Skip to main content

Бронхиколд

Улашиш:
  Reading time 5 minutes

ҚЎЛЛАШ БЎЙИЧА ЙЎРИҚНОМА

БРОНХИКОЛД

BRONНICOLD

 

Препаратнинг савдо номи: Бронхиколд

Таъсир этувчи моддалар (ХПН): парацетамол, гвайфенезин, фенилэфрин гидрохлориди.

Дори шакли: сироп.

Таркиби:

хар бир 5 мл сироп қуйидагиларни сақлайди:

фаол моддалар: парацетамол – 125 мг; гвайфенезин – 50 мг; фенилэфрин гидрохлориди – 2,5 мг;

ёрдамчи моддалар: глицерин, сорбитол, натрия бензоат, натрий сахарин, лимон кислотаси, пропиленгликол, “Sansut Yellow” (E110) бўёғи.

Таърифи: тўқ-сариқ-пушти рангдан сариқ ранггача бўлган, ўзига хос ҳидли сиропсимон суюқлик.

Фармакотерапевтик гуруҳи: Ўткир респиратор касалликларни симптомларини бартараф этиш учун восита.

АТХ коди: N02BE51

Фармакологик ҳусусиятлари

Мажмуавий препарат, таъсири уни ташкил этувчи компонентларининг фармакологик хусусиятларига боғлиқ.

6-yillik-qizil-jenshen

Парацетамол асосан марказий нерв тизимида простагландинлар синтезини тормозланиши ва кам даражада оғриқ импульсларни ҳосил бўлишини блокланиши орқали оғриқ қолдирувчи ва иситма туширувчи таъсир кўрсатади.

Периферик таъсири шунингдек простагландинлар синтезини тормозланиши ёки синтезини сусайиши ёки оғриқ рецепторларини механик ёки кимёвий рағбатлантирилишга сезгирлигига жавобгар бўлган бошқа субстанцияларнинг таъсири билан боғлиқ бўлиши мумкин.

Гвайфенезин – балғам кўчирувчи воситадир, балғамнинг сирт таранглигини ва адгезив хусусиятини камайтиради, бу уни қовушқоқлигини камайтиради ва нафас йўлларидан чиқарилишини (эвакуациясини) енгиллаштиради.

Фенилэфрин гидрохлориди – қон томирларини торайтирувчи восита, бурун битишини йўқотади (бурун шиллиқ қавати ва бурун атрофи йўлларининг қон томирларини торайтиради) ва нафасни енгиллаштиради.

 

Фармакокинетикаси

Парацетамол меъда-ичак йўлларидан тез сўрилади. 500 мг дозада ичга қабул қилинганидан кейин 10-60 минутдан сўнг максимал концентрацияга (Cmax) эришилади. Қон плазмаси оқсиллари билан боғланиши 10% дан камни ташкил килади. Жигарда метаболизмга учрайди ва ярим чиқарилиш даври (Т1/2) 1-3 соатни ташкил қилади. Сийдик билан, асосан глюкурон кислотаси ва сульфатлар билан конъюгатлари кўринишида чиқарилади.

Гвайфенезин  ичга қабул қилинганидан кейин тез сўрилади, 3-(2метокси-фенокси) сут кислотасигача оксидланиб, тез метаболизмга учрайди ва сийдик билан чиқарилади.

Фенилэфрин гидрохлориди меъда-ичак йўлларида доимий бўлмаган тезликда сўрилади, ичакда ва жигарда моноаминооксидаза (МАО) иштирокида метаболизмга учрайди. Сийдик билан сульфат конъюгатлари кўринишида чиқарилади.

Қўлланилиши

Препарат грипп ва шамоллашнинг (бош оғриғи, иситма, мушаклар ва бўғимлардаги оғриқ, бурун битиши, аксириш ва нам йўтал каби) кўринишларини симптоматик даволаш учун қўлланади.

 

Қўллаш усули ва дозалари

Препарат ичга қабул қилинади.

Катталарга (шу жумладан кексалар) ва 12 ёшдан ошган болаларга сиропни кунига 3-4 марта 20 мл дан буюрилади,

6-12 ёшли болаларга кунига 3-4 марта 10 мл дан буюрилади,

2-6 ёшли болаларга кунига 3-4 марта 5 мл дан буюрилади,

2 ёшдан кичик болаларга эса фақат шифокорнинг кўрсатмаси бўйича буюрилади.

 

Ножўя таъсирлари

Препарат тавсия қилинган дозаларда одатда яхши ўзлаштирилади. Аммо баъзида тери тошмаси, қорин соҳасида оғриқлар, диарея, артериал босимнинг ошиши, бош айланиши ва бошқа аллергик реакциялар пайдо бўлиши мумкин.

 

Қўллаш мумкин бўмаган ҳолатлар

Препаратнинг компонентларига юқори сезувчанлик, юрак ва қалқонсимон бези касалликлари, қандли диабет, сурункали алкоголизм, жигар ва буйрак фаолиятини бузилиши, МАО ингибиторларини, трициклик антидепрессантларни ва парацетамол сақлаган препаратларни бир вақтда қўллаш, ҳомиладорлик ва лактация даврида қўллаш мумкин эмас.

 

Дориларнинг ўзаро таъсири

Антацидларни қабул қилиш ёки овқат истеъмол қилиш парацетамолни сўрилишини секинлаштириши мумкин. Препаратни циметидин, фенотиазин билан бирга эҳтиёткорлик билан қўллаш ва МАО ингибиторлари ва трициклик антидепрессантлар билан бир вақтда қабул қилишдан сақланиш керак.

Махсус кўрсатмалар

Препаратни ҳомиладорлик ва лактация даврида қабул қилиш мумкин эмас.

Препарат болалар ололмайдиган жойда сақлансин ва яроқлилик муддати ўтганидан кейин ишлатилмасин.

 

Дозани ошириб юборилиш

Катталарда заҳарли таъсири препарат таркибида парацетамолни 10-15 г дан кўп қабул қилганда бўлиши мумкин:

Симптомлари (парацетамол билан боғлиқ бўлган): тери қопламаларини оқариши, иштаҳани пасайиши, кўнгил айниши, қусиш; гепатонекроз (захарланиш оқибатидаги некрознинг яққоллиги бевосита дозани ошириб юбориш даражасига боғлиқ), «жигар» трансаминазалари фаоллигини ошиши, протромбин вақтини (қабул қилишдан 12-48 соатдан кейин) узайиши, жигарни шикастланишини кенг «клиник» манзараси 1-6 кундан кейин намоён бўлади. Кам ҳолларда: жигар етишмовчилиги яшин тезлигида ривожланади ва буйрак етишмовчилиги (тубуляр некроз) билан асоратланиши мумкин.

Даволаш: доза ошириб юборилгандан кейин биринчи 6 соатда – меъдани ювиш, SH-гуруҳи донаторларини ва глутатион – метионин синтези ўтмишдошларини доза ошириб юборилганидан 8-9 соатдан кейин ва N-ацетилцистеинни 12 соатдан кейин юбориш. Қўшимча терапевтик тадбирларни ўтказиш зарурати (кейинчалик метионин, N-ацетилцистеинни вена ичига юбориш) парацетамолнинг қондаги концентрациясига, шунингдек уни қабул қилгандан кейин ўтган вақтга қараб аниқланади.

 

Чиқарилиш шакли

Сироп 50, 60, 90 ва 100 мл дан флаконларда.

 

Сақлаш шароити

Қуруқ, ёруғликдан ҳимояланган жойда, 250С дан юқори бўлмаган ҳароратда сақлансин.

Яроқлилик муддати

3 йил.

 

Дорихоналардан бериш тартиби

Рецептсиз.

Улашиш:
6 yillik Koreya qizil jenshen 365