Skip to main content

Боярышника плоды

Улашиш:
  Reading time 2 minutes

қЎллаш БЎЙИЧА йЎриқнома

БОЯРЫШНИКА ПЛОДЫ

FRUCTUS CRATAEGI

Савдо номи: Боярышника плоды

Раъногулдошлар (Rosaceae) оиласига мансуб, ёввойи ўсувчи ва маданийлаштирилган буталар ёки унча катта бўлмаган дарахтлар – турли хил дўланаларнинг (Crataegus): тўққизил дўлана (Crataegus sanguinea Pall.), текисланган дўлана (С.laevigata (Poir. DC), тиканли дўлана (С.oxyacantha sensu Pojark), Корольков дўланаси (С.Korolkovii., Henry), олтой дўланаси (С. Altaica (Lond.) Lange)), сариқ дўлана (С. Chlorocarca Lenne et C. Koch), даурия дўланаси (С. Dahurica Koehne ex Schneid.), ёлғиз уруғчали дўлана (С. Monogina Jacq.), олмония дўланаси (С.almanniensis Cin.), беш уруғчали дўлана (С.pentagyna Waldst.et Kit.), шарқий балтика дўланаси (С.orientobaltica Cin.), қайрилган косачабаргли дўлана (С. Curvisepala Lindm), курзем дўланаси (С.x curonica Cin.), даугава дўланаси (С.x dunensis Cin.) нинг тўлиқ пишиб етилган даврида йиғилган ва қуритилган мевалари.

Дори шакли: Доривор ўсимлик хом ашёси.

Таркибида: флавоноидлар, тритерпен кислотаси, холин, ацетилхолин, фитостеринларни сақлайди.

Фармакотерапевтик гуруҳи: Кардиотониклар

 

Фармакологик хусусиятлари

Дўлана мевалари юрак мушакларининг кисқаришини кучайтиради ва унинг кўзғалувчанлигини пасайтиради, юрак ва мия томирларида қон айланишини яхшилайди, миокардни юрак гликозидларининг таъсирига сезувчанлигини оширади.

Қўлланилиши

Юрак фаолиятининг функционал бузилишларини, ангионеврозларни, липилловчи аритмия ва пароксизмал тахикардияни (енгил шаклларида, антиаритмик препаратлар билан даволашга  қўшимча) даволашда қўлланилади.

Қўллаш усули ва дозаси

Ичга, дамлама кўринишида қўлланилади. Уни тайёрлаш учун 1 ош қошиқ мевани ёки меваси бўлган 5 та фильтр-пакетни сирланган идишга солинади, 200 мл (1 стакан) қайноқ сув қуйилади, қопқоғи ёпилади ва 15 минут давомида сув ҳаммомида қиздирилади, сўнг 45 минут давомида совутилади, докадан ўтказилади ва қолган ҳом-ашё сиқилади (фильтр-пакетлар олинади ва докасиз сиқилади). Олинган дамлама ҳажми қайнатилган сув билан 200 мл гача етказилади. Дамламани салқин жойда 2 сутка давомида сақлаш мумкин. Овқатдан 30 минут олдин, 1 ош қошиқдан кунига 2-3 марта қўлланади.

 

6-yillik-qizil-jenshen

Ножўя таъсирлари

Аниқланмаган.

 

Қўллаш мумкин бўлмаган ҳолатлар

Препаратга бўлган юқори сезувчанлик.

Махсус кўрсатмалар

Препаратни болалар олаолмайдиган жойда сақлаш ва уни яроқлилик муддати ўтгач ишлатмаслик лозим.

 

Чиқарилиш шакли

Қутилар ва пакетлар; қутиларга жойлаштирилган пакетларда 50 г, 100 г, 130 г, 150 г ва 200 г дан ва қутиларда №25 ёки 50 та 2 г ли фильтр-пакетлар.

 

Сақлаш шароити

Қуруқ, ёруғликдан ҳимояланган жойда, +25ºС дан юқори бўлмаган ҳароратда сақлансин.

 

Яроқлилик муддати

2 йил.

Дорихоналардан бериш тартиби

Рецептсиз.

Улашиш:
6 yillik Koreya qizil jenshen 365