ҚЎЛЛАШ БЎЙИЧА ЙЎРИҚНОМА
ФЕНКАРОЛ®
FENKAROL
Препаратнинг савдо номи: Фенкарол®
Таъсир этувчи модда (ХПН): хифенадин (quifenadinum)
Дори шакли: ичга қабул учун таблеткалар.
Таркиби:
Бир таблетка қуйидагиларни сақлайди:
фаол модда: 25 мг хифенадин гидрохлориди;
ёрдамчи моддалар: қанд, картошка крахмали, кальций стеарати.
Таърифи: оқ ёки деярли оқ рангли, ясси цилиндрик, фаскали таблеткалар.
Фармакотерапевтик гуруҳи: тизимли қўллаш учун антигистамин воситалар, тизимли қўллаш учун бошқа антигистамин воситалар.
АТХ коди: R06AХ31.
Фармакологик хусусиятлари
Фармакодинамикаси
Фенкарол® – антигистамин воситаси бўлиб, гистаминнинг аъзолар ва тўқималарга таъсирини камайтиради. Бу гуруҳнинг бошқа классик дори воситаларидан фарқли равишда, Фенкарол® алоҳида таъсир механизмига эга. Дори воситаси периферик тўқималарда Н1– гистамин рецепторларини блоклайди, шунингдек диаминоксидаза (гистаминаза) ферментини фаоллаштиради ва шу тариқа гистаминни тўқималардаги миқдорини камайтиради. Бошқа гистаминга қарши воситалари билан даволаш самарасиз бўлган беморлар учун Фенкарол® нинг самарадорлиги шу билан тушунтирилади. Фенкарол® паст липофилликка эга, шунинг учун гематоэнцефалик тўсиқ орқали ёмон ўтади, бош мия тўқималарида серотонинни дезаминланиш жараёнларига ва моноаминоксидаза ферментлари фаоллигига кучсиз таъсир қилади. Фенкарол® гистаминнинг токсик таъсирини пасайтиради, бронхоконстриктор таъсирини ва ичак силлиқ мушакларига спазмоген таъсирини бартараф этади ёки сусайтиради, гистаминнинг гипотензив таъсирини ва ва уни капиллярлар ўтказувчанлигига таъсирини сусайтиради. Фенкарол® ўртача серотонинга қарши ва кучсиз холинолитик фаолликка эга, адренолитик фаолликка эга эмас. Фенкарол® жуда кучли қичишишга қарши ва десенсибилизацияловчи таъсир кўрсатади.
Фармакокинетикаси
Сўрилиши
Дори воситасининг 45% меъда-ичак йўлларидан тез сўрилади ва 30 минутдан кейиноқ организмнинг тўқималарида аниқланади. Фаол модда (хифенадин гидрохлориди) нинг қон плазмасидаги максимал концентрациясига 1 соатдан кейин эришилади.
Тақсимланиши
Фаол модданинг энг юқори концентрацияси жигарда, ўпкада ва буйракда, энг паст концентрацияси – бош мия тўқималарида аниқланади. Дори воситаси паст липофилликка эга бўлиб, унинг мия тўқималаридаги миқдори паст (0,05% дан кам), бу марказий нерв тизимига сусайтирувчи таъсирини йўқлигини англатади, лекин индивидуал юқори сезувчанликда кучсиз седатив самара бўлиши мумкин.
Метаболизми
Фенкарол® жигарда метаболизмга учрайди.
Элиминацияси (чиқарилиши)
Дори воситасининг метаболитлари ва ўзгармаган қисми асосан сийдик, сафро билан ва ўпка орқали чиқарилади. Ичакдан дори воситасининг сўрилмаган қисми чиқарилади. Дори воситаси ва унинг метаболитларини асосий қисми (тахминан 44%) сийдик билан 48 соат давомида ва яна 1% кейинги 48 соат давомида чиқарилади.
Қўлланилиши
Поллиноз, ўткир ва сурункали эшакеми, аллергик ринит, аллергик конъюктивит, ангионевротик шиш, дерматозлар (экзема, нейродермит, терини қичиши ва бошқ.), дори воситаларини ёки озиқ-овқат маҳсулотларини қабул қилиш билан боғлиқ бўлган аллергик реакцияларда қўлланилади.
Қўллаш усули ва дозалари
Фенкарол® ичга овқатдан кейин дарҳол қабул қилинади.
Катталарга 25-50 мг дан кунига 2-4 марта буюрилади. Максимал суткалик доза – 200 мг.
12 ёшдан катта болаларга 25 мг дан кунига 2-3 марта буюрилади.
Даволаш курсининг давомийлиги 10-20 кунни ташкил қилади. Зарурати бўлганида курс такрорланади.
Агар препаратни қабул қилишни ўтказиб юборган бўлсангиз, дори воситасини, бу ҳақида эслаган заҳоти қабул қилинг, лекин агар кейинги қабул қилиш вақти келиб қолган бўлса, дозани ўтказиб юборинг. Ҳеч қачон икки баробар дозани қабул қилманг.
Ножўя таъсирлари
Бошқа дори воситалари каби, Фенкарол® хам, гарчи улар ҳамма пациентларда намоён бўлмаса-да, ножўя таъсирларни чақириши мумкин.
Ножўя реакцияларни ривожланиш тезлиги бўйича таснифи: жуда тез-тез (≥1/10); тез-тез (≥1/100 дан <1/10 гача); тез-тез эмас (≥1/1000 дан <1/100 гача); кам ҳолларда (≥1/10000 дан <1/1000 гача); жуда кам ҳолларда (<1/10000); намоён бўлиш тезлиги номаълум (мавжуд маълумотлар бўйича аниқлаш мумкин эмас).
Нерв тизими томонидан бузилишлар
Тез-тез эмас: бош оғриғи, уйқучанлик.
Меъда-ичак йўллари томонидан бузилишлар
Тез-тез: оғиз қуриши.
Тез-тез эмас: диспепсик ҳолатлар (кўнгил айниши, қусиш), улар одатда доза пасайтирилганида ёки препарат бекор қилинганида йўқолади.
Агар Сизда ушбу йўриқномада кўрсатилмаган қандайдир ножўя таъсирлар намоён бўлса, ёки эслатиб ўтилган ножўя таъсирлардан биронтаси айниқса кучли намоён бўлса, шифокорга мурожаат қилишингизни сўраймиз.
Қўллаш мумкин бўлмаган ҳолатлар
Дори воситасининг таъсир этувчи моддасига ёки ёрдамчи моддаларига юқори сезувчанлик.
Дори воситасини ҳомиладорлик вақтида ва эмизиш даврида қўллаш тавсия этилмайди, ҳомиладорликнинг биринчи 3 ойлигида эса – қўллаш мумкин эмас.
Дориларнинг ўзаро таъсири
Фенкарол® алкоголь ва ухлатувчи воситаларининг марказий нерв тизимига (МНТ) сусайтирувчи таъсирини кучайтирмайди. Фенкарол® кучсиз М-холиноблокловчи хусусиятларга эга, аммо меъда-ичак йўлларининг моторикацияси пасайганида секин сўриладиган дори воситаларни (масалан, билвосита таъсир қилувчи антикоагулянтлар – кумаринлар) сўрилиши кучайиши мумкин.
Махсус кўрсатмалар
Фенкарол® марказий нерв тизимига яққол сусайтирувчи таъсир кўрсатмайди, лекин алоҳида ҳолларда кучсиз седатив самара кузатилади.
Эҳтиёткорлик чоралари
Юрак-қон томир тизими, меъда-ичак йўллари, жигар ва/ёки буйракнинг оғир касалликларида эҳтиёткорлик билан қўллаш керак.
Дори воситаси қанд сақлайди
Ҳар қандай қандларни ўзлаштираолмасликда, ушбу дори воситасини қўллашдан олдин шифокор билан маслаҳатлашинг.
Ҳомиладорлик ва эмизиш даврида қўлланиши
Дори воситасини ҳомиладорликнинг биринчи 3 ойлигида қўллаш мумкин эмас. Дори воситасини ҳомиладорликнинг бутун даври давомида қабул қилиш тавсия қилинмайди, таъсир этувчи моддани она сутига киришини ўрганиш юзасидан тадқиқотлар йўқ, шунинг учун эмизиш даврида дори воситасини эмизиш даврида буюриш тавсия қилинмайди.
Транспорт воситаларини бошқариш қобилиятига таъсири
Иши тезкор жисмоний ёки руҳий реакцияларни талаб қиладиган шахсларга (транспорт ҳайдовчилари ва бошқалар) олдиндан препаратни седатив таъсир кўрсатиши мумкинлиги ёки йўқлигини (қисқа муддат буюриш йўли орқали) аниқлаш лозим. Препаратнинг седатив таъсири намоён бўладиган шахсларга транспорт воситаларини ва хавфли механизмларни бошқариш тавсия қилинмайди.
Препарат болалар ололмайдиган жойда сақлансин ва яроқлилик муддати ўтгач қўлланилмасин.
Дозани ошириб юборилиши
Дозани ошириб юборилиши шубҳа туғилганида зудлик билан шифокорни чақириш керак.
Дозани ошириб юборилиши тўғрисида хабарлар тушмаган.
Симптомлари: дори воситасининг катта дозалари шиллиқ қаватларни қуриши, бош оғриғи, қусиш, овқат ҳазм бўлишин бузилишлари.
Даволаш: симптоматик даволашни ва организмнинг ҳаётий муҳим функцияларини тутиб турувчи даволашни таъминлаш лозим. Специфик антидоти йўқ.
Чиқарилиш шакли
10 таблеткадан поливинилхлорид плёнка ва алюмин фольгали контур уяли ўрамда (блистерда).
2 контур уяли ўрам (20 таблеткадан) дан қўллаш бўйича йўриқномаси билан бирга картон қутида.
Сақлаш шароити
Қуруқ, ёруғликдан ҳимояланган жойда, 25°С дан бўлмаган ҳароратда сақлансин.
Яроқлилик муддати
5 йил.
Дорихоналардан бериш тартиби
Рецептсиз.
