ҚЎЛЛАШ БЎЙИЧА ЙЎРИҚНОМА
ФУКОРЦИН
FUCORCINUM
Препаратнинг савдо номи : Фукорцин
Таъсир этувчи моддалар (ХПН): борат кислотаси + фенол + резорцин + ацетон+фуксин + этил спирти 96%.
Дори шакли : спиртли эритма
Таркиби:
фаол моддалар: фуксин – 4,0 г, борат кислотаси – 8 мг, фенол – 39 мг, ацетон – 49 мл, резорцин – 78 мг, этил спирти 96% – 96 мл.
ёрдамчи модда: тозаланган сув 1000 мл гача.
Таърифи: тўқ-қизил рангли, ўзига хос фенол ҳидли тиниқ суюқлик.
Фармакотерапевтик гуруҳи: Антисептик восита.
АТХ коди:D08A
Фармакологик хусусиятлари
Фукорцин антисептик (маҳаллий зарарсизлантирувчи) ва замбуруғларга қарши таъсир кўрсатади. Препарат таркибига кирувчи фенол тери ва шиллиқ қаватларни қўзғатади ва куйдиради, улар орқали енгил сўрилиб қонга ўтади ва катта дозаларда заҳарли таъсир қилиши мумкин. Замбуруғларга қарши ва микробларга карши самарага эга, терини қуритади.
Қўлланилиши
Тери қатламларининг йирингли ва замбуруғли касалликларини, теридаги юза жароҳатлар, эрозиялар, ёрилишлар ва шилинишларни даволашда қўлланади.
Қўллаш усули ва дозалари
Сиртга қўллаш учун, керакли соҳага суткада 2-4 марта суртилади. Терига ишлов берилган соҳа қуриганидан сўнг, суртма ва пасталар суртиш мумкин.
Ножўя таъсирлари
Фукорцин суртилган жойда қисқа муддатли ачишиш ва оғриқ ҳисси кузатилади, булар мустақил ўтиб кетади ва препаратни бекор қилишни талаб қилмайди.
Қўллаш мумкин бўлмаган холатлар
Препаратнинг компонентларини шахсий ўзлаштираолмасликда қўллаш мумкин эмас.
Фукорцинни ҳомиладорлик вақтида ва эмизиш даврида қўллаш мумкин эмас.
Махсус кўрсатмалар
Препарат билан ишлов берилган терининг соҳаларига, препарат қуриганидан кейин суртмалар ва пасталар қўйиш мумкин. Фенолнинг резорбтив таъсири намоён бўлишидан сақланиш учун, препаратни терининг катта юзаларига қўймаслик керак. Препарат ички кийимларни ифлослантириши мумкин.
Препарат болалар ололмайдиган жойда сақлансин ва уни яроқлилик муддати ўтганидан сўнг қўлланмасин.
Чиқарилиш шакли
Сиртга қўллаш учун эритма 10 мл, 20 мл, 25 мл дан флаконларда.
Сақлаш шароити
Ёруғликдан ҳимояланган жойда, 250С дан юқори бўлмаган ҳароратда сақлансин.
Яроқлилик муддати
2 йил
Дорихоналардан бериш тартиби
Рецептсиз
