҚВ варфарин каби антикоагулянтларнинг самарасини ошириши мумкин (“Махсус кўрсатмалар”га қаранг).
Антитромбоцитар препаратлар ва серотонинни қайта қамраб олинишини селектив ингибиторлари (СҚҚСИ): меъда-ичак йўлларидан қон кетиши хавфини оширади (“Махсус кўрсатмалар”га қаранг).
Юрак гликозидлари: НЯҚВ юрак етишмовчилигини кечишини зўрайтириши, КФТ камайтириши ва гликозидларни плазмадаги даражасини ошириши мумкин.
Литий препаратлари: Қон плазмасида литий препаратларининг даражасини ошиши мумкинлигига далиллар мавжуд.
Метотрексат: Қон плазмасида метотрексатнинг даражасини ошиши мумкинлигига далиллар мавжуд.
Циклоспорин: Нефротоксикликни юқори хавфи.
Мифепристон: Мифепристон қўллангандан кейин 8-12 кун давомида НЯҚВ қўллаш мумкин эмас, чунки НЯҚВ унинг таъсирини камайтириши мумкин.
Токролимус: НЯҚВ ва такролимус бирга қўлланганида нефротоксиклик хавфи ошиши мумкин.
Зидовудин: НЯҚВ ва зидовудин бирга қўлланганида гематологик токсикликни хавфиошиши мумкин. Гемофилия билан хасталанган ОИТВ мусбат бўлган ибупрофенни зидовудин билан бирга қабул қилаётган пациентларда, гемартрозларни ва гематомаларни хавфини ошиши юзасидан далиллар бор.
Хинолон антибиотиклари: Ҳайвонларда ўтказилган тадқиқотлардан олинган маълумотлар НЯҚВ хинолон антибиотикларни қабул қилиш билан боғлиқ бўлган тиришишлар хавфини ошириши мумкинлигини кўрсатади. НЯҚВ ва хинолон антибиотикларини бир вақтда қабул қилаётган пациентларда тиришишларни ривожланиш хавфи ошиши мумкин.
Махсус кўрсатмалар
Энг кичик самарали дозани симптомларни назорат қилиш учун зарур бўлган энг қисқа вақт давомида қўллаш орқали ножўя таъсирларни минимал даражага етказиш мумкин (“Меъда-ичак йўллари ва юрак қон-томир тизимига нисбатан хавфлар”га қаранг).
Кекса одамларда, НЯҚВ га нисбатан ножўя реакциялар ўлимга олиб келиши мумкин бўлган айниқса меъда-ичакдан қон кетиши ва перфорацияни эҳтимоли юқори.
Нафас тизими томонидан: анамнезида бронхиал астма ёки аллергик касалликлари бўлган пациентларда бронхоспазм ривожланиши мумкин.
Бошқа НЯҚВ ни қўлланиши: Ибупрофенни бошқа НЯҚВ, жумладан циклооксигеназа-2 ни селектив ингибиторлари билан бирга қўллашдан сақланиш лозим (“Дориларнинг ўзаро таъсири”га қаранг).
Тизимли қизил югурик ва аралаш коллагеноз: тизимли қизил югурик ва аралаш коллагеноз бўлганида асептик менингитни ривожланиш хавфи ошади (“Ножўя таъсирлар”га қаранг).
Буйрак ва сийдик чиқариш йўллари томонидан: Буйрак функциясини бузилиши, чунки буйрак функцияси кейинчалик ёмонлашиши мумкин (“Қўллаш мумкин бўлмаган ҳолатлар” ва “Ножўя таъсирлари”га қаранг).
Жигар томонидан: жигар функциясини бузилиши (“Қўллаш мумкин бўлмаган ҳолатлар” ва “Ножўя таъсирлари”га қаранг).
Юрак қон-томир ва цереброваскуляр бузилишлар: Пациентни, агар унинг анамнезида организмда суюқликни тутилиши оқибатида гипертония ва/ёки юрак етишмовчилиги бўлган бўлса, кузатилиши мумкин бўлган хавфлар тўғрисида (шифокор ёки фармацефт билан муҳокама қилиб), огоҳлантириш лозим; НЯҚВ билан даволанганда гипертония ва шиш ҳолатлари қайд этилган.
Клиник тадқиқотларнинг натижалари ва эпидемиологик маълумотлар ибупрофенни айниқса юқори дозаларда (ҳар куни 2400 мг дан) ва узоқ вақт давомида қўллаш артериал қон кетишларда тромботик ҳолатларни (масалан, миокард инфаркти ёки ишемик инсульт) хавфини бироз ошиши билан боғлиқ бўлиши мумкинлигини тахмин қилади. Умуман эпидемиологик тадқиқотлар ибупрофенни кичик дозаларда (масалан, ≤1200 мг дан ҳар куни) қўллаш миокард инфарктини хавфини ошиши билан боғлиқлигини тахмин қилмайди.
Аёлларда фертилликни бузилиши: циклооксигеназа/простагландинлар синтезини ингибиция қилувчи дори воситалари аёлларда овуляцияга таъсир қилиш йўли билан фертилликни бузилишини чақириши мумкинлиги тўғрисида чекланган далиллар мавжуд. Бундай ҳолатлар терапия бекор қилингандан кейин қайтувчан ҳисобланади.
Меъда-ичак йўллари томонидан бузилишлари: Анамнезида меъда-ичак йўлларининг касалликлари (ярали колит, Крон касаллиги) бўлган пациентларда НЯҚВ эҳтиёткорлик билан қўллаш лозим, чунки уларни кечиши ёмонлашиши мумкин (“Ножўя таъсирлари”га қаранг).
Ҳамма НЯҚВ қўлланганда меъда-ичак йўлларидан қон кетишлар, яралар ёки перфорация ҳолатлари қайд этилган бўлиб, улар ўлимга олиб келиши мумкин; бунда ушбу бузилишлар НЯҚВ билан даволаниш вақтида исталган вақт огоҳлантирувчи симптомлар билан ёки уларсиз анамнезида меъда-ичак йўллари касалликлари бўлганда кузатилиши мумкин. Меъда-ичак йўлларидан қон кетишлар, яралар, ёки перфорацияни ривожланиш хавфи, НЯҚВ доза оширилганда, анамнезида яралар, айниқса қон кетиши ёки перфорация билан асоратланган яралар бўлган пациентларда, шунингдек кекса одамларда (“Қўллаш мумкин бўлмаган ҳолатлар”га қаранг) ошган. Бундай пациентлар даволанишни энг кичик мумкин бўлган дозалар билан бошлашлари лозим.
Анамнезида меъда-ичак йўллари томонидан нохуш кўринишлар бўлган пациентлар айниқса кекса одамлар ҳар қандай ноодатий абдоминал симптомлар тўғрисида (хусусан, меъда-ичак йўлларидан қон кетишлари тўғрисида), айниқса даволанишнинг бошланғич босқичларида хабар қилишлари керак.
МИЙ да яраларни ёки қон кетишини ҳосил бўлиш хавфини ошириш мумкин бўлган ёндош дори воситаларини қўллаётган пациентларга алоҳида эҳтиёткорлик чораларига риоя қилишни тавсия қилиш лозим; бу перорал кортикостероидлар, антикоагулянтлар (масалан, варфарин), серотонинни қайта қамраб олинишини селектив ингибиторлари ёки аспирин каби антитромбоцитар воситалари каби препаратларга таалуқли (4,5 бўлимга қаранг). Ибупрофенни қабул қилаётган пациентларда меъда-ичак йўлларидан қон кетиши ёки яралар ривожланганида, даволашни тўхтатиш лозим.
Дерматологик бузилишлар
НЯҚВ қабул қилиш билан боғлиқ бўлган жиддий тери реакциялари (айрим ҳолларда ўлим билан тугаган, шу жумладан эксфолиатив дерматит, Стивенс Джонсон синдроми ва токсик эпидермал некролиз ривожланишини жуда кам ҳоллари хабар қилинган (“Ножўя таъсирлари” бўлимига қаранг). Пациентлар бундай реакцияларни энг юқори ривожланиш хавфига даволаниш курсининг бошида учрайдилар – кўп ҳолларда бу даволашнинг биринчи ойи давомида юз беради. Тери тошмаси, шиллиқ қаватининг шикастланишларида ва ўта юқори сезувчанликнинг бошқа ҳар қандай белгилари биринчи мартапайдо бўлганида ибупрофенни қабул қилишни тўхтатиш лозим.
Каффетин Леди таркибида глюкоза сақлайди. Лактозани ёки галактозани сўрилишини кам учрайдиган бузилишлари бўлган пациентларга бу препаратни қўллаш мумкин эмас. Препаратни узок вақт қўллашдан сақланиш лозим. Кўрсатилган дозани оширмаслик керак ва агар симптомлар 3 кун ўтгач сақланса, тиббий мутахассиси билан қўшимча равишда маслаҳатлашиш зарур. Буйрак функциясини бузилиши бўлган пациентларда препарат қўлланганида эҳтиёткорликка риоя қилиш лозим. Дори воситаси бундай пациентларда қўлланганида плазмада кальций, фосфат ва магнийнинг даражасини мунтазам равишда назорат қилиш лозим.
Буйрак етишмовчилиги, магний тузлари марказий нерв тизимининг фаолиятини сусайишини чақириши мумкин.
Бу дори воситаси бошқа антацид воситалари билан бўлгани каби меъдада хавфли ўсмалар борлигини яшириши мумкин.
Препаратни, айниқса буйрак етишмовчилиги бўлган пациентларда, юқори дозаларда узоқ вақт қўллашда гиперкалиемия, гипермагниемия ва сут-шакар синдроми каби ножўя самараларни ривожланишга олиб келиши мумкин. Препаратни кўп миқдордаги сут ёки сут маҳсулотлари билан қабул қилиш мумкин эмас. Узоқ вақт қўллаш буйракларда тошларни ҳосил бўлиш хавфини ошириши мумкин.
Фертиллик, ҳомиладорлик ва эмизиш
Ҳомиладорлик вақтида ва лактация даврида ибупрофен лизинатни қўллаш бўйича махсус текширишлар ўтказилмаган.
Ҳайвонларда ўтказилган экспериментлар вақтида ҳеч қандай тератоген самаралар қайд этилмаган, иложи борича, ибупрофен лизинатни ҳомиладорликнинг биринчи 6 ой давомида қўллашдан сақланиш лозим.
Ҳомиладорликнинг III ойлиги вақтида ибупрофенни қўллаш мумкин эмас, чунки доимий ўпка гипертензиясини ривожланиши мумкин эмбрионда артериал қон оқими муддатдан аввал ёпилиш хавфи мавжуд бўлиб, бунда доимий ўпка гипертензиясини ривожланиши мумкин. Бундан ташқари, туғруқни бошланишини кечикиши ва давомийлиги узайиши, шунингдек она ва болада қон кетиш эҳтимоли ошиши мумкин (“Қўллаш мумкин бўлмаган ҳолатлар”га қаранг).
Чекланган тадқиқотларда, ибупрофенни кўкрак сути билан жуда кичик концентрацияда ажралиб чиқиши аниқланган ва у эмизикли болага салбий таъсир кўрсатиши эҳтимоли йўқ.
Транспорт воситаларини бошқариш ва механизмлардан фойдаланиш қобилиятига таъсири
Препарат тавсия қилинган дозаларда ва тавсия қилинган даволаш давомийлигида қўлланганда таъсири кузатилмайди.
Дозани ошириб юборилиши
Болаларда препаратни 400 мг/кг дан ортиқ дозаларда қабул қилиш дозани ошириб юборилиш симптомларини чақириши мумкин. Катталарда дозага қарам самара камроқ ифодаланган. Дозаси ошириб юборилганда препаратнинг ярим чиқарилиш даври 1,5-3 соатни ташкил қилади.
Симптомлари: НЯҚВ клиник аҳамиятли миқдорини қабул қилган кўпчилик пациентларда кўнгил айланиши, қусиш, эпигастрал соҳада оғриқ ёки кам ҳолларда-диарея каби кўринишлар пайдо бўлиши мумкин. Шунингдек қулоқларда шовқин, бош оғриғи ва меъда-ичакдан қон кетиши бўлиши мумкин. Дозаси ошириб, янада жиддий юборилганида марказий нерв тизими томонидан уйқучанлик, баъзида – қўзғалувчанлик, дезориентация ёки кома кузатилади. Баъзида пациентларда тиришиш пайдо бўлади. Жиддий заҳарланишда метаболик ацидоз ривожланиши, протромбин вақти узайиши/ҲНН ошиши мумкин, бу кўпроқ препаратни айланиб юрувчи қон ивиши омилларига таъсири сабабли юз беради. Ўткир буйрак етишмовчилиги ва жигарни шикастланиши пайдо бўлиши мумкин. Астма билан хасталанган пациентларда бу касалликни кечиши зўрайиши мумкин.
Даволаш: Даволаш симптоматик ва самарани бир маромда ушлаб турувчи даволаш бўлиши керак, пациентнинг ҳолати барқарорлашгунича нафас йўлларининг ўтказувчанлиги таъминлаш ва юрак қон-томир тизимини функциясини ва ҳаёт учун мухим аъзолар фаолиятини асосий кўрсаткичларини назорат қилишни таъминлашдан иборат бўлиши керак.
Агар пациент препаратнинг потенциал токсик дозасини қабул қилгандан кейин 1 соат давомида тушган бўлса, фаоллаштирилган кўмирни перорал қўллаш мақсадга мувофиқ. Тез-тез кузатиладиган ёки узоқ давом этадиган тиришишларда даволашни диазепам ёки лоразепамни вена ичига юбориш йўли билан ўтказиш керак. Астмада бронходилататорлардан фойдаланиш лозим.
Чиқарилиш шакли
10 таблеткадан ПВХ/алюминий фольгали блистерда. 1 блистердан қўллаш бўйича йўриқномаси билан бирга картон қутида жойланган.
Сақлаш шароити
Оригинал ўрамда, 25ºС дан юқори бўлмаган ҳароратда сақлансин.
Хранить в недоступном для детей месте.
Яроқлилик муддати
3 йил.
Препарат не следует применять после истечения срока годности
Дорихоналардан бериш тартиби
Рецептсиз берилади.
