Skip to main content

Доксициклин- RNP

Улашиш:
  Reading time 5 minutes

ҚЎЛЛАШ БЎЙИЧА ЙЎРИҚНОМА

ДОКСИЦИКЛИН-RNP

DOXYCYCLIN- RNP

 

Препаратнинг савдо номи: Доксициклин- RNP

Таъсир этувчи модданинг (ХПН): Doxycyclinum

Дори шакли: капсулалар.

Таркиби:

1 капсула қуйидагиларни сақлайди:

фаол модда: доксициклин гиклати (сувсиз моддага ҳисобланганда) – 100 мг;

ёрдамчи моддалар: магний стеарати, маккажўхори крахмали.

Таърифи: цилиндр шаклли, четлари думалоқ, текис ва ялтироқ юзали, қаттиқ желатин капсулалар. Капсула рақами–2.

Корпус ва қопқоқчанинг ранги–оқ ёки корпус ва қопқоқча ранги–кремсимон, ёки қопқоқча-қора, корпус-яшил.

Капсула ичидагиси: оч-сариқдан сариқ ранггача бўлган, гомоген, аччиқ таъмли, деярли ҳидсиз кукун.

Фармакотерапевтик гуруҳи: Антибиотик (тетрациклинлар гуруҳи)

6-yillik-qizil-jenshen

АТХ коди: J01AA02.

Фармакологик хусусиятлари

Фармакодинамикаси

Ичакда тўлиқ сўриладиган яримсинтетик тетрациклин ҳисобланади. Rickettsia spp (тошмали тиф), Mycoplasma pneumoniae, таносил ва чов грануломасини қўзғатувчилари чақирган инфекцияларда танлов препаратидир. Haemophilus influenzaе, Haemophilus ducrey, Yersinia pestis, Francisella tularensis, Bartonella bacilliformis, Bacteroides spp., Vibrio cholerae, Campilobacter fetus, Brucella spp., Escherichia coli, Enterobacter aerogenes, Shigella spp., Mima spp., Streptococcus spp., Streptococcus pneumonias, Staphylococcus aureus қўшиб (фақат нафас йўллари, тери ва юмшоқ тўқималарнинг касалликларида) нисбатан фаол. Доксициклин Treponema pallidum, Listeria monocytogenes, Clostridium spp., Bacillus anthracis, Fusobacterium fusiforme (Винсент ангинаси), Actinimyces spp, чақирган инфекцияларда, пенициллинларни қўллаш мумкин бўлмаган ҳолларда муқобил  препарат ҳисобланади. Амёбали дезинтерияда ёрдамчи восита сифатида қўлланилади.

Доксициклин тетрациклиндан фарқли равишда кальций, магний, темир ёки висмут тузлари, каолин ёки пектин билан фаолсизлантирилмайди.

 

Фармакокинетикаси

Препарат ичга қабул қилинганидан кейин деярли тўлиқ сўрилади. Овқат ёки сут қабул қилиш препаратнинг сўрилишига таъсир қилмайди. Икки ва уч валентлиги металлар иштирокида нофаол хелатларни ҳосил қилади. Антацидлар ва темир препаратлари билан бирга қўллашдан сақланиш тавсия қилинади. Ичга 200 мг дозада қабул қилинганида қон плазмасидаги максимал концентрацияси 2 соатдан кейин 2-3 мкг/мл ни ташкил қилади. 24 соатдан кейин ўртача концентрациялари 1,5 мкг/мл га етади. 89-91% плазма оқсиллари билан боғланади. Плазмадан яримчиқарилиш вақти бир марта қабулдан кейин 12-22 соатни ва қайта юборилганидан кейин 18-22 соатни ташкил қилади. Тақсимланиш ҳажми тана вазнига нисбатан 1,58 л/кг ни ташкил қилади. Ўпка тўқималари, бронхлар ва нафас йўлларининг секретидаги препаратининг концентрацияси 3-5 мкг/мл ни ташкил қилади; буйрак тўқимасидаги концентрацияси, хатто патологик ўзгаришлари билан баъзида плазмадагига нисбатан 2 марта кўп. Доксициклин ахамиятсиз даражада метаболизмга учрайди. Препарат аҳлат массалари билан чиқарилади. Юборилган дозанинг тахминан 40% буйрак орқали чиқарилади. Соғлом одамда ва буйрак етишмовчилиги бўлган пациентда яримчиқарилиш вақти орасида ахамиятли фарқлар йўқ.

Қўлланилиши

Риккеттсиозлар, микоплазмалар чақирган пневмонияда, ўлат, туляремия, вабо, дизентерия, амебиазлар бактериал дизентерияни даволашда биринчи танлов препарати ҳисобланади. Сифилис, гонорея, куйдиргини даволашда муқобил восита ҳисобланади. Сийдик йўлларининг инфекциялари (уретрит, пиелонефрит). ЛОР аъзоларининг инфекциялари (тонзиллитлар, фарингитлар, ўрта отитлар, синуситлар). Меъда-ичак йўлларини инфекциялари. Тери ва юмшоқ тўқималарнинг инфекциялари (фурункулез, абсцесслар, инфекцияланган яралар, целлюлит, оддий хуснбузар).

Қўллаш усули ва дозалари

Ичга, овқатдан кейин катта миқдордаги суюқлик билан қабул қилинади.

Катталарга: 100 мг дан кунига 2 марта (зарб доза) ва кейинчалик 50 мг дан кунига 2 марта (тутиб турувчи доза). Оғир ҳолларда кунига 200 мг дан даволашнинг ҳамма даври давомида.

Бирламчи ва иккиламчи сифилисда – 100 мг дан кунига 3 марта, 10 кун кетма-кет.

Гонореяда – 100 мг дан кунига 2 марта 2-4 кун ёки 300 мг бир марта.

Тошмали тифда – 100 мг ёки 200 мг бир марта.

12 ёшдан ошган тана вазни 50 кг дан катта бўлган болаларга – катталар дозаси;

тана вазни 50 кг дан кичик – биринчи куни кунига 4 мг/кг дан 2 қабулда ва кейинчалик кунига 2 мг/кг оғир инфекцияларда доза даволашнинг хамма даврида кунига 4 мг/кг, бўлиб қолади.

 

Ножўя таъсирлари

Кўнгил айниши, қусиш, абдоминал санчиқлар, оғиз бўшлиғини микозлари, ректитлар, вагинитлар, гемолитик анемия, тромбоцитопения, нейтропения, аллергик реакциялар, Candida ли суперинфекциялар.

Қўллаш мумкин бўлмаган ҳолатлар

Препаратга юқори сезувчанлик, ҳомиладорлик, эмизиш даври, 12 ёшдан кичик болалар.

Дориларнинг ўзаро таъсири

Доксициклин кумарин тури антикоагулянтларнинг ва орал диабетга қарши воситаларнинг таъсирини кучайтиради. Барбитуратлар, карбамазепин, фенитоин, рифампицин, фенформин доксициклиннинг самарадорлигини пасайтиради. Доксициклин орал контрацептивларнинг самарасини пасайтиради.

Махсус кўрсатмалар

Жигар ва буйракларни фаолиятини бузилишларида эҳтиёткорлик билан қўлланади, препарат тўпланиб қолиши мумкин.

Қизилўнгачнинг яраланишларини олдини олиш учун катта миқдордаги суюқлик билан қабул қилиш керак. Препаратни сут билан қабул қилиш керак эмас.

Кандидозларни олдини олиш учун замбуруғларга қарши препаратлар билан бирга қўлланади.

Тишларнинг шаклланиши даврида, айниқса катта дозаларда, қўлланганида уларнинг рангини қайтмас ўзгартириши мумкин.

Препарат болалар ололмайдиган жойда сақлансин ва яроқлилик муддати ўтгач ишлатилмасин.

Дозани ошириб юборилиши

Дозани ошириб юборилган ҳолда жигарнинг шикастланиши юз бериши мумкин.

 

Чиқарилиш шакли, ўрами

Капсулалар 100 мг №10 контур уяли ўрамда.

1,2 ёки 10 контур уяли ўрамлар қўллаш бўйича йўриқномаси билан бирга картон қутида.

Сақлаш шароити

Қуруқ, ёруғликдан ҳимояланган жойда, 15-25º C ҳароратда сақлансин.

Яроқлилик муддати

2 йил.

Бериш тартиби

Шифокор рецепти бўйича.

Улашиш: