Skip to main content

Гидрасек

Улашиш:
  Reading time 10 minutes

ҚЎЛЛАШ БЎЙИЧА ЙЎРИҚНОМА

ГИДРАСЕК

HIDRASEC

Препаратнинг савдо номи: Гидрасек

Таъсир этувчи модда (ХПН): рацекадотрил

Дори шакли: капсулалар

Таркиби:

1 капсула қуйидагиларни сақлайди:

Фаол модда: 100 мг рацекадотрил

Ёрдамчи моддалар: лактоза моногидрати; ўта желатинланган маккажўхори крахмали; магний стеарати; сувсиз коллоидли кремний диоксиди; темир II оксиди (Е172), титан диоксиди (Е171) желатин.

Таърифи: қопқоғи ва корпуси фил суяги рангига эга, кучли олтингугурт ҳидига эга оқ кукун сақловчи қаттиқ желатин капсулалар №2.

Фармакотерапевтик гуруҳи: диареяга қарши восита.

АТХ коди: А07ХА04.

Фармакологик хусусиятлари

Рацекадотрил – бу турли тўқималарда, айниқса ингичка ичак эпителийсида жойлашган, ҳужайра мембраналарининг энкефалиназаси, пептидазаси ингибитори ҳисобланган фаол метаболит тиорфанни ҳосил бўлиши учун гидролизни талаб этувчи олд доридир. Бу фермент ҳам экзоген пептидларни гидролизига, ҳам энкефалинлар каби эндоген пептидларни парчаланишига ёрдам беради. Рацекадотрил овқат ҳазм қилиш йўлларида физиологик фаол ҳисобланган эндоген энкефалинларни ҳимоя қилиб, уларнинг антисекретор фаолиятини узайтиради.

6-yillik-qizil-jenshen

Рацекадотрил – бу антисекретор модда бўлиб, фақат ичакда таъсир кўрсатади. У ичакда яллиғланиш оқибатидаги ёки токсинлар томонидан чақирилган сув ва электролитларнинг гиперсекрециясини пасайтиради ва базал секретор фаолликка таъсир кўрсатмайди. Рацекадотрил ичак бўйлаб моддаларни ўтиш (транзити) давомийлигини ўзгартирмай, диареяга қарши тез таъсир қилади.

Рацекадотрил қорин дам бўлишини чақирмайди. Клиник тадқиқотларда рацекадотрилни қўллаш фонидаги иккиламчи қабзият тез-тезлиги плацебо гуруҳидагилар билан бир бўлган.

Перорал қўлланганида препарат марказий нерв тизимига таъсир қилмай, фақат периферик фаолликни намоён этади.

Сўрилиши

Рацекадотрил оғиз орқали қўлланганидан кейин тез сўрилади. Плазма энкефалиназасини сусайишигача бўлган бошланғич вақт – 30 минутни ташкил қилади.

Рацекадотрилнинг биокираолишлиги овқат қабул қилиш оқибатида ўзгармайди, лекин максимал фаолликка эришиши тахминан бир ярим соатга кечикади.

Тақсимланиши

14С радиоактив изотопи билан нишонланган рацекадотрил қўллаганидан кейин қон плазмасида радиоуглерод миқдори қон ҳужайраларидаги миқдорига нисбатан бир неча марта ва бутун қондагига нисбатан 3 марта юқори бўлган. Шундай қилиб, препарат қон ҳужайралари билан жуда оз даражада боғланади. Рацекадотрилнинг фаол метаболити ­ тиорфан (RS)-N-(1-оксо-2-(меркаптометил)-3-фенилпропил) глициннинг тўқсон фоизи, қон плазмаси оқсиллари билан, асосан альбуминлар билан боғланади. Рацекадотрилнинг фармакокинетик хусусиятлари такрор қабул қилинганда ёки кекса пациентларда қўллаганда ўзгармайди.

Рацекадотрилнинг таъсир давомийлиги ва даражаси дозага боғлиқ.

Болаларда плазма энкефалиназасининг сусайиш (ингибирланиш) чўққисигача бўлган вақт тахминан 2 соатни ташкил қилади ва 1,5 мг/кг дозада 90% сусайишига мос келади. Катталарда плазма энкефалиназасининг ингибирланиш чўққисигача бўлган вақт тахминан 2 соатни ташкил қилади ва 100 мг дозада  75% ингибирланишига мос келади.

Плазма энкефалиназасини сусайиш давомийлиги тахминан 8 соатни ташкил қилади.

Метаболизми

Рацекадотрилнинг биологик ярим чиқарилиш даври, плазма энкефалиназасининг сусайиш даражасидан келиб чиқиб, тахминан 3 соатга тенг.

Рацекадотрил ўзининг фаол метаболити ­ тиорфанга тез гидролизланади, у ўз навбатида нофаол метаболитларга айланади. Рацекадотрилни такрор қўлланилиши моддани организмда тўпланишига олиб келмайди.

In vitro тадқиқотлари натижасида олинган маълумотлар рацекадотрил/тиорфан ва тўрт асосий нофаол метаболитлар CYP ферментининг изоформаларини (3А4, 2D6, 2C9, 1A2 ва 2С19)  клиник аҳамиятли даражада ингибирламаслигини кўрсатди.

In vitro тадқиқотлари натижасида олинган маълумотлар рацекадотрил/тиорфан ва тўрт асосий нофаол метаболитлар CYP ферментининг изоформаларини (3А, 2А6, 2В6, 2С9/2С19, 1A, 2Е1) ва конъюгацияга учратувчи ферментлари уридин глюкуронилтрансферазанинг (UGTs) ни  клиник аҳамиятли даражада кучайтирмаслигини (индукциясини чақирмаслигини) кўрсатди.

Рацекадотрил толбутамид, варфарин, нифлумов кислотаси, дигоксин ёки фенитоин каби оқсиллар билан аҳамиятли даражада боғланувчи фаол моддаларни оқсиллар билан боғланишига таъсир кўрсатмайди.

Жигар фаолиятини бузилиши бўлган пациентларда [Чайлд-Пью таснифи бўйича В даражасидаги цирроз] рацекадотрилнинг фаол метаболитини кинетика профили соғлом шахсларнинг шундай кўрсаткичига нисбатан, ўхшаш Тmax ва Т1/2 кўрсаткичларига эга бўлган, лекин Сmax (-65%) ва АUC (-29%) кўрсаткичлари пастроқ бўлган.

Оғир буйрак етишмовчилиги (креатинин клиренси минутига 11-39 мл) бўлган пациентларда соғлом кўнгиллиларга қараганда (креатинин клиренси >70 мл/мин) рацекадотрилнинг фаол метаболитини АUC (+16%) ва Т1/2 юқорироқ ва Смах (-49%) пастроқ кинетика профили аниқланди.

Болаларда фармакокинетик кўрсаткичлар катталардаги кўрсаткичлар билан бир хил бўлиб, қонда препаратнинг максимал концентрациясига (Сmax) қўлланганидан кейин 2 соат 30 минут ўтгач эришилади.

Препарат 7 кун давомида ҳар 8 соатда кўп марта қўлланганидан кейин тўпланиш белгилари кузатилмаган.

Чиқарилиши

Рацекадотрил фаол ва нофаол метаболитлар шаклида чиқарилади. Препарат асосан буйрак орқали, анча кам миқдорда аҳлат билан чиқарилади. Ўпка орқали жуда оз чиқарилади.

Хавфсизлик бўйича клиника олди тадқиқотларининг маълумотлари

Препаратни маймунларда кунига 500 мг/кг дозада мунтазам қўлланилиши тарқалган инфекцияларни юз беришига ва вакцинага жавобан антителаларни ишлаб чиқарилишини сусайишига олиб келган, бироқ кунига 120 мг/кг дозада қўлланганда инфекцияни юз бериши/иммунитетни пасайиши кузатилмаган. Ушбу натижанинг клиник аҳамияти маълум эмас. Рацекадотрилни 1 ой давомида қабул қилган сичқонларда иммунотоксик таъсири қайд қилинмаган.

Пациентларни даволаш давомийлигига мувофиқ келувчи, тўрт ҳафта давомида препаратни маймунлар ва итларда токсиклигини ўрганиш юзасидан тадқиқотлар, кунига мувофиқ равишда 1250 мг/кг ва 200 мг/кг гача бўлган дозаларда унинг токсик таъсирини аниқламаган.

Клиника олди самаралари (масалан, оғир апластик анемия, диурезни ошиши, кетонурия, диарея) фақат одам учун максимал дозалардан анча юқори дозаларда кузатилган. Ушбу кузатувларнинг клиник аҳамияти маълум эмас.

Стандарт in vitro ва in vivo шароитидаги тадқиқотларнинг натижасида рацекадотрилнинг мутаген ёки кластоген таъсири аниқланмаган.

Препаратнинг репродуктив токсиклиги ва унинг ҳомила ривожланишига нохуш таъсирини ўрганиш юзасидан тадқиқотлар рацекадотрил томонидан ҳеч қандай самараларни аниқламади.

Ёш каламушларда ўтказилган токсиклик юзасидан тадқиқотлар, болалар учун одатдаги доза (кунига 4,5 мг/кг) дан 35 марта юқори бўлган, кунига 160 мг/кг гача дозада қўлланганда рацекадотрилнинг аҳамиятли самарасини аниқламаган.

 

Қўлланилиши

Катталарда диареяни симптоматик даволаш учун қўлланади.

Рацекадотрил этиотроп даволашга қўшимча сифатида буюрилиши мумкин.

 

Қўллаш усули ва дозалари

Перорал қўллаш учун буюрилади.

Даволашни бошида суткалик вақтдан қатъий назар, бир капсула қабул қилинади. Кейинчалик бир капсуладан суткада 3 марта қабул қилинади, овқатдан олдин қабул қилган афзал. Даволашни нормал консистенцияли икки марта ич келишигача давом эттириш керак. Даволаш давомийлиги 7 кундан ошмаслиги керак. Рацекадотрилни узоқ вақт қўллаш тавсия қилинмайди.

Агар препаратни қўллашни бошланганидан кейин 3 кун ўтгач, аҳвол яхшиланмаса, шифокор билан маслаҳатлашиш керак.

Махсус гуруҳлар:

Болалар: чақалоқлар, болалар ва ўсмирлар учун махсус дори шакллари мавжуд.

Кекса ёшдаги пациентлар: кекса ёшдаги пациентлар учун дозага тузатиш киритиш талаб этилмайди.

 

Ножўя таъсирлари

Қуйида келтирилган ноҳуш самаралар рацекадотрилни қабул қилинганда плацебо қабул қилинганда ёки постмаркетинг кузатувларда қайд қилинган ноҳуш самараларга қараганда кўпроқ кузатилган. Ноҳуш самараларни юз бериш тез-тезлиги қуйидагича аниқланади: жуда тез-тез (≥1/10), тез-тез (≥1/100 дан <1/10 гача ), тез-тез эмас (≥1/1000 дан <1/100 гача), кам ҳолларда (≥1/10 000 дан <1/1000 гача), жуда кам ҳолларда (<1/10 000), тез-тезлиги номаълум (мавжуд маълумотларни ҳисобга олиб, тез–тезлигини аниқлаш мумкин эмас).

Нерв тизими томонидан

Тез–тез: бош оғриғи.

Тери ва тери ости­ёғ клетчаткаси томонидан

Тез-тез эмас: тошма, эритема.

Маълум эмас: кўп шаклли эритема, тилни шиши, юзни шиши, лабларни шиши, қовоқларни шиши, ангионевротик шиш, эшакеми, нодоз эритема, тугунчали тошма, пруриго, терини қичишиши, токсик дерматит.

Болалар

Рацекадотрил билан даволанган чақалоқлар ёки болаларда тонзиллитни юз бериши кўп учрамайдиган ножўя реакция сифатида қайд қилинган. Ушбу ёш гуруҳидагилар учун махсус дори шакли мўлжалланган.

Қўллаш мумкин бўлмаган ҳолатлар

Таъсир этувчи модда ёки ёрдамчи моддалардан биронтасига юқори сезувчанлик.

 

Дориларнинг ўзаро таъсири

Бугунги кунга келиб одамда бошқа препаратлар билан ўзаро таъсири қайд қилинмаган. Рацекадотрилни ва лоперамидни ёки нифуроксазидни бирга қўллаш рацекадотрилнинг фармакокинетикасини ўзгаришига олиб келмайди.

 

Махсус кўрсатмалар

Гидрасекни қўлланилиши сув мувозанатини тикланишининг одатдаги тартибини ўзгартирмайди.

Қон ёки йиринг аралаш ич келиши ва/ёки иситма оғир касаллик борлигидан далолат беради, бу этиотроп даволаш (масалан, антибиотикларни қўллаш) ёки кейинги текширувларга асос бўлиб ҳизмат қилади. Шунинг учун рацекадотрилни бундай ҳолларда қўллаш мумкин эмас.

Ўткир бактериал диареяни қўшимча даволаш сифатида рацекадотрил антибиотиклар билан бирга қўлланиши мумкин.

Маълумотлар етарли бўлмаганлиги сабабли рацекадотрилни антибиотикларни қабул қилиш оқибатидаги диареяда ва сурункали диареяда қўллаш тавсия қилинмайди.

Буйрак ёки жигар фаолиятини бузилишлари бўлган пациентларда препаратни қўллаш ҳақидаги маълумотлар чекланган. Бундай пациентларда рацекадотрилни қўллаш эҳтиёткорликни талаб қилади.

Узоқ муддат давомида қусишда рацекадотрилни сўрилиши пасайиши мумкин.

Огоҳлантириш:

Бу дори воситаси лактоза сақлайди. Кам учрайдиган наслий лактозани ўзлаштираолмаслик муаммолари бўлган, лактоза етишмовчилиги ёки глюкоза-галактоза мальабсорбцияси бўлган пациентлар ушбу препаратни қабул қилмасликлари лозим.

Ҳомиладорлик ёки эмизиш даврида қўлланиши

Ҳомиладорлик

Рацекадотрилни ҳомиладор аёлларда қўллаш юзасидан керакли маълумотлар йўқ. Ҳайвонларда ўтказилган тадқиқотларда ҳомиладорлик, ҳомилани ривожланиши, туғруқ ва туғруқдан кейинги даврга нисбатан бевосита ёки билвосита зарарли таъсирини аниқламаган. Бироқ, тегишли клиник тадқиқотларни йўқлиги сабабли, рацекадотрилни ҳомиладорларга буюриш мумкин эмас.

Эмизиш даври

Рацекадотрилни кўкрак сутига чиқиши ҳақида маълумотлар етарли эмаслиги сабабли, эмизиш даврида препаратни қўллаш мумкин эмас.

Болалар.

Болаларга препарат орал суспензия тайёрлаш учун гранулаларда чиқарилади.

Автотранспортни бошқариш ёки бошқа механизмлар билан ишлашда реакция тезлигига таъсир қилиш хусусияти.

Рацекадотрил автомобилни бошқариш ёки механизмлар билан ишлаш қобилиятига таъсир кўрсатмаган ёки сезиларсиз таъсир кўрсатган.

Препарат болалар олаолмайдиган жойда сақлансин ва яроқлилик муддати ўтганидан сўнг ишлатилмасин.

 

Дозани ошириб юборилиши

Дозани ошириб юборилиши ҳоллари қайд қилинмаган.

Катталарда  2 г дан ортиқ бир марталик доза, яъни терапевтик дозадан 20 марта ортиқ доза ножўя самараларни ривожланишига олиб келмаган.

 

 

Чиқарилиш шакли

10 капсуладан блистерда. 1 блистердан картон қутига жойланган.

Сақлаш шароити

25оС дан юқори бўлмаган ҳароратда сақлансин.

 

Яроқлилик муддати

2 йил.

 

Дорихоналардан бериш тартиби

Рецептсиз.

 

Улашиш: